🏴درشهادت امام جعفر صادق (علیه السلام)🏴 #سبک_می_گذرد_کاروان #سبک_ای_بوغازین_اوچ_پر_اوخ ✍زلفی تبریزی باتدی سراسر بو گون عالمیان ماتمه آغلوری عرش برین شور دوشوب عالمه سسلوری ایوای اوغول فاطمه جناتیده غصه و درد و بکا یوز گتیروب خاتمه بو غمده آغلور نه آسمان عاشقلر قلبی بیت الحزان آه و واویلا وا صادقا ... شرح بیان ایلورم درد و غم و محنتون اهل جفا پوزدولار حالینی اول حضرتون داد و امان جوریدن مظلم منصوریدن ایلوب امامه روا برهم ایدوب حالتون بو غمده آغلور نه آسمان عاشقلر قلبی بیت الحزان آه و واویلا وا صادقا ... ایلوب اثر زهر کین الدن آلوب اختیار صادق آل عبا قلبینه دوشدی شرار حجت خالق نئجه حسرتیله جان ویروب شهد شهادت ایچوب اولوی عجب کامکار بو غمده آغلور نه آسمان عاشقلر قلبی بیت الحزان آه و واویلا وا صادقا ... عاقبت اولدی شهید صابر و فاضل امام جدینه ملحق اولوب سید والا مقام اهل و عیالی گلوب همت ایدوب دفنینه خاک بقیعده یاتوب اولسون او قبره سلام بو غمده آغلور نه آسمان عاشقلر قلبی بیت الحزان آه و واویلا وا صادقا ... #گریز به #کوفه جسمی نه مجروح اولوب نه سویولوب جامه سی نه بویانوب قانینه باشداکی عمامه سی گونلر ایوینده قالوب جسم حسین شهید خیمه سی غارت اولوب سخت اولوب هنگامه سی ایستی قوملار اوستونده یاتوب اهل و عیالین گوزدن آتوب آه و واویلا وا حسرتا یا حسین مظلوم کربلا موعد هجر اولدی تا کوچ ایلسون کاروان جمله عیال حسین مضطر و ناله کنان بیر نچه عریان دوه حاضر ایدوب اهل کین میندیلر اطفالیلر ناقیه آغلوللا قان کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا سسلدی زینب حسین دور بیزی پیشواز ایله باشسیز عیالین یول اوستونده سرافراز ایله سسلیورم بس ندن زینبه سس ویرموسن دور یارالی ویر اذان شوریله اعجاز ایله کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا هر نقدر عمری وار (زلفی) اولار نوحه گر سینه ده تا وار نفس شوریله روضه دییر روحی اولوبدور عجین آل علی بزمینه ورد ایلییر بو سوزی اشکین عذاره الر کاروان کوفیه یوللانوب زینبون قوللاری باغلانوب آه و واویلا وا حسرتا یا حسین مظلوم کربلا #شهادت_امام_صادق_علیه_السلام ✨اَللّهُمَّ عَجِّل لِوَلیِّکَ الفَرَج✨

#شهادت_امام_صادق سبک می‌گذرد کاروان 🎤کربلایی سعید سلطانی @turki_nohemajma #کانال_ترکی_مجمع_الذاکرین

🏴درسوگ رئیس مذهب عالم تشیع امام جعفر صادق (ع)🏴 🎶سبک_یخلدی_سقا_یره.... . ✍حاج روح اله رمضانی . . تسلیت ای شیعه لر موسم عزا گلوب نالیه غم غصه دن قلب ماسوا گلوب . گوش جانه گنه گلدی غملی زمزمه جعفر صادقه یاس دوتوبدی فاطمه . . . غم اوز وئریب بیربه بیر جمله آل یاسینه تاب ائده بیلمور اورک فاطمه نواسینه گلمز آناسی مگر اوغلونون عزاسینه فاطمه بو مجلسه سینه ده یارا گلوب . بارغمدن گنه قدی خمدی فاطمه بوگجه بانی بزم غمدی فاطمه . . . تنها نه سن آغلوسان بو گجه اوسروره قاره ملکلر چکوب بلکه عرش داوره تسلیته گلمیشوک محضر پیمبره چون بو عزا بزمینه ختم الانبیا گلوب . ختم مرسل ویرور باشینه قان آغلیور وای اوغول وای دیور کائناتی داغلیور . . . شیخ الائمه بوگون ترک ائدوبدی عالمی خرمن صبره شرر ویردی شعله ی غمی گویده ملک لر گنه قوردی بزم ماتمی نالیه غم غصه دن اهل نه سما گلوب . عرشیدن دمبدم صوت غم اولور طنین شعله ی غصه ده یاندی قلب عالمین . . . ابن ربیع یعنی اول پست و بی ادب غلام زاده ی پیغمبره ایلمدی احترام شامل ائدوب حشره جک لعنته اوزون مدام ظلمی دوشنده یادا قلبیدن نوا گلوب . بیر جنایت ائدوب اول پلیدو بد مرام داشدا اولسا غمه ایلمز اورک دوام . . . آلله آلا کاش اوزی اول شقیدن انتقام نافله سین حضرتین قویمادی اولا تمام چکدیله سجاده سین دوشدی تپراقا امام لرزیه اول حالیده عرش کبریا گلوب . ساکنان سما گوزیاشین یوزه الیر عالم غیبدن آغلاماق سسی گلیر . . . ظلم اهلی نین باشلادی ظلمی نین ادامه سین قویمادی حضرت گیه پیکرینه جامه سین وئرمدی مهلت باشا باغلیا عمامه سین عالمه یارب هاچان بیله بی حیا گلوب . فاطمه اوغلونون ساخلامادی حرمتین شیعه نین اول دنی آرتیریب مصیبتین . . . باغلادیلار قولارین ظلمیله گجه یاری آپاردیلا باش آچیخ قصر دشمنه ساری ائتدی مسلط گل حیدره فلک خاری آل رسوله ندن بیر بئله بلا گلوب . توختاماز فاطمه قلبینین یارالاری ئولدی الرده چون محترم بالالاری . . . یامان حالا سالدیلار فاطمه نشانه سین توکدوله گوزدن یوزه اشک دانه دانه سین نسل پلید عمر اوتلادیلا خانه سین یادیمه یارب گنه غملی ماجرا گلوب . گلدی غملر گنه جوشه داغلی سینه ده بیر قاپیدا یانیب ظلمیله مدینه ده #شهادت_امام_صادق_علیه_السلام

#شهادت_امام_صادق 🎤کربلایی سعید سلطانی @turki_nohemajma #کانال_ترکی_مجمع_الذاکرین

🏴شهادت حضرت امام صادق علیه السلام🏴 ✍داود حیدری تبریزی . 🎶سبک_شال_ماتمت_آبرو_به_من_داد... . ماتمه باتوب اهل عالمینی شیعه آغلیار ئولدی نور عینی جان ویریب بوگونده حضرت صادق گلدی نالیه جمله مشرقینی . بو غمده زهرا باشه قرا سالوبدی آغلیری حیدر دیده سی تر قالوبدی سید سجاد بقیعده نوحه خواندی غم مجتبانین صبر دلین آلوبدی . نواده دللر مولا امام صادق قاندی اورکلر مولا امام صادق . . . . اولدی بو قلوبه غصه سی وافر محنتینده آغلار آتاسی باقر قالدی قبری گونلر ائوینده افسوس یوخدی بیر نفر اول مزاره زائر . نسگللرینده اولدی اورکلر القان بو سینه زنلر اولسون او قبره قربان مزاری اوسته یوخ شمع یاندیرانی قلبیمده اولموش شمع غمی فروزان . نواده دللر مولا امام صادق قاندی اورکلر مولا امام صادق . . . . بیر غمه اورک بی شکیب اولوبدی بو حبیب حق بی حبیب اولوبدی مجلسه گجیله نجه چکوبلر وای منه آقام چوخ غریب اولوبدی . سالماقا چگنه قویمادی دشمن عبا عمامه سیز چخدی بو امام والا ایاق یالین شه اوزی سواره دشمن علی مثالی صادقه اولدی جفا . نواده دللر مولا امام صادق قاندی اورکلر مولا امام صادق . . . . وارث خلیل اولدی جان طاها توش اولوبدی درده ، درده مداوا دودمانینه نار کینه دوشدی شعله چکدی اوت یاندی دل زهرا . بو غم اورکدن ائدوبدی سلب طاقت آغلار گوزیله سسلدی کان محنت وای زینب عمه او گونده سن نه چکدین یانوبدی قلبی یادینه دوشدی غارت . نواده دللر مولا امام صادق قاندی اورکلر مولا امام صادق . . . . غارتین غمی هر غملره باشدی خیمه گاهه لشکر تا که یول آشدی بعضی قیزلارین دامانی دوتوب اود نهر علقمه ساری بعضی قاشدی . غارت نه غارت برپا اولوب قیامت چپاول اولدی یاندی خیام عصمت ائویم یخیلدی دییر رباب ، علی جان گهواره وی دشمنلر ائدنده غارت . نواده دللر مولا امام صادق قاندی اورکلر مولا امام صادق #شهادت_امام_صادق_علیه_السلام

#شهادت_امام_صادق سبک شال ماتمت 🎤کربلایی سعید سلطانی @turki_nohemajma #کانال_ترکی_مجمع_الذاکرین

شهادت حضرت امام جعفر صادق (ع) شیعه لر قان  آغلیون صاحب  زمان  آغلار  بوگون حضرت  صادق   غمینده   قدسیان   آغلار  بوگون باد    ظلمیله    گل      گلزار    پیغمبر    صولوب صادق   آل    محمد    زهریله  مسموم    اولوب گر دیسم  زیبنده دور  زهرا  بو گون زلفین یولوب عالم   معناده    هم    مومنان   آغلار     بوگون بغضیله   منصور   نور   وحدتی  خاموش  ایدوب بیشوای دین  حق  جام  شهادت  نوش  ایدوب جعفری  مذهبلری  محنتله   هم آغوش  ایدوب گوز یاشی گوزدن توکر اهل جهان آغلار بو گون باعث    ایجاد    عالم   حامی    دین       خدا نور   یزدان   مظهر   توحید    سبط      مصطفا مذهبه  رونق  ویرن  دینه   بویوک   بیر   پیشوا درک ایدوب فیض شهادت انس و جان اغلار بو گون شور  محشر  شهر  یثربده  بو گون اولدی عیان وا    اماما   ناله سی  خلقه  اولوب    ورد   زبان بوینی  چگنینده  توکردی  گوز  یاشی  اسلامیان تابعان  حضرت  صادق   عیان  آغلار   بو گون جان    ویروب  جانانه   یتدی    بو   امام  ممتحن ایلدی اوز  اوغلی موسی جسمینه غسل و کفن اولدی  چوخ   اجلالیله  تشییعینه  چوخلی  گلن کربلا  مظلومینی  یاده  سالان  آغلار بوگون قالدی اوچگون یرده گل جسمی  یارالی  بیکفن اولمادی بیرکس او گون بیغمبر اوغلین دفن ایدن گون ایوینده قانه غلطان قالدی یتمیش  بیر بدن بیله بیر احواله هر شیعه یانار  آغلار  بو گون یتدی  اوچ گوندن صورا  بیماره  چون  فرمان حق دفن اولونسون تا نقدری وار سوسوز  قربان حق کربلا  صحراسینه    اعجازیله    سلطان     حق گلدی بو اعجازیدن آگاه  اولان آغلار  بوگون بیر    قبیله   اهلینی   گوردی   ملول  و  دلفکار قصد   دفنیله   گلوب  اللرده   حفر  اسبابی  وار دفنینه    اما    او   گول    پیکرلرین    حیراندیلار بو سوزه اول جمع تک حیران قالان آغلار بوگون باخدی  اول  بیر  آتاسی  نعشینه  چکدی فغان سویلدی ای  بذل ایدن  جانانینه لب تشنه جان کربلانی   ایتموسن   اوز    قانویله      گلستان یاسمن سرو سمن هر گلستان آغلار بو گون بیر مزار  اول  شهریاره  قازدی با  شور  و محن گوردی  لازیمدور  اولا  شاهانه  بیر  عالی کفن قالدی حیرتده او گول جسمه کفن ایتسون ندن بو    مصیبتده تمام   افلاکیان  آغلار  بو گون امر ایدوب اول جمعه  سوز   آهیله  یالقوز  امیر بیکفن دفن  اولماسون  مقتول   اشرار    شریر تاپدیلار  اول  دشتیده  زحمتله  بیر  پاره  حصیر قبره شه جسمین حصیریله قویان آغلار بوگون گوردی  لیلانین  علی  اکبر  اوجالدوب   باشینی گول کیمی خندان اولوب توکدی یوزه گوز یاشینی دفن ایدوب  پائین   پاده   اول  جوان  قارداشینی ایمدی اول ششگوشه قبره هرباخان آغلاربوگون سن امام  صادقه صدقیله ((اشکی)) دوش دخیل حاجتین    ایلر    روا    فوراً    او    میر   بی بدیل نا امید   ایتمز   او شهدور  سن  اونا  نوکر   ذلیل اولسا گر  نومید سائل شاهه دور نقصان بوگون ** اشکی تبریزی ✨اَللّهُمَّ عَجِّل لِوَلیِّکَ الفَرَج✨

شهادت حضرت امام جعفر (ع) شهادت حضرت امام جعفر (ع) ظلمده   طغیان  ایدوب   منصور  یا  صاحب  زمان اولدی   جدون    قتلینه   مآمور   یا  صاحب   زمان گوردی  جدون  جعفر   صادق  اولوب  دین  استتار ایستیوب    الله     اکبر    تا    دیولسون      آشکار دین اسلام  اوسته چکدی رنج  و زحمت بی شمار گلدی   آخرده    اله    منظور    یا   صاحب    زمان چکدیقی   زحمت لریندن   یتدی  بو  منصب  بیزه ایمده    عالمده    دیوللر   جعفری   مذهب     بیزه رشگ   ایدور  بیگانه لر  دنیاده  روز   و  شب   بیزه اولموشوخ چون گون کیمی مشهور یا صاحب زمان ویردی درس دین بیزه خیر ایشلری ترک  ایتمیون یاتمیون    فرمایش    پیغمبری   ترک     ایتمیون امر  به معروف و  نهی از  منکری  ترک  ایتمیون اهل دین  چکسون گرک  هر جور یا  صاحب زمان دین گلوب  آسان  اله  چون  بولموروق  بیز قیمتین ساخلاسون هر کس گرک اسلام و دینون حرمتین بولمسه  دنیاده    هر   کیم    قدرین    اسلامیتین خلق  آرا    آخر    اولور   منفور   یا   صاحب   زمان بو همان دیندور که بو دین اوسته ساق  صولار دوشوب جسم لردن قان آخوب  قاندان  یره  یولار دوشوب خیمه لر تالان اولوب باشلار گیدوب قولار دوشوب تشنه  حنجرلر  اولوب   منحور   یا   صاحب   زمان باخمیوبدور    حضرت   صادق   ایدوللر   سرزنش آچدی   بیر دانشگه   اسلامی   اول   طاها   منش ویردی   دانشگهده    شاگردان    دینه    پرورش وار   آدی  تا   پای   نفخ   صور   یا   صاحب زمان بولدی لازم   دین  یولوندا   اهتمام  ایتسون گرک جدی  شاه   کربلا  تک   تا   قیام   ایتسون گرک حق    یازان   برنامه   دینی   تمام   ایتسون گرک شوریلن    دنیایه   سالسون  شور یا صاحب  زمان گوردی   آی تک   گیزلنوبدور   ابرده   آیات    حق هر  گیجه   گوندوز  ایدوبدور  خلقه   تبلیغات   حق ایلیوبدور      حقیله    نا  حق لره      اثبات     حق قویمیوبدور  حق    اولا مسطور   یا   صاحب  زمان گوردی   منصور   دنی    اجلالینه    رخنه     یتور گوندروب    پیغام    امامه   ایشلروندن  ال   گوتور عالم    ایچره     اول   جفا  پرور   ریاستدن   اوتور جام   کبریله    اولوب    مخمور    یا  صاحب زمان ایستیوبدور    سوندوره    شمع    هدایت    نورینی یغدی   خلقی  باشه  بولدورسون  اورک منظورینی گور نئجه   دنیا   ایدوب   مغرور   یا صاحب  زمان امر  ایدوب   اولسا   امام   مسلمین   هر   حالیده جلب ایدون  جبریله   فکریم  قالماسون  اشغالیده شاه    دینه   گوندروب   مآمور   یا   صاحب   زمان گلدیلر    مآموریلر    بولموبله   راز    اوستونده دور گوردولر اول   پیشوای راز   و  نیاز    اوستونده دور باخمیوبلر   سجدده   راز   و   نیاز     اوستونده دور ایلیوبلر    گیتماقا     مجبور    یا   صاحب      زمان قویمیوبلر  تا   عوض  ایتسون   لباسین  شاه دین پا   برهنه   باش آچوخ پوزقون پریشان دل غمین گتدیلر  اول حالیلن  زیبنده دی  بو  جور  و  کین قلب    زهرانی    ایده   رنجور   یا   صاحب   زمان گلدی    منصوره    سلام   ایتدی    ولی    داد گر اعتنا    ایتموب    ایاق    اوسته  قالوب  فخر  بشر ایتدی   بیر   ساعت   صورا   مظلوم  امامه  تا نظر گوزلری  ای  کاش   اولیدی کور   یا صاحب  زمان گردش    ایامه    باخ      کابینه     شورایه      باخ حاکم  و  محکومه   باخ   فرمانه   باخ   ایذایه  باخ ظالم  و   مظلومه   باخ   مأموره   باخ   دنیایه  باخ خار    الینده   گول  اولوب   مقهور یا صاحب زمان ناقه    دینی   او    ظالم    ظلم     الیله      پیلدی دلده   بغض  و کینه سین  مجلسده   ظاهر   ایلدی منده   یوخ  جرأت   دیوم   اول   کینه پرور  نیلدی دوت   منی  بو  شرح دن   معذور   یا صاحب زمان گر  چه خلق  ایچره اولوبدور(( اعظمی)) نامیم  منیم غصه دن   لبریز دور    اما    گوگل    جامیم   منیم لطف  ایله   تا   بنده  اولسون  کوکب  کامیم  منیم ایلسون  خالق   منی   مأجور    یا   صاحب    زمان ** مرحوم اعظمی تبریزی ✨اَللّهُمَّ عَجِّل لِوَلیِّکَ الفَرَج✨

شعرترکی در باره شهادت امام صادق از مرحوم سیدرضا حسینی متخلص به( سعدی زمان) حسین ذکرینه گوگلوم اگرچه شایقدور ولی بو یرده خیالیم امام صادقدور بلا بو رسمیدی اهل ولادن آیریلماز اودور امام همیشه بلادن آیریلماز دیوب بلایه بَلی یکسر عترت یاسین خلا کلامیدی چون سینی یادن آیریلماز بلا و محنت اسیری امام صادقه باخ دوزر بلایه غم و ابتلادن آیریلماز ایدوب او سروری خانه نشین بنی عبّاس تقیّه محنتی اول مقتدادن آیریلماز قویِیدیلر قالا آسوده کاش خانه نشین گوروردولر که نماز و دعادن آیریلماز جفا و جوریده منصور قویمادی نقصان جهاندا رسمیدی ظالم جفادن آیریلماز ایدوبدی صادق آل محمّدی مسموم هوای مُلکی اولان بد هوادن آیریلماز امام او زهریله اوز جدّینه اولوب ملحق وصیّ ختم رسل مصطفادن آیریلماز وصیّت ایتمیشیدی اوغلی ایتدی غسل و کفن عمل وصیّته اول پیشوادن آیریلماز جوار امام باقرده دفن ایدوب آتاسین بالا محبّتینه باخ آتادن آیریلماز بقیعیدن قلمیم کربلا اییی آلوری بو قان اولان اورگیم کربلادن آیریلماز اولوم حسینون او شش گوشه قبرینه قربان حسین ده اکبر گُلگون قبادن آیریلماز بیله گمان ایدورم ایمدیده یارالی باشین آلوب دیز اوستونه اول مه لقادن آیریلماز یارا چتیندی اگر اولسا گوز قاباقینده بو غم او خامس آل عبادن آیریلماز باخاندا ایمدیده سسلر جوان اوغول ایوای حسین ''حسینی'' بو آه و نوادن آیریلماز ✨اَللّهُمَّ عَجِّل لِوَلیِّکَ الفَرَج✨

داد خواهی از ولی عصر(عج) سبک: یخلدی سقایئره دنیاده غوغا ائدور _بی عدالتی آقا قربان اولوم گوزلره_ ائت عنایتی آقا هارداسان. هارداسان ای گل نیلوفریم پرده غیبیدن چخ وفالی رهبریم مهدی جان. سروریم گل هایاندا قالموسان بوفراقونده باخ گورنه درده سالموسان(۲) 🔸🔹🔸🔹🔸🔹 آل اله سن پرچمی_یوسف زهرای من رایحه وئر هریئره_ای گل شیدای من آند وئررم سنی مصطفایه گل آقا همدم   فاطمه  مرتصایه   گل آقا مهدی جان سروریم گل هایاندا قالموسان بوفراقونده باخ گورنه درده سالموسان(۲) 🔸🔹🔸🔹🔸🔹 عدل و عدالت ئولوب_        قلبیلریانمور سونوب بس که باخوب یوللارا_دیده لر قانه دونوب آی آقا جان آقا گل گوزوندن ئوپروک شیعه نی شاد ائله یولووا گول توکروک مهدی جان.سروریم گل هایاندا قالموسان بوبراقونده باخ گورنه درده سالموسان(۲) 🔸🔹🔸🔹🔸🔹 وئررم عباسه قسم_آل اله یاشیل علم آل انتقامین آقا_قوللاری اولوب قلم محشرون تظمینی او ایکی قول اولاجاق باخدیقجان ننون قلبی قانلا دولاجاق مهدی جان.سروریم گل هایاندا قالموسان بوفراقونده باخ گورنه درده سالموسان 🔸🔹🔸🔹🔸🔹 التماس دعا کربلایی ابوالفضل صفری #امام_زمان_عج_الله

روضه حضرت ابالفضل (ع) الریم اولمادی دیدیم اوزی اوستونده یره وای اگر ام البنین بولسه بله جریانی گرچه آتدان یره دوشدی ولی قورتارمادی ایش آیری بیر درده دوشوب فاطمه نین مهمانی حلقه ی بند رکابه ایاغی بند اولدی سورونوب توپراقون اوستونده روخ رخشانی (گوردی آتدان یخلیر یره) اوقدر آل علیدن بیرینی سسلمدی دیل دوتا دوتمیا سسلندی خانم زهرانی آتون اوستن یخلاندا چاغرب یا زهرا باشی اوستونده گوروب فاطمه عذرانی (خانمی گوردی، بولمورم ایشیز مشکله دوشنده ننوزی گوربسوز یایوخ آدام ننه نی گورنده اورکلنیب آغلیار) خانمی گوردی اورکلندی بیر آز آغلادیلار صورادان عرضه ورب محنت بی پایانی دئدی گل یاخشی گلیبسن ننه قوربانون اولوم عجبا یاد الدون سن بو بلا گردانی سوئدوغوم تک ننه بو قومیله جنگ ائتمیشم هرندن باشدی منه چون آقامین فرمانی سن دعا ایله دوشن قول بدنه وصل اولسون اذن ور جنگه تماشا ائله دشتستانی ننه کیمدی سعد اوغلی دونوب خیمه لره چپ باخسن آندولا حقوه نسلین کسرم من آنی ئوز گوزوم چخدی یادمنان گوزویی گوردوم آنا گوئیا وردلار بیردن باشیما دونیانی ئولمسم ده منی بو قانلی گوزون اولدورجک یانیرام روحیمه از بس کی سالوب طوفانی یوزده کی سیلی یرون دردیمی آرتیردی ننه نجه ورموشدی سنی کوچه ده ملعون سانی ننه اله بیر وقت ده گلوبسن نه گوزوم وار نه الیم عاجزم نیلیه بیلم داخی بو اعدانی ننه من اشیدیم کوچه ده بیر حسنی میش بیر ئوزون (دیدی بالا، کاش اولیدون یثربده بالا گوریدون او ملعون نجه وردی ننوی) ساغ ال سیلی ورب سول یوز گویردی یخلدی ساغ یوزی دیواره دیدی #عباسیه

روضه حضرت مسلم بن عقیل(ع) هردم دیور ای داد آدامسیزلخ الیندن چوخ سینه سی سوزان دولانور کوفه غریبی ایستور گیده هر سمته گورور باغلیدی قاپلار (الله هیچ کسی غریب المسین مخصوصا جان ویرنده ایستور گیده هر سمته گورور باغلیدی قاپلار بیر صاحب وجدان دولانور کوفه غریبی (دیدی آی منی دوره لینلر منی محاصریه سالانلار ) من غریبم سفیریم آقامون دفترینده دبیریم آقامون نامردیلر قولومی باغلامیون من قاچمارام اسیریم آقامون من غریبم گوزوم ایکی یاردادی بیری حسین بیری علمداردادی کوفه لیلر ایوده راحات یاتوبلار من بولمورم بالالاریم هاردادی آی ابوالفضل گوز تیکمیشم یولوا یغ قهرمان سپاهی صاق صولوا ده زینبه وان یکاد اوخوسون من قورخورام نظر دیه قولوا من قورخورام یل اسه طوفان اولا آقام گله بو شهره مهمان اولا من قورخورام بیر شربه سودان اوتری علی اصغر قاننا غلطان اولا آی حاجیلار سحر قربان گونودی صدقه پایلیون احسان گونودی مناده آغلیون دیون مسلمون جنازه سی یرده قالان گونودی (ایکی نفر سلام دیوبلر بزرگواریلردن اما سلاملارینین جوابی آلنمیوب بیری علیدی امیرالمومنین مدینه ده پیغمبردن صورادیلر سلام ویردی اما جواب ایشیتمدی، بیریده حضرت مسلم آقا کوفه ده بیر گونه قالدی هرکسه سلام ویردی جواب ایشیدمدی ) من غریبم بیر قیدیمه قالان یوخ غربت یرده منی یادا سالان یوخ ایندی بولدوم عموم علی نه چکوب قلبیم سنوب سلامیمی آلان یوخ #مسلمیه

‍ گون قیزدریبدی عرصه گهی صبحدن شاخیر بیرسیدی باسیبلا داشا یاندریریاخیر هردن دونیر اوحالیله بیر علقمه باخیر عباس قانیله قتلگاهیمه سجاده سالمیشام منده سنین کیمین بترآواره قالمیشام بودرده عشقیدور نه دوا نه علاجی وار ایندی حسینین اللریوه احتیاجی وار یوخدورگورن بیلن بیلار نجه دیلدن سالیب منی هرداش دییر کی اوخ یرینه سسلیرم سنی یوللاردا هش مسافری یولداش سیزاولماسین هیچ بیر غریب منیم کی قارداش سیز اولماسین داش لار کتاب عمریمی بیربیر وراخلیار سینمده کی اوخون یرین آتلار ایاخ لیار #حسینیه

روضه قتلگاه غمیم غم اوسته گلیر غملیم غم عاشقیم قاپی قاپی گزیرم بزم ماتم عاشقیم اوچ آی بهاری ورین بلبله گلستان دا من اون بیر آی گوزی یاشلی محرم عاشقیم او سلسبیلی ویرون بوذریله سلمانه نه کوثر ایستمیرم نهر علقم عاشقیم عصر وقتیدی حسین کعبه آماله دوشوب باش یارا سینه یارا عشقیله گوداله دوشوب ارمغان بزم نگاره یورولان جان آپارور جلوه یاری گوروب هوشه گیدوب قان آپارور نه یارا فکرینی ایلور نه طبیب و نه دوا خضری مبهوت الیوبدور نه سو ایستور نه غذا ماسواللهی آتوب فکری خدا ذکری خدا نه شهیدانی نه قیزلاری نه خرگاهی گورور تلیده زینبه باخمور فقط اللهی گورور #حسینیه

زبانحال حضرت مسلم بن عقیل (علیه السلام) مسلم ابن عقیلم جماعت واردی قلبیمده عشق شهادت رهبر انقلابیم حسیندی قوی ئولوم من او قالسین سلامت من بنی هاشمه نور عینم جان نثار شه عالمینم هر کسین دلبری بیر گوزلدی منده قربان راه حسینم کوفیه گلمیشم دینه خاطر باتمیشام قانه آئینه خاطر حاضرم قان دولاگوزلریمه اهلبیت خدابینه خاطر نایب بر حقم من امامه قوش کیمی دوشموشم ایندی دامه عاشقم نیلیرم تاج و تختی واردی باشیمده قانلی عمامه #مسلمیه

لطف ایلیوبدور یقین ذات حق ذوالمنن هیئتیوه گلمیشم سسلرم عشقیله من الدخیل الدخیل الدخیل آقا یا مسلم بن العقیل خون دلی قاتمشام گوزدن آخان یاشیمه بوردا عزا ساخلیام سیف بنی هاشمه الدخیل الدخیل الدخیل              آقا یا مسلم بن العقیل مسلمون یارالارین باغلیانی اولمادی ئولدی شهر کوفه ده آغلیانی اولمادی جسم پاکیده گورن وقتیده یارالارین آرزو ایدوبدی چوخ خورداجا بالالارین جان کیمی قوجاقلیا قلبینون پارالارین گوزلری گزوب ایکی نوحه خوانی اولمادی ووردیلار خدنگ غم قلب پاره پاریه درد و محنتی اونون گَلمدی شماریه کوفه اهلی نعشینی ویردیلار قناریه نیلمشدی امته باخ یانانی اولمادی اولین قتیلیدی مرحبا مرامینه شرکت ایلدی شه کربلا قیامینه جانمیز اولا فدا عزت و مقامینه حیف قالدی بی کمک ال دوتانی اولمادی عرض ایدردی یالقوزام جانووه فدا حسین نامه گوندرنلرون چیخدی بی وفا حسین گلمه شهر کوفیه گلمه گلمه یا حسین مسلمه جفا اولوب مهربانی اولمادی باخمیشام بو شهریده من عم اوغلی هر یانا با وفا گورنمیوب قالمیشام یانا یانا قلبیمی جفائلن دوندروبدیلر قانا مسلمی،حسین قوناق ساخلیانی اولمادی #مسلمیه

احوالات حضرت ابوالفضل(ع) دیزی اوسته اوتی بیر لحظه علمداره گوره تا دیوم نه حالا سالدی قوشون اول سرداری چاتمشام نقطه حساسه دیون یا ابوالفضل سیل گوزون گور آتون اوسته خلف کراری بس که تعریف المیشدی ننه سی ام بنین گویلونه دوشدی خانم فاطمه نین دیداری دیلی سسلندی حسینی اورگی زهرانی (آی قابرقالاری سنان ننه ایییی) بیلدی عاشقدی حسینده گوره اول رخساری مستجاب اولدی دعا گیتدی حجابات آرادان گلدی سادات آناسی تاپدی او خوش پنداری دیدی گلدون ننه قربان او صفای قدمه (آی قابرقالاری سنان ننم ایییییی) جان نثارم سنه یاز دفتره بو ایثاری سن کی گلدون بولورم ایندی حسینیمده گلر بورویوب قلبی ولا جلوسینون انواری آی علی حقینه خاطر سینه سی یاره لنن آخ دیوب سینمه جان تک باسارام اوخلاری من او عباسم اوشاقلیقدا سنون عشقیویلن گونده اوچ دفعه اوپردیم او در و دیواری آستانینده اوتوز ایل دیمیشم یازهرا #عباسیه

روضه حضرت ابوالفضل علیه السلام ایکاش حسین جسمیده تاوانیم تولیدی بیر سنله گیدم خیمیه امکانیم اولیدی گل یاخجی گلیبسن ایاقین قوی گوزوم اوسته من قانه بویاندیم آقا بیر حق سوزون اوسته ال اولمادی افسوس یخلدیم یوزوم اوسته هیچ من دیمیرم دوربریم دشمن اوخیدی من السیزیدیم داش وران افسوس چوخیدی اسرار ایلمه آچ گوزوی سن منه خاطر آغلاتما منه ایلدیگوم شیونه خاطر مین یول دا اگر من یارالانام سنه خاطر فخریم بودی قربان حسین جان سنه شاها دای گوز یومولوب آشماقی ممکن دیور آقا (ایله کی آقانین گوزونه اوخ دیدی نه گلنی گوردی نه گیدنی گوردی دیدی حسین) ئولور لب تشنه لب سقاسی قارداش اورگیمدن اوخی احساسی قارداش سو کی خاموش ایدر هر آتش اولسا ولی سو ئوزی یاندروب عباسی قارداش #عباسیه

روضه حضرت ابوالفضل (ع) باغلادی کوفه لیلر حضرته چاره یولونی سالدلار تندن اونون صاق قولونی صول قولونی دیدیلر بیچدی عجل داسی گل یاسی گلون آی قاچانلار قیدون یخدیلار عباسی گلون السیز بدنی اهل جفا آلدی آرایه بیر جور باشی سندی ننه سی گلدی عزایه باش کاسه سینون چاتدی سسی خیمه سرایه سوجامینی آتدی یره دیسگیندی سوسوزلار جمع اولدی ربابین باشینا قورخولی قیزلار نیلیم یارب دییر اصغر سوسوزدان ئولمسین اصغرین وای ناله سی یردن گویه قوزانماسین باخدی علقمدن آخان آب روانه آغلادی وای رقیه وای چاغردی یانه یانه آغلادی گریز شعره چاتمشوخ عنایت ایتسه فاطمه گرک ئولونجه آغلیاخ حسینی یاندران غمه حسینچیلر دورون گیداخ کنار نهر علقمه گورک اوقهرمان نجه نگهبان اولدی پرچمه (دوستان از اینجا به بعد میتونن از شهادت حضرت ابوالفضل بخونن) التماس دعا #عباسیه

روضه حضرت ابوالفضل علیه السلام نگرانم بالالاردان اودی چخمور جانیم یوخسا آخشامدان اله جان بسرم یازهرا دونن آخشامدان آنا گوزلریمی یومامشام ایندی اوخ یومدی بیرین دیده ترم یازهرا حیف اولا آی دوتولوبدور یوزونون لکه سی وار سیندرب بو اوروجی قان ایچرم یازهرا یوزده کی سیلی یرون دردیمی آرتردی ننه #عباسیه

روضه حضرت ابوالفضل علیه السلام ای شهریار مقدمیون انتظاریم تشریفین اولسا سون نفسیم خاکساریم سقالقیم فنایه گدیب مشکیم اوخلانوب محشرده، ده بالالارون شرمساریم (گوردی یانا یانا سس آزالدی حسین) سیندردلار غروریمی شرمندیم حسین #عباسیه

روضه قتلگاه حضرت سیدالشهدا علیه السلام اولدی نیم خیز ولی اولمادی امکان قیام یوزی اوستونده سوروندی اله دی قصد خیام قان دولوب گوزلرینون کاسه سینه، سینه یارا سس گلوردی آناسینان گدیسن اوغلوم هارا؟ مجد مرحوم ایلیوب بوسوزی مجلسده بیان #اوخشاما الرین قویدی ترابه ئوزونه ویردی تکان یوزی اوستونده سوروندی او، شه عرش،مکان پنجه سی بس کی نشان اولموشودی نیزه لره #حسینیه

نوحه امام صادق علیه السلام ای ظلم اشقیادن مسموم امام صادق ئوز اهلینون الینده مظلوم امام صادق سالدی سنی ایاقدان منصور بی مروت ایستردی سنده اتسون ایجاد رعب و وحشت گه مجلسینده ائتدی ظالم سنه جسارت حکم قضایه اولدون محکوم امام صادق گاهی بنی امیه ائتدی سنه اذیت عباسیان ظالم غصب ایلدی خلافت دین مقدس اوسته چکدون نقدری زحمت دُزدون هامی جفایه مهموم امام صادق قبرون قالوب بقیعده گونلر ایوینده ویران نه گنبد و ضریحی گلدسته صحن و ایوان ایلر سلام او قبره زوّارلر اوزاقدان شیعه زیارتوندن محروم امام صادق جدّون حسینون عالی صحنی گوزل رواقی هر سمتدن قویوب یوز دربارینه قوناقی هر گون اسَر لواسی هر شب یانار چراغی سن تک هانی بلاکش معصوم امام صادق موسی بن جعفرین وار خوش مرقدی عراقدا یاتمیش بابا نوه¬یله آسوده بیر رواقدا قبری بالون رضانین گرچه قالوب اوزاقدا سن تک دگول جفادن مغموم امام صادق قالمیش خرابه قبرون جنب آتا باباده بیر شمع یاندیران یوخ درگاه مجتباده بیر جوت بالان یاتوبلار حسرتله سامراده غربت سیز اهل بیته مرقوم امام صادق هئچ کس غریب اولانماز سلطان کربلا تک طوفان گورنمز عالم طوفان کربلا تک قربان منا گورنمز قربان کربلا تک آغلار حسینه هم لیل هم یوم امام صادق موضوع: #امام_صادق علیه السلام سبک: #دوباره_مرغ_روحم شاعر: #کریمی_مراغه_ای

در مدح و توسل به حضرت امام جعفر صادق علیه السلام شاعر اهلبیت ع استاد حاج جعفر صادقی مراغه ای 🌷🌷🌷🌷🌷🌷🌷🌷🌷🌷 اولوبدی دردیمه درمان دوای صادقدن اولوبدی مشکلیم آسان عطای صادقدن علینون اوغلودی مین حاتمی ائدر مبهوت نه قدر یازسالار آزدور سخای صادقدن او حشمتیله سلیمان قالوبدی حیرتده جلال و شوکت بی انتهای صادقدن هایاندا دور گوره موسی تجلی حقی دونوبدی طوره مدینه ضیای صادقدن گوزل سُوَر گوزلی علتی اودور یوسف اولوبدی مست رخ دلربای صاقدن مسیح فیض آپارار مکتب امامتدن دیریلدی علم دم جانفزای صادقدن بو عزت و بو جلال و بو صولت و بو کمال نشاندی جاه و شکوه خدای صادقدن گهرشناس بیلر مدعی گهر قدرین سنون سوزونله آزالماز بهای صادقدن بو گول جنان گولودور مین خزان گله سولماز بهار آلوبدی طراوت صفای صفای صاقدن قدم آتاندا اولار عرش ایاقی آلتینا فرش گلوب ملائک ئوپر رد پای صادقدن او معجزه یارادان گوزلریله باخسا دونر ئورک مسی قیزیلا کیمیای صادقدن جهانه فخر ائدروک جعفریده مذهبیموز چاتوب شرافته شیعه ولای صادقدن الستیده بو امامیله بیعت ایلمیشوق بیز ئوپموشوق ید مشگل گشای صادقدن ائمه عاشقی عهدین ئولونجه سیندیرماز چون اورگشوبدی وفانی وفای صادقدن یئتیشدی وارثینه شاه کربلا علمی آلون شمیم حسینی لوای صادقدن مریض عشق دوتار ئوز طبیبنون اتگین یاپوشدی « #صادق » اودور کی عبای صادقدن 🌷🌷🌷🌷🌷🌷🌷🌷🌷🌷

🌸شهادت حضرت امام جعفر صادق علیه السلام🌸 ای ظلم اشقیادن-مسموم امام صادق اوز اهلینون الینده-مظلوم امام صادق معصوم امام صادق سالدی سنی ایاقدان-منصور بی مروت ایستردی سنده ائتسون -ایجاد رعب و وحشت گه مجلسینده ائتدی -ظالم سنه جسارت حکم قضایه اولدون-محکوم امام صادق مظلوم امام صادق گاهی بنی امیه -ائتدی سنه اذیت عباسیان ظالم-غصب ایلدی خلافت دین مقدس اوسته-چکدون نقدری زحمت دوزدون هامی جفایه-مهموم امام صادق مظلوم امام صادق قبرون قالوب بقیعده-گونلر ایونده ویران نه گنبد و ضریحی-گلدسته صحن و ایوان ایلر سلام او قبره-زواریلر اوزاقدان شیعه زیارتوندن محروم امام صادق مظلوم امام صادق جدّون حسینون عالی-صحنی گوزل رواقی هر سمتدن قویوب یوز-دربارینه قوناقی هرگون اَسر لواسی -هرشب یانار چراغی سن تک هانی بلا کش -معصوم امام صادق مظلوم امام صادق موسی بن جعفرین وار-خوش مرقدی عراقدا یاتمیش بابا نوه یله-آسوده بیر رواقدا قبری بالون رضا نین -گرچه قالوب اوزاقدا سن تک دگول جفادن-مغموم امام صادق مظلوم امام صادق قالمیش خرابه قبرون-جنب آتا باباده بیر شمع یاندیران یوخ -درگاه مجتباده بیر جوت بالان یاتوبلار-حسرتله سامراده غربت سیز اهلبیته-مرقوم امام صادق مظلوم امام صادق هئچ کس غریب اولانماز-سلطان کربلا تک طوفان گورنمز عالم -طوفان کربلا تک قربان منا گورنمز-قربان کربلا تک آغلار حسینه هم لیل-هم یوم امام صادق مظلوم امام صادق 🔴من کلام:شیخ الشعرا استاد حاج حسین کریمی مراغه ای