ترکی اي شمع حرمخانه قربانون اولوم عبّاس اي شمع حرمخانه قربانون اولوم عبّاس جان لار سنه پروانه قربانون اولوم عباس ايلده شب تاسوعا سسلر آدوي دنيا معناده ديَر زهرا قربانون اولوم عباس دويسه قاپيوي سائل منظوري اولار حاصل اي مونس اهل دل قربانون اولوم عباس انسان و ملك سندن ايستلر كمك سندن اَل بيزدن اتك سندن قربانون اولوم عباس اي معرفتين كاني، سَن بُل آناوين جاني بيمه ايله بو جمعي قربانون اولوم عباس اوج شرفه چاتدون، لب تشنه قانه باتدون سن كوثري آغلاتدون قربانون اولوم عباس دگدي گوزل آننوندان اوچ شعبه لي بير پيكان دوتدي گوزيوي اَلقان، قربانون اولوم عباس يانديم ديديم اي قارداش سس وير منه واي قارداش چارم ندي اي قارداش قربانون اولوم عباس ديداره حسين گلدي، قلبين غم اوخي دَلدي تاپدي سني دينجلدي قربانون اولوم عباس وار خيمه ده چوخ سوزلر قيزلار يوليوي گوزلر باخمور نيه بو گوزلر قربانون اولوم عباس احسنت بيله ايثاره، سردار وفاداره قربان كسيلن ياره، قربانون اولوم عباس گَلديم باشوين اوسته، آچ گوزلرين آهسته سن خسته حسين خسته، قربانون اولوم عباس اي كشتي بي ساحل، قانلي علمه حامل آمالون اولوب حاصل قربانون اولوم عباس كم ايلمه لطفون سَن، بيچاره كلاميدن كويونده گدايم من، قربانون اولوم عباس

🏴ظهر عاشورا (قتلگاه)🏴 ✍مرتضی اسکندری (ساعد زنجانی) اذان ظهر عاشورا ویریلدی حسین بن علی آتتدان یخیلدی او قدری یاره سی واردی دیرسن چیخوب شیرازَدن قرآن یخیلدی حسین جانم حسین ، جانم حسین جان ▪️▪️▪️▪️▪️ باخوردی تلیدن گوداله زینب بوغازیندن سنان بیر نیزه ووردی باتوبدور نیزه حلقوم حسینه کسوب بوینون دامارلارینی قیردی ایاقی چکمه لی شمر ستمگر چیخوبدور سینه ی مولاده دوردی گوتوردی باشدان عمّامه پیمبر ستون روضه ی رضوان یخیلدی حسین جانم حسین ، جانم حسین جان ▪️▪️▪️▪️▪️ یتوردی تیز اوزون گوداله زینب یاپوشدی شمر ظالم خنجریندن دیدی ظالم کسنمزسن بوغازین اوپوبدی مصطفی گول حنجریندن دایان قوی گوزلرینی باغلیام من اوپوم قانه بویانمش لبلریندن حسینون سینه سی عرش خدادی یره عرش حقِ سبحان یخیلدی حسین جانم حسین ، جانم حسین جا ▪️▪️▪️▪️▪️ دوتاندا خنجری ام المصائب گلوب روباهیلر اطرافین آلدی چکوبدور خنجری محکم او ظالم زمین و آسمانه لرزه سالدی گل خیر النسانی قان آپاردی حسینیم وای سسی عرشه اوجالدی خیامه حمله ایتدی قوم کافر حقیقت جان ویروب وجدان یخیلدی حسین جانم حسین ، جانم حسین جان ▪️▪️▪️▪️▪️ حسینی یاره لر سالموشدی دیلدن گوز آلتی زینبه ایتدی اشاره دایانما خیمه گاهی قان آپاردی توکل ایله ذات کردگاره ئوزون فورا یتور سجاده زینب اوجالدی عرش داداره شراره یوبانما دامن سجاد آلیشدی عمود خیمه ی ایمان یخیلدی حسین جانم حسین ، جانم حسین جان ▪️▪️▪️▪️▪️ امامین امرینه ایتدی اطاعت الی باشدا قیتدی خیمه گاهه گیدور اما مشوّش فکری واردی دعا ایلور او رضوان جایگاهه گهی سسلور حسین گاهی ابالفضل توسل ایلیور خورشید و ماهه ایله بیر ظلم ایدوب وحشی صفتلر کیم اولدی دینه پشتیبان یخیلدی حسین جانم حسین ، جانم حسین جان ▪️▪️▪️▪️▪️ اوزون ووردی اودا زهرای ثانی امامت بلکه قالسون جاودانه چیخارتدی خیمه دن زین العبادی چکوردی دامنندن اود زبانه او قدری آغلامشدی غیرتوندن سرشک دیده سی دونموشدی قانه دیردی شکر اولا حیّ قدیره ولایت زنده دی شیطان یخیلدی حسین جانم حسین، جانم حسین جان

#زمینه ترکی #شب_نهم_محرم۱۴۰۱ 🎤#حاج_مهدی_رسولی @majmaozakerine #کانال_متن_روضه_مجمع_الذاکرین

زبانحال حضرت اباعبدالله الحسین (ع) بر بالین برادر دور ای منی قارداشسیز قویان ابوالفضل الیم قالوبدور بئلده اویان اباالفضل عَلَمون هاردا تکسوار بو نه قاندور گوزونده وار ای آتامدان نشان ابوالفضل آیریلقدان امان ابواالفضل **** دور ای آدی دیللرده قالان ابوالفضل قرار و صبری دیلدن آلان ابوالفضل داخی سن سیز نئیم قالور منه دشمنلر اَل چالور منیم آرخام ائلیم ابوالفضل ايندي سیندی بئلیم ابوالفضل **** پناهیدون سن قارداش بو بی پناهه آنام گلوبدور گویا بو قتلگاهه آشنادن نشان گلور سندن عطر جنان گلور دور ایاقه یارالی قارداش دوشدون ائلدن آرالی قارداش **** گوروب دوداقون قارداش فرات اوتاندی سسون گلنده گویا زمان دایاندی بو منم قارداشون حسین سالمشام گور نه شور و شین من سنه آغلورام ابوالفضل سینه می داغلورام ابوالفضل **** علم یاتوبدور قارداش داغلدی مشکون سو آخدیقیجا یئرده آخوبدور اشکون عَلَمون قانیلن باتوب بیر گوزون ظلمیدن آخوب اوچ پر اوخدان امان ابوالفضل اولدی قدّیم کمان ابوالفضل **** وروبله یئر پیکانه گوزل گوزونده نوای یا زهرا وار سنون سوزونده آنامین زائری اویان ایاقون اوسته بیر دایان آپاریم بلکه تا خیامه یوز قویام روی لاله فامه **** سو ایچمدون نهر ایچره وفالی قارداش سودا اوتاندی سندن یارالی قارداش سنی بو حالدا گورمیشم قولووی یولدا گورمیشم دیلده گلدیم فغان ابوالفضل اولمشام باغری قان ابوالفضل ** مرحوم حاج داود بیدق داری (داور) https://eitaa.com/turki_nohemajma

احوالات حضرت ابوالفضل (ع) آشوب تلي حسين ميدانه ساری تاپوب قان ايچره بير قولسیز نگاری آلوب آغوشينه ايستکلي ياری بويوردی ايت بو يالقوز شاهه ياری ابوالفضليم ابوالفضليم ابوالفضل منيم ای قهرمانیم ياوريم دور اميديم جان به کف رزم آوریم دور علمداریم امير لشکريم دور اويان شير خدانون يادگاری ابوالفضليم ابوالفضليم ابوالفضل اویان آرخام ائليم ياتما بو چولده گوزوم ياشين قانا قاتما بو چولده منی گوزدن بئله آتما بو چولده اولوبدور گوز ياشيم رخساره جاری ابوالفضليم ابوالفضليم ابوالفضل سنون ميعاد عشقون کربلا دور کسیلمیش قوللارون تندن جدادور اياقدان باشه گول جسمون يارادور پوزوب حالون بو بی کس شهریاری ابوالفضليم ابوالفضليم ابوالفضل عمودِ آهنين دگميش باشوندان سینوب باشون آخورقان گوز قاشوندان ال اوزدون سن آدامسیز قارداشوندان بو ياتماقون آلوب ديلدن قراری ابوالفضليم ابوالفضليم ابوالفضل بدن ياره جبین ياره سینوب باش سنی بو حالیده گورميديم ايکاش منيلن دور گيدک خرگاهه قارداش گيدوم سن سيز نجه اخيامه ساری ابوالفضليم ابوالفضليم ابوالفضل آخوندی من کيمين دیلده نواسی مريض عشقيدور درد آشناسی عزا بزمي اولوب دارالشّفاسی نظردن سالما بو بيمار زاری ابوالفضليم ابوالفضليم ابوالفضل ** مجید آخته برچسب‌ها: مجید آخته https://eitaa.com/turki_nohemajma

تاسوعا گونی شیعه لر ماتم دوتار دنیاده تاسوعا گونی آغلیار هر قطره سو دریاده تاسوعا گونی آلتی آیلیق بیر بالا سوز عطشدن جان وئریر کربلاده اصغری سال یاده تاسوعا گونی کائناتی غم دوتوب آغلیر پیمبرلر بوگون حضرت خاتم گلیر فریاده تاسوعا گونی اوچ یاشیندا بیر قیزین واردی نقدری طاقتی گوز تیکیب گلسین عَمو امداده تاسوعا گونی آغلاشیر اهل حرم یوخ خیمه لرده ذرّه سو عالمین ذرّاتی گلمیش داده تاسوعا گونی حضرت زهرا خانم آغلیر سوسوزلار حالینا وای بالام وای سسلنیر زهراده تاسوعا گونی آغلیییر جن و ملک لر عرض ائدیرلر یاحسین خدمتینده اولموشوخ آماده تاسوعا گونی سو چالیر باشین داشا بلکه قییتسین خیمیه اود دوتوب غمدن یانیر صحراده تاسوعا گونی اوزلرین آتمیش بالیقلار ایستی قوملار اوستونه اودلانیب دیلدن یانیر دریاده تاسوعا گونی قلبی قان مولا علی آغلیر حسینین حالینه گور نئجه ماتم دوتوب مولاده تاسوعا گونی گویده قوشلار یئرده داشلار ویردی باهم سس سسه غمده غرق اولموش هامی معناده تاسوعاگونی غیرتین کانی ابوالفضله گرک قان آغلیاخ سالدی لرزه عالم ایجاده تاسوعا گونی مشکی بوش چیگنینده سقا قانه دونموش گوز یاشی سانما سقایه بو دردی ساده تاسوعا گونی یاز (( ولایی )) سنده آغلار گوزلریلن بو سوزی شیعه لر ماتم دوتار دنیاده تاسوعا گونی ** سید ناصر ولائی زنجانی برچسب‌ها: سید ناصر ولائی زنجانی + https://eitaa.com/turki_nohemajma

🔳 #ترکی #تاسوعا #محرم 🌴گلدیم گوزون آچ قافیله سالاریم ابلفضل 🌴دور قویما علم یاتدی علمداریم ابلفضل 🎤حاج #سلیم_موذن_زاده 👌بسیار دلنشین

🔳 #روضه #ترکی #تاسوعا #محرم 🌴روضه حضرت ابوالفضل العباس(ع) 🌴گلین حسینین سرداری جان وریر 🎤 #اتابک_عبداللهی 👌بسیار دلنشین

یارالی سلطانیم… ●♪♫ ور بدیلار سنی، چوخ قارداش… سوکوبدی قلبیوی؛ اوخ قارداش ●♪♫ سسیو سس، ورن یوخ قارداش ●♪♫ ای بدنی صد پاره؛ قالو بدی زینبین آواره ●♪♫ گئدبدی غارته گهواره؛ رباب اولوبدی بختی قاره ●♪♫ یارلی آقام… ای وای؛ یارلی آقام… ای وای! ●♪♫ دربدرم آی قارداش؛ گزربونیسگیلین دیللرده ●♪♫ قالوبدی کویگون اللرده؛ روقین آغلیور چوللرده ●♪♫ یارلی آقام؛ ای وای… دربدرم، آی قارداش ●♪♫ همیشه یاره باغلار زینب؛ سنه الونجن آغلار زینب… ●♪♫ غمونده سینه داغلار زینب ●♪♫ یارلی آقام؛ ای وای… دربدرم، آی قارداش ●♪♫ منه بوبیرمصیبت بسدی؛ چیخاندا سینووه شمر اسدی ●♪♫ Untitled 2 1 دانلود نوحه دربه درم آی قارداش علیرضا اسفندیاری سوسوز باشیوی، دالدان کسدی… ●♪♫ فاطمنین ریحانی ●♪♫ اولوبدی پیکرین، اوراغی ●♪♫ نه باش قالوب نده بارماقی؛ گوروم سینایدین آت دیرناغی ●♪♫ امان از دل زینب… امان از دل زینب… ●♪♫ دربدرم، آی قارداش… ●♪♫ دورایله بوسوزه بیرچاره؛ گلین گورک سالا گوشواره ●♪♫ نکی اولا غولاغی یاره، هاردادی داماد الله ●♪♫ گوره عروسی؛ گل تک سولدی ●♪♫ الیندکی حنا قان اولدی؛ گوزه صحابقن تک دولدی ●♪♫ امان از دلِ زینب… امان از دلِ زینب… ●♪♫ ───┤ ♩♬♫♪♭ ├─── علیرضا اسفندیاری دربه درم آی قارداش https://eitaa.com/turki_nohemajma

عرض ارادتی خدمت سقای کربلا (بسیار شور انگیز و حماسی) (ای قَدَر قدرت اَبالفضل) ای سوسوز سقٌا ابالفضل شأنی والا ابالفضل غیرت و صدق و وفاده ای بی همتا ابالفضل عزّت و شأنون ، والادی خوانِ احسانون ، دریادی نوکرون اولماق ، زیبادی اولمارام لایق ، آدیوا عاشق ، زهرادی جانسان عباس حامی قرآنسان عبّاس اهلِ جهان، دردینه درمانسان عبّاس ای کَرَم دریاسی عباس عشقین اَلماسی عباس واردی هانسی بیر گروهون سن تک مولاسی عباس سن علمدارِ ، لشکر سن کَشتیِ دینه، لَنگر سن شیرِ یزدانه ، دلبرسن بَسدی شأنونده ، سنده شاگردِ ، حیدرسن مَه سن عباس، سن بیزه هَمرَه سن عباس دیلده اولان غملره آگَه سن عباس معدنِ غیرت ابالفضل با صلابت ابالفضل گوردی دشمن سنده واردی نه شجاعت ابالفضل بولورم تایسیز ، اِنسان سان اسداللهِ ، دورانسان دیدی دشمنلر، سن اوزون شیرِ ، میدانسان زَر سن عباس ، شعله ی آذر سن عباس دَهریده سن حیدره بَنذَر سن عباس عالَمه مُشکل گُشاسن اَلحق کانِ سَخاسن کیم یاپیشسا دامَنوندن دردینه سن دَواسن اوره گیمده وار ، مین دردیم سنه چوخ قاصد ، گوندَردیم من اوشاقلیقدان ، آدیوی هرآن ، سَسلردیم یاریم عباس ، غم گونی غمخواریم عباس (بیکَسم) آقا گَل اول دلداریم عباس #علمدار #شور #محرم التماس دعای فرج الاحقر مهدی عبادی

مرحوم واعظی هریسی . غمونده یا حسین سنین تمام گویلر آغلادی گلوب فغان و شورشه هامی ملکلر آغلادی . کسنده باشیوی سنون او شمر شوم و بیحیا بوغازیوی کسن زمان الینده خنجر آغلادی . قویاندا یوز قوشون سنون او خیمگاهیوه طرف نچه قدم سورونموسن باخاندا لشکر آغلادی . قلجلار الده یوز قویوب گلوبله لشکر اوستیوه آلوبلا دوره وی سنون بو ظلمه یرلر آغلادی . دوشوبدی حیرته باخوب بو سوزده جمله انبیا دیوبله جان حسین سنه هامی پیمبر آغلادی . او حالدا بیر نفر سنون یتوشمیوبدی دادیوه بو حاله باخدی سس چکوب تمام صفلر آغلادی . او قدری ظلم ایدوبدولر قیامت اولدی آشکار او ظلملر عیان اولوب او عرش داور آغلادی . نه زحمتیله باشیوی بدندن آیری سالدیلار او حالته باخوب او گون یارالی پیکر آغلادی . گلوبله قتلگاهیوه گوروبله پیکرون سنون دیوبله وا محمّدا هامی حرملر آغلادی . ووروبلا اود خیامیوه آلیشدی یاندی سربسر او دم زمین کربلا باخوب سراسر آغلادی . قاچوبلا چوللره هامی او گونده آل مصطفی او وضع حاله باطناً باخاندا چوللر آغلادی . اوشاق بویوک قاچاردیلار نه وضع حالیله هامی او حاله غارته گلن باخاندا یکسر آغلادی . یتنده سنگ دل قوشون اوشاقلارا ووروبدولار الینده تازیانه لر باخوب یتیملر آغلادی . ایاقلارینا آتلارین وورولدی تازه نعلیلر چتین اولوبدی زینبه باخوب مکدّر آغلادی . یارالی نعشیلر گوروب او حالی باطناً یانوب او قطعه قطعه دوغرانان هامی بدنلر آغلادی . ابوالفضلین تلاطمه گلوب یارالی پیکری فراتین اوسته سس چکوب او ماه منظر آغلادی . بو نوحه نی یازان زمان چوخ آغلیوبدی «واعظی» غمونده یا حسین سنون تمام گویلر آغلادی . . #حسینیه_واعظی_هریسی #حسینیه_شهادت # https://eitaa.com/turki_nohemajma

#ﻋﺒﺎﺱ ‍ #روضه_باسبک روضه شب عاشورا گریز به شهادت حضرت ابوالفضل قلبیم غمیله دولسا ابوالفضله اغلارام گلر چمنده سولسا ابوالفضله اغلارام یاد ایلرم اوساعتینی دوشدی قولاری عمروم مین ایلده اولسا ابوالفضله اغلارام (آی بویون دردین گوتوروب ابوالفضل قاپسینا گلنلر والله بوعلی اوغلودی هیچ سائلی مأیوس المز کیم دخیل اولسا بو درگاهه یوخ استثناسی گل محرم ده سوروش بیر اوشاقدان بوسوزی تا سنه فاش اولا بوسریلرین معناسی خبر آل سینه وراندا کیمی سسلیرسن اوغول آلتی سینینده اوشاقون ندی گور احساسی سن دیسون قولارا قربان اودییر یاابوالفضل کیم دیوبدی اونا گور قولسوزودی مولاسی اوچ نفر منبره چخوب اولی ابا عبدالله ئوزودی دیدی علی اکبر چراغلاری خاموش اله بالا گیدنلر گیدیلر صادقلر قالدلار علی چراغلاری خاموش اله بالا گویلوم سحرین فیضینه پر شوق هوسدی گیدسه هامی گیدسین صودامر اوغلوم منه بسدی (دیدی علی اکبر چراغلاری خاموش اله اولار کی مندن اوتانولار قرنلیقدا گیدسینلر حتی علی اولارین یولارینون خرجینده آیرمشام) چراغلار سوندی عاشیقلر قالدیلار بی وفالر گیدیلر (اما ایکیمجی منبرده ده حبیب بن مظاهر حسینون اوقوجا نومری چخدی منبره دیدی بولار شهزاده دیلر، بولار آل محمد بالالاریدلار صاباحلاری گرک بیز گیدک میدان جنگه مبادا قویاخ بولار اول گیده لر جنگه) (اما اوچومونجی منبرده آقام ابوالفضل چخدی منبره جانان بنی هاشمه دانشدی دیدی بولار بیزیم قوناقمزدلار صاباح گرک بیز گیدک میدانه گوردولر علی اکبر آغلیا آغلیا دوردی ایاقا عمو والله صاباح ئوزوم گیده جاقام میدانه علی سن نیه گیدیرسن؟مگر عمون ابوالفضل ئولوب سن گیده سن؟ نوجوان داغی چتیندی قلبیلری داغلار علی سن شهید اولسان آتان آغلار علی (ایستیرم بیر یتیم نوازلیق ایلیه سن اله کی دیدی آتان آغلار گوردولر قاسم دوردی ایاقه عمو بئله باشیوا دولانام عمو منیم ددم یوخدی قوی من گیدیم میدانه بئله باسدی باغرینا) اما عاشوراگونی ابوالفضل یخلوب حسین ابوالفضلین باشین آلوب دیز اوسته اوقان دولان گوزلرین آچدی دیدی حسین دای منی بوردا قوی گیت خیمه لره حسین دای منن سنه قارداش اولماز عباس:منیم امیدیم منیم قارداشیم سن اگر شهید اولسانپرچمیم یاتار یاپشدی اوبوش مرکبین لوجامیندن گلیر خیمه لره اما نجه گلیر؟ بیر الی مرکبده بیر الین قویوب بئلینه یتیشدی خیمه لر قاباقنا گوردی رقیه سوونه سوونه گلدی بابا عموم ابوالفضلدن بیزه نخبر؟ قیزیم عموون طرفیندن باشون ساغ اولسون بالا عموی شهید ایلدیلر دیدی بابا والله اینانمرام عموم قوی بیر پهلوانیدی قیزیم ایستیرسن نه دیه سن بالا؟ بابا بئله فکر ایدیرم عموم سو ایشدی بیزلری یادان چخادی حاج بهنام ستارپور #روضه_حضرت_ابوالفضل_علیه_السلام

#سینه_زنی_باسبک ‍ حضرت ابوالفضل علیه السّلام آلدی لشکر الیمدن قراری دوشدوم تپراقلار اوسته یارالی سن بول آنان آقا داده تز گل قویما یولدا بو چشم انتظاری غمنن بو قلبی دائم بوروللر نعشیمی اعدا یرده سوروللر ای وای ابوالفضل.... بیر بدن کی اخا قولسوز اولدی بیر دردیم اوندا دیلده یوز اولدی بیر مدت کی یوز اوسته سوروندوم اوخلار باتدی سینم گوز گوز اولدی گل تخمه کینه دیلده اکوله باش کسماقیما نقشه چکوله ای وای ابوالفضل..... مین دردیله الیم چاتدی آبه سالدی لشکر منی پیچ و تابه بیر اوخ مشکه دیوب ، قطره قطره گه منه آغلوری گه ربابه گوردوم ربابی دیلدن یانوردی آنا بالادان چوخ اوتانوردی ای وای ابوالفضل...

🍂‍ روضه قتلگاه🍂 زینبم بلالیم اییییی اورکدن یارالیام اییییی یدی قارداشیم ئولوب قلبیدن عزالیم اییییی (خیمه لر یانور خانم زینب گوردی الله اوشاقلار قاچور چولره ) زینبم بیابانان لشکریمی آختارام خیمه لر یانان یرده معجریمی آختارام توسی دوتوبدی هریری والله کارخمشام من کی بئله خیال ایدورم کریلا یانور بیری دیردی گلون نهر علقمه گیدیون بیری دیردی گلون عممه کمک ایدیون قهرمان زینب اوچولده هیچ بلادن دویمادی آختاروب عریان بدن تاپدی نوادن دویمادی ئوز جاننان دویدی اما کربلادن دویمادی (بیر لحظه باخدی دیدی حسین هر نیسکیلیم اولدی هر مشکلوم اولدی دیدیم کاش ننم اولیدی اگر ننم اولسیدی بئله اولمازدی بولمورم زینب حسیینی نجور گوردی دیدی حسین یاخجی ننم اولمادی) گر جوان ئولدی ننم مقتل بلاسین گورمدی بیز باجی قارداشن هجران ماجراسین گورمدی زینبین شامین حسینون کربلاسین گورمدی یاخجی کی زهرا سینونده اوخ یاراسین گورمدی آلتی مین اوخ بیر یانا اوچ شعبه پیکان بیر یانا دیدی حسین بو اوخ ورانون الری دوشسون بیلگینن بو اوخ باجون کاش دییدی اورگینن هانسی اورگین قانی چخبدی کورگونن بانوای مرحوم حاج محمد باقر منصوری اردبیلی اَللّهُمَّ عَجِّل لِوَلیِّکَ الفَرَج

💔روضه قتلگاه💔 ✅سوزناک جانســـــوز😭😭😭😭 🎤با.نوای مرحوم فخرالذاکرین حاج محمدباقرمنصو

روضه قتلگاه حسین جنازه سی قالمشدی قانلی میداندا همان حسین که آدین عرشیده خدا آپارور باجیسی باخدی دیدی مندن اینجیمه یارالی اسیر اولوبدی باجون قوم اشقیا آپارور قیزون رقیه هله دویمیوب جنازوندن اوناز دانه نی اوچ مرد ورا ورا آپارور علاجی اولسا رباب اصغریندن آیریلماز آهسته الین سالدی یردن اوجالاندردی تا آرخاسی اوسته اول نعشی دولاندردی بیردن دیدی وای قارداش عالملری یاندردی حسین ننمین عطری گلیر قانلی قتلگاهیندن

روضه قتلگاه قتلگاهی نچه لحظه الیوم منظره باخ شمره باخ زینبه باخ سینه یارا رهبره باخ بوکشاکشده سنی تاری بیرآز دقت ایله اوچوخور یرده ایاق آتدا قالان پیکره باخ (گوردی امام حسین آقا قان دولان گوزلرین آچدی اله یانایانا دیدی باجی نیه  گلدین قتلگاهه ؟زینب مگر من دیممیشدیم خیمه لرده قالاسان ) عشقینون یارلی شه باخدی غم آیینه سینه قاتلین ناظریدی پنجه پر کینه سینه آخدی زینب الینون قانی حسین سینه سینه الری قانه باتان یرده پریشان زینب گوردی زهرا ننه سی سسلیوری جان زینب (گوردی الله اله یانایانا ننه سینین سسی گلیر اله یانایانا دیدی) قیزیم الیوه فکرالمه باغلا حسینون گوزونی قویما گوزیاشی توکه دیده خونبارینن (گوردی آقا دییر باجی قالما بوردا باجی . باجی بو نامرد ایستیر سنین یانندا باشیمی کسه .نیلدی خانم زینب؟بیر الین صاقا ویردی بیر الین صولا ویردی ، دیدی حسین دیمیرم قارداشمسان ، یوخ امامیم سن ، حسین امام نمنه امر السه گرک قولاق آساسان چشم قالمارام بوردا اما حسین بو آخرین لحظه ایستیرم بیر ایش گورم ننم ده آغلیا حسین اجازه ویر قوی یانان دوداقونان اوپوم آی قارداش ) کاش خبر دوز اولمیا باتدی قانا یانان باجی آتدی دالی دالی قدم قلبی الولانان باجی گلدی نه حالدا خیمیه الری دوغرانان باجی (خانمین الری کسیلیب ، الینین قانی آخیر ، اله الرین وروب قولتوغونا گلیر خیمه لره ، گلدی خیمه لر قاباقینه همیشه زینب قولارین آچاردی رقیه نی قوجاخلاردی اما بو دفعه خانمین الری کسیلیب اله یانایانا دیدی قیزیم گل قاباقا رقیه گل قولوی دولا عمه وون بوینونا عربده بیر رسم وار اگر بیر ایوین بویوگی ئولسه گللر اگر ایوده بالاجا قیز اوشاقی اولسا اونون حوروهلرین آچالار توکلر یوزونه زینب یانایانا دیدی رباب گل قاباقا رباب گل رقیه نین تلرین آچ بالان یتیم قالدی )

نوحه روز عاشورا الله سنه خاطر توکولور قان بوغازیمدان ایستور ئوپه بو خنجر برّان بوغازیمدان آخور قانی حسینون چخور جانی حسینون آیریلدیم الهی سنه خاطر هامی کسدن روحیم قوشی ایستور اوچا بو قانلی قفسدن دین جان تاپاجاق دوشسه علی اوغلی نفسدن نیلک دگه قوی نیزه و پیکان بوغازیمدان آخور قانی حسینون چخور جانی حسینون دوشدوم یولا میدانه گلم خیمه دن الآن زینب دئدی بیر لحظه دایان با دل سوزان آچدی یقه می گوردی بیر ایش آغلادی طفلان ئوپدی نچه یول خواهر نالان بوغازیمدان آخور قانی حسینون چخور جانی حسینون علت خبر آلدیم دئدی ای نور دو عینیم زهرا بیوروب ئولّم ادا اولماسا دینیم آئوپ حلقینی میدانه گئدن وقته حسینیم زهرا عوضیندن ئوپوب عطشان بوغازیمدان آخور قانی حسینون چخور جانی حسینون مادر عوضیندن منی گر خواهر ئوپوبدی هم فاطمه¬ی طاهره هم حیدر ئوپوبدی بو حنجر همان یئردی که پیغمبر ئوپوبدی بیر عمر چخوب نغمه¬ی قرآن بوغازیمدان آخور قانی حسینون چخور جانی حسینون قاتلده حیا اولسا بئله ظلمه تلسمز چیخماز یارالی سینه مه هم اللری اسمز خنجرده بو پیغمبر ئوپن حنجری کسمز شمرین قلجی شرم ائدر عریان بوغازیمدان آخور قانی حسینون چخور جانی حسینون موضوع: #روز_عاشورا سبک: #ما_در_دوجهان شاعر: #کلامی_زنجانی

نوحه روز عاشورا یخیلمیشام مقتله قان وئرور یارالاریم یولومی گوزلور منیم خیمه ده بالالاریم ای خدا من سنون عشقووه وفالی ام اوخ دگوب سینه مون باشینه یارالی ام گون دوشوبدی تپراقا قانلی بستریم یانور اوخ دگوبدی سینه مه داغ اکبریم یانور آند اولا عباسیمه تشنه لبلریم یانور بو غملی احوالیمه عرش داوریم یانور ای خدا راضی اُل نیلیوم خجالتم یاز منیم آدیمی عاشق شهادتم وئرمدی الدن حسین سن کیمی گوزل یاری یالوارمادیم دشمنه بیر ایچیم سودان ساری قرآنی من ساخلادیم سنده ساخلا قیزلاری خیمه لرین گلشنی وار جنانه اوخشاری اود وورار دشمنیم خیمه گاهیم اودلانار قیزلارون دامنی خیمه لر کیمین یانار موضوع: #روز_عاشورا سبک: #یخیلدی_سقا_یره شاعر: #غفاری_اردبیلی