مرحوم صافی تبریزی . بیر گوندی بو گون ملک لر آغلار زهرا باش آچوب پیغمبر آغلار . . ممکن اولا ذات ذوالجلاله فریاد و فغان و آه و ناله بی شک باتار غم و ملاله بو گونده خدای اکبر آغلار . . گوی اهلی دوتوب عزا حسینه آغلار هامی ماسوا حسینه ایللَّه بو گون نوا حسینه باطنده تمام یرلر آغلار . . بو گون پوزولوبدی رکن ایمان یتمیش ایکی جان ویروب سوسوز جان قانیله مترجم اولدی قرآن پیغمبر اولوب مکدر آغلار . . بو گونده حسین ال اوزدی جاندان گچدی نچه ماهرو جواندان گچمز آتاسی یقین او قاندان تا واردی جهان او مضطر آغلار . . بیر اوخلی سو مشکی قانلو بیرق اسلامه بو گون ویروبدی رونق ئولدوردیلر اهل حقی نا حق بو ظلمی ایشیتسه کافر آغلار . . عبّاسه بو گون حسین باخاردی باخدوقجا او گوز یاشی آخاردی قارداش قاننی یوزه یاخاردی اهل ملکوت یکسر آغلار . . یخدیلا او قوم کینه همدم صاحب علمی علمله با هم شمشاد کیمی قدی اولوب خم سرو سمن و صنوبر آغلار . . گور اکبری غرق لجّۀ خون لیلانی بو قصّه قیلدی مجنون بول ایمدیده آغلیور او محزون ذکر ایلر آدین مکرر آغلار . . آغلا گوزوم آغلا دورما سنده گور لیلنی اوغلنی گورنده سس چکدی بولوب او گل بدنده اوخ یاره سی زخم خنجر آغلار . . تا حرمله گوزلرین دوتوب قان سسلندی کمان اوخ اولدی پران قان اولدی بو حاله قلب پیکان معناده خدنگ پر پر آغلار . . گوردی سو ویرور خدنگ آچوب پر سو فکرینه دوشدی تشنه اصغر اوخلاندی سوسوز او غنچۀ تر باغ و چمن و گل تر آغلار . . بو گون سو یرینه قان ایچیلدی اصغر ولی چوخ ایچوب سچیلدی اوخ گچمدی چون بوغاز بچیلدی باشدان باشا حلق اصغر آغلار . . بیر شام بو گون او گوندوز اولدی موسایه خدا دین سوز اولدی هر یاره حسینه بیر گوز اولدی اوز حالینه قان او پیکر آغلار . . شمر ایتمدی شرم مصطفادن ال چکمدی شاه کربلادن کسدی باشینی سوسوز قفادن گه خنجر و گاه حنجر آغلار . . شمر الده گلنده قانلی خنجر دیشره توکولوب بنات حیدر یوز قویدیلا قتلگاهه یکسر قرخا کیمی قاره معجر آغلار . . بو گونده ستم گوگه دایاندی اود وردیلا خیمه گاهه یاندی بو گون حرم خدا تالاندی آل اللهه عرش داور آغلار . . بولموله بو گونده نه خبر وار بو نوحه ده «صافی» بیر اثر وار اهل دل اولان بیلر نه لر وار هر بیتنی ایلر ازبر آغلار

فرا رسیدن #عاشورای_حسینی به ساحت قدسی حضرت بقیه الله الاعظم (عج) و همه شیعیان و محبان اهلبیت علیهم السلام تسلیت و تعزیت باد. #آجرک_الله_یا_صاحب_الزمان