#نوحه #حضرت_ام_البنین

🍂یا حضرت ام البنین (ع)🍂 من امّ بنینم چالیشوب مقصده یتدوم دورت پنجه قوی تازه جوان تربیت ائتدوم زهرایه اولوب خادمه زهرا یولی گئتدوم پروانه اولوب شمع جمال حسنینه خدمت ائلدوم زینب و کلثوم و حسینه 🥀🥀🥀🥀🥀 من امّ بنینم حرم شیر خدایم من جاریه ی خانه ی امّ النّجبایم اهل وطنیمدن ولی چوخ واردی گلایم حسرت جمعه آخشامی چکور خسته روانیم اولمور بیری اللهه گوره فاتحه خوانیم 🥀🥀🥀🥀🥀 افسرده دلم قلبیده سایسیز محنیم وار داغ داشه مؤثردی او غصّیکه منیم وار اولماز گلنیم ایلده بش اون گون گلنیم وار زحمتله گلولّر بیلورم قبریمه هاردان آند اولسون اباالفضله رضایم حاجیلاردان 🥀🥀🥀🥀 زهرا او خانملار خانمی مام فداکار اوغلانلارینون قبری هم ئوز قبری اولوب خوار حجّاج گئدندن صورا گلمز بورا زوّار ای کاش علی شیعه سی هر یاندا اولیدی ای کاش بیزیم قبریمیز ایراندا اولیدی 🥀🥀🥀🥀🥀 من امّ بنینم چکیلوب قلبیمه داغلار سؤندی ائویمون زینتی نورانی چراغلار واضح دی بوسوزدشمنه دشمن چتین آغلار اما منیم آخرده ایشیم بیر یره یتدی مروان کیمی ظالم ده منه آغلادی گئتدی..... ✍مرحوم استاد حاج انور اردبیلی ره" #وفات_حضرت_ام_البنین_علیها_السلام ✨اَللّهُمَّ عَجِّل لِوَلیِّکَ الفَرَج✨

نوحه حضرت ام البنین (س) (سبک : گلمیشم فغانه یانه یانه عمه) گل آنان ویرور جان مه لقا ابوالفضل غم منی ایاقدان سالدی یا ابوالفضل غصه صبریمی آلدی یولدا گوزلریم قالدی هارداسان ابوالفضل (2 ) اللریم الیمدن آز قالیر اوزولسون گوز یاشیم عذاره غصه دن دوزولسون قوللارین فداسی تئز یتیش هرایه آز قالیب بو آغلار گوزلریم سوزولسون بیقراریوم عباس انتظاریوم عباس هارداسان ابوالفضل (2 ) شاکرم همیشه حی کردگاره مرتضی ایوینده چاتدیم افتخاره دورت اوغول آناسی جان وئریر آدامسیز ایندی یوخ باخان بو غملره دچاره دردیمی بیلن یوخدی دیلده محنتیم چوخدی هارداسان ابوالفضل (2 ) داده من غریبی یوخ سالان ابالفضل گوگلومی غریبم یوخ آلان ابالفضل تنگه گلدی سینم درد و غم الیندن قیدیمه بو حالدا یوخ قالان ابالفضل تیر محنت هجران ایتدی قلبیمی شان شان هارداسان ابوالفضل (2 ) شهرتون دوتوبدور بو فنا جهانی گورمیوب بو دنیا سن کیمون جوانی اللها اولوبسان عبد صالح اوغلوم ایتموسن اوزوندن راضی کبریانی کربلاده جان ویردون نخل دینه قان ویردون هارداسان ابوالفضل (2 ) اولسا کیمده وجدان چیخماز هیچ اوزوندن دونمیوبسن احسن اوغلوم حق سوزوندن کربلاده عالی امتحان ویریبسن قوللارین دوشنده اوخ دگیب گوزوندن گل کیمی صولان لای لای شرمسار اولان لای لای هارداسان ابوالفضل (2 ) سینووه دیولر اوخ دییب اوخ اوسته دوشموشن بلایه قانلی پرچم اوسته قوللارین دیوللر وای قلم اولوبدور یاره لی یاتوبسان نهر علقم اوسته گوزده قان اولوب اشگین توش اولوب اوخا مشگین هارداسان ابوالفضل (2 ) ** رضا محمودی عارف زنجانی @turki_nohemajma

🌴یا حضرت ام البنین (ع)🌴 من امّ بنینم چالیشوب مقصده یتدوم دورت پنجه قوی تازه جوان تربیت ائتدوم زهرایه اولوب خادمه زهرا یولی گئتدوم پروانه اولوب شمع جمال حسنینه خدمت ائلدوم زینب و کلثوم و حسینه 🌹🌹🌹🌹 من امّ بنینم حرم شیر خدایم من جاریه ی خانه ی امّ النّجبایم اهل وطنیمدن ولی چوخ واردی گلایم حسرت جمعه آخشامی چکور خسته روانیم اولمور بیری اللهه گوره فاتحه خوانیم 🌹🌹🌹🌹 افسرده دلم قلبیده سایسیز محنیم وار داغ داشه مؤثردی او غصّیکه منیم وار اولماز گلنیم ایلده بش اون گون گلنیم وار زحمتله گلولّر بیلورم قبریمه هاردان آند اولسون اباالفضله رضایم حاجیلاردان 🌹🌹🌹🌹 زهرا او خانملار خانمی مام فداکار اوغلانلارینون قبری هم ئوز قبری اولوب خوار حجّاج گئدندن صورا گلمز بورا زوّار ای کاش علی شیعه سی هر یاندا اولیدی ای کاش بیزیم قبریمیز ایراندا اولیدی 🌹🌹🌹🌹 من امّ بنینم چکیلوب قلبیمه داغلار سؤندی ائویمون زینتی نورانی چراغلار واضح دی بوسوزدشمنه دشمن چتین آغلار اما منیم آخرده ایشیم بیر یره یتدی مروان کیمی ظالم ده منه آغلادی گئتدی..... 🌹مرحوم استاد حاج انور اردبیلی ره"🌹 @turki_nohemajma

زبانحال حضرت ام البنین(س) باخاردی کرب و بلایه غم و ملالیلن دیئردی درد دلین بو زبان حالیلن دیئردی ای منه دنیاده افتخار اوغلوم هژیر بیشه هیجاده نامدار اوغلوم نفس دوشوبدی شماره یوبانما گل ئولورم اناوی درک ایلیر حال احتضار اوغلوم غمونده صبح و مسا آغلیان گوزوم یومولور بدندن ایستیری روحوم اولا کنار اوغلوم آلوب کناره منه زاری اوغلون عبدالله او آغلیوب ، من مسکینی آغلادار اوغلوم سنه چوخ اوخشوری اوغلون خصوص قامتده بالاندان عطریوی دائم آنان آلار اوغلوم دوشوبدی یادیمه زینب دیئن مصیبتلر پوزوبدی حالیمی الدن آلوب قرار اوغلوم باجونله چوخ گجه گوندوز دانیشموشوق سندن من حزینه ایدوب شرح اختباراوغلوم او بیر به بیر نلراولموش دیوب من آغلامیشام ‌عذاره گوز یاشیمی ایتمیشم نثار اوغلوم ایشیتمیشم که فراتی آلوب سو ایچمه میسن جهاد اکبرایدوب اولموسان کنار اوغلوم حسین سیز ایچمه میسین سو ،صودوم حلالون اولا غریبه ایلموسن امر شاهکار اوغلوم باجون یانیندا منی یاخچی سرفراز ایلدون اینان که سندن آناوین رضاسی وار اوغلوم اولوبدی صولدان ازل صاق قولون دیئوله قلم دونیدی کاش گوروم چرخ کجمدار اوغلوم گوزوم چیخدی دیئوله که اوخ دگوب گوزیوه نه چکدون اوندا یقین چوخ یتوب فشار اوغلوم الین که تنده یوخیدی نچه چخادون اوخی یقین که زحمته چوخ اولموسان دچار اوغلوم ‌ عمود محنتینی گیزلدور باجون مندن اورکده بو محنی ایلوراستتار اوغلوم دوشنده تپراقا آتدان نه چکموسن بولورم سالار بو غم آناوین قلبینه شرار اوغلوم باجون دیورکه آنان اولماسیدی اول دمده اولاردی گل بدنون جمله تار و مار اوغلوم دیوله سن یخلاندا قاچان قیتدی بالا آلوبدی دوریوی بیر عده نیزه دار اوغلوم نه حاله قالمیشدون حمل اولونمیوب بدنون بو غملی مطلبون آیا نه سری وار اوغلوم آنان ئولیدی نه گلدی او سرو قامتیوه ندن قازوبلا سنه خردا بیرمزار اوغلوم @turki_nohemajma

#در_فراق_پدر 🎵سبک: رقیه نازلی صورتین... ➖➖➖➖➖➖➖ اوقدری آغلادیم  گوزوم تار اولوب بابا یوزومده گوز یاشیم منه یار اولوب بابا بابا جان (٢) فراق یوخدی   طاقتیم  گتمه ای  بابا منی  بلالی دهریده   قویما  سن تنها بابا جان (۲) منیم کیمن جهاندا هئچ داغدار اولماز اورگینون     یارالری   بیشمار    اولماز بابا جان (۲) فلکدن   ایلسم   گله  یوخدی  پایانی طبیبده  ایملز   علاج    درد   هجرانی بابا جان (۲) گلنده  قبرین  اوستونه  عطریوی آلام صفالی  خاطراتیوی    یادیمه   سالام بابا جان (٢) @turki_nohemajma

‍ احوالات بسیار سوزناک حضرت ام البنین و حضرت عبدالله ابن عباس علیهم السلام ✅ ترکی نه آتماقا ئورگیم وار نه اوتماقا چارم یانان بو غمده منیم قلب داغداریمدی گورنده قانلی عَلَم گیزلین آغلارام اِئوده بلا یولوندا یتیم اوغلی هم قطاریمدی دییَم اوشاقدی هله بیلمَسین ائویم یخیلوب گوزلدی نازیدی شیریندی گوز خماریمدی اودورکی آغلامارام ائوده اولسا عبدالله تحمّل ایله مییَن روح بی قراریمدی سالاندا مشکی ئوزی چیگنی اوسته آخشاملار گِئدن الیمنن اَوَل گورّم اختیاریمدی ئورکده نوحه دیوب آغلارام سَسیم چخماز فشاره قلبی سالان گونده بو فشاریمدی ئولوبدی دورد اوغولوم آغلیانمورام راحت دلیمده گیزلی قالان درد آشکاریمدی اوقدری نوحه لریم واردی اودلی سینمده یوخومدادا گجه لر وای بالا شعاریمدی یوخومدادا ، گجه لر، آغلارام ابالفضله دلیمجه نوحه دیین روح سوگواریمدی دورار ولی سسیمه نصف شبده ، عبدالله خیال ائدر کی منیم حال احتضاریمدی دویونجان آغلامامش سسلیوب منی اویادار او رنج صبحیدی بو درد لیل تاریمدی قوجاقیمه سخلوب ایستیر دییَم لای لای بو صحنه هر گجه لر ائوده انتظاریمدی دوشر یوخی باشنا درد دل ائدر منّن دییَر باشمدا آنا دوز دئنن نه واریمدی؟ هاچاندی گورمه میشم کربلا علمدارین ئولوبدی کیمسه ، قرا جامه ی محاریمدی ندن گورنده منی آغلیور بیبیم زینب؟ اسیر غصّه ندن ایلِ نامداریمدی؟ باخاندا من آتالار اوپمیور نیه اوغلون؟ ندن بیلولّه منیم اوج انکساریمدی؟ چکیلَّر اَل باشما قونشولار نوازشلن بولار اگر چه منیم شرح اعتباریمدی بابامنان ئوزگه سینه ناز اِئتمرم هرگز منه بو درسی وِئرَن سنمیان وقاریمدی آنا هایاندادی بس با وفا ابالفضلون غمینده تنگه دوشن قلب غصه خواریمدی گوزوم دولوب دییرم شِکْوَه ائتمه عبد الله بابون همیشه منیم ، اوغلوم افتخاریمدی گدیبدی کربو بلایه ، عمون حسینیله حسینه نوکر اونون اولماقی قراریمدی دییَر ندن وطنه گلمیور عموم آنا جان؟ جوابی یوخدی دییم؟ قوزانان شراریمدی من آغلارام گجه لر ، آغلیار یتیم اوغلوم منه ،اوغول، دییَرم ، ئوز ائویم مزاریمدی آماندی سعی ائله بو کوچه لرده تک قالما اگر چه حافظ اولان حیِّ کردگاریمدی ویرالاّ طعنه سنه تک گورنده شهر اهلی نصیحتیم سنه بو پند پرده داریمدی قوجالمشام اگیلیب قامتیم الیمنن دوت یخان بالا ائویمی چرخ کج مداریمدی سالار باشین اشاقا آغلیار یتیم اوغلوم دییَر غلامون آنا روح جان نثاریمدی بو کوچه لرده منیم چوخ بلا چکوبدی باشیم اشاره لر کی دیورسن یک از هزاریمدی تحمّل ائتمه لیدی غصّه و مِحَن دردی چتیندی بایرامنان کهنه پیرهن دردی... #ورود_مدینه #حضرت_ام_البنین ✍️ حاج علیرضا امانی @turki_nohemajma

روضه حضرت علی اصغر(ع) زبانحال خانم رباب(س) صودگویلی ایستین بالالار صودامیب یاتوب یانوخ ننه بالا ایسی فشارینه سن صوداسیریسن هله من سواسیریم دلسیزلرین ایشی قالوب پروردگارینه الله اوغول ویرر ننه باشین اوجاتماقا ویردی سنی غریب ننوی تئزقوجاتماقا (بالیایالوارور،اله حیالی خانمدی، شب عاشورا گوردس سینه سین درناخلیر بالانین الرین بلگینده باغلادی، شام غریبان گئجه سی زینب گوردی هامی یاتوب ،خانم هامنی بیربیرآرام اله دی، اما گوردی بیریانان چادردان سس گلیر بالام لایلای، ئوز آدین بولموین بالام لایلای، صود دادین بولموین بالام لایلای، شب عاشورا الین بلگینده باغلیوب اما شام غریبان گئجه سی زینب دییر گوردوم یانان چادردان اله بالا وای سسی گلیر یریدیم قاباقا گوروم کیمین سسیدی بئله یانایانا آغلور) گوردی زینب آل پیغمبر قویوب یوز تپراقا بیربه بیردیندیردی اطمینان خاطر تاپماقا بیرخانم گوردی دونوب صاقدان صولا،صولدان صاقا گوئیا خلوت یرایستیر دوشلرینن صود ساغا (باشیزا گلمسین، قونشودابیرصودامر ئوله، اونون ننه سی گئجه یاتابولمز دییلر گیدین قونشودان بیرصودامرتاپون گتیرون ویرون قوجاقینه اوگئجه ربابین یامان گئجه سیدی اله یانایانا دییردی) آی بالام گهواره سین غارت ایدن شوم ودنی بی مروت سنده چوخ گوردون منه گهواره نی گیت اوقولاری دوشن عباسه تاپشوردوم سنی دیدی خانم دونن صود یوخویدی بالام واریدی اما بوگئجه صودوار بالامنان خبر یوخدی قلب اوتون ایتموری خاموش منیم آغلاماقوم غصه می یاکه آزاتمور بوئورک داغلاماقیم منه چوخ نیسگل اولوب الریوی باغلامان @turki_nohemajma

احوالات امام به علی اصغر (ع) اوپدی بوغازینن سنین اوچ شعبه پیکان اصغریم یات سینم اوسته سسلییم جان اصغریم جان اصغریم سیلم اوزوم گوز یاشیمی لایلای طرلانیم لایلای یات سینمه گوی باشیوی املیک جیرانیم لایلای اوخ دگجگین قنداغیده اسدی ایاقون تیتردی گویا گولیدون قیردیلار گولسوز بوداقون تیتردی باشون آخولدی سینووه قانلی دوداقون تیتردی سندن گوزل گول گورمدیم آخداردیم هر بیر گلشنی سنده علمداریم کیمین میداندا تک گویدون منی لایلای دییم یات قبریده اللهه تاپشیردوم سنی صبر ایسته الله دن منه ای قانه غلطان اصغریم یولاردا اوغلوم هر گئجه یوخلاردی اولدوزلار سنی اما بو آخشام خیمه ده اوخشار اوغولسوزلار سنی نعشون آپارسام خیمیه وئرمز منه قیزلار سنی بیر بوسه وئر ناز ایلمه احسان دی احسان اصغریم ای مرغ خونین شهپریم مدیوندی عاشورا سنه قول باغلی وئردون تشنه جان تنگ اولدی بو دنیا سنه جنتده باغلار یاره وی لایلای دیر زهرا سنه

ایلدن باشیم ابوالفضل یار یولداشیم ابوالفضل یانا یانا سسلرم وای قارداشیم ابوالفضل آرخام ائلیم ابوالفضل سیندی بلیم ابوالفضل آچ گوزلرین آماندی دور گور نجه دوماندی دور بیر گیدک خیامه رقیه ناگراندی آرخام ائلیم ابوالفضل سیندی بلیم ابوالفضل غمین منه چوخ اولدی واریم منیم یوخ اولدی سنی مندن آیران مشکه دین اوخ اولدی آرخام ائلیم ابوالفضل سیندی بلیم ابوالفضل گلدی سسون خیامه دل دوشدی پیچ و تابه قیزلار بیر آیری نوحه اورگتدیلر ربابه آرخام ائلیم ابوالفضل سیندی بلیم ابوالفضل بیر عده سی دیوردی قولسوز سواره لای لای بیر عده سی دیوردی وای شیر خواره لای لای آرخام ائلیم ابوالفضل سیندی بلیم ابوالفضل ای سرو باغ جنت خولاریوی کسیبلر یولدان چخان جماعت یولاریوی کسیبلر زهرانی ئولدورنلر قولاریوی کسیبلر آرخام ائلیم ابوالفضل سیندی بلیم ابوالفضل @turki_nohemajma

احوالات امام به علی اصغر (ع) اوپدی بوغازینن سنین اوچ شعبه پیکان اصغریم یات سینم اوسته سسلییم جان اصغریم جان اصغریم سیلم اوزوم گوز یاشیمی لایلای طرلانیم لایلای یات سینمه گوی باشیوی املیک جیرانیم لایلای اوخ دگجگین قنداغیده اسدی ایاقون تیتردی گویا گولیدون قیردیلار گولسوز بوداقون تیتردی باشون آخولدی سینووه قانلی دوداقون تیتردی سندن گوزل گول گورمدیم آخداردیم هر بیر گلشنی سنده علمداریم کیمین میداندا تک گویدون منی لایلای دییم یات قبریده اللهه تاپشیردوم سنی صبر ایسته الله دن منه ای قانه غلطان اصغریم یولاردا اوغلوم هر گئجه یوخلاردی اولدوزلار سنی اما بو آخشام خیمه ده اوخشار اوغولسوزلار سنی نعشون آپارسام خیمیه وئرمز منه قیزلار سنی بیر بوسه وئر ناز ایلمه احسان دی احسان اصغریم ای مرغ خونین شهپریم مدیوندی عاشورا سنه قول باغلی وئردون تشنه جان تنگ اولدی بو دنیا سنه جنتده باغلار یاره وی لایلای دیر زهرا سنه #علی_اصغر @turki_nohemajma

ای عالمین امیدگاهی ای شیعیانین تکیه گاهی قووما آقا بو بی پناهی یابن زهرا گوزومده یوخدی چون لیاقت گناهه ایلیوبدی عادت ایدنمورم سنی زیارت یابن زهرا یوزی قره غلامم سوزومده صادقم من ای فاطمه بالاسی آدیوا عاشقم من اورک گلوب نوایه/تئز گل آقا هرایه گوزلریمین ضیاسی سن سن یرین گویون صفاسی سن سن هر درد اولا دواسی سن سن یابن زهرا قوزانیر عرشه سوز آهیم بو سن بو نامه ی سیاهیم قلبیوی سیندیروب گناهیم یابن زهرا هجراوتونا بولورسن نه صبر نه دوزوم وار گَل قدمون فداسی اورکده چوخ سوزوم وار شکسته قلبیمه صفا ویر مریض عشقیوم دوا ویر <بیر سامرا> بیر کربلا ویر (بیر مدینه/بیر سوریه) یابن زهرا ای شوکتیم جاه و جلالیم واردور اورکده چوخ ملالیم قویما آخا بو اشک آلیم یابن زهرا قوتار بو انتظاری آز قلب زاریمی سیخ (بیکَس) قالوبدی شیعه گَل دشمنین ایوین ییخ

زبانحال حضرت زینب(س) تشییع جنازه مادر -(قدم قدم اورکده غم) ۱ در آهنگ (قدم قدم) قدم     قدم      اوركده      غـم      الهي آيريلوب  گئدور جوان ننم اورك    يارا        بيلك        يارا      گئـدور  مـزاره  قامتي كمان ننم جــوان ننــم        جــوان ننـم جوانليقدا عُمرودن دويان ننم زينب قربانين اولسون  ياتما مـرتضـاني    گـوزونن    آتما ديزين  قوجاخليوب  مرتضا دُور  حسينـي  بئله   آغلاتما سينمـده  غصـه  و  آه  آغلير گويلـرده حاليـوه  ماه  آغلير كلثومه واي ننم واي سسلور مجتبــا    و    يــدالله   آغلير جــوان ننــم        جــوان ننـم     جوانليقدا عُمرودن دويان ننم جديمنـن صونـرا اولـدي  بيمار سينـه سين پارچاليوب مسمار پهلوسين ثاني سينديرميشدي قـاتلـي  اولـدي  در   و  ديـوار يوزونـن ثـاني  سيلي   وئـردي درگاهيـن   ظلميلـه   يانـديردي دامــان    مرتضــادن    توتـدي قنفد وئردي قولون سينديردي جــوان ننــم        جــوان ننـم     جوانليقدا عُمرودن دويان ننم بـاشيمـه  قـاروي    باغـلارام دائمي  ياسيـوي   ساخـلارام سيلي سوزون دييَنده  حسن واي آنام  واي ديوب آغلارام مسماره دائمـي  باخالارام تير  غـم  قلبيمـه  ياخارام سن ييخيلان يئري  اوپرم يانديريب عالمي  ياخارام جــوان  ننــم       جــوان ننـم     جوانليقدا عُمرودن دويان ننم @turki_nohemajma

‍ احوالات حضرت ام البنین (س) بیرزمانیم واریدی اولموشودی،بختیم یار دییردیلر آچ پرین فخر ایله عباس کیمین اوغلون وار من گیدن وقتیده هرمجلسه هر انجمنه یرویرردی ننه لر عرشه مجلسده منه ظلم دی گوردوگی گونن هرکیمسه دالا منی دای مجلسه دعوت الین یوخدی بالا ابوالفضلین ایوینده بیر یتیم بالا واریدی آخشاملار اولاندا قاپلا ی باغلاردلار دیدیم گیدیم گزیم الله کریم دی اییییی ایکی خانم سوروشدولار بوکیمدی ایییی گوردوم بیری دییر دینمه یتیمدی اییییی ننه منیم بابام هاچان گله جک ایییییی باشیمه اول بایرامیم اوغلوم کول الندی ایییی ایوده هامی اشک ماتمله بلندی اییییی سائل آدیوی سسلدی دردیم تزلندی ایییی گونون باتان چاقی ایلردی روحنی خسته ساچین آلاردی اله سسلنردی پیوسته ایییی جفا خدنگی جبینین بولن بالام لایلای ایییی بلا چولونده خجالت چکن بالام لایلای اییییی دیردی عالمی گوزدن آتان بالام لایلای اییییی کنارنهریده عطشان یاتان بالام لایلای ایییی وجودی شمعی کیمین اوتلانان بالام لایلای اییییی سومشکی آنی کیمی اوخلانان بالام لایلای اییییی جفائیله بدنی دوغرانان بالام لایلای اییییی قیزیل قاناقارشان اشکیوه ننون قربان اییییی سویی چوله داغلان مشکیوه ننون قربان ایییی گیدردی فکره گورردی بلانی میدانی ایدردی گوزده مجسم عمودو پیکانی گورردی باشدان آخور اوغلونون یوزه قانی دییردی باشدان آخان قانیوه ننون قربان اییییی قوری یر اوسته چخان جانیوه ننون قربان اییییی اوقورخولی یولوا ئولموین ننون قربان اییییی تبر دین خولوا ئولموین ننون قربان اییییی قلم اولان قولوا ننون قربان ایییییی ایشیدمیشم بالا دایانوبسان سوزون اوسته عقابیدن یخلوبسان یره گوزون اوسته باجون دییر سورونوبسن بالایوزون اوسته جمالینون چوخ اولان محنتی بالام لایلای اییییی چخان یاران دریدن صورتی بالام لایلای اییییی اورکده کی سوزوه ئولموین ننون قربان ایییییی ورقلنن یوزوه ئولموین ننون قربان اییییی اواوخ دیین گوزوه ئولموین ننون قربان اییییی یاخجی قارداش اولا عالمده مگر قیمتی وار هرکیمون قارداشی واردور دیزینون قوتی وار بوشفاخانه علینوندی طبیب آنی باخور دکتری قولسوز ابوالفضلیدی مجانی باخور @turki_nohemajma ✨اَللّهُمَّ عَجِّل لِوَلیِّکَ الفَرَج✨💫

روضه سوزناک😭😭😭 بانوای زنده یاد حاج محمدباقرمنصوری اردبیلی🖤🖤🖤☝️ روحت شاد

وفات حضرت ام البنین جان وئریرم گورمدیم پیکریوون یاره سین باشیمه سالدوم بالا دورداوغولون قاره سین قولاریوی سالدیلار باشیوی سئندیردیلار مشکیوه اوخ ووردولار ساخلاموشام پاره سین خورداجاقبرینده یاتماگل گوز یولدا آناوی آتماگل گوزیولدایام گل اباالفضل(۲) تکرار درآخر بیتها گوزلویورم یانیمه اوغلوم حسینی گله بلکه بویانموش ئورک گورسون اونی دینجله گوزیولووا تیکموشم سون نفسیمدور بالا دورداوغلوملان حسین بلکه سفردن گله دورد اوغلومدان گلمور بیرنفر ایلوبسوز عباسیم دیده تر جان وئریرم تئزگلون سیزاولون همدم اوغول سنله حسینه بالا تنگیدی سینم اوغول اولدی اجلدن تریم آننما شبنم اوغول جان وئریرم گوزیاشی جاریدی هردم اوغول گوزلورم گل سن الده کفن سسلورم اللرده وای ئولن دورداوغولوم یاندیرور قانه باتوبلاراوغول الده ئولوبلر اولارکامه چاتوبلار اوغول من یانورام باشوزی ذبح ائدوب اهل جفا اوغلوم حسین تک منی گوزدن آتوبلار اوغول اوخلارلان دوغراندی پیکرین باش سئندی ذبح اولدی حنجرین گوزیولدایام گل اباالفضل(۲) @turki_nohemajma ✨اَللّهُمَّ عَجِّل لِوَلیِّکَ الفَرَج✨💫

باصدای دلنشین آقای مهندس حاج علیرضا داداش نژاد رئیس محترم کانون مداحان میاندوآب ☝️☝️

زبانحال حضرت ام البنین سلام ا... علیها (منم باید برم آره برم سرم بره) ⚫️⚫️⚫️⚫️⚫️⚫️⚫️ جان اوستیم اوغول/سنه دلبستیم اوغول چوخ اینجیدوب فلک/قلبی شکستیم اوغول قالموب داخی دوزوم/حسرت باخیر یولا گوزوم کرب و بلاده من/حیف اولسون اولمادیم اوزوم دورت اوغلومون غمی/آناوی سالدی غصّیه ایکاش اوغول صبا/حالیمی بیرسنه دیه عبّاس آنان ئولور/یتیر اوزون مدینیه امان امان امان /امان امان امان امان ◾️◾️◾️◾️◾️◾️◾️ اشکیله گوز دولوب/خزان گلوب گولوم سولوب دیولّه قوللارون/فرات اوسته قلم اولوب غمدن اوسانموسان/مشک اوخلاناندا یانموسان آنان ئولیدی کاش/ربابیدن اوتانموسان رقیّه دن سنی/قوشون خجالت ایلیوب قولسوز گوروب سنی/نوفل شمادت ایلیوب دَمیر عمودیله /سنه جسارت ایلیوب امان امان امان /امان امان امان امان ◾️◾️◾️◾️◾️◾️◾️ ای قامتی رشید/یخدی سنی قوم پلید ایلوبدی غیرتون/ام البنینی رو سفید ای با وفا اوغول/وار دیلده چوخ نوا اوغول شُکر اولسون،اولموسان/حسینیمه فدا اوغول عطشانیدون ولی/سو وورمادون دوداقیوه دوشنده توپراقا/زهرا گلوب سراغیوه بَند اولمییدی کاش/اوزَنگی بیر ایاقیوه امان امان امان /امان امان امان امان ◾️◾️◾️◾️◾️◾️◾️ اورک نوالیدی/باشدان باشا خیالیدی هرکیم گلوب دیور/کیچیک قبرون صفالیدی من(بیکَسم)آقا/دردیمه ایله سن دوا بوشدور الیم ولی/وار باشدا شوق کربلا کرب و بلا ددیم/قلبیمه دوشدی وَلوَله قبرون گورَم گینه /منظور دیل گَله اَله یوخ حاجتیم فقط/آرزیم بودور آقام گَله امان امان امان /امان امان امان امان ◾️◾️◾️◾️◾️◾️◾️ #ام_البنین_سلام ا... علیها التماس دعای فرج الاحقر مهدی عبادی @turki_nohemajma

وفات حضرت ام البنین (س) (سبک : میگذرد کاروان) همسر شیر خدا ، حضرت ام البنین عمرونه پایان ویرور ، رحلت ائدور دلغمین دورت اوغلون مادری ، غمدن اولور تا رها وار یئری بو محنته ، آغلیا روح الامین سینه ده بی شمار وار غمی محنتی یاندیرار عالمی **** جان دوداقیندان چیخور ، یوللارا حسرت باخور منتظر عباسینه ، اشکی عذاره آخور هر آنانون حقی وار ، اوغلون ئولنده گوره نار فراقه دیلین ، یاندورر هجران یاخور سسلنور عباسیم هارداسان گل آنون تاپشوروی حقه جان **** بذل ایلیور جانینی ، حضرت دادارینه فانی جهاندان گیدور ، فاطمه دیدارینه راز دیلین فاش ائده ، فاطمیه فاطمه سینه ده گیزلین سوزون ، عرض ائده دلدارینه وار سوزی سینه ده بیکران غصّه لر یورقونی باغری قان **** اولمادی آگه بیری ، قلبینین احساسینه گیدی قرا روز و شب ، دورت اوغولون یاسینه هر گون عزا ساخلادی ، کرب و بلا شاهینه وای بالا وای سسلیوب ، آغلادی عباسینه هر سوزی اولوبدی ابوالفضل یاحسین یاحسین عون و فضل **** تک تکینی اوخشیور ، نوحه دئیور اکبره اشک مصیبت توکور ، قاسیمیلن جعفره فاطمه نون اوغلونا ، فاطمه ماتم دوتور گوز یاشی جاری ائدور ، تشنه ئولن اصغره اصغرین حالینه آغلییر درد و غم قلبینی داغلییر **** ام الشهیدان مدام ، باشه قرا باغلیوب کرب و بلاده اولان ، حادثیه آغلیوب قانلی منادن اونا ، سو سوزینی کیم دئیوب ساقی یه لب تشنی یه ، آهیله دیل داغلیوب ساقی لب تشنه وای بالا مرقدون اولوبدی کربلا ** بایرام قیچلوئی (غملی) @turki_nohemajma