#نوحه #امیرالمومنین ع 🎤کربلایی سعید سلطانی https://eitaa.com/turki_nohemajma

🙏🏼مناجات 🎼سبک ：چوگیسوی تومن ... الهی گلمیشم شرمنده درگاه عطایه یوزوم قاره الیم بوش باخ نوالی بینوایه خطا مندن الهی عطاسندن الهی علاجسیز دردمندم دواسندن الهی نظر قیل منه دخیلم سنه قسم ال عبایه الهی دفتر اعمالیمون تعریفی یوخدی باخا کیم دفتره سویلربونون عصیانی چوخدی الیمده چاره یوخ نیلوم گناهیم قلبه اوخدی بو اوخلی قلبه درمان ایتمگه گلدیم دوایه خطامندن الهی ... الهی واقفم بیراهه یوللار گئتميشم من سراپا عمرومی کج یوللارا صرف ائيتمیشم من الیمدن دوت الهی نفس الینده ائيتمیشم من بو نفسین چون الیندن گلمیشم اه ونوایه خطا مندن الهی... گنهکارم اگر، ایندی پشیمانم الهی سینیق قلبیله گلدیم چوخ پریشانم الهی جوان عمروم گئچوب غفلتده نالانم الهی نئدیم غفلتده عمروم گئتدی چون باد فنایه خطا مندن الهی... منی عفو ایله یارب شاه عاشورایه خاطر چوخور یرده عزیز حضرت زهرایه خاطر الیمدن دوت ئوزون السیز قالان اعضایه خاطر باغیشلا بنده وی الله شهید کربلایه خطا مندن الهی... قسم ویرّم الهی یوم عاشور بلاده حسینون قالدی قانلی نعشی میداندا اراده قالوب اوچ گونلریله نعشی دشت کربلاده داش التندا تاپوب زینب،چیخوب اهی سمایه دیدی ایوای حسینیم منه ویر های حسینیم یاتوبسان یات یارالی دیوم لای لای حسینیم سوسوز قارداشیم بلالی باشیم یارالی جسمه قربان سوزوم یوخ امتحان ویردون حسین چیخدون محکدن ولی زینب ایدر شکوه ئولونجک بو فلکدن نئجه اوخدی بو اوخ قلبه دگوب چیخموش کورکدن قوشون گور نیلیوب دلبند پاک مصطفایه یارالی جان یارالی اولوب زینب عزالی سنه وابسته زینب نئجه دوشسون ارالی ئورک اولدی قان یارالی اویان لب عطشان یابن الزهرا الهی"متقی"بحر گناهه غوطه وردی الینده خیر عمل یوخ بوسببدن دربدردی ئوزون رحم ائت سنی زهرا دعاسی بی ثمردی جواندی دوت الیندن گر گئدوب راه خطایه خطا مندن الهی... ✍متقی تبریزی #مناجات_باخدا #ماه_مبارک_رمضان ✨اَللّهُمَّ عَجِّل لِوَلیِّکَ الفَرَج✨

#مناجات #امام_زمان 🎤کربلایی سعید سلطانی https://eitaa.com/turki_nohemajma

‍ ضربت خوردن حضرت علی ( ع ) ᐸᐸ نــوحــه_ جـوشـی >> گـــواه اوُل الله سنون ائونده بولوندی باشیم سینان قمر تک شکسته باشیم قلـــج یئریندن تــرابه قانیم آخـــور گُهر تک 💧💧💧💧 بو قانلی تربت بو سجده گاهیم بو قانلی صورت بو من الهی بو امر معبود بو عهد معهود بو امتحانون بو سن الهی تمام سرّ ضمیریم اولدی حضور پاکه عَلَن الهی دوشوبله خیبر گشا ایکی ال کناره ایندی شکسه پر تک 💧💧💧💧 اولار کی گوزلردیلر علینی گئجه زمانی دوشوبله درده نه فرش و بستر نه ده غذا وار باتوبلا گرد و غباره یئرده گئدور بو جسمیم فنا جهاندان قالوبدی روحیم خرابه لرده قضاده گویا نظاره گردور بو اهل درد و غمه قَدَر تک 💧💧💧💧 نه بیر نفردن واریمدی حاجت نه انتظار عیادتیم وار نه تیغِ دستیم نه تاب قلبیم نه عرض ذکر و بلاغتیم وار علینی عفو ائت قصوریم اولسا الهی سندن خجالتیم وار آخور سرشکیم جمالِ زرده گئجه زمانی آخان قمر تک 💧💧💧💧 رضا سن اولسون هامی بلایه رهِ وفــــاده رضایم الله علیدن ئوزمه عطا و لطفون قاپوندا بیکس گدایم الله باشیم بولوندی سنون یولوندا قبوله یتسه فـــدایم الله جهاندا اولماز منیم نصیبیم بو بیر مبارک گوزل سحر تک 💧💧💧💧 بو صبح صادق منی قوتاردی ملال و رنج زماندان الله شماتت اهلی یتیشدی کامه قوتاردی جانیم جهاندان الله بو دلشکسته بو زار و خسته قوتاردی زخم زباندان الله غم فقیران چکوردی ناره یانان وجودی شرار در تک شعر برداشت از : کتاب دیوان چهارده معصوم (ع) هادی ج ۵ استاد غلامرضا هادی اردبیلی #نوحه_ضربت_خوردن_علی_ع کربلایی سعید سلطانی ┄┅═✧❁۞══۞❁✧═┅┄

#نوحه #امیرالمومنین ع 🎤کربلایی سعید سلطانی https://eitaa.com/turki_nohemajma

#روضه_حضرت_علی_ع از روضه های جاوید بسم الله الرحمن الرحیم ، یا رحمان یا رحیم السلام علیک یا ابالحسن ، السلام علیک یا امیرالمؤمنین روح مولا از بدن پَر می زند زینب مظلومه بر سر می زند شیعیان اشک از بصر جاری کنید بر علی امشب عزاداری کنید زینب مظلومه را یاری کنید بر علی امشب عزاداری کنید 😭 اولسون سلام مولا امیرالمؤمنینه اولسون سلام او محراب عباتده قانه بلشن گُل جمالینه ، اورک لری روانه ائلیاخ کنار بستر مولای عاشقان ، مولای ضعیفان و بی پناهان همان آقایی که دوشوب بستر شهادته ، قیزی خانم زینب کبری (س) پروانه وار دولانور بابانین باشینا ، هره بیر طرفده گوز یاشی توکور ، مولا گاهی بی هوش اولور ، گاهی گوزلرین آچوردی بالالارینا باخوردی ، گوردی آقا ابی عبدالله (ع) آغلیور ، ایله کی مولا امام حسینون گوزلرین یاشلی گوردی بیوردی اوغول حسین جان ،سن آغلاما ، اورگیمی داغلاما بالا صبر ایله ، سن شهید بو امّت سن ، حسن جان سنده آغلاما ، آغلاماقین اورگیمی یاندیرر ، اوغول سنده مندن صورا زهر ستمیله شهید اولارسان ، حسن جان سنه زهر ویروب شهید ایدللر ، قارداشین حسینی ده تیغ کینیلن ئولدوروب شهید ایدللر امــــــا یاران ، عاشقان ، آی بو گئجه مولانین بالالاریلان همناله اولانلار ، ایستیرم دییم عزیزان علی ئولنده آلوب دوره سین بالالاری حسین ئولنده فغان ایلیوردی قزلاری 😭 هر جان ویرنین آرزوسی بودی ، او الی الدن ئوزولن زمان ، او جان چیخان زمانی عزیزلری یانیندا اولا ، بالالاری باشی اوستونده اولا ، مولا شهید اولور ولی بالالاری دوره سینده اما فدا اولوم بالاسی حسینه کربلاده او ایستی قوملار اوسته ، جان ویرن لحظه باشنین اوسته عزیزی اولمادی ...... علی ئولنده آلوب دوره سین بالالاری حسین ئولنده فغان ایلیوردی قزلاری علی ئولنده واریدی یانندا آغلیانی حسین ئولنده یوخیدی گوزونی باغلیانی علی ئولنده گوزین باغلادی امام حسن حسین ئولنده ولی شادلق ایلدی دشمن علی ئولنده سارالدی جمال زیباسی حسین ئولنده یارالیدی جمله اعضاسی علی ئولنده سمایه اوجالدی صوت نوا حسین ئولنده سما اهلی قوردی بزم عزا علی ئولنده پریشان اولوبدی انصاری حسین ئولنده یوخیدی وفالی سرداری علی ئولنده هامی عشقینی نشان ویردی حسین ئولنده قوردی توپراق اوسته جان وئردی 😭 خانم زینب (س) باباسی ئولنده آزادنه باباسین اوخشیوب آغلوردی ولی آیا قارداشی حسین ده ئولنده ده بیله آزادانه قارداش باشی اوسته آغلورردی ؟ خانم بیله گلدی قتلگاهه گوردی بیر یارالبدی نه باش قالوب ، نه سینه قالوب ، تمام اعضای بدن یارالی ، بیله باخدی باخدی بیوردی حسین : گوز یاشیمی یارالاربوا مرهم ایلرم بیلسون هامی که هر یارانون بیر دواسی وار مرهم قبول ایلمین یاره دهریده زخم شهادتوندی دوادن اباسی وار باشدان ایاقه هر یارا که جسموه دگوب تک زینبون اورکـــده ائله بیر یاراسی چوخ یاره لر دگوب منه چوخ تازیانه لر هر تازیانون بیر اوزون ماجراسی وار بیر گونده زینبون آغاروب باشی غم یمز هر قاره زلفدن قره بختین قراسی وار 😭داداش جان آخر سوزوم بودی بی کس پناهسبز عترتیوی تاپشور اللها هر کیمسه نون بیر کسی یوخدور خداسی وار صل الله علیک یا امیرالمؤمنین صل الله علیک یا ابا عبدالله https://eitaa.com/turki_nohemajma 📌ناب ترین کانال نوحه ترکی زیر نظر گروه مجمع الذاکرین

#روضه #شب_نوزدهم_ماه_رمضان https://eitaa.com/turki_nohemajma

‍ شب نوزدهم رمضان ضربت خوردن حضرت امیرالمومنین(ع) علی ولایتینی حق ایدوب ئوزونه حساب ولایت اهلی مقصر اولسادا گورمز نار خداجهنمی خلق ایلمزدی عالمده یراهلی ده الییدی ولایته اقرار علی آدندا زبس روحومون علاقه سی وار بوآد باشما دولانان نقدر عمروم وار فنا جهاندا علی آتمش اوچ ایل عمر اله دی بوآتمش اوچ ایلی گوردی اذیت وآزار بوسوز کی عرض ایدورم مقتلین عبارتیدی چکوبدی نظمه حسینی منظم الاخبار یازار کی شب نوزدهم رمضان منه قوناقیدی شیر خدا شه ابرار ام کلثوم دییربوگئجه چوخ اسراریلن بابام منه قوناق اولدی آی ایوینده قیز اولوب گلینی اولانلار قیز باباسین ایوینه قوناق چاغراندا اله افتخار الر بوزینبدی عالمه بی معلمه دی ام کلثوم زینب باجسیدی بولار نور واحدیلر دییر بابا گلنن اله دوردی دولاندی هی چخر اشیه گییدیر ایوه متکلم اولور بوذکره انا لله و انا الیه راجعون دیدیم بابا نیه بئله رنگین سارالوب بابا گل ایلش یره افطار وقتیدی درست ایتدیم ایکی قرص جو بیرآزدا نمک علاوه بیر کاسه صود گتدیم ایلسون افطار امام بویوردی قیزیم گوتور بیرین بولارین من ایستدیم دوزی گوتورم امام بویوردی یوخ گوتور کاسه شیری قیزیم علی نه نوعی لذیذ طعامی میل السون حسابنی چکجاخ کردگار یوم حساب قیامت گونی سوال اولاجاخ علی چوخلاری آج یاتدلار من اوندا نیلرم امیرالمومنین دیوب خدانین امرینه لبیک یواش یواش دوروب مسجده اولوبدی شتابیله راه گلیر آقا مسجده اما گله گله قاپیا ایلشدی کمری گوردی مرغابیلر حیطده سس سسه ویرولر یعنی علی بوگئجه گیتمه یتیشدی مسجده مولا یاتانلاری اویادوب گوروب یاتوب اوملعون ایلدی تکرار ابن ملجمه ایاقین وردی ظالم دور ایاقا دور نماز وقتیدی علی نمازه مشغول اولوب دیب تکبیر ویروب سسینه سس ملائک سکان قویاندا سجدیه باشین ملکلر آچدی باشین آنن قویدی سجدیه (سبحان ربي الا علي و بحمده) دین علی دیسز اگر بولموردی بولوردی اما ئوزی بویوردی فُزْتُ وَ رَبِّ الْکَعْبَة آند اولسون اللهین کعبه سینه رستگار اولدوم اوقوزیاندا باشین ابن ملجم اندریب شمشیر علی اجازه ویرمسه کیمده قدرت وار بوگئجه آغلیا هرکس آغلاماسا بوگئجه وای اونون حالینه شیعلر گرک دیه آی مظلوم ئولن علی صحابه لر حاضر ایتدی بیر کلیم اوساعتده علینی قویدولار کلیمه حمل ایدلر منزله طرف امام بویوردی اوغول حسن گیش قاباقا نماز تعطیل اولماسین منیم باشمین یاراسنین فکرین المه نمازی قوتار یاخنلاشاندا ایوه امام بویوری قویون منی یره قویون یره ئوز ایاقیمیله گیدیم منی بو حالتیله گورسه زینبینم قالماز ((گریز)) دییرم یاعلی بیر باشدا یارا،ایستمدون زینب گوره عاشورا گونی هاردیدون خیمه ده گوردوله گون باتدی قرا یلر اسدی ازخیم تا قتلگه زینب صدا میزد حسین دست وپا میزد حسین زینب صدا میزد حسین حسین بوگیرو داریده گلدیم گورم حالین نجه دی بویور گوروم باجین ئولسون یارالارون نجه دی کاش بو اوخ آتانین الی دوشسون بیلگینن هانسی اورگین قانی چخبدی کورگیندن

#روضه_ضربت_خوردن_علی_ع از روضه های حاج جاوید اَلسّلام عَلَیْکَ یا آبَاالحَسَنِ یا اَمیرَالمُؤمِنینَ یا عَلیَّ بنَ اَبی طالِبٍ یا حُجَّةَ اللّهِ عَلی خَلقِهِ یا سَیِدَناوَ مَولانا اِنا تَوَجَّهنا وَستَشفَعنا وَ تَوَسَّلنا بِکَ اِلیَ اللّهِ وَ قَدَّمناکَ بَینَ یَدَی حاجاتِنا یا وَجیهاً عِندَاللّهِ اِشفَع لَنا عِندَاللّه مقدمه نماز اوستنده یارب یاره لندیم رستگار اولدوم حضور پاکووه رخساری قانلی رهسپار اولدوم منی یورموشدی دنیای فنانون حبس تاریکی رضایم یوز گوزوم قانلی بو محبسدن کنار اولدوم 😭 بو گئجه شب قدر ، شب ضربت خوردن آقا امیر المؤمنین علی علیه السلامدی ، همان گئجه کی مولامیز محراب عبادتده ضربتلنوب اورک لری روانه ائلیاخ کنار حرم با صفای مولا یئر لرزه ائدوب تیتره دی گوگ آی پارالاندی سس دوشدی گَلون مسجده حیدر یارالاندی ،،،،،،، قان چشمه لنوب آخدی جمال اللهی دوتدی بیر تیره بلوط سانکی جــــمال مَهی دوتدی بیلمـم نئجه اوُل زهریلی خنجر شهی دوتدی باش سجده ده بیر یول دئدی دینجلدیم الهی قانلی یوزیلن مـــحضروه گـــــلدیم الهی ،،،،،، واضخدی حضورونده سنون دلده کی مطلب گرچه گـــوزومه عالمی خنجر ائلیوب شب ذکر اوسته دی ئوز قانیمه آغشته اولان لب ائیللردی کی غملی ئورگیم عشقووی بسلر القانه ده باتسا گینه حـــــیدر سنی سسلر ،،،،،،، سن دایرهٔ غمده منیم دادرسیم سن بیکس دئمرم من ئوزومه ، یار و کسیم سن یوخ خلقه نیازیم داخی ، ای یار بسیم سن امت منی ، منده بو فنا عالَمی آتدیم ئوز قانیمه باتدیم یوزی قانلی سنه چاتدیم 😭 آقا مسجده یارالانوب بالالار خبر دار اولوب گلدیلر مسجده ، گوردیلر بابا یارالی دوشوب محراب عبادته ، نیلدیر القصه گلیم اوسته گَلوب منزله مولا عرشه اوجالوب ناله دوتوب عالَمی غوغا یثربده بو گون سانکی ئولوب حضرت زهرا ناله اوجالوب بیت علی ماتمه باتدی زینب بابا وای سسلدی ال معجره آتدی 😭 الله هیچ قیزا گورستمسین باباسین یارالی گوره ، تا خانم زبنب بابا سین او وضعیده گوردی 😭 عرض ائتدی بابا سن هامی ایتامه پدرسن مأوای یتیمانی گئـــــــجه یاری گزرسن رخساروی اشکونله قـــرانلوقدا بزرسن علت ندی بیلمـم بئله الــقانه باتوبسان ای یاتمیان آسوده گلیم ایچره یاتوبسان ،،،،،، هاردان باباجان بیر گئجه منزلده قالاردون ویـــــرانه نشینلر باشینا سایه سالاردون قلبی سینیق اطفالی تاپوپ گوگلین آلاردون دور زینبــــووی توسن آمـــــالینه میندیر قلبی سینیقام گوزلرون آچ بیر منی دیندیر 😭 یانورام آی ، یانورام آی ، یانورام بابا ئوز لطفوی بیرده من نالانه نشان وئر ای جان جهان جسم پریشانیمه جان وئر کپیریکلرووه قانلی گوز اوستنده تکان وئر تیغ محنیلن دلِ صد چاکیمی بولّلم قانیله دولان گوزلروی آچماسون ئولّلم بابا دیندیر منی ، آرامشه چاتسون دل و جانیم گوردوم سنی بو حالدا گئدوب تاب و توانیم زمزم دی ، دایانسون باباجان اشک روانیم باش یاروه احوالوه قلبیم گوزوم آغلور ئوز حالیمه غملی ئورگیمده سوزوم آغلور‌ ،،،،،، صرصر یئلی گویا بو گوزل گلشنه دگدی اوُل زهریلی خنجر کی باشوندان سنه دگدی اصلینده او خنجر ئورگیمدن منه دگدی باش یارون آلوب طاقتون الدن چالیشور سان بی شعله شرر وار ئورگونده آلیشورسان ،،،،،، قلبیم آلیشار تنگه دوشن جان سنه آغلار وجدان آتاسیزلار کیمی الان سنه آغلار دین اوخیشار احوالووه قرآن سنه آغلار دلداده لرون دیدهٔ بیــــداروه قـــربان زینب سارالان رنگووه رخساروه قربان 😭 بو بیتی دییم وقتیم تمام التماس دعا ای سینهٔ وجداندا باتان سس ، منه سس وئر بیکسلره بی چاره لره کس ، منه سس وئر یورقون گوزون آچ بو دمِ واپس منه سس وئر قانلی اتگوندن اسن اَل ایستور اوزولسون اللهی گورَن گوزلرون آچ قویما سوزولسون برداشت از :کتاب چهارده معصوم (ع) ج ۵ استاد غلامرضا هادی اردبیلی #روضه_ضربت_خوردن_علی_ع ┄┅═✧❁۞══۞❁✧═┅┄ 📌ناب ترین کانال نوحه ترکی زیر نظر گروه مجمع الذاکرین https://eitaa.com/turki_nohemajma

نوحه امام علی علیه السلام امیر المومنین ای حجت حق شاه مردان اولا جان دو عالم سن کیمی مولایه قربان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن قویوب درگاهیوه یوز جمله انسان و فرشته قسیم النار و الجنة محکسن خوب وزشته سنی کیم تاپسا مولا یول تاپار باغ و بهشته ائدرسن بیر نگاهیله هامی موری سلیمان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن آق قربانون اولام بو دل سوزان سنوندی کیچیک سربازیوم من باشسنوندی جان سنوندی ولی اللهسن سن عالم امکان سنوندی وئربدی اختیاراتیسنه خلاق سبحان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن علی جان باخ بیزه صدیقه کبرایه خاطر قاپوندان قوما بو عاشقلری زهرایه خاطر ائله آینده می تضمین شب احیایه خاطر سوزون سالماز یئره حق ای وجودی حقه برهان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن صف محشرده هرکس ئوز نگارین آختاراندا اوجادان سسلرم وار حیدرین عشقی بو جاندا الیمدن دوت آقا ساخلا منی ظل اماندا ولایت نوریوی سال قلبیمه ای مهر تابان حبیب دلرباسن عزیز مصطفی سن پناه اهل عالم علی مشکل گشاسن شعاریم علی نگاریم علی هامی درده دواسن موضوع: #امام_علی علیه السلام سبک: #چو_گیسوی_تو شاعر: #کلامی_زنجانی

#نوحه #امیرالمومنین ع 🎤کربلایی مصطفی کامران https://eitaa.com/turki_nohemajma

‍ ‍ شب نوزدهم رمضان ضربت خوردن حضرت امیرالمومنین(ع) علی ولایتینی حق ایدوب ئوزونه حساب ولایت اهلی مقصر اولسادا گورمز نار خداجهنمی خلق ایلمزدی عالمده یراهلی ده الییدی ولایته اقرار علی آدندا زبس روحومون علاقه سی وار بوآد باشما دولانان نقدر عمروم وار فنا جهاندا علی آتمش اوچ ایل عمر اله دی بوآتمش اوچ ایلی گوردی اذیت وآزار بوسوز کی عرض ایدورم مقتلین عبارتیدی چکوبدی نظمه حسینی منظم الاخبار یازار کی شب نوزدهم رمضان منه قوناقیدی شیر خدا شه ابرار ام کلثوم دییربوگئجه چوخ اسراریلن بابام منه قوناق اولدی آی ایوینده قیز اولوب گلینی اولانلار قیز باباسین ایوینه قوناق چاغراندا اله افتخار الر بوزینبدی عالمه بی معلمه دی ام کلثوم زینب باجسیدی بولار نور واحدیلر دییر بابا گلنن اله دوردی دولاندی هی چخر اشیه گییدیر ایوه متکلم اولور بوذکره انا لله و انا الیه راجعون دیدیم بابا نیه بئله رنگین سارالوب بابا گل ایلش یره افطار وقتیدی درست ایتدیم ایکی قرص جو بیرآزدا نمک علاوه بیر کاسه صود گتدیم ایلسون افطار امام بویوردی قیزیم گوتور بیرین بولارین من ایستدیم دوزی گوتورم امام بویوردی یوخ گوتور کاسه شیری قیزیم علی نه نوعی لذیذ طعامی میل السون حسابنی چکجاخ کردگار یوم حساب قیامت گونی سوال اولاجاخ علی چوخلاری آج یاتدلار من اوندا نیلرم امیرالمومنین دیوب خدانین امرینه لبیک یواش یواش دوروب مسجده اولوبدی شتابیله راه گلیر آقا مسجده اما گله گله قاپیا ایلشدی کمری گوردی مرغابیلر حیطده سس سسه ویرولر یعنی علی بوگئجه گیتمه یتیشدی مسجده مولا یاتانلاری اویادوب گوروب یاتوب اوملعون ایلدی تکرار ابن ملجمه ایاقین وردی ظالم دور ایاقا دور نماز وقتیدی علی نمازه مشغول اولوب دیب تکبیر ویروب سسینه سس ملائک سکان قویاندا سجدیه باشین ملکلر آچدی باشین آنن قویدی سجدیه (سبحان ربي الا علي و بحمده) دین علی دیسز اگر بولموردی بولوردی اما ئوزی بویوردی فُزْتُ وَ رَبِّ الْکَعْبَة آند اولسون اللهین کعبه سینه رستگار اولدوم اوقوزیاندا باشین ابن ملجم اندریب شمشیر علی اجازه ویرمسه کیمده قدرت وار بوگئجه آغلیا هرکس آغلاماسا بوگئجه وای اونون حالینه شیعلر گرک دیه آی مظلوم ئولن علی صحابه لر حاضر ایتدی بیر کلیم اوساعتده علینی قویدولار کلیمه حمل ایدلر منزله طرف امام بویوردی اوغول حسن گیش قاباقا نماز تعطیل اولماسین منیم باشمین یاراسنین فکرین المه نمازی قوتار یاخنلاشاندا ایوه امام بویوری قویون منی یره قویون یره ئوز ایاقیمیله گیدیم منی بو حالتیله گورسه زینبینم قالماز ((گریز)) دییرم یاعلی بیر باشدا یارا،ایستمدون زینب گوره عاشورا گونی هاردیدون خیمه ده گوردوله گون باتدی قرا یلر اسدی ازخیم تا قتلگه زینب صدا میزد حسین دست وپا میزد حسین زینب صدا میزد حسین حسین بوگیرو داریده گلدیم گورم حالین نجه دی بویور گوروم باجین ئولسون یارالارون نجه دی کاش بو اوخ آتانین الی دوشسون بیلگینن هانسی اورگین قانی چخبدی کورگیندن سبک بانوای حاج ابراهیم رهبر

👆👆👆

مناجات رمضانیه محمد علی مُصَیّبی تبریزی الهی غرق گناهم منی عتاب ائله مه آپار جهنمه یارب ولی جواب ائله مه دعالریم اگر اولسا خلاف مصلحتیم بو اعتذاری قبول ایله مستجاب ائله مه او قدر نفسیمه ظلم ائتمیشم بو دنیاده منی گذشت ائله عفوائت خداعذاب ائله مه نه قدر حقّ لری قهراً ائتمیشم ناحق اولاری یاده سالوب قلبیمی کباب ائله مه اوروشلوق آیی گلوب ماه بخشش ورحمت سحرزمانی منی غرق خواب ناب ائله مه دوتوبدی خواب تغافل منی اویات یارب بوغفلت ایله ماقی جرمیمه حساب ائله مه یانورشرارۀ شهوتده گوزلریم شب وروز شرار دوزخیلن گل منی عِقاب ائله مه باخیلسا نامه اعمالیمه یریم اوتدی ولی جهنمه سالماقدا چوخ شتاب ائله مه او قدر توبه می سیندیرمیشام حیا ائدورم خجالت ائتمه منی بی حیا خطاب ائله مه منی ذلیل ائلیوبدور بو نفس شهوتران ائویم خرابیدی یارب داهی خراب ائله مه عطا ائله منه حال دعا و حال بُکا یانیقلی سینه می کانون التهاب ائله مه گوناهیمه قلم عفو چک بغیشله منی اولاری رُقعۀ اعمالیدن حساب ائله مه چوخ عاصیم ولی ایللر علی علی دئمیشم شرنگ قهریویلن لوحیمی خضاب ائله مه علی ولایتی دور سینمین مدالی خدا ولای حیدره خاطر منی جواب ائله مه «مُصیّب» عشقیله وورمیش بو بارگهده قلم سوزونده اولسا خطا جرمه احتساب ائله مه دوشوبدی درده کی درمانی ظاهراً یوخدی دوا بو درده یتیرماقدان اجتناب ائله مه

عرض نیاز به درگاه بی نیاز فانی تبریزی دل غصّه و غمدن یئتشوب جانه الهی رحم ایله من زار و پریشانه الهی مین درده سالوبدور منی بو دور زمانه امّید یوخوم دور داخی درمانه الهی مجنون کیمی بو عاشق دلخسته و رنجور دوشسون نَقَدر کوه و بیابانه الهی وصلوندی فقط چاره دل عاشق زاره بولمم نَدَن اولموش اودا افسانه الهی رحم ایله کرم قیل ئولورم لطفیله بیر باخ باغریم بَلَه شیب گورنه قزل قانه الهی فریاد و فغان اولدی ایشیم هر گئجه گوندوز گل رحم ایله بو عاشق نالانه الهی بیر عبد گنهکارم و شرمنده و مسکین عفو ایله منی شاه شهیدانه الهی نفسیم دی منی غرق ایلین بحر گناهه ئولدور اونی تا گلمیه جولانه الهی باشیم آغاریب لیک یوزوم قاره دی نیلیم چوخ وار نیازیم بخشش و احسانه الهی مهمانووام ای پادشه بنده نوازیم احسان و کرم ایله بو مهمانه الهی حیرتده قالوب طالب عرفان و حقیقت باخ لطفیله بو بیدل حیرانه الهی آخر نفسیم دور منه بیر مرحمت ایله جانا تا جان وئریم اول دلبر جانانه الهی یوخدور خبر اول یار پریچهره دن ای وای یاندی اورگیم آتش هجرانه الهی چوخداندی یانیر درد فراقه دل زاریم یار گلمه سه بودل اولی دیوانه الهی اندوه و محن چولقالییب کلّ جهانی گؤندر گله اول حجّتی امکانه الهی مهدی گله گر چاره قیلار درد جهانه گلسه اویئتر ظلم ده پایانه الهی قرآن و ولایتدی فقط خلقی اوجالدان بونلار یئتیرر سالکی عرفانه الهی هم اهل ولایتدن ایله فانی زاری هم عارف ایله قلبینی قرآنه الهی «عطّار حسینی»  له بو «طاهای » عزیزی دعوت ایله بیر وقفه خراسانه الهی

در رثای حضرت امیرالمؤمنین علی علیه السلام به قلم کربلایی صابر ثمودی 🌿🌿🌿 بی عشق علی عالم امکان نَیَه لازم بی مهر ولی جسمیده کی جان نیَه لازم خوشدور گزسن حال پریشان گئجه گوندوز دنیاده علی سیز سر و سامان نَیَه لازم هر سینه ده کی نام علی حکّ اولونوبدی غرقِ یَم رحمتدی ،دئ باران نیه لازم (هر خرما ساتان میثم تمار اولا بولمز ) اظهار ائده عشقین دییه پنهان نیه لازم حیدردی صفا بخش جنان حق طرفیندن بی نام علی روضه ی رضوان نیه لازم هر کیم ،ایکی عالمده علینی بوله مولا اقرار ائدر اوندان صورا سلطان نیه لازم الله طرفیندندی علی رهبر عالم انکار ائدنه دهریده ایمان نیه لازم اکملت لکم آیه قرآنیدی مشهور اُمّتدن اوتور ،غیر مسلمان نیه لازم هر آلنی اولان پینه لیه سویلمه عابد اسلامدا بشر اولماسا سلمان نیه لازم سلمان اودی کی عهدینون اوسته قالا دائم گر عهده وفا اولمسا پیمان نیه لازم بی حبّ علی حجّ ائدسن، ارزشی یوخدی خوش صوتیله تفسیریله قرآن نیه لازم بیر عدّه ولی عشقینی اثبات ائلیوبدور باشدان گئچوب عالمده دئیوب قان نیه لازم بیز حیدرویوخ کشوریمیز مهد ولادی منهای علی کشور ایران نیه لازم دربار علی نوکریم منده ( ثمودی ) فخر ایلیورم مسند دوران نیه لازم بو لطف و سعادت منه کی شامل اولوبدی غم غصّه نئدور حال پریشان نیه لازم بیمار گزر دوزدی طبیبین دالسیجان بیماري ِمن عشقدی درمان نیه لازم ۱۴۰۲/۴/۱۵ التماس دعا دارم کانال رسمی کربلایی صابرثمودی متن با سبک

روضه ترکی سیزلدا گورخماعلی حرمله یاتیبدی بالا شیکاری یوخ اولان اوخلارین آتیبدی بالا گلشن عاطفدن گل کیمین سولمییدیم کاش داغ اولیدیم داش اولیدیم ننه اولمییدیم کاش                ******* اینجیدسه سنی ناله سسیم آغلامارام گل اصغرجانی دای اللریوی باغلامارام گل آلابیلسم یارالیسینمه بیریولداسنی بله لای لای چالارام آغلادارام حرملنی              ******** #رضاابوالحسنی

رمضان ماه پر فیض و عطا حاج رسول امینی خویی مؤمنا خلقه گلستان صفادور رمضان ماه پر نعمت و پر فیض و عطا دور رمضان گر ضیافت تاپا بولسن گوره جکسن ثمرین واقعاً سفرهٔ احسان خدادور رمضان ذکر ایدوب بو سوزی پیغمبر حق سرور دین مژده اولسون بویوروبدور سیزه ای اهل یقین چون گلبدور بو گوزل فصل ده قرآن مبین محور محکم ارضیله سمادور رمضان خلق عالم هامی محتاج دی الطاف حقه نعمت الله دی یر گوی دولوسی ما خلقه شکر واجب دی که انسان ایده رب الفلقه مجلس قول و عمل ذکر و دعادور رمضان ای که عبدیتون اللهه ثبوت اولدی سنون نور ایمانیله روشن قالاجاقدور وطنون امن و ایمن ده دی مال و حَشَمون و جان و تنون بیمه پرداز و سزاوار بقا دور رمضان اولین روشنی روحی دی انسانه بو آی مینلر آی گلسه مدار اوستونه چاتماز بونا تای گونلرین عشقله عرفانیله ایمانیله سای قیمتین گوزله اوجوز ساتما بهادور رمضان علم و عرفاندا یازیلار بو آیا کیم تاپا حال بالیقین اهل سعادت اولاجاق اهل کمال آچاجاق لحظه به لحظه یوزینه باب وصال عهدین ایفاسینه ایام وفادور رمضان جمله عاشقلره ماه رمضان محفل راز مهد پر فیض و فیوض انجمن راز و نیاز اهل ایمان دل شبلر ایدر احیای نماز بالخصوص امته کشتی نجادور رمضان معنویت یولی همواردی هر یول گیدنه دادرس اول گوزلیم دردینی اظهار ایدنه امتحان فصلی دی حق دن گلجاق نمره سنه شاهد مدرک شایان جزادور رمضان علم طبی دیور انسانه خوش عادت دی بو آی جسمه صادر کن دستور عبادتدی بو آی مایهٔ صدق و صداقتدی سلامتدی بو آی مکتب الطاعهٔ هر شاه و گدادور رمضان لیله القدر بو ایستکلی آیین مایه سی دور قرآنین آیه لری مایه و سرمایه سی دور هم علی سقفی دی دیواری دی هم پایه سی دور ماه شمشیری دی هم ماه ولادور رمضان ماه مخصوص خداوند جلی دور رمضان ماه مربوط به ذات ازلی دور رمضان ماه پیغمبر و زهرا و علی دور رمضان ماه مظلومیت و ماه عزادور رمضان مظهر و آیت سبحاندی بو ماه رمضان مکتب قوم مسلماندی بو ماه رمضان مرکز علم دی عرفاندی بو ماه رمضان یاز "امینی"سند حمد و ثنادور رمضان ✨اَللّهُمَّ عَجِّل لِوَلیِّکَ الفَرَج✨

(علی) ای همای رحمت اولان آللاهین نشانی اوهماکی کولگه سینده هله ساخلیوب جهانی ئوره ک آلله آختارورسان ائله گور(علی) جمالین کی(علی)ده گورمیشم من قسم آللاهاخدا نی ائیکی دنیادافنادن داهابیراثر گورنمز کرم ائیلیوب(علی)گردوتاچشمه ی بقـــــا نی بئیزه یاغماسن بلوط تک اوگون ای سحاب رحمت اوشرارقهره دوزخ چکه جاق دی ما سوانی الی بوش.یئری (علی)نین اتگین دوت اوندان ائیسته ئوزگی لن اول شهنشه ائلیرغنی گــــــــدانی کیم اوز اوغلونا(علی) دن سورا ائلیوب سفارش گئچنین اوقا تلمله گرالوزده دور ا وجــــا نی کیم(علی ) کیمی جهانه بئیرعجیب اوغول گئتیرمیش کی علم ائدوب جهانه شهــــــــدای کربلا نی ✨اَللّهُمَّ عَجِّل لِوَلیِّکَ الفَرَج✨

مناجات رمضان قدر او قدر ائیلمیشم عمریده خطا یارب اورک سوزون دئماقا ائیلیره م حیا یارب هوای نفس منیم روحیمی اسیر ائلییوب همیشه ائتمیشم اوز نفسیمه جفا یارب نه چاره واردی اگر شامل اولماسا حالیما بو آیدا مغفرت و رحمت و عطا یارب شفیع درگهیوه اهلبیت و قرآنی گتیرمیشم ائدیرم سندن التجا یارب منیم گناهیم آغیردی ولیک آگاهم که لطف و رحمتیوه یوخدی انتها یارب سنی قسم وئریرم مرتضایه دوت الیمی شکسته قلبیمه وئر رونق و صفا یارب امیدیله بو گئجه گلمیشم سنین قاپوا که بلکه سن ائده سن دردیمه دوا یارب قرا یوزیله سنین درگهینده من قوناقام عنایت ائیله اولا حاجتیم روا یا رب نقدرعیبیمه لطفیله پرده چکدین سن باغیشلا بو گئجه لطفیله هکذا یارب بهانه ائیله میشم گلماقا شب قدری الیمی دوت منی قیل حقه آشنا یارب بو گئجه شوق وصالیله اولموشام #مدهوش عجب نوایه چاتیب دیر بو بینوا یارب #مناجات ✨اَللّهُمَّ عَجِّل لِوَلیِّکَ الفَرَج✨