🔳 #ترکی #شب_هفتم #محرم 🌴روضه حضرت علی اصغر(ع) 🌴ابی عبدالله گلدی میدانه 🎤 #نادر_جوادی 👌بسیار دلنشین

🔳 #واحد #شب_هفتم #محرم 🌴اوغول علی آغلاما یات 🌴اوغول علی آغلاما یات 🎤 #مهدی_رسولی 👌بسیار دلنشین

#روضه_حضرت_علی_اصغر_(ع) آند اولا ئوز جانوا اینجیموری اوخ یاراسی سیل گوزون آغلاما چوخ لشکر اشرار باخور خیمیه گتماقا خجلت چکیسن گیتمه بابا بوردا دفن ایله منی سیزی تاری چکیلون گلدی بالام ویرون آغوشیمه دینجلدی بالام نیه پس آغلاموری سینمی داغلاموری گوردوم دوداقین قانی آخور چخدیم ئوزومدن آز قالدی منیم کاسه صبریم داشا قارداش آخر نه تسلادی بو ای کان کرامت اصغرده سنونکیدی که مندیدی امانت قربانلیقا بیر جوت بالامین قیمتی یوخدی ئولموشدی سوسوزدان سنه هیچ منتی یوخدی الله بولوری بو گجه من نه چکمیشدیم مین زحمتیلن بو گجه نی صبح المیشدیم صبح اولدی گجم حیف یامان گونلره قالدم آخر قوزی قربانیمی عطشان یولا سالدم کوسموسن مندن دیمیشدیم آغلاما ورما درناق سینمه می چوخ داغلاما گل گذشت ایت پوزشه یول باغلاما آغلاما آغلار گوزه قربان اوغول

🏴شهادت حضرت علی اصغر علیه السلام 🏴زبانحال حضرت رباب سلام الله علیها 🎼 به سبک تا مشکتو تو آب زدی الله منیم دیلسیز بالام میدانه گیتدی گلمدی قالدی گوزوم یولدا منیم مقصوده یتدی گلمدی یانوب قلبیم غصه و غمدن آغلارام من فراقینده باشیمه قاره باغلارام من نقدری اولسا منیم عمروم بو جهاندا غمینده اصغر سنین سینه داغلارام من علی جان علی جان 2بار چیکدی سوسوز لوق اوغلومی آخر او میدانه طرف نامردیلر اوخ ورودولار تیر غمه اولدی هدف گولوستاندا گول کیمی اوغلوم اولدی پرپر بوغازینان ورودولار بیر اوخ ئولدی اصغر خیامه گئتدی آتاسی اول شیرخواری اولوبدی خیمه سراده بیر آیری محشر علی جان علی جان 2بار لب تشنه شیر خوارمی سیراب ائدوبدی حرمله میداندا اوخلاندی بالام اولدی خیمده ولوله بوغازینان اوخ دگوب اصغر گولدی یاتدی جهانی عشق شهادتله باشدان آتدی شهید اولدی دین اسلامی ائتسین احيا باتوب قانه تشنه لب اوغلوم کامه چاتدی علی جان علی جان 2بار اوچ گون بالام گوز آچمادی اوخ دگدی گولدی گوز آچوب یاتمیشدی بیدار ائتدی اوخ قلبیمه تیر غم ساچوب فراقینده قلب زاریم اود دوتدی یاندی یانوب قلبیم کاسه ی صبریم دای جالاندی الی سین سون من گوروم الله حرمله نین غم هجری تا وارام بو دیلده قالاندی علی جان علی جان 2بار لای لای منیم دیلسیز بالام نه صوت نه سو اولدی سنه لب تشنه باتدین قانه سن اولدی چتین بو غم منه بهار عمروم خزان اولدی کربلاده یانوب قلبیم داغدار اولدوم نینواده فراقین سالدی منی چوخ درد و بلایه فدا اولدون دین و قرآنه سن مناده علی جان علی جان. 2بار منی ملر قویان بالا نه گلدی باشیوه سنین سو ایستدین سو اولمادی فراقین اولدی چوخ چتین سنه چکدیم آلتی آی زحمت من علی جان دئیردیم سن دیل آچوب منله بیر دانیشسان سنه آئتمیشدیم بو آلتی آیدا من عادت آنان اولدی غصه و غمدن ایندی نالان علی جان علی جان 2بار ملتمس دعا ✍حاج مهدی ملکی زنجانی ______

🎼سبک نوحه فوق👆👆 🎤#بانوای_حاج_علی_سیفی_افشار 👌پیشنهاد دانلود100% ________

#نوحه_سینه_ زنی #شهادت_حضرت_علی_اصغر_(ع) الهی شاهداول ئوزون من آغلیرام بالام گولور یواش یواش یومور گوزون من آغلیرام بالام گولور آتیبدی حرمله اوخون کمانی سالدی چینینه الیمده بنزدی بالام یارالی بیر گورچینه سالار ئولونجه بو یارا ربابی غم کمندینه آناسی اولدورور اوزون من آغلیرام بالام گولور چکوب آناسی آلتی آی بو نازدانه نازینی یتوردی کربلایه تا آنا ئوز امتیازینی نجه آتار قماتینی نجه اوپر بوغازینی دیسم چتیندی اوخ سوزون من آغلرام بالام گولور من اوغلومی گتیرمیشم نگاریمه فدا ایدم گرک عزیزیمون قانون گویه سپوب دعا ایدم که تا تمام عالمی بو عشقه آشنا ایدم دیم بلالره دوزون من آغلرام بالام گولور نه سو ویریبدی حرمله نه ده ترحم ایلدی چمنده باغبانیله گلی تجسم ایلدی ایشیتدی فاطمه سسین بالام تبسم ایلدی بهشته دوندریب یوزون من آغلیرام بالام گولور من آغلرام بو علته آناسنون منتظر قالوب بالام گولور بونا گوره بهشتین عطرینی آلوب حرم قوشی قاناد چالوب قولونی بوینوما سالوب گوروبدی عشقینی گوزوم من آغلرام بالام گولور آناسی تیکمدی گوزون جهاندا سیر امیدینه بالاسی گیتدی یاره لی شهید عشق دینینه ئوزی گوزونی باغلادی کفن بیچیب شهیدینه دیدی بالامنان ال اوزوم من آغلرام بالام گولور

‍ #اصغریه_شهادت شهادت حضرت علی اصغر(ع)- غفاری ای یاره لی طرلانیم لای لای گوزلیم لای لای قنداقی قیزیل قانیم لای لای گوزلیم لای لای آخدی شب عاشورا صبحه کیمی گوز یاشون ششماهه شهید اولدون هیچ اولمادی بیر یاشون آزریم بـودی جنتـده محسن اولا یولداشون تک قالمیا جیرانیم لای لای گوزلیم لای لای گویا آنوا گویدن خوش گون دیدیلر بسدی اعـلان عـزا اولـدی طوفـان بـلا اسدی املیک قوزومون پیکان نازک بوغازین کسدی سو ایچمدی عطشانیم لای لای گوزلیم لای لای بو آیریلیقین اوغلوم وسعتلی دی میدانی بیر درده دچارم من تک سنده دی درمانی سن بیل باباووین جانی اولسا اگر امکانی اول بوگئجه مهمانیم لای لای گوزلیم لای لای بیر قورخولی جریانی قیزلاردان ایشتدیم من دیلر سنه بیر پیکان میداندا ووروب دشمن گویا چوخوموش اوغلوم پهناسی بوغازوندن آغلار سنه وجدانیم لای لای گوزلیم لای لای گتدی سنی میداندان تل اوسته بابون دوردی دینموردی دانیشموردی سسیز فقط آغلوردی قلبیم کیمی اندامی بیـر یـرده دایانموردی بیردن دیدی وای جانیم لای لای گوزلیم لای لای ماتمزده بی کسلر بیر خیمه ده آغلوللار اوغلی ئولن عورتلر غمدن سینه داغلوللار گوندوز دوگولن قیزلار الان یارا باغلوللار یوخدور ولی درمانیم لای لای گوزلیم لای لای نوحه با نوای مرحوم_حاج_محمدباقرمنصوری :👇👇👇

#روضه_حضرت_علی_اکبر_ (ع) بولمورم نه حالیدی شه آغلیوب دشمن گولردی بیر خدا عالمدی بیرده زینب کبری بولردی گلمسیدیم قارداشیم اکبر باشی اوسته ئولردی گلدی اما شیشه صبر حسینی داشه چالدی عالم معناده زهرا آغلادی بو حاله یاندی (اله یانا یانا گلیردی خانم ، اله دیردی ایوای قارداشیم ایوای، ایوای قارداشیم بالاسی ایوای بویوردی زینب) اکبر یاراسینی دیمیرم باغلیاخ گیداخ ایلش یره بیر آز ایکیمیز آغلیاخ گیداخ ایلیوب طغیان دریالر کناره قاشدیلار اُمّهـات اَربَعـه سس چکـدیلـر آغلاشـدیلار نقل ایدر راوی قـویوب یئرده عبادن آشدیلار خیمه‌دن نعش اوسته هی عورتدی بی‌معجر گلور ای‌عـجب تیــر بـلا قـلـب جهـانی دَلمدی دوشمدی دوران مداریندن بیر آن دنجلمدی هـامّـی گلـدی خیمـه‌دن لیلا کنـاره گلمدی سکینه دوتدی الین فضه گیردی قولتوغونا چکه چکه خانمی گتدیلر اوغول یاننا (بیر باخدی علینین اویارالی جنازه سینه بیر باخدی گوردی دورلیبلر حرملر اله دیردی ) کتاب بختیمه خط غم و بلا چکیلیب مگر نولوب بالامون اوستونه عبا چکیلیب (عبانی چکنده) باخرام بو گل کیمی پیکره باشا باش یارادی اوغول علی نیه پس ورق ورق اولموسان؟بو نه ماجرادی اوغول علی #روضه_علی_اکبر_، ع،

‍ شهادت حضرت علی اکبر علیه السلام از زبان امام الله الله اکبریم جان اوسته دی قانلی گوزلر عهد و پیمان اوسته دی گوزلیم جام وئرور الله اکبر          یاره سی قان وئرور الله اکبر جان وئرور جانانیم ای جان صاحبی گل صولور اغلور گلستان صاحبی ال بالامین قانین ای قان صاحبی نهضتیم احقاق قران اوسته دی گوزلیم جام وئرور الله اکبر          یاره سی قان وئرور الله اکبر جان وئرور پیغمبره بنزر بالام نور عین ساقی کوثر بالام گل بالام اطهر بالام اکبر بالام قانه غلطان سیر عرفان اوسته دی گوزلیم جام وئرور الله اکبر          یاره سی قان وئرور الله اکبر لبلریندن نغمه قران گلور خنجر اوسته ن نیزه و پیکان گلور اوغلومون الله باشیندان قالور بیر بئله هنگامه ایمان اوسته دی گوزلیم جام وئرور الله اکبر          یاره سی قان وئرور الله اکبر سسلدی جدیم منی سیراب ائدوب قلبیمی دوتقون سسی بی تاب ائدوب یار اونا رضوانی فتح الباب  ائدوب مرغ روحی باغ رضوان اوسته دی گوزلیم جام وئرور الله اکبر          یاره سی قان وئرور الله اکبر اکبریم پوزدی پیامیندن منی اغلادوب اخر سلامیندن منی مست ائدوبدی قانلی جامیندن منی قابلی باشی قانلی دامان اوسته دی گوزلیم جام وئرور الله اکبر          یاره سی قان وئرور الله اکبر خوشدی جان فکرین بو گون باشدان اتاخ اکبریمله وصلت یاره چاتاخ ایستورم بیر قبریده با هم یاتاخ جلوه سی ائینه جان اوسته دی گوزلیم جام وئرور الله اکبر          یاره سی قان وئرور الله اکبر گر (کلامی) یا حسین.شهرت تاپوب سن وئروبسن ابرو . عزت تاپوب دوز قاتوبسان شعریوه قیمت تاپوب پاک ادون اون یدی دیوان اوسته دی گوزلیم جام وئرور الله اکبر          یاره سی قان وئرور الله اکبر ** #الله_الله_اکبریم_جان_اوسته_دی #جان_وئریر_پیغمبره_بنزر_بالام #کلامی #اکبریه فایل صوتی👇👇👇

✔️روضه حضرت علی اکبر(ع) گوردولر آقا یدی قدم قالاندا الله هیچ ددیه جوان داغی اورگینه ورماسون چوخ چتین دی گوردولر یدی قدم قالاندا علینین جنازه سینه آقا یرینن سورونور علی عَلَی الدنیا بعدک العفا اوغول سندن صورا کول اولسون بو دنیانین باشینا بالا باخدی گوردی دوره ده ال چالیلار دیدی اوغول بو قوشون شمادت ایدور منه باشون اوسته چوخ اوتورانمورام گولوشولر آغلیا بولمورم سونوله باشه ورانمورام باشیم اوسته دشمنیم ال چالور هله من ایاقه دورانمورام ف،ع #روضه_علی_اکبر_، ع،

نوحه حضرت علی اکبر دوشدی ترابه اکبر تئز گل اماندی زینب شبه پیمبر اوغلوم قانه بویاندی زینب آهو کیمی سالوبدی اعدا اونی کمنده باد جفا اسوبدی گلزاریمه چمنده اعضاسی پرپر اولدی یوخ ساه یری بدنده تفسیر اربا اربا بوردا عیاندی زینب بالینینه یتیشدیم سالدیم یره عبامی چکدیم بیر آه ایشیتدی گویده ملک نوامی حمل ایلییوم نجه من اخیامه بو بالامی ئولدی مکبّر اوغلوم وقت اذاندی زینب چوخ با ادب جواندی اکبر زبانزد اوغلوم ئل طایفادا سرآمد شبه محمد اوغلوم یاندی جگر آلیشدیم دوغراندی ارشد اوغلوم یوخدی دیزیمده طاقت قدیم کماندی زینب گلمور شماره زینب نعشونده کی یاراسی گورسه بو حالدا نیلر نسگل اونون آناسی قلبی سینار آنانون ئولسه جوان بالاسی سیندی منیمده قلبیم اوغلوم جواندی زینب گل باجی ویر تَسلّا اوغلی ئولن امامه یوخ طاقتیم بو نعشی حمل ایلییم خیامه ئولدوردولر بالامی اعدا چاتوبدی کامه سولدی گولوم عباده گلشن خزاندی زینب موضوع: #حضرت_علی_اکبر سبک: #دوباره_مرغ_روحم شاعر: #بهلول_حبیبی_زنجانی https://eitaa.com/turki_nohemajma

▪️نوحه حضرت علی اصغر 🎼باآهنگ : آلدی حسین قانیله بیردستماز... گل باجی گورقانه باتوب   اصغریم سوسوزونی باشدان آتوب اصغریم اللریم اوسته یاتوب دوشلوگی قانه باتوب(۲) حرمله آلدی اله تیروکمان اوچ پراوخا حلقینی ائتدی نشان باش ئوزولور بیردری اولموش قالان آغلاموری الده یاتوب اصغریم اللریم اوسته یاتوب  دوشلوگی قانه باتوب باتدی سسی اوچ گونی گریاندی بو آتدی اوخی گوردی لب عطشاندی بو ئونّوگونه هی سوزولن قاندی     بو گوزیاشونی قانه قاتوب اصغریم اللریم اوسته یاتوب   دوشلوگی قانه باتوب اوچ گونی اولموشدی بیزه قطع آب اصغر  آناسین     ائلیوب دلکباب سودیوخودی آغلادی یاندی رباب اولدوزودی الده باتوب اصغریم اللریم اوسته یاتوب  دوشلوگی قانه باتوب آخدی باشی الده قالوبدی دری اوچ پراوخی بیچدی چیچیک حنجری الده قالوب سودامرین پیکری جانینی قرآنه ساتوب اصغریم اللریم‌اوسته یاتوب  دوشلوگی قانه باتوب آل باجی چئخدی بالامون جانینی خشک اولونوب دیده ی گریانینی گویلره گوندردیم اونون قانینی مقصد معبوده چاتوب اصغریم اللریم اوسته یاتوب  دوشلوگی قانه باتوب ائتدی اوگون هاتف غیبی ندا دایه بهشتیده وئروبدور خدا باشینی پیکردن اولوبدورجدا صاحبه چوخ غم چوخادوب اصغریم اللریم اوسته یاتوب  دوشلوگی قانه باتوب ✍ باالتماس دعا:حاج عباسعلی دهقان(صاحب)ارومیه۱۴۰۲/۵/۳

🎼سبک نوحه فوق برای سه ضرب زنجیر👆👆 🎤#بانوای_حاج_علی_سیفی_افشار

روضه ترکی سیزلدا گورخماعلی حرمله یاتیبدی بالا شیکاری یوخ اولان اوخلارین آتیبدی بالا گلشن عاطفدن گل کیمین سولمییدیم کاش داغ اولیدیم داش اولیدیم ننه اولمییدیم کاش                ******* اینجیدسه سنی ناله سسیم آغلامارام گل اصغرجانی دای اللریوی باغلامارام گل آلابیلسم یارالیسینمه بیریولداسنی بله لای لای چالارام آغلادارام حرملنی              ******** #رضاابوالحسنی

✔️ حضرت علی اکبر علیه السّلام تازه گولوم ورقله نیبدی باشینه تیغ خصم انیبدی بار الاها شاهد اول سن پیکرینه نلر گلیبدی آی ادب لی بالام اکبریم اکبریم نفسیم دلبریم گلمیری ایندی نیه دیزلریم جان اکبریم _جان اکبریم واویلا باشون دوشوب بلالره واویلا عبانی سرمیشم یره جان اکبریم_ جان اکبریم —------------------ عرشه چیخوب ئورکدن آهیم قانه باتوبدی تکیه گاهیم آی علمداریم ابوالفضل دادیمه گل منیم پناهیم اکبریم ،آغلوری عمّه لر تیر غم قلب زاری دلر باشیوه سویله گلدی نلر؟ جان اکبریم_جان اکبریم آی قارداش سسیمه کیمدی سس ویره میداندا عبامی آچمیشام یره جان اکبریم_جان اکبریم —------------------ دشمنیم ایلدی عداوت قلبیمی یاردی تیر محنت ئولدوروبدولر بالامی یوخدی منیم دیزیمده طاقت پرپر اولدی گولوم ای خدا اکبریم اولدی دینه فدا ایلییور خردا قیزلار نوا جان اکبریم.جان اکبریم رقیم گوره بو جسمی نیلییر عرشیده،گوی اهلیده قرا گییر جان اکبریم _جان اکبریم —------------------- گل باجی جان ئوزون هرایه دوشدی گوزل بالام بلایه من یره عبامی سالدیم پیکرینی یغام عبایه گل باجی ،یوخ منیم یاوریم جان ویروب شبه پیغمبریم باخ ئورکده قالیب اللریم جان اکبریم_جان اکبریم گل زینب بویاندی قانه اکبریم دوغراندی جفائیلن صنوبریم جان اکبریم _جان اکبریم #حضرت_علی_اکبر ✍️ بهلول حبیبی زنجانی

🏴زبانحال حضرت سکینه در بسته شدن راه فرات سبک:ویرانه ده نازلی بالام ✍🎼مرحوم یحیوی اردبیلی سو یوللارین کسدی عدو یاندیم عمو یاندیم احسان ائله بیر جرعه سو یاندیم عمو یاندیم بیللم عموجان محضرونده حرمتیم واردیر باخ گور ایاق اوسته دایانماق طاقتیم واردیر؟ یاکی سوسوزلوقدان دانیشماق قدر‌تیم واردیر بیر جرعه سودان اوتری من، یاندیم عمو یاندیم بیربیر بو خیمگه لری گزدیم سراغ ائتدیم سو تاپمادیم ای سرو‌ریم، من هر یره گتدیم امیدیلن درگاهیوه، آخرده یوز گتدیم بابِ کر‌مدیر بو قاپی، یاندیم عمو یاندیم من قوی دولانیم باشیوه، چون شمعِ پروانه سنده طبابت ایله بو درده طبیبانه باخ بو لب عطشان قیزلارا، آواره طفلانه ایلر نجه سو جستجو، یاندیم عمو یاندیم تنگه سالیب سوزِ عطش، بسکی اوشاقلاری سینه آراسینا باسیل لار ایستی قوملاری گور ایش هارا چاتمیش حسینین خردا قیزلاری اوددان ائدیر سو آرزو، یاندیم عمو یاندیم چخمیش صدای العطش، عرشه بو مأواده دقتله باخ بو ناله و افغان و فریاده بیر قطره سو اوستونده دیر، بو غملی صحراده بو کشمکش بو های و هو، یاندیم عمو یاندیم شیرین دیلیم نازلی قیزیم، گوز یاشیوه قربان آبِ فراتی باغلارام، من خیمیه الآن صبر ائت بالام بو دیللرون ائتدی منی گریان ائتمه یانیقلی گفتگو، یاندیم عمو یاندیم ای کربلا سلطانینین غیر‌تلی سرداری آل بو قوری مشکی آپار، دولدور سودان باری سیراب قیل الله رضاسینه، سوسوزلاری ای اهل بیته آبرو، یاندیم عمو یاندیم گهوار‌ده غش ایلیبدیر، شیرخوار اصغر نه سود وار امسین نه وار نه سو ایچسین آخیب گوزلر رنگی طراو‌تد‌ن دوشوب، برگِ گوله بنز‌ر سولموش او طفلِ ماه رو، یاندیم عمو یاندیم ایسته زیار‌ت «یحیوی» انعام اشعاره عباسی اما وئر قسم، اول وقتِ دشواره عرض ایلدی عطشان سکینه، اول وفاداره سو یوللارین کسدی عدو، یاندیم عمو یاندیم ✨اَللّهُمَّ عَجِّل لِوَلیِّکَ الفَرَج✨ #محرم1402 #بسته_شدن_راه_فرات #شب_هفتم_محرم

کربلایی سعید سلطانی

زبانحال امام حسین به حضرت ابوالفضل (ع) در روز عاشورا بعد از شهادت حضرت علی اکبر علیه السلام . #سبک_یخلوب_عباسیم حاج اصغر فرشچی ( عدلی تبریزی) . سویولی باغلاندی اورکلر داغلاندی سکینم اودلاندی گوزونده اشگی . حرمت اولمور قوناقه باخ قورین دوداقه عباسیم دور ایاقه آل اله مشگی . امان ایدل ایدل ایدل امان . . . دوشوب حال مماته سور مرکبون فراته اصغر الین قماطه آناسی باغلور . حرم اهلی غملی گوزکاسه سی نملی سینه لر ما تم لی قلبینی داغلور . ای حسینه یاور سقای دلاور اول اصغره ساغر سوسوزدی آغلور . ای شمعه پروانه منّتی بوجانه سو ویر بو نالانه آل اله مشگی . امان ایدل ایدل ایدل امان . . . سولدی قیزلار دوداقی وار نچه قیز قوناقی ایلوللر سو سراقی روحومی سیخدی . من حسینون رجاسی قامتوون فداسی گور العطش صداسی گویلره چیخدی . شهید اولدی اکبر اوغلوم ملک منظر ایلوب منی مضطر ایویمی یخدی . سجاد اوغلوم بیمار یانور تبدن ناچار اولا بولمز او یار آل اله مشگی . امان ایدل ایدل ایدل امان . . . قامتلی عباسیم ای اشجع ناسیم تشنه لیقدان قاسیم بیحال اولوبدی . شیرخواره اصغر آهو کیمی ملر دانشماز دل دلر گل تک سولوبدی . بیرهنگه برابر سنسن امیر لشگر آه و وادن برادر خیمم دولوبدی . باخ نوا و آهه چاتوبدی مهر و ماهه سوگتیر خیمه گاهه آل اله مشگی . امان ایدل ایدل ایدل امان . . . بوینوا قول سالوم گیت عطریوی قوی آلوم گیت بو چولده تک قالوم گیت سقای طفلان . ای وزیر جنگیم سر پرست هنگیم غیرتلی یک رنگیم غم خوار پنهان . عَلَم اَلده علمدار نقدری اللرون وار سُویا ایله اصرار قولارا قربان . سس دوشوب خیامه دونوبدی گون شامه یتمور غم اتمامه آل اله مشگی . امان ایدل ایدل ایدل امان #سبک_یخلوب_عباسیم

زبانحال امام حسین (ع) در بالین حضرت علی اکبر (ع) #سبک_یخلوب_عباسیم حاج داود بیدق داری گوزل اوغلوم اکبر ، تراب اوسته یاتما باخور اهل کوفه ، منی آغلاتما ای اولان افلاکِ، وفا و عزّتده سحرگاه عشقه ، ستاره باتما نئجه طوفان گلسه ، گلی پرپر ایلر سنی گل تک پرپر، ائدوبدی لشگر داغیلوبسان یکسر، قیزیل قاندور پیکر الیمده یوخ چاره، بو درده اکبر کوره گوندن خنجر، ووروبدی بیر کافر دئیرسن قانیله بویانمیش گوهر باشینا دنیانون، کول اولسون سنسیز ای منای عشقینده ، بلالی اوغلوم شاهدیمدور الله، چخور جانیم گویا کنارونده الان، یارالی اوغلوم حقّی وار یعقوبین، اگر کور اولدی چون چتیندی صبر ائتمک، چتیندی هجران یوسفین عطرین تا، آلوردی کوینکدن کنار کنعاندا، ائدوردی افغان بو امیدی شاید، واریدی قلبینده گلر بیر گون یولدان، عزیزِ کنعان منیم اما یوخدور، امیدیم تا بوردان ایاق اوسته اوغلوم، گئدم تل اوسته چاغیرام عبّاسی، گلوب گورسون ایندی قالوبدور نه حاله، شَهِ دلخسته سنی گوردوم یئرده، کنارونده قاتل الینده بیر خنجر، ووروبدی زانو ائله بیلدیم ئولدوم، دیریلدیم بو چولده گئدوب طاقت الدن، چاغیردیم یاهو قوجا وقتیمده من، اوغولسوز قالدیم ای بلالی صحراده، یارالی آهو سنی گوردوم یئرده، پراکنده گل تک گوزومده تار اولدی، بو دنیا یکسر اله گلمور اعضا، بودور چاره اکبر عباده حمل اولسون، بو قانلی پیکر سنی ایلور گویدن، نظاره عرش اهلی قالوبلار حیرتده، بئله سودادن که لب عطشان عاشق، رضای دلداره یومور گوز بی پروا، گئچور دنیادن یوخدی جای حیرت، که گون باتمور اوغلوم آلور چون که نورین، بو مه سیمادن بوتون افلاک ایندی، تماشاده اکبر یئتور باشه چون که، گوزل پیمانون منه ده بو عمرین، صفاسی یوخ سن سیز کول اولسون باشینه، یالان دنیانون #سبک_یخلوب_عباسیم

نوحه جدید شهادت حضرت علی اکبر علیه السلام در سبک یخلوب عباسیم نهر فرات اوسته زبانحال امام حسین علیه السلام به حضرت علی اکبر علیه السلام ای مظهر داور➖ ای شبه پیغمبر  ➖اویان علی اکبر ➖ جوانیم ای وای بند دل حیدر ➖ماه ملک منظر➖ اویان علی اکبر➖  جوانیم ای وای یارالی اکبریم ➖اویان یاتما اوغولوم➖ منی اتما اوغولوم➖ جوانیم ای وای سنه قان آغلارام سینمی داغلارام جوانیم ای وای گوزللریم ضیاسی➖ الیمون عصاسی➖ ادیوون فداسی جوانیم ای وای جنتی هماسی➖ دردیمون دواسی➖ دو قلبیم صفاسی  ➖جوانیم ای وای دور یاتما قان ایچره➖اویان نوجوانیم ➖منیم قهرمانیم ➖جوانیم ای وای سنه لای لای چالام➖ قانینا غلطانیم ➖شهید قرانیم➖ جوانیم ای وای روح وروان اکبر➖ راحت جان اکبر➖ سنه قربان اولوم ➖ جوانیم ای وای جان جانان اکبر➖  ای مهربان اکبر➖  سنه قربان اولوم ➖جوانیم ای وای جانوی کیم الدی ➖منی درده سالدی➖ اورگیم یاندیردی ➖جوانیم ای وای سنه ستم ایتدی➖ بو دشته بلاده  ➖بئلیمی سیندیردی ➖جوانیم ای وای

زبانحال امام حسین (ع) حضرت علی اکبر ع توپراقلار اوسته اکبرین آلدی کنارینی ناگه اوجاتدی عرشه حسین آه و زارینی سَسلندی قان دولان گوزون آچ ای دلاوریم آلدی غمون بو دیزلریمون اختیارینی آیری بیر حاله قالموسان ای شبه مصطفی قان لجّه سینده غرقیدی چشم خمارینی تا دوشدی گوزلریم بالا نعش مطهره آچدوم اودور که گوزلریمون آبشارینی قالدیم نه حاله نعشیوین اوسته خدا بولور چکدیم غمونده من ایکی دنیا فشارینی باش آچمشام غمونده علی سینه داغلورام گوردوخجا قوملار اوسته غم آشکارینی گل نطقه بیر دانیش منیله اولسا ممکنون دیندیر گیلن بو دشتیده محنت دچارینی سویله گوروم نه گلدی سنه ای دلاوریم کیمسه خزان ایدوب بیله عمرون بهارینی جسمون او گول کیمین داغلوبدور ورق ورق قلبیم یانور گورنده غم جانشکارینی بیر حاله قالموسان که عبا سالموشام یره تا جمع اِیدم عبایه تن زخمدارینی نینیم که خیمه ده سنی گوزلور حرملریم عمه لرون باجون چَکوری انتظارینی لازمدی که جنازه وی اخیامه حمل اِیدم هجرون آلوبدی لیلینون اَلدن قرارینی واردور یری بو غمدن آنان غصه مرگ اولا حمل اِیلیه مزاره غم بی شمارینی یوخ سوز شهادتون اوجادوب عرشه باشینی نیسکیلرون چووردی ولی روزگارینی دشت بلاده ظلمیله دوندی دونرگه سی لیله مبدل اِیلدی غملر، نهارینی بیر جرعه سو تاپانمادی اخیامیده سنه غمدن هرایه سسلدی پروردگارینی پارچالانان دوداقلاریوا باخدی آغلادی اولدی دیریلدی گوردی گوزیله مزارینی عطشان لَبون ئولونجه خیاله سالار یانار یاددان محالیدور که چیخاردا نگارینی یاز نوحه آغلا بو غم عظماده بلبل کیمین سمایه اوجات آه و زارینی https://eitaa.com/turki_nohemajma

نوحه حضرت عباس آچ گوزلرون گلدیم اخا باشیوی اللّردن آلام اطرافیمی دشمن‌آلوب دور راضی‌اولما تک‌قالام دوشوب قولاّرون بدندن قارداش آرالی قالوب گُل جسمون بو نخلستاندا یارالی سوسوز سقّا خیمه‌ده یول گوزلور رقیّه دییور الله تشنه‌دی ربابین مارالی اباالفضل از بس که صیّاد اوخ وروب ام البنین اصلانینه عاجزدی هر حاذق طبیب بو یاره‌لر درمانینه الی سینسین آنیّوا اوچ پر اوخ ورانین گوزی چیخسین گوزلریوه قان دولدورانین یورولمازدون قهرمان قارداش هیچ زمان سن ذلیل اولسون شیرمی میداندا یورانین اباالفضل فرمانده جنگیم اویان غیرتلی سرهنگیم اویان سنسیز بو داغلی سینه‌ده واردی غم آهنگیم اویان ایاقه دور چاره قیل وحشتلی بناته باب الحوائج دوشوب زینب مشکلاته سوا خاطر تیرباران اولدون عزیزیم قان اولسون سو باخ منه باخما سن فراته اباالفضل طلعتده اوخشار آی سنه والّلهی گلمز تای سنه یوخدور یانوندا گر آنان زهرا دییر لای‌لای سنه دیدون لبیک حضرت داداره ابوالفضل عوض ویرسون حق بیله ایثاره ابوالفضل باتوب قانه‌ پرچم اسلامی اوجاتدون گییر زینب ماتمونده قاره ابوالفضل اباالفضل موضوع: #حضرت_عباس سبک: #تا_مشکتو شاعر: #کلامی_زنجانی https://eitaa.com/turki_nohemajma

شهادت حضرت ابوالفضل علیه السلام ✍حاج مهدی ملکی زنجانی سبک‌👇🙏 تا مشکتو تو آب زدی حسین قارداش هایانداسان نفس دوشوب شماره گل آلوبدی دوره می قوشون ویروبلا بس که یاره گل یولون گوزلر نوکرین مولا گل اماندی دوشوب قوللار پیکریم یکسر لاله قاندی الین گل چک باشیمه قارداش جان ویرم من یوبانسان قارداش منیم باشیم پارچالاندی حسین جان _حسین جان ویروبلا یاره باشیمه دا گورموری یولی گوزوم رقیه دن خجالتم اورکده قالدی چوخ سوزوم منیم قارداش مشگیم اوخلاندی اولدی دل قان سوسوزلاردان شرمسار اولدوم من حسینجان ایاقیندان گل ئوپوم بیرده ماه تابان دیزین اوسته باش یارالی تا من ویریم جان حسین جان _حسین جان بو چولده منده ظالمه باش ایمدیم آقا یقین دوشوبدی ایندی قولاریم اولام گرک فدای دین منه ووردی دل یاراسی بو قوم خونخوار یوخوم چاره قالموشام قارداش ایندی بی یار باتوب قانه اکبر و قاسم تک جوانلار منه یوخدی بیر نفر سنسیز یارو غمخوار حسین جان _حسین جان ئوزون یتیش هرایمه یولوی گوزلورم سنین دولوبدی گوزلریمه قان ایدوبدی دشمنیم کمین غم هجرونده حسین سینه داغلارام من سنون حالیوه بو میداندا آغلارام من یانور قلبیم اصغره قارداش خیمه لرده گلینجه سن پرچمی قارداش ساخلارام من حسین جان _حسین جان فرات اوسته یخلمشام گل ای وفالی قارداشیم بو چولده مشگیم اوخلانوب گوزومده واردی گوز یاشیم منیم ایستور باشیمی کسین قوم غدار سنی گل بیرده گوروم قارداش یار و دلدار گوزل قارداش گل گلن یوللاره فدایم علی اصغردن اوتاندیم ای شاه ابرار حسین جان _حسین جان بهار عمرومین گلی خزانه دوندی قارداشیم ویروبلا آندیما بیر اوخ دونوبدی قانه گوز یاشیم سنین قارداش حرمتین بولار ساخلامازلار غمینده قارداش سنین سینه داغلامازلار وورالار اوخ قلب زاریندن ای یارالی یاران بو چولده گلوب قارداش باغلامازلار حسین جان _حسین جان https://eitaa.com/turki_nohemajma

‍ من حسینم کیم منیم حقیمده احسان ایلسه مطمئن اولسون اونون حقینده احسان ایلرم درد الیندن دوزدی ئوز قلبیم سئنیب آئینه تک دردمندیم دامنیمدن دوتسا درمان ایلرم من حسینم کیم منه گوز یاشی توکسه برملا روحینه وئرم صفا قلبینده قالماز ابتلا نامه ی اعمالینه نقش ایلرم مهر ولا مستقیم دعوت یازیب وئرم برات کربلا کربلایه گلسه ئوز سفره مده مهمان ایلرم من حسینم معنویت وئرمیشم اجلاسیمه عطر جنت حس ائدر عاشق گلنده یاسیمه قول وئرم بو سوزه آند اولسون ئوز احساسیمه کیم سرین سو میل ائدنده آغلاسا عباسیمه آب کوثرپا یلانان ساعتده جبران ایلرم من حسینم ایلدیم دارالشفا درگاهیمی دینه خاطر باده تاپشوردوم جلال و جاهیمی عهد وپیمان اوسته اوتدوم هر یانیخلی آهیمی اصغریمدن ئوزدوم ال راضی ائدم اللاهیمی راضی اولسا اللاهیم شکر فراوان ایلرم کیم منه عرض ارادتده امیدین باغلاسا تشنه لب اطفالیمه فکر ایلسه دل داغلا سا معرفتلن ظهر عاشورامه یانسا آغلا سا طول عمرونده ئوزی ئوز احترامین ساخلاسا زندگیسینده نه مشکل اولسا آسان ایلرم من حسینم عهد یمه قویدوم وفا سرمایه سی کربلا صحرا سینه سالدیم فتحنا سایه سی نهضتیمین قانیلن مستحکم اولدی پایه سی کوینگیمده ئو زآنام یازمیشدی قرآن آیه سی اکبریم مین اولسادا قرآنه قربان ایلرم عالم امکان آرا سالدیم بلا هنگامه می قانلی افسر ایلیم پیغمبری عمامه می مقتلیمده دشمنیم غارت آپاردی جامه می نسل آینده مرور ائتسین وصیت نامه می هرزمان هیهات مله ذله عنوان ایلرم روز عاشوراده هر دردو ملالیم بیر یانا نهر علقمده اولان طوفانلی حالیم بیر یانا خیمده باشیز قالان اهل و عیالیم بیر یانا تله جان آغلار قا چان یورقون غزالیم بیر یانا ایندی ده قبریمده اول احواله افغان ایلرم یوم عاشورا منه اولدی چتین بیر مسئله خیمه لرده سالدیلار دامانیمی الدن اله باجی قارداشلیقدا هیهات عالمه زینب گله گورموشم بیر منظره زینب گلنده مقتله ایلسم تشریح اگر دنیانی گریان ایلرم اولماسیدی زینبیم کل قیامیم طردیدی عالم امکان هله قانلی غبار وگردیدی تنگنای ظلموده دشمنلریم نامردیدی اهل بیتیم تک به تک باشدان ایاقه دردیدی اهل بیتیمدن دئسم عرشی نوا خوان

🏴ظهر عاشورا (قتلگاه)🏴 ✍مرتضی اسکندری (ساعد زنجانی) اذان ظهر عاشورا ویریلدی حسین بن علی آتتدان یخیلدی او قدری یاره سی واردی دیرسن چیخوب شیرازَدن قرآن یخیلدی حسین جانم حسین ، جانم حسین جان ▪️▪️▪️▪️▪️ باخوردی تلیدن گوداله زینب بوغازیندن سنان بیر نیزه ووردی باتوبدور نیزه حلقوم حسینه کسوب بوینون دامارلارینی قیردی ایاقی چکمه لی شمر ستمگر چیخوبدور سینه ی مولاده دوردی گوتوردی باشدان عمّامه پیمبر ستون روضه ی رضوان یخیلدی حسین جانم حسین ، جانم حسین جان ▪️▪️▪️▪️▪️ یتوردی تیز اوزون گوداله زینب یاپوشدی شمر ظالم خنجریندن دیدی ظالم کسنمزسن بوغازین اوپوبدی مصطفی گول حنجریندن دایان قوی گوزلرینی باغلیام من اوپوم قانه بویانمش لبلریندن حسینون سینه سی عرش خدادی یره عرش حقِ سبحان یخیلدی حسین جانم حسین ، جانم حسین جا ▪️▪️▪️▪️▪️ دوتاندا خنجری ام المصائب گلوب روباهیلر اطرافین آلدی چکوبدور خنجری محکم او ظالم زمین و آسمانه لرزه سالدی گل خیر النسانی قان آپاردی حسینیم وای سسی عرشه اوجالدی خیامه حمله ایتدی قوم کافر حقیقت جان ویروب وجدان یخیلدی حسین جانم حسین ، جانم حسین جان ▪️▪️▪️▪️▪️ حسینی یاره لر سالموشدی دیلدن گوز آلتی زینبه ایتدی اشاره دایانما خیمه گاهی قان آپاردی توکل ایله ذات کردگاره ئوزون فورا یتور سجاده زینب اوجالدی عرش داداره شراره یوبانما دامن سجاد آلیشدی عمود خیمه ی ایمان یخیلدی حسین جانم حسین ، جانم حسین جان ▪️▪️▪️▪️▪️ امامین امرینه ایتدی اطاعت الی باشدا قیتدی خیمه گاهه گیدور اما مشوّش فکری واردی دعا ایلور او رضوان جایگاهه گهی سسلور حسین گاهی ابالفضل توسل ایلیور خورشید و ماهه ایله بیر ظلم ایدوب وحشی صفتلر کیم اولدی دینه پشتیبان یخیلدی حسین جانم حسین ، جانم حسین جان ▪️▪️▪️▪️▪️ اوزون ووردی اودا زهرای ثانی امامت بلکه قالسون جاودانه چیخارتدی خیمه دن زین العبادی چکوردی دامنندن اود زبانه او قدری آغلامشدی غیرتوندن سرشک دیده سی دونموشدی قانه دیردی شکر اولا حیّ قدیره ولایت زنده دی شیطان یخیلدی حسین جانم حسین، جانم حسین جان https://eitaa.com/turki_nohemajma