eitaa logo
کانال اشعار ترکی مجمع الذاکرین
4.7هزار دنبال‌کننده
69 عکس
18 ویدیو
43 فایل
♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین
مشاهده در ایتا
دانلود
بسم‌الله الرحمن الرحیم روضه امام صادق ع (ترکی) زهرا باش آچوب صادقه نوحه دیر اوغلوم بو غمده یانار شیعه ی اثنا عشر اوغلوم چوخ ائتدی جفا او مولایه اذیت اوت ویردیلار ظلمیله یانوب بیت امامت یاندیردی دل عالمی بو غملی حکایت بو غمله بئله شیعه اولار نوحه خوان آغلار یا صاحب الزمان 😭 امام صادقی شبانه گتدی لر نزد منصور دوانقی منصور دوانقی لعنت الله اوچ مرتبه شمشیری چکیب امامی شهید ایلیه بار سوم شمشیری غلاف الدی ددی احترامینان اقانی قیترون منزله سوال الدیلر اوزی دستور وئرمیشدی امامی گتیرک نه اولدی منصرف اولوبسان ددی اوچ مرتبه شمشیری چکدیم امام صادقی شهید ایلیم اما هر اوچ مرتبه ده گوردیم پیغمبری کسدی ددی اگر منیم بالامین اوستونه شمشیر چکسن دودمانوی کن فیکون ایلرم یا رسول الله ایستیم دیم بوردا بیر شمشیر برهنه گوردون طاقت گتیره بیلمدون مانع اولدی. اما کربلاده زینب گلیب ،بالای تله زینبیه باخدی بیر سمت قتلگاه گوردی شمشیر گلر یوخاری گلیب ،نیزه لر گوه گلیب ،گینه هامیسی بیر نقطیه فرود گلیر یا الله😭 زینب اللرین قویدی باشینا هی سسلنوردور وا محمدا ، وا علیا ، وا اماما ، وا حسینا 😭 یا رسول الله قارداشیم حسینی قریب یره سالیبلار ایسیرم دیم یا امام صادق ،آقا جانم اوچ مرتبه سنون اوستوه شمشیر چکدیلر اما داهی چوب خیزران دوداخلاروا ویرمادیلار آقای من درستی سنی زهرینن مسموم الدیلر سنه زهر وردیلر سنی شهید الدیلر اما امام هفتم سنون بدنوی غسل ائتدی ، نماز قیلدی، تشییع جنازه ائتدی ،،تمام شاگردلرون گلدی،، هاموسی سنه آغلادیلار ، اما یا اباعبدالله قربان جانوه 😭 اوچ گون بدنی قالدی گونلر قاباقیندا کربلا تپراقین اوستونده ، او عریان بدن او باشسیز بدن .اوچ گون قالیب کربلا چولونده بارماقی کسیلیب ، لباسلاری غارت اولونوب سسله یا حسین التماس دعا ۱۴۰۳/۲/۱۱ 🌴🌴🌴🌴🌴🌴
شهادت حضرت امام صادق علیه السلام ✍️ حاج اصغر فرشچی ( عدلی تبریزی) سبک : ازوم گوردوم...اگرصبح قیامت را.. امام صادقه آغلا عدو ظلمی عیان اولدی اسوب باد جفائیله گل عمری خزان اولدی یوموب گوز ناطق قرآن قویوبدی شیعه سین نالان ایدوب تفسیرقرآنی نمازی ساخلیوب برپا مسلمان قشرینه مذهب نهالین ایلیوب معنا ویروب علامه لرتعلیم اولا شرع نبی اجرا دایانسون گردش دوران ایشی آه و فغان اولدی درِ دانشگه دینه یازون استاد دین اولدی گلسـتان باغبانیدی ولی آفاتیدن سولدی ویروبلر زهر کین قلبی شرار دردیلن دولدی اثرسالدی جفا زهری گیدوب سلب توان اولدی جسارت ایلدی منصورویروب آفاقه اود سالدی یدیردوب جبریلن انگورامامدان تاب دل آلدی امام عصری اولدوردی بالالاری یتیم قالدی سالوب اود قلب اطفاله وجودی غنچه قان اولدی جوار باقر و سجّاد بقیعده بو امام یاتدی اولیدی عالمی ویران گوزوندن عالمی آتدی گیدوب گورسون نیه زهرا اوگوزیاشین قانا قاتدی وجودون گرغم آلموشدی ندن قدی کمان اولدی ایدوب ایثارجان اولدی محّمد مکتبی احیا او مکتبدن چخوب دورت مین اولوب استاد دین دانا بیله دانشگه واستاد گورنمز واردی تا دنیا ولی افسوس خموش اولدی مزار ایچره نهان اولدی بقا یوخ دور بوعالمده بودنیا فانی دور فانی تمام خلق اولونموشلار گید للرراه عقبانی خدایه آندولا «عدلی» یوولماز اصغرین قانی نه اتموشدی او شش ماهه اونون جانین آلان اولدی ✨اَللّهُمَّ عَجِّل لِوَلیِّکَ الفَرَج✨
روضه حضرت علی اصغر(ع) گل ای ربابی قوجالدان جوان بالا سوزدور دیدیم جوانلقون اولدی یالان بالا اوخ دیمسیدی بیر گونی سنده جوانیدون اکبر کیمی جوانلارا آرام جانیدون دوزدور فلک که یاغی توکرمیش یاغ اوستونه داغلی گورنده داغی چکرمیش داغ اوستونه من حاضرم بالا غمونده اوزریک کیمی یانام ایکاش دوغمییدی منی بی نوا آنام من حاضرم فلک منی گویدن یره یخا بیر یول امیشدیرم سنی جان سینه دن چخا نازلی بالا شیرین بالا دل آچمیان بالا ایوده ایمکلیب یریب قاچمیان بالا آتما منی گل اولسان اگر باغبانیوم چولرده آلتی آیدی سنون ناگرانیوم گلسن اگر بهاره کیمین منتظر قالوم بیرده بهار فصلی سنون عطریوی آلوم یا ماه سن ستاره ئوزوم کهکشان نشین صبحه کیمی اوغول یتیروم عرشه شورو شین گوزدن گوروردوم حسنوه گوز دیمسین علی سعی ایلدیم که قلبیوه سوز دیمسین علی قلبون گوزتلیوب ننه هی دوزدی نازیوه سوز دیمبسه دیدی ولی اوخ بوغازیوه گوردوم نه بیر ایمکلمگون نه شیرین دیلون قربان دیمیشدیم ایلده کسم چخمادی ایلون نی تک سزلدادیخجا نوادن یورولمارام هجرونده کور اولونجا عزادن یورولمارام گونلر ایوینده ایلشرم سایه گورمرم قلبیمده گیزلین عشقیمی دنیایه ویرمرم عشقیم حسیندی آدینی قلبیمده یازمشام محو اولمویاندی لوح سنوبرده قازمشام عمون بولور که آغلاماقم عاشقانه دی عشقیم حسینه دی سنون آدون بهانه دی از بس جوان بیر عورتم اوغلوم مقیدم خلقین یانیندا عشقیمی مشکلدی فاش ایدم قورخوم بودور خیال ایدلر همسریم ئولوبڱ شاهیم ئولوب امیدیم ئولوب یاور ئولوب ظاهرده دوزدی الدن علی همسریم گئدیب باطنده گوزلریم ایشقی رهبریم گئدیب لایق ده اولماسام بالا والله حسینچیم همسردن اوتری آغلامرام سروریم گئدیب خلقین یانیندا آدیوی قیلام بهانه من فکر ایلسونلر الدن علی اصغریم گئدیب یاریم گلوب خیالیمه اغیاری گورمورم فکر ایلیرم چوخ آغلامشام گوزلریم گئدیب خلوت اولاندا مجلس حسین وای دی عادتیم هی اوخشارام که ماه ملک منظریم گئدیب لیلا گلنده گیزلدرم گاهواروی گورسه دیر طوی ایلمیوب اکبریم گئدیب عباس آناسی دیده گلنده چوخ آغلورام اوخشار دیرکه شیر وفا پروریم گئدیب ام البنینیدن سنه خاطر خجالتم اصغر سو ایستیب دیر شیر نریم گئدیب واردور یری باباندا ایده بو گلایه نی سنده سو اولمویوب سوا سر لشکریم گئدیب گلسه عموندا یوزونه هیچ من باخانمارام حتما اودا سو اوسته دیر الریم گئدیب والله منیم یوخومدی گناهیم بو باره دن سو اولمیوب دوشوم گوریوب جوهریم گئدیب
4_5877616341749339000.mp3
6.21M
زینبم بلالیم اییییی اورکدن یارالیام اییییی یدی قارداشیم ئولوب قلبیدن عزالیم اییییی (خیمه لر یانور خانم زینب گوردی الله اوشاقلار قاچور چولره ) زینبم بیابانان لشکریمی آختارام خیمه لر یانان یرده معجریمی آختارام توسی دوتوبدی هریری والله کارخمشام من کی بئله خیال ایدورم کریلا یانور بیری دیردی گلون نهر علقمه گیدیون بیری دیردی گلون عممه کمک ایدیون قهرمان زینب اوچولده هیچ بلادن دویمادی آختاروب عریان بدن تاپدی نوادن دویمادی ئوز جاننان دویدی اما کربلادن دویمادی (بیر لحظه باخدی دیدی حسین هر نیسکیلیم اولدی هر مشکلوم اولدی دیدیم کاش ننم اولیدی اگر ننم اولسیدی بئله اولمازدی بولمورم زینب حسیینی نجور گوردی دیدی حسین یاخجی ننم اولمادی) گر جوان ئولدی ننم مقتل بلاسین گورمدی بیز باجی قارداشن هجران ماجراسین گورمدی زینبین شامین حسینون کربلاسین گورمدی یاخجی کی زهرا سینونده اوخ یاراسین گورمدی آلتی مین اوخ بیر یانا اوچ شعبه پیکان بیر یانا دیدی حسین بو اوخ ورانون الری دوشسون بیلگینن بو اوخ باجون کاش دییدی اورگینن هانسی اورگین قانی چخبدی کورگونن
🏴درشهادت امام جعفر صادق (علیه السلام)🏴 ✍زلفی تبریزی باتدی سراسر بو گون عالمیان ماتمه آغلوری عرش برین شور دوشوب عالمه سسلوری ایوای اوغول فاطمه جناتیده غصه و درد و بکا یوز گتیروب خاتمه بو غمده آغلور نه آسمان عاشقلر قلبی بیت الحزان آه و واویلا وا صادقا ... شرح بیان ایلورم درد و غم و محنتون اهل جفا پوزدولار حالینی اول حضرتون داد و امان جوریدن مظلم منصوریدن ایلوب امامه روا برهم ایدوب حالتون بو غمده آغلور نه آسمان عاشقلر قلبی بیت الحزان آه و واویلا وا صادقا ... ایلوب اثر زهر کین الدن آلوب اختیار صادق آل عبا قلبینه دوشدی شرار حجت خالق نئجه حسرتیله جان ویروب شهد شهادت ایچوب اولوی عجب کامکار بو غمده آغلور نه آسمان عاشقلر قلبی بیت الحزان آه و واویلا وا صادقا ... عاقبت اولدی شهید صابر و فاضل امام جدینه ملحق اولوب سید والا مقام اهل و عیالی گلوب همت ایدوب دفنینه خاک بقیعده یاتوب اولسون او قبره سلام بو غمده آغلور نه آسمان عاشقلر قلبی بیت الحزان آه و واویلا وا صادقا ... به جسمی نه مجروح اولوب نه سویولوب جامه سی نه بویانوب قانینه باشداکی عمامه سی گونلر ایوینده قالوب جسم حسین شهید خیمه سی غارت اولوب سخت اولوب هنگامه سی ایستی قوملار اوستونده یاتوب اهل و عیالین گوزدن آتوب آه و واویلا وا حسرتا یا حسین مظلوم کربلا موعد هجر اولدی تا کوچ ایلسون کاروان جمله عیال حسین مضطر و ناله کنان بیر نچه عریان دوه حاضر ایدوب اهل کین میندیلر اطفالیلر ناقیه آغلوللا قان کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا سسلدی زینب حسین دور بیزی پیشواز ایله باشسیز عیالین یول اوستونده سرافراز ایله سسلیورم بس ندن زینبه سس ویرموسن دور یارالی ویر اذان شوریله اعجاز ایله کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا هر نقدر عمری وار (زلفی) اولار نوحه گر سینه ده تا وار نفس شوریله روضه دییر روحی اولوبدور عجین آل علی بزمینه ورد ایلییر بو سوزی اشکین عذاره الر کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا ✨اَللّهُمَّ عَجِّل لِوَلیِّکَ الفَرَج✨
🏴درسوگ رئیس مذهب عالم تشیع امام جعفر صادق (ع)🏴 🎶سبک_یخلدی_سقا_یره.... . ✍حاج روح اله رمضانی . . تسلیت ای شیعه لر موسم عزا گلوب نالیه غم غصه دن قلب ماسوا گلوب . گوش جانه گنه گلدی غملی زمزمه جعفر صادقه یاس دوتوبدی فاطمه . . . غم اوز وئریب بیربه بیر جمله آل یاسینه تاب ائده بیلمور اورک فاطمه نواسینه گلمز آناسی مگر اوغلونون عزاسینه فاطمه بو مجلسه سینه ده یارا گلوب . بارغمدن گنه قدی خمدی فاطمه بوگجه بانی بزم غمدی فاطمه . . . تنها نه سن آغلوسان بو گجه اوسروره قاره ملکلر چکوب بلکه عرش داوره تسلیته گلمیشوک محضر پیمبره چون بو عزا بزمینه ختم الانبیا گلوب . ختم مرسل ویرور باشینه قان آغلیور وای اوغول وای دیور کائناتی داغلیور . . . شیخ الائمه بوگون ترک ائدوبدی عالمی خرمن صبره شرر ویردی شعله ی غمی گویده ملک لر گنه قوردی بزم ماتمی نالیه غم غصه دن اهل نه سما گلوب . عرشیدن دمبدم صوت غم اولور طنین شعله ی غصه ده یاندی قلب عالمین . . . ابن ربیع یعنی اول پست و بی ادب غلام زاده ی پیغمبره ایلمدی احترام شامل ائدوب حشره جک لعنته اوزون مدام ظلمی دوشنده یادا قلبیدن نوا گلوب . بیر جنایت ائدوب اول پلیدو بد مرام داشدا اولسا غمه ایلمز اورک دوام . . . آلله آلا کاش اوزی اول شقیدن انتقام نافله سین حضرتین قویمادی اولا تمام چکدیله سجاده سین دوشدی تپراقا امام لرزیه اول حالیده عرش کبریا گلوب . ساکنان سما گوزیاشین یوزه الیر عالم غیبدن آغلاماق سسی گلیر . . . ظلم اهلی نین باشلادی ظلمی نین ادامه سین قویمادی حضرت گیه پیکرینه جامه سین وئرمدی مهلت باشا باغلیا عمامه سین عالمه یارب هاچان بیله بی حیا گلوب . فاطمه اوغلونون ساخلامادی حرمتین شیعه نین اول دنی آرتیریب مصیبتین . . . باغلادیلار قولارین ظلمیله گجه یاری آپاردیلا باش آچیخ قصر دشمنه ساری ائتدی مسلط گل حیدره فلک خاری آل رسوله ندن بیر بئله بلا گلوب . توختاماز فاطمه قلبینین یارالاری ئولدی الرده چون محترم بالالاری . . . یامان حالا سالدیلار فاطمه نشانه سین توکدوله گوزدن یوزه اشک دانه دانه سین نسل پلید عمر اوتلادیلا خانه سین یادیمه یارب گنه غملی ماجرا گلوب . گلدی غملر گنه جوشه داغلی سینه ده بیر قاپیدا یانیب ظلمیله مدینه ده
🏴شهادت حضرت امام صادق علیه السلام🏴 ✍داود حیدری تبریزی . 🎶سبک_شال_ماتمت_آبرو_به_من_داد... . ماتمه باتوب اهل عالمینی شیعه آغلیار ئولدی نور عینی جان ویریب بوگونده حضرت صادق گلدی نالیه جمله مشرقینی . بو غمده زهرا باشه قرا سالوبدی آغلیری حیدر دیده سی تر قالوبدی سید سجاد بقیعده نوحه خواندی غم مجتبانین صبر دلین آلوبدی . نواده دللر مولا امام صادق قاندی اورکلر مولا امام صادق . . . . اولدی بو قلوبه غصه سی وافر محنتینده آغلار آتاسی باقر قالدی قبری گونلر ائوینده افسوس یوخدی بیر نفر اول مزاره زائر . نسگللرینده اولدی اورکلر القان بو سینه زنلر اولسون او قبره قربان مزاری اوسته یوخ شمع یاندیرانی قلبیمده اولموش شمع غمی فروزان . نواده دللر مولا امام صادق قاندی اورکلر مولا امام صادق . . . . بیر غمه اورک بی شکیب اولوبدی بو حبیب حق بی حبیب اولوبدی مجلسه گجیله نجه چکوبلر وای منه آقام چوخ غریب اولوبدی . سالماقا چگنه قویمادی دشمن عبا عمامه سیز چخدی بو امام والا ایاق یالین شه اوزی سواره دشمن علی مثالی صادقه اولدی جفا . نواده دللر مولا امام صادق قاندی اورکلر مولا امام صادق . . . . وارث خلیل اولدی جان طاها توش اولوبدی درده ، درده مداوا دودمانینه نار کینه دوشدی شعله چکدی اوت یاندی دل زهرا . بو غم اورکدن ائدوبدی سلب طاقت آغلار گوزیله سسلدی کان محنت وای زینب عمه او گونده سن نه چکدین یانوبدی قلبی یادینه دوشدی غارت . نواده دللر مولا امام صادق قاندی اورکلر مولا امام صادق . . . . غارتین غمی هر غملره باشدی خیمه گاهه لشکر تا که یول آشدی بعضی قیزلارین دامانی دوتوب اود نهر علقمه ساری بعضی قاشدی . غارت نه غارت برپا اولوب قیامت چپاول اولدی یاندی خیام عصمت ائویم یخیلدی دییر رباب ، علی جان گهواره وی دشمنلر ائدنده غارت . نواده دللر مولا امام صادق قاندی اورکلر مولا امام صادق
شهادت حضرت امام جعفر صادق (ع) شیعه لر قان  آغلیون صاحب  زمان  آغلار  بوگون حضرت  صادق   غمینده   قدسیان   آغلار  بوگون باد    ظلمیله    گل      گلزار    پیغمبر    صولوب صادق   آل    محمد    زهریله  مسموم    اولوب گر دیسم  زیبنده دور  زهرا  بو گون زلفین یولوب عالم   معناده    هم    مومنان   آغلار     بوگون بغضیله   منصور   نور   وحدتی  خاموش  ایدوب بیشوای دین  حق  جام  شهادت  نوش  ایدوب جعفری  مذهبلری  محنتله   هم آغوش  ایدوب گوز یاشی گوزدن توکر اهل جهان آغلار بو گون باعث    ایجاد    عالم   حامی    دین       خدا نور   یزدان   مظهر   توحید    سبط      مصطفا مذهبه  رونق  ویرن  دینه   بویوک   بیر   پیشوا درک ایدوب فیض شهادت انس و جان اغلار بو گون شور  محشر  شهر  یثربده  بو گون اولدی عیان وا    اماما   ناله سی  خلقه  اولوب    ورد   زبان بوینی  چگنینده  توکردی  گوز  یاشی  اسلامیان تابعان  حضرت  صادق   عیان  آغلار   بو گون جان    ویروب  جانانه   یتدی    بو   امام  ممتحن ایلدی اوز  اوغلی موسی جسمینه غسل و کفن اولدی  چوخ   اجلالیله  تشییعینه  چوخلی  گلن کربلا  مظلومینی  یاده  سالان  آغلار بوگون قالدی اوچگون یرده گل جسمی  یارالی  بیکفن اولمادی بیرکس او گون بیغمبر اوغلین دفن ایدن گون ایوینده قانه غلطان قالدی یتمیش  بیر بدن بیله بیر احواله هر شیعه یانار  آغلار  بو گون یتدی  اوچ گوندن صورا  بیماره  چون  فرمان حق دفن اولونسون تا نقدری وار سوسوز  قربان حق کربلا  صحراسینه    اعجازیله    سلطان     حق گلدی بو اعجازیدن آگاه  اولان آغلار  بوگون بیر    قبیله   اهلینی   گوردی   ملول  و  دلفکار قصد   دفنیله   گلوب  اللرده   حفر  اسبابی  وار دفنینه    اما    او   گول    پیکرلرین    حیراندیلار بو سوزه اول جمع تک حیران قالان آغلار بوگون باخدی  اول  بیر  آتاسی  نعشینه  چکدی فغان سویلدی ای  بذل ایدن  جانانینه لب تشنه جان کربلانی   ایتموسن   اوز    قانویله      گلستان یاسمن سرو سمن هر گلستان آغلار بو گون بیر مزار  اول  شهریاره  قازدی با  شور  و محن گوردی  لازیمدور  اولا  شاهانه  بیر  عالی کفن قالدی حیرتده او گول جسمه کفن ایتسون ندن بو    مصیبتده تمام   افلاکیان  آغلار  بو گون امر ایدوب اول جمعه  سوز   آهیله  یالقوز  امیر بیکفن دفن  اولماسون  مقتول   اشرار    شریر تاپدیلار  اول  دشتیده  زحمتله  بیر  پاره  حصیر قبره شه جسمین حصیریله قویان آغلار بوگون گوردی  لیلانین  علی  اکبر  اوجالدوب   باشینی گول کیمی خندان اولوب توکدی یوزه گوز یاشینی دفن ایدوب  پائین   پاده   اول  جوان  قارداشینی ایمدی اول ششگوشه قبره هرباخان آغلاربوگون سن امام  صادقه صدقیله ((اشکی)) دوش دخیل حاجتین    ایلر    روا    فوراً    او    میر   بی بدیل نا امید   ایتمز   او شهدور  سن  اونا  نوکر   ذلیل اولسا گر  نومید سائل شاهه دور نقصان بوگون ** اشکی تبریزی ✨اَللّهُمَّ عَجِّل لِوَلیِّکَ الفَرَج✨
شهادت حضرت امام جعفر (ع) شهادت حضرت امام جعفر (ع) ظلمده   طغیان  ایدوب   منصور  یا  صاحب  زمان اولدی   جدون    قتلینه   مآمور   یا  صاحب   زمان گوردی  جدون  جعفر   صادق  اولوب  دین  استتار ایستیوب    الله     اکبر    تا    دیولسون      آشکار دین اسلام  اوسته چکدی رنج  و زحمت بی شمار گلدی   آخرده    اله    منظور    یا   صاحب    زمان چکدیقی   زحمت لریندن   یتدی  بو  منصب  بیزه ایمده    عالمده    دیوللر   جعفری   مذهب     بیزه رشگ   ایدور  بیگانه لر  دنیاده  روز   و  شب   بیزه اولموشوخ چون گون کیمی مشهور یا صاحب زمان ویردی درس دین بیزه خیر ایشلری ترک  ایتمیون یاتمیون    فرمایش    پیغمبری   ترک     ایتمیون امر  به معروف و  نهی از  منکری  ترک  ایتمیون اهل دین  چکسون گرک  هر جور یا  صاحب زمان دین گلوب  آسان  اله  چون  بولموروق  بیز قیمتین ساخلاسون هر کس گرک اسلام و دینون حرمتین بولمسه  دنیاده    هر   کیم    قدرین    اسلامیتین خلق  آرا    آخر    اولور   منفور   یا   صاحب   زمان بو همان دیندور که بو دین اوسته ساق  صولار دوشوب جسم لردن قان آخوب  قاندان  یره  یولار دوشوب خیمه لر تالان اولوب باشلار گیدوب قولار دوشوب تشنه  حنجرلر  اولوب   منحور   یا   صاحب   زمان باخمیوبدور    حضرت   صادق   ایدوللر   سرزنش آچدی   بیر دانشگه   اسلامی   اول   طاها   منش ویردی   دانشگهده    شاگردان    دینه    پرورش وار   آدی  تا   پای   نفخ   صور   یا   صاحب زمان بولدی لازم   دین  یولوندا   اهتمام  ایتسون گرک جدی  شاه   کربلا  تک   تا   قیام   ایتسون گرک حق    یازان   برنامه   دینی   تمام   ایتسون گرک شوریلن    دنیایه   سالسون  شور یا صاحب  زمان گوردی   آی تک   گیزلنوبدور   ابرده   آیات    حق هر  گیجه   گوندوز  ایدوبدور  خلقه   تبلیغات   حق ایلیوبدور      حقیله    نا  حق لره      اثبات     حق قویمیوبدور  حق    اولا مسطور   یا   صاحب  زمان گوردی   منصور   دنی    اجلالینه    رخنه     یتور گوندروب    پیغام    امامه   ایشلروندن  ال   گوتور عالم    ایچره     اول   جفا  پرور   ریاستدن   اوتور جام   کبریله    اولوب    مخمور    یا  صاحب زمان ایستیوبدور    سوندوره    شمع    هدایت    نورینی یغدی   خلقی  باشه  بولدورسون  اورک منظورینی گور نئجه   دنیا   ایدوب   مغرور   یا صاحب  زمان امر  ایدوب   اولسا   امام   مسلمین   هر   حالیده جلب ایدون  جبریله   فکریم  قالماسون  اشغالیده شاه    دینه   گوندروب   مآمور   یا   صاحب   زمان گلدیلر    مآموریلر    بولموبله   راز    اوستونده دور گوردولر اول   پیشوای راز   و  نیاز    اوستونده دور باخمیوبلر   سجدده   راز   و   نیاز     اوستونده دور ایلیوبلر    گیتماقا     مجبور    یا   صاحب      زمان قویمیوبلر  تا   عوض  ایتسون   لباسین  شاه دین پا   برهنه   باش آچوخ پوزقون پریشان دل غمین گتدیلر  اول حالیلن  زیبنده دی  بو  جور  و  کین قلب    زهرانی    ایده   رنجور   یا   صاحب   زمان گلدی    منصوره    سلام   ایتدی    ولی    داد گر اعتنا    ایتموب    ایاق    اوسته  قالوب  فخر  بشر ایتدی   بیر   ساعت   صورا   مظلوم  امامه  تا نظر گوزلری  ای  کاش   اولیدی کور   یا صاحب  زمان گردش    ایامه    باخ      کابینه     شورایه      باخ حاکم  و  محکومه   باخ   فرمانه   باخ   ایذایه  باخ ظالم  و   مظلومه   باخ   مأموره   باخ   دنیایه  باخ خار    الینده   گول  اولوب   مقهور یا صاحب زمان ناقه    دینی   او    ظالم    ظلم     الیله      پیلدی دلده   بغض  و کینه سین  مجلسده   ظاهر   ایلدی منده   یوخ  جرأت   دیوم   اول   کینه پرور  نیلدی دوت   منی  بو  شرح دن   معذور   یا صاحب زمان گر  چه خلق  ایچره اولوبدور(( اعظمی)) نامیم  منیم غصه دن   لبریز دور    اما    گوگل    جامیم   منیم لطف  ایله   تا   بنده  اولسون  کوکب  کامیم  منیم ایلسون  خالق   منی   مأجور    یا   صاحب    زمان ** مرحوم اعظمی تبریزی ✨اَللّهُمَّ عَجِّل لِوَلیِّکَ الفَرَج✨
شعرترکی در باره شهادت امام صادق از مرحوم سیدرضا حسینی متخلص به( سعدی زمان) حسین ذکرینه گوگلوم اگرچه شایقدور ولی بو یرده خیالیم امام صادقدور بلا بو رسمیدی اهل ولادن آیریلماز اودور امام همیشه بلادن آیریلماز دیوب بلایه بَلی یکسر عترت یاسین خلا کلامیدی چون سینی یادن آیریلماز بلا و محنت اسیری امام صادقه باخ دوزر بلایه غم و ابتلادن آیریلماز ایدوب او سروری خانه نشین بنی عبّاس تقیّه محنتی اول مقتدادن آیریلماز قویِیدیلر قالا آسوده کاش خانه نشین گوروردولر که نماز و دعادن آیریلماز جفا و جوریده منصور قویمادی نقصان جهاندا رسمیدی ظالم جفادن آیریلماز ایدوبدی صادق آل محمّدی مسموم هوای مُلکی اولان بد هوادن آیریلماز امام او زهریله اوز جدّینه اولوب ملحق وصیّ ختم رسل مصطفادن آیریلماز وصیّت ایتمیشیدی اوغلی ایتدی غسل و کفن عمل وصیّته اول پیشوادن آیریلماز جوار امام باقرده دفن ایدوب آتاسین بالا محبّتینه باخ آتادن آیریلماز بقیعیدن قلمیم کربلا اییی آلوری بو قان اولان اورگیم کربلادن آیریلماز اولوم حسینون او شش گوشه قبرینه قربان حسین ده اکبر گُلگون قبادن آیریلماز بیله گمان ایدورم ایمدیده یارالی باشین آلوب دیز اوستونه اول مه لقادن آیریلماز یارا چتیندی اگر اولسا گوز قاباقینده بو غم او خامس آل عبادن آیریلماز باخاندا ایمدیده سسلر جوان اوغول ایوای حسین ''حسینی'' بو آه و نوادن آیریلماز ✨اَللّهُمَّ عَجِّل لِوَلیِّکَ الفَرَج✨
داد خواهی از ولی عصر(عج) سبک: یخلدی سقایئره دنیاده غوغا ائدور _بی عدالتی آقا قربان اولوم گوزلره_ ائت عنایتی آقا هارداسان. هارداسان ای گل نیلوفریم پرده غیبیدن چخ وفالی رهبریم مهدی جان. سروریم گل هایاندا قالموسان بوفراقونده باخ گورنه درده سالموسان(۲) 🔸🔹🔸🔹🔸🔹 آل اله سن پرچمی_یوسف زهرای من رایحه وئر هریئره_ای گل شیدای من آند وئررم سنی مصطفایه گل آقا همدم   فاطمه  مرتصایه   گل آقا مهدی جان سروریم گل هایاندا قالموسان بوفراقونده باخ گورنه درده سالموسان(۲) 🔸🔹🔸🔹🔸🔹 عدل و عدالت ئولوب_        قلبیلریانمور سونوب بس که باخوب یوللارا_دیده لر قانه دونوب آی آقا جان آقا گل گوزوندن ئوپروک شیعه نی شاد ائله یولووا گول توکروک مهدی جان.سروریم گل هایاندا قالموسان بوبراقونده باخ گورنه درده سالموسان(۲) 🔸🔹🔸🔹🔸🔹 وئررم عباسه قسم_آل اله یاشیل علم آل انتقامین آقا_قوللاری اولوب قلم محشرون تظمینی او ایکی قول اولاجاق باخدیقجان ننون قلبی قانلا دولاجاق مهدی جان.سروریم گل هایاندا قالموسان بوفراقونده باخ گورنه درده سالموسان 🔸🔹🔸🔹🔸🔹 التماس دعا کربلایی ابوالفضل صفری
کانال عاشقان امام حسین (ع).mp3
7.97M
روضه حضرت ابالفضل (ع) الریم اولمادی دیدیم اوزی اوستونده یره وای اگر ام البنین بولسه بله جریانی گرچه آتدان یره دوشدی ولی قورتارمادی ایش آیری بیر درده دوشوب فاطمه نین مهمانی حلقه ی بند رکابه ایاغی بند اولدی سورونوب توپراقون اوستونده روخ رخشانی (گوردی آتدان یخلیر یره) اوقدر آل علیدن بیرینی سسلمدی دیل دوتا دوتمیا سسلندی خانم زهرانی آتون اوستن یخلاندا چاغرب یا زهرا باشی اوستونده گوروب فاطمه عذرانی (خانمی گوردی، بولمورم ایشیز مشکله دوشنده ننوزی گوربسوز یایوخ آدام ننه نی گورنده اورکلنیب آغلیار) خانمی گوردی اورکلندی بیر آز آغلادیلار صورادان عرضه ورب محنت بی پایانی دئدی گل یاخشی گلیبسن ننه قوربانون اولوم عجبا یاد الدون سن بو بلا گردانی سوئدوغوم تک ننه بو قومیله جنگ ائتمیشم هرندن باشدی منه چون آقامین فرمانی سن دعا ایله دوشن قول بدنه وصل اولسون اذن ور جنگه تماشا ائله دشتستانی ننه کیمدی سعد اوغلی دونوب خیمه لره چپ باخسن آندولا حقوه نسلین کسرم من آنی ئوز گوزوم چخدی یادمنان گوزویی گوردوم آنا گوئیا وردلار بیردن باشیما دونیانی ئولمسم ده منی بو قانلی گوزون اولدورجک یانیرام روحیمه از بس کی سالوب طوفانی یوزده کی سیلی یرون دردیمی آرتیردی ننه نجه ورموشدی سنی کوچه ده ملعون سانی ننه اله بیر وقت ده گلوبسن نه گوزوم وار نه الیم عاجزم نیلیه بیلم داخی بو اعدانی ننه من اشیدیم کوچه ده بیر حسنی میش بیر ئوزون (دیدی بالا، کاش اولیدون یثربده بالا گوریدون او ملعون نجه وردی ننوی) ساغ ال سیلی ورب سول یوز گویردی یخلدی ساغ یوزی دیواره دیدی
مسلم ابن عقیل86.mp3
5.39M
روضه حضرت مسلم بن عقیل(ع) هردم دیور ای داد آدامسیزلخ الیندن چوخ سینه سی سوزان دولانور کوفه غریبی ایستور گیده هر سمته گورور باغلیدی قاپلار (الله هیچ کسی غریب المسین مخصوصا جان ویرنده ایستور گیده هر سمته گورور باغلیدی قاپلار بیر صاحب وجدان دولانور کوفه غریبی (دیدی آی منی دوره لینلر منی محاصریه سالانلار ) من غریبم سفیریم آقامون دفترینده دبیریم آقامون نامردیلر قولومی باغلامیون من قاچمارام اسیریم آقامون من غریبم گوزوم ایکی یاردادی بیری حسین بیری علمداردادی کوفه لیلر ایوده راحات یاتوبلار من بولمورم بالالاریم هاردادی آی ابوالفضل گوز تیکمیشم یولوا یغ قهرمان سپاهی صاق صولوا ده زینبه وان یکاد اوخوسون من قورخورام نظر دیه قولوا من قورخورام یل اسه طوفان اولا آقام گله بو شهره مهمان اولا من قورخورام بیر شربه سودان اوتری علی اصغر قاننا غلطان اولا آی حاجیلار سحر قربان گونودی صدقه پایلیون احسان گونودی مناده آغلیون دیون مسلمون جنازه سی یرده قالان گونودی (ایکی نفر سلام دیوبلر بزرگواریلردن اما سلاملارینین جوابی آلنمیوب بیری علیدی امیرالمومنین مدینه ده پیغمبردن صورادیلر سلام ویردی اما جواب ایشیتمدی، بیریده حضرت مسلم آقا کوفه ده بیر گونه قالدی هرکسه سلام ویردی جواب ایشیدمدی ) من غریبم بیر قیدیمه قالان یوخ غربت یرده منی یادا سالان یوخ ایندی بولدوم عموم علی نه چکوب قلبیم سنوب سلامیمی آلان یوخ
مسجد میرزا بایر-AudioConverter.mp3
1.26M
‍ گون قیزدریبدی عرصه گهی صبحدن شاخیر بیرسیدی باسیبلا داشا یاندریریاخیر هردن دونیر اوحالیله بیر علقمه باخیر عباس قانیله قتلگاهیمه سجاده سالمیشام منده سنین کیمین بترآواره قالمیشام بودرده عشقیدور نه دوا نه علاجی وار ایندی حسینین اللریوه احتیاجی وار یوخدورگورن بیلن بیلار نجه دیلدن سالیب منی هرداش دییر کی اوخ یرینه سسلیرم سنی یوللاردا هش مسافری یولداش سیزاولماسین هیچ بیر غریب منیم کی قارداش سیز اولماسین داش لار کتاب عمریمی بیربیر وراخلیار سینمده کی اوخون یرین آتلار ایاخ لیار
حاج شهزاد عیسی پور (2).mp3
4.69M
روضه قتلگاه غمیم غم اوسته گلیر غملیم غم عاشقیم قاپی قاپی گزیرم بزم ماتم عاشقیم اوچ آی بهاری ورین بلبله گلستان دا من اون بیر آی گوزی یاشلی محرم عاشقیم او سلسبیلی ویرون بوذریله سلمانه نه کوثر ایستمیرم نهر علقم عاشقیم عصر وقتیدی حسین کعبه آماله دوشوب باش یارا سینه یارا عشقیله گوداله دوشوب ارمغان بزم نگاره یورولان جان آپارور جلوه یاری گوروب هوشه گیدوب قان آپارور نه یارا فکرینی ایلور نه طبیب و نه دوا خضری مبهوت الیوبدور نه سو ایستور نه غذا ماسواللهی آتوب فکری خدا ذکری خدا نه شهیدانی نه قیزلاری نه خرگاهی گورور تلیده زینبه باخمور فقط اللهی گورور
VID_20220711_190812_462_۱۱۰۷۲۰۲۲.m4a
2.8M
زبانحال حضرت مسلم بن عقیل (علیه السلام) مسلم ابن عقیلم جماعت واردی قلبیمده عشق شهادت رهبر انقلابیم حسیندی قوی ئولوم من او قالسین سلامت من بنی هاشمه نور عینم جان نثار شه عالمینم هر کسین دلبری بیر گوزلدی منده قربان راه حسینم کوفیه گلمیشم دینه خاطر باتمیشام قانه آئینه خاطر حاضرم قان دولاگوزلریمه اهلبیت خدابینه خاطر نایب بر حقم من امامه قوش کیمی دوشموشم ایندی دامه عاشقم نیلیرم تاج و تختی واردی باشیمده قانلی عمامه
مســـــــــلمـــــــــیه.mp3
2.59M
لطف ایلیوبدور یقین ذات حق ذوالمنن هیئتیوه گلمیشم سسلرم عشقیله من الدخیل الدخیل الدخیل آقا یا مسلم بن العقیل خون دلی قاتمشام گوزدن آخان یاشیمه بوردا عزا ساخلیام سیف بنی هاشمه الدخیل الدخیل الدخیل              آقا یا مسلم بن العقیل مسلمون یارالارین باغلیانی اولمادی ئولدی شهر کوفه ده آغلیانی اولمادی جسم پاکیده گورن وقتیده یارالارین آرزو ایدوبدی چوخ خورداجا بالالارین جان کیمی قوجاقلیا قلبینون پارالارین گوزلری گزوب ایکی نوحه خوانی اولمادی ووردیلار خدنگ غم قلب پاره پاریه درد و محنتی اونون گَلمدی شماریه کوفه اهلی نعشینی ویردیلار قناریه نیلمشدی امته باخ یانانی اولمادی اولین قتیلیدی مرحبا مرامینه شرکت ایلدی شه کربلا قیامینه جانمیز اولا فدا عزت و مقامینه حیف قالدی بی کمک ال دوتانی اولمادی عرض ایدردی یالقوزام جانووه فدا حسین نامه گوندرنلرون چیخدی بی وفا حسین گلمه شهر کوفیه گلمه گلمه یا حسین مسلمه جفا اولوب مهربانی اولمادی باخمیشام بو شهریده من عم اوغلی هر یانا با وفا گورنمیوب قالمیشام یانا یانا قلبیمی جفائلن دوندروبدیلر قانا مسلمی،حسین قوناق ساخلیانی اولمادی
ahangdownload.com-2016092600195787139.mp3.mp3
3.51M
احوالات حضرت ابوالفضل(ع) دیزی اوسته اوتی بیر لحظه علمداره گوره تا دیوم نه حالا سالدی قوشون اول سرداری چاتمشام نقطه حساسه دیون یا ابوالفضل سیل گوزون گور آتون اوسته خلف کراری بس که تعریف المیشدی ننه سی ام بنین گویلونه دوشدی خانم فاطمه نین دیداری دیلی سسلندی حسینی اورگی زهرانی (آی قابرقالاری سنان ننه ایییی) بیلدی عاشقدی حسینده گوره اول رخساری مستجاب اولدی دعا گیتدی حجابات آرادان گلدی سادات آناسی تاپدی او خوش پنداری دیدی گلدون ننه قربان او صفای قدمه (آی قابرقالاری سنان ننم ایییییی) جان نثارم سنه یاز دفتره بو ایثاری سن کی گلدون بولورم ایندی حسینیمده گلر بورویوب قلبی ولا جلوسینون انواری آی علی حقینه خاطر سینه سی یاره لنن آخ دیوب سینمه جان تک باسارام اوخلاری من او عباسم اوشاقلیقدا سنون عشقیویلن گونده اوچ دفعه اوپردیم او در و دیواری آستانینده اوتوز ایل دیمیشم یازهرا
22.mp3
3.23M
روضه حضرت ابوالفضل علیه السلام ایکاش حسین جسمیده تاوانیم تولیدی بیر سنله گیدم خیمیه امکانیم اولیدی گل یاخجی گلیبسن ایاقین قوی گوزوم اوسته من قانه بویاندیم آقا بیر حق سوزون اوسته ال اولمادی افسوس یخلدیم یوزوم اوسته هیچ من دیمیرم دوربریم دشمن اوخیدی من السیزیدیم داش وران افسوس چوخیدی اسرار ایلمه آچ گوزوی سن منه خاطر آغلاتما منه ایلدیگوم شیونه خاطر مین یول دا اگر من یارالانام سنه خاطر فخریم بودی قربان حسین جان سنه شاها دای گوز یومولوب آشماقی ممکن دیور آقا (ایله کی آقانین گوزونه اوخ دیدی نه گلنی گوردی نه گیدنی گوردی دیدی حسین) ئولور لب تشنه لب سقاسی قارداش اورگیمدن اوخی احساسی قارداش سو کی خاموش ایدر هر آتش اولسا ولی سو ئوزی یاندروب عباسی قارداش