🏴شعر مقدمه برای روضه و سینه زنی وشور 🌹کربلانین پرده سی🌹 ✍️ به قلم : محمد حسین غلامی سرای گر چکیلسه عالمه کربلانین پرده سی عرشه قالخار دائماً کائناتین ناله سی بو غمه یللر بتون هایلاشار امواجینان بو یولون خطّین چکر داغلارین آلاله سی ایسته دی حق عرشده قالسین عاشورا قانی قرمزی گیدی شافاق قانه دوندی هاله سی اَسمَه سه بیر لحظه گر عالمه عطرِ حسین اوز مدارینّن چخار ثابت و سیّاره سی بولسَه لر گر گویلومی عشق ثارالله ده سسلیَر ذکر حسین ،قلبیمون هر پاره سی سائل کوی حسین ،تا اَبددور بی نیاز تاج دارِ عرش دی عشقینون آواره سی دریالاردان آخدی چوخ توپراغا گوز یاشلاری کهنه لنمز حشره جان بو اورگ لر یاره سی گرچه عشقینده اونون قلب عاشقلر اَسیر زائر شش گوشه دور چاره سیزلر چاره سی طعنه وورما ای گولوم سن "سرایی" شعرینه صیدی محکم تر توتار بیشه لر خونخواره سی 💐💐💐💐 💠پرده در مصراع اول دومعنی می دهد : پرده ی مانع و نقاب /تابلوی نقاشی #اشعار_محرم #اشعار_امام_حسین #اشعار_روضه #اشعار_محمد_حسین_غلامی_سرای #مرکز_فرهنگی_شهید_جدیری_کهنموئی 🔮🔮 🕊 مرکز فرهنگی شهید جدیری کهنموئی 🕊 @shahidjodeiri