•┈┈•❀🕊🍃🌸🍃🕊❀•┈┈ #شهدالر بیر گون شهدا گوردیلَر اسلام خطردَه شوقیلَه گِئدیب جبهه‌یه میدان نبردَه هامی گِئیینیب رزم لباسی بو سفردَه عزّت یارانیب قهرمان اوغلانلاریمیزدان جنگ اولدی عراق ایستَدی تا ایرانی آلسون یِئردَن‌گویَه، گویدَن یِئرَه‌اوت‌یاقماسی قالسون هیهات وطن توپراقی بیر چیمدیک آزالسون

سیلی یِئدی دشمن جوان اوغلانلاریمیزدان تا اجنبی لر اَل اَلَه وِئردی بیزی ییخسین صدام دا بزَنمیشدی گَلیب تهرانا چیخسین امر اِئدّی آقالشگراونون بوینونی سیخسین ملعونلار اولوبدی تالان اوغلانلاریمیزدان اروندی اوزیب باغلادیلار داغ داشا سنگر داغ تک دایانیب ایلَدیلَر دشمنی مُضطَر رمز اولدی اباالفضلیلَه یا ساقی کوثر تا اولدی وطن جاودان اوغلانلاریمیزدان مین اوستَه گِئدیب ترکشِ خمپاره یَه گولدی اشهد اوخویوب قان سوزولَن یاره یَه گولدی آلله دا باخوب پیکرِ صد پاره یَه گولدی به‌به بو مقامه چاتان اوغلانلاریمیزدان باش وِئردیلَر آمّا بیرینَه اَگمه دیلَر باش قان وِئردیلَر اوز آدلارینی اِیتمه دیلَر فاش بیزلردَه گِئدیدیخ شهدالَر یولون ای کاش قالما دالا قانَه باتان اوغلانلاریمیزدان یاندی آنالار قلبی گورونجا بالا داغین گاه باغرینا باسدی گاه اوپوپ قانلی دوداقین گاه اوخشادی گاه آغلادی گاه اوپدی ایاقین دویماز آنالار مهربان اوغلانلاریمیزدان درس آلدی بو یولدا شهدا کرببلادن دولدی چالیشان سینه‌لری صدق و صفادن خوف ائتمَه دیلَر معریکَه ده درد و بلادَن دشمن دوشی اولدی نشان اوغلانلاریمیزدان ایراندی بو اولکَه بیلین اشرارَه یِئیلمَز صف باغلاسا دنیا بیری ایری باخا بیلمَز والله علی پرچمی طوفانه ییخیلمَز دشمن ییخیلَر پهلوان اوغلانلاریمیزدان #اکبرامیرخانی #راوی #هفته_دفاع_مقدس #شهدا #شعرترکی کانال #شعرای_هیدج در ایتا👇 https://eitaa.com/joinchat/4128112887C04235b2b24 لطفا" به کانال شهر شعر و ادب #بپیوندید👇 @sahreseroadab