✍شعراز: استادسدیدهریسی وجههٔ آئین اسلام از وقار زینب است زنده نام کربلا با اعتبار زینب است نخل آزادی ز خون سیراب شد اما هنوز پاسداری از پیام خون شعار زینب است گرچه آزادی عجین گردید با نام حسین شیوهٔ آزاده بودن یادگار زینب است قاصدپیغام خون او بود و اینک قرنهاست مکتب سرخ شهادت وامدار زینب است نام عاشورا که شد سر منشٱ هر انقلاب یادگار عزم و جذم پایدار زینب است کی،گمان میکرددشمن درپی قتل حسین وقت آغاز قیام و کارزار زینب است درمقام وصف او این بس که بنویسی "سدید" مادری چون فاطمه آموزگار زینب است

درددل حضرت زینب بارٲس برادر وقت خروج ازکوفه ✍ شعراز: محمدی ناعم (سبک : ای شاه مظلومان حسین ) دنیانی حیران  ایلروک ،  من  ناقه دن  سن   نیزه دن تبلیغ    قرآن   ایلروک ،  من   ناقه ده  سن  نیزه ده ذرّ   عالمی  عهد   ایلییب  پیمانی   باهم   باشلادوق دین   دردینی  باهم گوروب ، درمانی باهم باشلادوق نشر     پیام    عترت  و    قرآنی   با هم   باشلادوق ایفای   پیمان   ایلروک ، من   ناقه ده  سن  نیزه ده کرب  و  بلا   دشتینده کی  ،  ایثاری   تکمیل  ایلدون دنیانی   وئردون   وقریله ،  عقبانی   تحصیل   ایلدون قانلی    مناده    قانووه     باتماقدا    تعجیل     ایلدون حقی  نمایان   ایلروک ،  من ناقه ده ، سن   نیزه ده توش اولدی گول جسمون حسین،اوخ، نیزه ،تیروخنجره آت   چاپدی  قوم اشقیا ، جسمون  داغیلدی  یکسره منده   اسیر  اولدوم   اَخا  ،  نالم   اوجالدی   گوگلره دژخیمی  نالان  ایلروک ، من  ناقه ده  سن  نیزه ده بو   کوفه   اهلی  عترت   طاهایه   حرمت   قویمای تندن    ردای   خفتی   ،   اهل   شقاوت    سویمادی قارداش   دئمه   بو   قلبیمی   تیر   شقاوت    اُیمادی خصمی پشیمان ایلروک، من ناقه ده  سن  نیزه ده آل  امیه   فکر  ائدوب  نور   هدی   خاموش   اولار بیلمور   بلالر   باده سی ،  اهل  ولایه    نوش  اولار فکر  ائتدیلر  ئولسه حسین ،راه  علی مخدوش  اولار بیز  حقی   اعلان  ایلروک، من ناقه ده سن  نیزه ده قوزاندی   عرش   نیزه دن ، اعجازیله  قرآن  سسون سالدی  دیار  کوفیه  ،  بیر سهمگین  طوفان سسون اولدی  یارالی   قلبیمه ،  او   حالیده  درمان  سسون بیز کسب رجحان  ایلروک، من ناقه ده سن نیزه ده من   زینبم   زهرا    قیزی  ،  ارذللره   باش   اگمرم باران کیمی   یاغدیرسا  داش،والله یولومدان دونمرم باش    وئرّم    اما   مطلقا  ،  اشراره   معجر  وئرمرم کفری  پریشان  ایلروک ، من  ناقه ده سن  نیزه ده بیر خطبه   ایراد  ایلدیم ،  ملت   دیدی   اخگردی   بو نطقی  عجب   کوبنده دی ،  گویا    ایتی خنجردی  بو رجعت   ائدوب    شیر   خدا  ، یاللعجب   حیدردی  بو خلقی  هراسان   ایلروک ، من  ناقه ده  سن نیزه ده من   کی   زبان   نطقیله ،   خصمیله   پیکار   ایلدیم منطقله   اهل  کوفه نی  ،  خوار   ایلدیم   زار   ایلدیم ابن   زیادی   تختدن   سالدیم    یئره   خوار   ایلدیم بیر   آیری طوفان    ایلروک ، من ناقه ده سن نیزه ده ایندی   دیار   کوفه دن  ،  اولدوق   دمشقه   رهسپار سن  نیزه ده من ناقه ده ، سن غصه لی من   غمگسار یول   یولداشی   اولدی   بیزه ، بیرده   بو  شمر نابکار ترک  سر و  جان  ایلروک ، من ناقه ده سن نیزه ده ** محمدرضامحمدی(ناعم)

زبانحال حضرت زینب (س) به امام حسین (ع) در کوفه 🌷 سبک : شال ماتمت آبرو به من داد (کریمی) نوک نیزه ده آچ گوزون حسین جان گوز گوزه دانیش منله شاه خوبان جان زینبون گل دیله داریخدیم باشلا قرآنی ای ناطق قرآن لحن حجازین باجون اولا فداسی سسونده قارداش هر دردیمین دواسی ( ایوای یارالی ایوای یارالی قارداش باشی بلالی باشی بلالی قارداش ) بو گچن گئجه هاردا مسکن ایتدون من دییردیم حتما مرامه یتدون ناگرانیدیم هاردا قالدی باشین وای منه گجه سن مطبخه گیتدون زهرا قویاردی بو باشیوی گل اوسته خولی قویوبدی ندندی بس کول اوسته ( ایوای یارالی ایوای یارالی قارداش باشی بلالی باشی بلالی قارداش ) شهر کوفه ده قان اولوبدی دیللر اهلی بیزلره خارجی دیوللر اوخشور هر آنا اوز بالاسین آغلور درده سالدی گور بو ربابی اصغر جدالر اوسته زینت ویروبدی باشلار باشلاری اما بو کوفه اهلی داشلار ( ایوای یارالی ایوای یارالی قارداش باشی بلالی باشی بلالی قارداش ) یوخلیار اخا یولداشینی یولداش بو یانان اورک قان اولوبدی قارداش باشلارا باخاندا آغلوری کلثوم آختارور باجیم باشلار ایچره بیر باش بو گلستاندا یوخدی فقط گل یاس بویور حسینیم هاردا قالوبدی عباس ( ایوای یارالی ایوای یارالی قارداش باشی بلالی باشی بلالی قارداش ) بو رقیه نی وئرمیسن امانت چخسا جاندا گر ساخلارام سلامت ایتمیشم سپر داشلارا اوزومی تا رقیه وه ایتمیه اصابت گوروبدی باشون نیزه باشیندا آغلار چاتسا الی گر باشدا یاراوی باغلار ( ایوای یارالی ایوای یارالی قارداش باشی بلالی باشی بلالی قارداش ) التماس دعا #کانال_ترکی_مجمع_الذاکرین

#زبانحال_حضرت_زینب 🎤کربلایی سعید سلطانی @turki_nohemajma #کانال_ترکی_مجمع_الذاکرین

راه شام  گزورم   چولی   سیزیلدار   ایاقیم   یاراسی عمه گل   اوزون   یارامی   باغلا   الیوون  فداسی عمه نیه  تیز  بی بی دویوبسان  بو باشی بلالی قیزدان آتاسی  گیدن   الیندن   اوره گی   یارالی   قیزدان قاچان  اللری   باشیندا   یورولان   عزالی  قیزدان ئولنه   کیمی   آچیلماز   باشیمون   قراسی    عمه اوزولوب    الیم     بیلورسن    نئجه     آشیانلردن بدنیم    منیم     یورولدی     بی بی     تازیانلردن نیه   یولدا   سن     آییردون    منی     نازدانلردن نیه    کاروانون   اولدوم   غمه    مبتلاسی     عمه غم    هجرووه   دوزوم  یوخ دوتولوبدی قلب  پارم منی تک قویوب گیدوبسن گیجه گلدی  اشکبارم هایانا  گیدوب  سیخیلام  کسیلوبدی   راه   چارم گیدور    آسمانه    یردن    اورگیم   نواسی    عمه دیورم  یقین   واروندور گله  قارداشون  قیزیندان کسولوب بوچولده لطفون بله قارداشون قیزیندان چوخالوب غمی خبردوت هله قارداشون قیزیندان کیچیگه  گلوب  همیشه   بویوگون  عطاسی  عمه بی بی   باغبان ، غم   ایلر  اولا   گلستاندا  گل کم اورگیم   دوتار  دویونمه   قاباقا   دوشنده   کولگم بو گیجه  ئولوب  قوتارام   یوزیمی گورنمز  اولکم خوش  اولار سنون  الونله  قیزیوین  عزاسی عمه قاچورام   الیم   باشیمدا  سسیمه صدا ویرن یوخ دیورم    علی   اکبر   عوضینده    جان  دیین  یوخ یوزیمه آخاندا اشگیم گوزومون یاشین سیلن یوخ چوخ  اولوبدی  زندگیمده   باشیمون  بلاسی عمه فلک   آغلادور  ستمله   گوزیمی  آدامسیزام   من اثر   محن   ساراتدی    یوزیمی   آدامسیزام  من گورورم   بو  چولده  تنها  اوزیمی آدامسیزام من اورگیمی   گتدی    درده    فلکون    جفاسی  عمه ** مرحوم معزی اردبیلی #راه_شام_ #کانال_ترکی_مجمع_الذاکرین

#احولات_شام #نوحه 🎤کربلایی سعید سلطانی @turki_nohemajma #کانال_ترکی_مجمع_الذاکرین

جوشی راه شام زبانحال حضرت رقیه(س) کربلایی محمد متقی تبریزی ____________________________ دایان بابا_ قالوب یولدا_ رقیه ایدوروحشت_ گل زهرا_ رقیه کر دایان گئتمه دایان گئتمه باباجانم دایان گئتمه دايان گئتمه هراسانم آلوب بختیم کیمی قاره بیابانی تیکان باتدی ایاقیمون سوزور قانی یورولدوم دای خراب اولسون بودنیانی آز عمرونده گوروب ایذا رقیه منی قویدی هارا گئتدی خانم عمم هایان سمته گئدوب بولسم قطارغم الیم چاتسا بابام جانی ناز ائتمم بو جریانی ایدر معنا رقیه قرانلوق چول گوزوم گورمور بو صحرانی بویور گلسون بیبیم یا کی سقانی گوروم بیرده گوزی یاشلی اسیرانی فدا اولسون سنه مولا رقیه سالوب گوزدن بو نالانی علی اکبر دینن اکبر باجون الان سنی گوزلر سنه قربان اولا بابا دولان گوزلر سنی گوزلور غمی دریا رقیه سینمده چوخ غم الیندن کوزوم واردی شه عالم دایان گئتمه سوزوم واردی هراسانم مگر منده دوزوم واردی ندور چاره ایده ایا رقیه یارقیه الحسین،،،،

جوشی راه شام زبانحال حضرت رقیه(س)

کوفه - راه شام بهلول حبیبی زنجانی اهل حرمین دل داغلی شاماتی گزور قول باغلی اللریمی جور زمانه باغلادی بیله ریسمانه(2) هم پیکریم هم قوللاریمی یول یول ایدوبدی تازیانه(2) ایوای یارالی جان یارالی(3) گوردوم اوجا نیده باشین توکدوم یوزومه گوزیاشین آغلور ملک اول حال و روزه باخ نیزه دار کینه توزه(2) قرآن تلاوت ایلیینده داش ویردی آنیندان عجوزه(2) ایوای یارالی جان یارالی(3) باخ نیزه باشیندان باری ویر قیزلاریوا دلداری دییردیم آند اولا زبوره صحفدا آیه های نوره(2) ایوین خراب اولییدی خولی باشین نیه قویوب تنوره(2) ایوای یارالی جان یارالی(3) چکدی بو باشین جریانی خولی ایوینه زهرانی آنام دیدی ای نور عینیم منزل مبارکدی حسینیم(2) ایوای امام مشرقینیم لای لای امام مغربینیم(2) ایوای یارالی جان یارالی(3)

((نوحه راه شام)) شامه گئدور اسیران مهمان حسینه خاطر قیزلار اولوبدی یولدا گریان حسینه خاطر ____________________________ یاره اولوب ایاقلار از بس دیوبدی داشلار گون تک ایشیق سالوبدی نیزه باشیندا باشلار زینب دئدی حسینیم الان قرآنی باشلار لبلر تلاوت ائتدی قرآن حسینه خاطر کیم بو غم و فراقین هجرانینی بیلردی اهسته ام کلثوم گل یا اخا دیردی زینب حسین دینده ، قمچی باشا انردی چوخ دیدی باشه قمچی هرآن حسینه خاطر دلخسته دی اوشاقلار بی حد ستمدن الله قانه دونوب اورکلر چوخ درد و غمدن الله چشم امیدلری وار صاحب علمدن الله نهر اوسته یاتمیش عباس بی جان حسینه خاطر بیکس رباب گزور هی شش ماهه قهرمانین اوخچی که گیزلنوبدی پنهان ائدوب کمانین سویلور رباب شل اولسون الری اوخ آتانین اوغلوم اولوب نشانه پیکان حسینه خاطر بو کاروان گئدور یول سرعتله شدتیله بعضی اسیر پیاده همرادی زحمتیله زینب باخور دمادم اول باشه حسرتیله دیلدن دیور که گتمز ایمان حسینه خاطر بوقدری ظلم و جوری کیم هاردا گورموشیدی؟ باش اوسته قمچی الده جور اهلی دورموشیدی زینب قوجاقی اوسته بیر قیز اوتورموشیدی سویلوردی عمه اولام قربان حسینه خاطر سالمیش حصاره ماهی یتمیش ایکی ستاره داش سجده گاهه دیمیش قانی آخوب عذاره سو تشنه سیدی مولا اولموش دوداقی پاره ای کاش اولیدی دنیا ویران حسینه خاطر الله باغیشلامز هیچ بو ظلمیله ن جفایی اما سیزون قاپیزدا عالم ائدر گدایی مولا عنایت ائتدون شاعر اولا "خدایی" عقباده زینب ائت سن احسان حسینه خاطر شعر اثرطبع(حسین خدایی زنجانی

راه شام زبانحال حضرت رقیه (س) . سبک نوحه زینبم جان اوسته یم . مرحوم انور اردبیلی . عمه جان دشمن سالوب محنت قطاریندن منی نجم تک سن آیری سالما غم مداریندن منی . . ای اسارت مکتبینده قزلارا آموزگار هانسی بیر قز من کیمی دنیاده اولدی خوار و زار شاخه می سندیردی گل تک تند باد روزگار آیری سالدی زندگینون نوبهاریندن منی . . آغلاسون آغلار گوزوم تک عمّه دنیانون گوزی قلبنی دوتسون یانان قلبیم کیمی محنت کوزی اؤزگه لرده بُؤلمسه سنکه بُؤلورسن بو سوزی آرتوق ایستردی بابام دار و نداریندن منی . . آشیانسیز بیر قوشام کیمدور یته امدادیمه مانع اولدی ساربانلار نغمه و فریادیمه اُفّ اولیدی آشیانیم یاندیران صیّادیمه بوشلادی بیراهه ده چنگ شکاریندن منی . . ظلمته دوتدی او گونکه عترت طاها گونی باتدی اسلامون چوخوریرده جهان آرا گونی ئولمدوم قالدوم سلامت حیف عاشورا گونی طالعیم قورتارمادی دنیا فشاریندن منی . . دقّتیله هر قدر ایتدوم نظاره یولّارا ردّوزی گوردم نقدری بُلمدوم گتدوز هارا رحم ائدون آخر منه اولدی ایاقلاریم یارا اینجدوب بیراهه یولار نیش خاریندن منی . . دردمندم تیکمشم گوز بیر سنون درمانووه جاندان آز قالدوم دوشم اولسون قسم اؤز جانووه نه الیم چاتمور بو صحراده سنون دامانووه نه خلاص ائتمور اجل اؤز انتظاریندن منی . . سهلدور عمّه ایاقیمدن آخور شدّتله قان پردۀ خاک سیاهیله یوزوم اولموش نهان توز دوتان آئینیه تشبیع ائدوب دور زمان گور نه گرد آلوب ائدوب صحرا غباریندن منی . . مونسم خار مغیلانیله خوار اگلشمیشم دوشومشم دلدن یول اوسته انتظار اگلشمیشم بختیمه یوخ لطفووه امید وار اگلشمیشم گل حساب ائت لطفوون امیدواریندن منی . . سنّمه نسبت بی بی چوخ چوخ بلالیمیش باشیم صورتیم آئینه سینده لکّه سالمش گوزیاشیم من مگر صحبت ائدنده جان دیمزدی قارداشیم با کنار ایلردی بیر لحظه کناریندن منی . . وای منه هر آن منه قربان دینلر هاردادی ؟ بلبل خوش لفظ و خوش الحان دینلر هاردادی کَلمَمَه قیمت وئرنلر جان دینلر هاردادی یوخدی بیر کس قورتارا غم زیرِ باریندن منی . . غصّه سرگردانیَم عالمده هجران یولداشی ساقه سی سنمش گولَم خار مغیلان یولداشی روزگار اکبر غمین ایتدی منه جان یولداشی سالدی عالمده جلالت اعتباریندن منی . . خط سیرین سیر ایدوب مغربده باتدی آفتاب دولدوروب بو قورخلی دشتی سکوت انقلاب تترورم سیماب تک قلبیمده واردور اضطراب چخمیوب آی قورتارا ظلمت حصاریندن منی . . دامن صحرا قرانلوق گورسنور من قورخورام یل اسور خار مغیلان ترپنور من قورخورام تار زلفیم تل به تل قالخور اَنور من قورخورام ترسناک ایلور طبیعت اقتداریندن منی . . آغلاماق جرم اولسا ای عمه یتیمه قزلارا ایلورم پیمان ئولونجه ائتمرم آه و نوا قلب بی روحیم تک اولام من همیشه بی صدا سنده قویمازسان بی بی گوز اختیاریندن منی . . گرچه زحمتدور اؤزون گل ایلورم من التجا یا بی بیم کلثومی گوندر ایلسون غمدن رها زجر گلسه مانع اول گلسه اگر او بی حیا اینجدور یولّاردا زجر و انزجاریندن منی . . صورتین گورسم اونون غیظیله اولام زهره چاک هم او نالمدن گریزان هم من اوندان بیمناک آچسا بئلدن قمچیسین یوخ طاقتیم ایلر هلاک کم قیلار فوج اسیرانون شماریندن منی . . #انورم گر چه نصیبیم اولمیوب جاه و جهان واردی حمدیم حق تعالی لطف ائدوب طبع روان بزم عرفاندا ائدوبدور همدم صاحبدل ... #انور_اردبیلی

حالات خرابه عمه  جان    درده    درمان   گلوبدي سوگلوم    خسته    يولدان   گلوبدي گوز    ياشيلا     گُلاب    حاضر   ايله لبلرينده       بابام     قان     گلوبدي اي منيم     يار   و   غمخواريم عمه دور    سفردن    گلوب   ياريم  عمه شاه    عالمدی    بو    نازنین    باش هاردادی      بس     علمداریم   عمه كام    آلونجا   بو يورقون   قوناقدان جان  گلوب  تنگه  دوشدوم اياقدان سن   طبقدن  گوتور   قانلي   باشي من  اوپوم   پارچالانميش  دودقدان توختاماز     قلب       بیماریم     عمه درده      گلدی    دلِ     زاریم    عمه شاه    عالمدی   بو    نازنین    باش هاردادی     بس     علمداریم    عمه هي  ديريديم    بابام  كاش   گليدي هيچ  ديمزديم  كسيك  باش گليدي گلدي  يورقون  بابام  كاش  عمومدا بو كسيك    باشه  يولداش   گليدي گور  نه   پوزگوندی   پرگاریم   عمه یولدادی       چشم     بیداریم   عمه شاه    عالمدی   بو    نازنین    باش هاردادی     بس     علمداریم    عمه من   پوزولدوم   جگر    داغلاماقدان سن    يورولما   بي بي   آغلاماقدان وار     نه  حظّی     مگر    روزگارين منتظر        گوزلري       باغلاماقدان باغلا     بو   چشم    خونباريم   عمه بسدی    بو     نیمه    دیداریم  عمه شاه    عالمدی   بو    نازنین    باش هاردادی     بس     علمداریم    عمه من  نه لَر چكميشم  بو  باش اوسته ياتميشام تپراقاوسته داش  اوسته سن    ديردون     عزيزيم   آز    آغلا من ديرديم گوز اوسته  باش  اوسته گور   نه  گرم  اولدی   بازاریم  عمه خُرد    اولوب    دُرّ    شهواریم  عمه شاه    عالمدی   بو    نازنین    باش هاردادی     بس     علمداریم    عمه ساربانلار           بابامي       يوروبلار فاطمه          قلبيني        يانديروبلار الله  الله    شَل    اولسون    اولاركي بو   باشين    آلنينا    داش  ويروبلار دلده     وار   درد      بسیاریم    عمه آفته     دوشدی        گلزاریم    عمه شاه    عالمدی   بو    نازنین    باش هاردادی     بس     علمداریم    عمه سن   قلينجا   بي بي شَب   نمازين من  يوروم   قوي  بابامين   بوغازين وير    اوپوم   خيزران    ياره سيندن آرتيريم         عشقيمن       امتيازين بوردا    یوخ    یار  و    انصاریم عمه ئوز       بابامدی      هواداریم    عمه شاه    عالمدی   بو    نازنین    باش هاردادی     بس     علمداریم    عمه ميزبانم     بو      مهمان      منيمدي ئولمگه     نوبت      الآن      منيمدي ياز      قَرا     پرچمه    بو     شعاري هيئت       خردسالان          منيمدي قوي  چوخ  اولسون هواداريم  عمه دور   سفر دن   گلوب   ياريم   عمه شاه    عالمدی   بو    نازنین    باش هاردادی     بس     علمداریم    عمه  (حاج ولی اله کلامی)

حالات خرابه☝️☝️ عمه جان درده درمان گلوبدی بانوایزنده یاد حاج محمدباقرمنصوری

روضه امام سجاد علیه السلام بسم الله الرحمن الرحیم روضه امام سجاد ع ای قلم محنت یازاندا یاز آقام سجادیدن چوخ توکوب اشگین عذاره دیده ی ناشادیدن عمریده هچ اولمادی بیر گون گوزی یاشسیز قالا قالمامیشدی اول قدر غملر اونی دیلدن سالا زهریله مسموم ائدوبدور گل کیمین سولدوردولار قانلن قلب بتولی ظلم ائدوب دولدوردولار یاد ائدردی شاه دینین دیلده کی اوخ یاره سین خلوت ایلردی مکانین تا اوجالداردی سسین هر موقع آقانین سفره سینا سرین سو گتیرردیلر یا ایستی غذا ،،،آقا آغلاریمیش .....سوال الدیلر آقا نچه ایلردی کربلانین ماجراسی قوتاریب ولی سیز گینه آغلیسوز . بویوردی نجه آغلامیوم یاریم گونون عرضینده گوموزون قاباقیندا اون سگیز نفر بنی هاشم نن عزیزلریمیزدن آج سوسوز اولدوردولر 😭😭😭 هی دیردی دیده ی گریانوه قربان بابا اللرونده قالدی اوخلی سوت امر مهمان بابا . سینوه قویدی باشین اوخسته قربانون بابا . آغلادیم عمروم بویی چیخدی سوسوز جانون بابا .. سن کفنسیز قبره گئتدون سینه می آلدی محن اوخشادیم دائم سنه ای بی کفن ای بی کفن ... سنده گل آل باشیمی آغوشوه ای مهربان ..بابا جان اوغلون ئولی اود توتوب قلبیم دیزیمده قالمیوب تاب و توان عمه می هی سسلورم اما بابا سس ورموری گوئیا سجادینون قانلی دوداقین گورمیور گوزلریم قالدی یولوزدا گلماقا تعجیل ایدون لااقل جانیم چیخان لحظه لری گورون گئدون سینه ده زمانه دن غم بی شماریم وار بابا حضرت عباس عمومدان انتظاریم ولر بابا لطف ائدوب گلسون گینه دورام دولانام باشوا گلمه تک گلسون گتور حتما یارالی عمه می گویلوم ایستور بو زمان باشی بلالی عمه می گلسه عمم یارالی گوزلریمی باغلار اوزی اوتوروب باشیمین اوسته باش آچار آغلار اوزی هر یانا اوز توتورام جواب آلانمورام ولی درد الینده نیلیوم ساکت اولانمورام ولی غم توکوبدور بابان باد مصیبت چمنه ایشیمیز قالدی فقط حضرت مهدی گلنه او گلوب نوا ائدر ایاقیمون یاراسینا اوگلوب ائدر محبت وطن آواره سینه آچارام بوینومون اوندا یاراسین رویت ایدر خط زنجیره توکر اشگینی طبابت ایدر .... 🌴🌴🌴🌴🌴🌴🖤🖤🖤 ختم امام سجاد ع ::: ای عابد دشت کربلا ادرکنی ای وارث شاه شهدا ادرکنی هم خسته ی تب بودی و هم تشنه آب ای بسته به زنجیر جفا ادرکنی 🤲🏻🤲🏻😭😭😭 التماس دعا

ای باشی دالدان کسیلن شاه سلام علیک نیزه ده باشی گزیلن شاه سلام علیک دوغرادیلار اکبری شاه سلام علیک پرپر اولوب پیکری شاه سلام علیک ویردیلار دامادیوی شاه سلام علیک قاسم ناشادیوی شاه سلام علیک یخدیلار سرداریوی شاه سلام علیک تشنه علمداریوی شاه سلام علیک اوخلادیلار اصغری شاه سلام علیک اوچ بولونوب حنجری شاه سلام علیک عرشه اوجالوب هایی شاه سلام علیک اوخ دییجک لای لایی ای باشی دالدان کسیلن شاه سلام علیک نیزده باشی گزیلن شاه سلام علیک قانه بوروندون حسین یرده سوروندون حسین طاقتیمیز اولدی طاق چالما آقا ال ایاق ۲ توکدیلر گوز یاشیوی داشلا دیلار باشیوی قانون اولوب دستماز عشقیله قیلدون نماز عترتیوی بوشلادون قتلگهی خوشلادون جانیوی ائتدون فدا شیعه نی قیلدون دعا۲ گویده دئدی جبرئیل تشنه آقام الدخیل ای باشی اللرده قالان قیزلار ی چوللرده قالان باشدا قانون تاج ائلین نیزده معراج ائلین تربتی اعجاز ائلین یدی گویه ناز ائلین خیمیه اوت وردیلار زینبی یاندردیلار قیزلاریوی سویدولار باشی آچوخ قویدولار رقیه وی وردیلار قلبینی سیندردیلار آت دوشینه سالدیلار گوشواره سین آلدیلار معجر ی یاندردیلار یرده دولاندوردیلار محنتیلن دولدولار ساچلارینی یولدولار تازه عروس آغلادی کیم یاراسین باغلادی گوز یاشینی سیلمه دی بعضی قاچابیلمدی قلبینی غملر بولوب آت ایاقیندا ئولوب هاردا قالوب قارداشون نیزه یه گچدی باشون قانه بلندی ساچون دربدر اولدی باجون یاندی بوتون ائو اشیک غارته گئتدی بشیک غنچه سی اولموش گلاب اصغر ون ایستور رباب هی دیور ی وای بالا اوخ پایی لایلای بالا لایلای لایلای لایلای #شاه_سلام_علیک #حسینچی #شور فایل‌ صوتی👇👇👇

زبانحال امام (ع) دربالین حضرت ابوالفضل (ع) آچ گوزلرووی گلمیشم امداده ابوالفضل قارداشووی تک قویما بو صحراده ابوالفضل اى شیر قوى پنجه باتوب قانه جمالون قان پرده سی آلتیندا ایتوب هاشمی خالون دیندیر منی احسان ائلمک اولسا خیالون یا آچ گوزووی عاشق رخسارووه های وئر بیر بوسه و یا قانلی گوزوندان منه پای وئر ویرمزدی حسین بیر توکووی مُلک جنانه جنت ائله سن سن کی باتوبسان بئله قانه دنیانی اگر آختارالار خانه به خانه همتا سنه هئچ عالیه انفاس اولا بیلمز مین قارداش اولا هئچ بیری عباس اولا بیلمز عرش اهلینه از بس کی آدون محترم اولدی بو لشکر اسلامیده سهمون عَلَم اولدی افسوس او عَلَم ساخلیان اللر قلم اولدی عاشق تو که معشوقینه گوز یاش نه گوزلدی قارداش باشی اوسته ئوله قارداش نه گوزلدی ازبس توخانوب سینووه اوخ گوزگوز اولوبدى گوز یاشیمه باعث ایکی قول بیر گوز اولوبدی بیر سوز دانیش ، اولما آرامیزدا سوز اولوبدى ظلمین قاباقین سدّ ائلین روحووه قربان داغلی ئورگیم سینه ی مجروحووه قربان الله ائوزی شاهددی کی مردِ عملیدون سردار قوی پنجه ی جنگ و جدلیدون سوز یوخ کی آنوندان دوغولاندان گوزَلیدون خوش حالووه عاشقلره ضرب المَثّل اولدون قان یوز گوزووه آخدی بیر آزادا گوزل اولدون بازار بلادور بورا سرمایه سی غیرت غیرت سنه مدیونیدی ای روح شرافت آسان اَلَه گلمز بو رشادت بو شجاعت زهرایه قسم ای خلف قائد اقدس قانونده مقدس دی مرامونده مقدس اسلامه شرف وئردی سنون طرز حیاتون قرآنی مُسجّل ایلدی صوم و صلاتون بیلدون کی شهادتدی فقط راه نجاتون علت اودى اولدون بو یولا نور هدایت ای گوزلریمون نوری مبارکدی شهادت سردار گرک سن کیمی شوریده سر اولسون فرمانبر فرمان قضا و قادر اولسون قوی گُول کیمی عمرون گوزلیم مختصر اولسون چهرون کیمی واضحدی کی زیبا قمر اولماز آی باتماسا اما آتام اوغلی سحر اولماز آچ لبلرووی حظّ آپاروم باری سوزوندن ایستور ائشیده مطلبی قارداشون ئوزوندن کیم چکدی بو اوچ شعبه لی پیکانی گوزوندن داغون چکیلن قلبیمی اوخ داغلیا بیلمز غیرت گوزین هئچ زهرلی اوخ باغلیا بیلمز چالما ال ایاق قلبیمی یاندیرما ابوالفضل گوز یاشیمه دنیانی بویاندیرما ابوالفضل قارداشووی میداندا اوتاندیرما ابوالفضل غیرتلی شرفلی علی اکبر سنه قربان اصغر آدین آز دی علی اصغر سنه قربان ** #وئرمزدی_حسین_بیر_توکوی #مین_قارداش_اولا_هئچ_بیری_عباس_اولا_بیلمز

ای کمکسیزلرین یاری قارداش گل یخو بلار علمداری قارداش قانلی شمشیریم الدن دوشوبدی ال چالور شامین اشراری قارداش ܀܀܀܀܀ عازم اولدوم گلم خیمه گاهه حمله فرمانی بتدی سپاهه دوره می آلدی خصم مسلّح غصه یوز وئردی بو بی پناهه یاره ،قلب زاره ،دگدی زاره دگدی گل باشیمدان یاره ،دگدی یاره دگدی قلبیمون چوخدی اسراری قارداش گل یخو بلار علمداری قارداش من عزیز بوترابم حامل پرچم انقلابم اوخ ورولار دورت طرفدن بیر قنادی یارالی عقابم يوخ یساریم یمینیم برادر گل امامیم معينيم برادر آتدی اوخ بو منافق جماعت پارچالاندی جبینیم برادر من یخیلدیم، اشگیم ،آخدی اشگیم آخدی قان ،توکنلر دوردی باخدی دوردی باخدی اولموشام غم گرفتاری قارداش گر اولا قطعه قطعه وجودیم ائتمرم دشمن دینه تعظیم خسته سربازیوی سرفراز ائت ایلیوم جان حضورینده تعظیم دل غمونده , قان اولوبدی , قان اولوبدی گوزلریمه , قان دولوبدی , قان دولوبدی یوخ سیلن چشم خونباری قارداش ای مراد، قلب مهجور ای مجاهد امام سلحشور اهل بیته قیل اشاره سویله دوتسونلار عباسی معذور آل اطهاریدن ناگرانم حال بیماریدن ناگرانم مشگیمی او خلیان ال شل اولسون عترت زاریدن ناگرانم وای منه ،وای شیرخواره شیرخواره وای رباب بیقراره بیقراره اولدی مشگیم سویی جاری قارداش کامه دل چاتدی الله اکبر پرچمیم ياتدی الله اكبر قانلی رخساری شرمنده لیقدان اشگیم ایسلاتدی الله اكبر حمدلله , روسفیدم , روسفیدم حق يولوندا، من شهيدم، من شهيدم پرچمون گل گؤتور باری قارداش يوخ گمانیم آشنایه ای منیم رهبریم گل هرایه ئوز غلامین مفتخر قيل سالگیلان باشیمون اوسته سایه خنجر آلتدا بو حنجر سنوندی تنده روحیم برادر سنوندی ال سنون جان سنون باش سنوندی قان دولان گوزده قارداش سنوندی باش ،سنوندی جان سنوندی جان سنوندی یاره لی قربان ،سنوندی جان سنوندی درک ائله صاحب ایثاری قارداش روح قرآن گرک زنده قالسون جددیوون دینی پاینده قالسون حاضرم هر مصیباته اما آل پیغمبر ایمنده قالسون گرچه صاحب , افتخارم افتخارم قیزلاروندان , شرمسارم شرمسارم قویما تنها بو پاسداری قارداش ✍کلامی _انقلاب حسینی #ای_کمکسیزلرین_یاری_قارداش #عباسیه #کلامی

حضرت زینب ( س ) در راه شام ای یارالی گوز تیکوب بو کاروان منه دوش قباقه ویر بو یوللاری نشان منه چوخ یورولموشام دیندیرون منی ناقیه گلین میندرین منی کاروان گیدور باغری قان گیدور زینبون حسین ناگران گیدور قمچی الده باشیم اوسته ساربان دوروب ساق صولومدا شمر و خولی و سنان دوروب بو یارالارون باغلیامادیم ایل قبیلمه آغلیامادیم کاروان گیدور باغری قان گیدور زینبون حسین ناگران گیدور کربلاده آخدی ظلمیله آی اولدوزون جانه دویدی سینه ن اوسته خیرداجا قیزون شامه و کوفیه قافیلم گیدور زینبون الینده علم گیدور کاروان گیدور باغری قان گیدور زینبون حسین ناگران گیدور گون اوینده بی کفن یارالی یاتموسان بو یامان گون اهل بیتی گوزدن آتموسان من مسافرم خسته جان حسین دور دالیمجا ویر بیر اذان حسین کاروان گیدور باغری قان گیدور زینبون حسین ناگران گیدور ناقه اوسته غم کتابینی وراقلارام بو رقیّه نی گوز اوسته منده ساخلارام قویمارام بونا قمچی لر دَیَه بار غم بونون قامتین اَیَه کاروان گیدور باغری قان گیدور زینبون حسین ناگران گیدور قویمارام جهاندا بو آخان قانون باتا گر ئولمده قویمارام بو پرچمین یاتا دخت حیدرم ، زیب منبرم حافظ مرام پیمبرم کاروان گیدور باغری قان گیدور زینبون حسین ناگران گیدور اهل بیتین ال قولوندا قید و سلسله شامه و کوفیه گیدور بو غملی قافیله یولدا ناقه لر گوز یاشین الر اصغره باخوب آهولر ملر کاروان گیدور باغری قان گیدور زینبون حسین ناگران گیدور هر دقیقه قلبیمی بو غصّه تازه لر گون ایوینده عمری تازه ،گول جنازه لر باخ بو باشلارا ، گوزده یاشلارا نوک نیزه ده ، باغری قانلارا کاروان گیدور باغری قان گیدور زینبون حسین ناگران گیدور #ای_یارالی_گوز_تیکیبدور #کاروان_گئدور #راه_شام

کوفیان گورنجه یاندیردی منی ‍ راه شام زبانحال حضرت رقیه کوفیان گور نجه یاندردی منی اشک محنتله بویاندردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم #کوفیان_گور_نجه_یاندیردی_منی #راه_شام #رقیه

‍ راه شام زبانحال حضرت رقیه کوفیان گور نجه یاندردی منی اشک محنتله بویاندردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم #کوفیان_گور_نجه_یاندیردی_منی #راه_شام #رقیه #کانال_ترکی_مجمع_الذاکرین

‍ #روضه_باسبک ‍ من بیر قیزام شیرین شیرین سوزوم وار کمان قاشم شوه کیمین گوزوم وار اوچ ایل گچیب هله تولدمنن منده نجه دویولمگه دوزوم وار من بیر قیزام زمانه ساتدی منی قزل گل تک غمدن ساراتدی منی ساربانلار قولاریمی باغلادی سویگونچولار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمنان آدامسزام یاره می باغلیان یوخ (ئوزون بیر مجسم اله ایوینده بالان اولسا بولرسن گئجه نین عالمی بو بالا قالدی چولده چوخ یورقونودولاربیر وقت گوزون آچدی گوردی کاروان گدیب قالب قرنلق چولده بیر صاقا قاشدی بیر صولا قاشدی اله دیردی) من بیر قیزام دردیمی یوخدی بولن غصه توزون قرا تلیمنن سیلن ئولسم اگر بو وحشتلی دمنده کیم غسل ایلر منه کیم ایلر کفن هیچ بولمورم گیدیگیم یول هارادی گئجم کیمی گوندوزومده قرادی بابا عممه ده یورقونلاری یوخلاسون گلنمیرم ایاقلاریم یارادی (نقدر الشدیلر نیزه ده کی اباعبداللهین او یارالی باشوی اوردیدی حرکت المه دی گوردولر آقانین گوزونن قان یاش گلیر گوردولر امام زین العابدین آقا گلدی دایاندی یارالی باشون قاباقندا بابا نیه گیتمیرسن بابا گورورسن بولار بهانه آختارور باجیلاریمی دویه لر عمه لریمی دویه لر بابا نیه دایانبسان گوردی الله بابانن گوزونون گوشه سیندن قان یاش گلیر باخور شامین یولونا بالام قالب یولاردا . زجر ملعون چوخ بیر نامسلمانیدی یولادلار بوبالانین دالسیجا بیر شیخ دییر گوردوم بو سرعتیلن کی بو نامرد گدیر بو بالانی سالم گتیرمیاجاخ دیدیم قوی منده گدیم بونا گوروم بو بالانی شاید الیه بولم بو نامردین الینن قوتارام تا یتیشدیلر اله کی بو بالانی گوردی اول ایش کی گوردی عوض اینکه اوبالانین نازین چکه اولده بیر محکم سیلی وردی اله باخدی دیدی ظالم) ئولدورمه باغلا قولاریمی سال قباقیوه ئولدورمگ ایسته سن اونادا حاضرم گینه اما بو چولده قویما بو محنت دچارینی سال نعشیمی آت اوسته آپار زینب عممه (راوی دییر من دیدیم قیزیم بو چولری سن گلنمه سن پیاده گل منیم ترکیمه سوار اول باخدی باخدی دیدی ) یا شیخ چوخ مروتلی شخصیسن اما بو یرده منطقیوین اشتباهی وار نامحرمیله بیر آتا مینمز حسین قیزی عمم دیوب بو بیر عملین چوخ گناهی وار بو تیکانلار آراسنان ئوزومه یول آچارام سیز چاپون آتلاریزی منده پیاده قاچارام #زبانحال_رقیه_س #راه_شام اجرا توسط حاج محمد عاملی👇

#زبانحال_رقیه_س #کانال_ترکی_مجمع_الذاکرین

مرحوم حاج رضا صراف تبریزی . هله گلشَنین گولو سولمیوب آنام آغلاما، باجیم آغلاما هله ساغدی قارداشون ئولمیوب آنام آغلاما، باجیم آغلاما . . آنامین عزیزه قیزی باجیم هله اولما مایل درد و غم قوشونوم دورار هامی بیر به بیر هله یاتمیوبدی اسیر عَلَم هله صاحب عَلَم ئولمیوب هله ائتمیوبله قولون قلم هله مشکی قانیله دولمیوب آنام آغلاما، باجیم آغلاما . هله قوملار اوستونه دوشمیوب باجی اکبرین قد نورسی گون ائوینده ظلمیله قالمیوب هله پاره پاره جنازه‌سی هله خیمه‌لرده‌ن اوجالمیوب گویه لیلی‌نین بالا وای سسی هله مشکی قانیله دولمیوب آنام آغلاما، باجیم آغلاما . هله پوزمیوبله تفاقیمی هله رونقی وار اساسیمین هله قویما ایندی عم اوغلو وای دییه نو عروسینی قاسمین هله یاسه باتما چوخ آغلاما هله ابتداسیدی یاسیمین هله مشکی قانیله دولمیوب آنام آغلاما، باجیم آغلاما . هله ئولمیوب ایکی نورسین جیگرین باشی هله یانمیوب هله زلف کاکُل اکبریم باجی القانینه بویانمیوب هله آغلاماز علی اصغریم هله ظلم اوخیلن اویانمیوب هله مشکی قانیله دولمیوب آنام آغلاما، باجیم آغلاما . هله آغلاما قالیر آغلاماق لیقیوین زمانه ده چوخ یری باجی زینب آغلاما ساکت اول دئمه ساکت اولماقا یوخ یئری هله یوخ باشیمدا قلج یئری بدنیمده یوخ هله اوخ یئری هله مشکی قانیله دولمیوب آنام آغلاما، باجیم آغلاما . بو دیاریده ای آنام باجی هله ظلم لجّه‌سی داشمیوب هله لشگر ستم و جفا سیزه جور و ظلم الین آچمیوب هله خیمه‌گاهیم آلیشمیوب هله عترتیم چوله قاشمیوب هله مشکی قانیله دولمیوب آنام آغلاما، باجیم آغلاما . هله شیشه‌ دل صافیوی باجی غم کدورتی باسمیوب هله دین اساسی پوزولمیوب هله صرصر ستم اسمیوب هله ظلم عرشه دایانمیوب هله شمر باشیمی کسمیوب هله مشکی قانیله دولمیوب آنام آغلاما، باجیم آغلاما . هله قلبین ای باجی یانمیوب یانار اودلار اوزره کباب تک بو قدر سیزیلداما آغلاما هله چکمه ناله رباب تک باجی قانیمی باجیلار یوزه هله یاخمیوبدی خضاب تک هله مشکی قانیله دولمیوب آنام آغلاما، باجیم آغلاما . هله هست عشقیله هست سن هامی‌دان علاقه‌نی کس رضا هله کی حسین پرست‌سن بو سوزیله وئر اونا سس رضا هله سوز دردیله مست سن ندی بو هوا و هوس رضا هله مشکی قانیله دولمیوب آنام آغلاما، باجیم آغلاما

‍ ‍ اتچ بات: ‍ ازاستاد(جاهد) ‍ نوحه ی حضرت علی اصغر(ع) ____ه آی منیم غنچه ی نازیم آلتی آی محرم رازیم بالا گوزدن منی آتما قان ایچینده بئله یا تما منه رحم ایله غریبم(۲) اویان ای یارلی جیران قان ایچینده نه یاتوبسان سینه سی داغلی ربا بی بالا گوزدن نه آتوبسان بالا گوزدن منی آتما قان ایچینده بئله یاتما منه رحم ایله غریبم (۲) او یا ن ای تشنه غزا لیم آلتی آی سینه مدالیم سو کنارینده لب عطشان اوخلانان کورپه مارالیم بالا گوزدن منی آتما قان ایچینده بئله یاتما منه رحم ایله غریبم(۲) اویان ای لاله ی پرپر قانادی قانلی کبو تر گوزون.آچ آی قوزی جیران منه آز ناز ائله اصغر بالا گوزدن منی آتما قان ایچینده بئله یاتما منه رحم ایله هریبم(۲) بالا عمروم گولی سولدی بلگین قانیله دولدی سنه لای لای دئدی پیکان گوزومون یاشی قان اولدی بالا گوزدن منی آتما قان ایچینده بئله یاتما منه رحم ایله غریبم (۲) آهیم افلاکه دایاندی تار و پودیم بالا یاندی وای منیم حالیمه اوغلوم بوغازیندا بو نه قاندی بالا گوزدن من آتما قان ایچینده بئله یاتما منه رحم ایله غریبم (۲) جگریم یاندی آی الله بالام اوخلاندی آی الله سو دئدی تشنه غزالیم قانا چالخاندی آی الله بالا گوزدن منی آتما قان ایچینده بئله یاتما منه رحم ایله غریبم(۲) دلیمی داغلادی دشمن قاپومی باغلادی دشمن غملی احوالیمی گوردی منه قان آغلادی دشمن بالا گوزدن منی آتما قان ایچینده بئله یاتما منه رحم ایله غریبم(۲)

‍   روضه حضرت ابوالفضل(ع) دردون اولسا دیمرم حاذق اطبانی چاغیر گوزووین یاشینی توک حضرت زهرانی چاغیر ویر خبر دردی اولانلاره دینن غم گلدی باشووه باغلا قرا موسم ماتم گلدی سینه وور سسله حسینی قره پرچم گلدی ای دوادن یورولان ماه محرم گلدی چاغیرون یوزلری اشکه بوروننلر گلسین قره پرچم دالیسیجاق سوروننلر گلسین بزم تجلیل شئونات امامتدی بورا مرکز کنگره شان و شرافتدی بورا ایری فکر ایلمه درگاه عبادتدی بورا گیتمه ایری قاپیا باب سعادتدی بورا غم یمه اولسا نه اندازه اگر دردون اغیر قلبووی پاک ایله بیر دفعه ابوالفضلی چاغیر احتیاجون وار اگر معجزه گر درمانه متوجه ایله افکاروی نخلستانه ساقی تشنه دوشوبدی یارالی میدانه ساق گوزی بوسه ویروب زهریلی بیر پیکانه سروه اوخشور اوجا قدی ولی خوللاری دوشوب بیر یانا مشکی دوشوب بیر یانا قوللاری دوشوب کشتی عشقیدی گویا کی قالوب طوفاندا عمرینون اولدوزی ایستور باتا نخلستاندا ئوزینه فکر ایلمور هیچ ایله بیر بحراندا تلین اوستونده قالوب قلبی گرو جاناندا گوردی یوخدی یارالی قوللارینون درمانی دوتدی تصمیمینی دعوت ایلیه مولانی یوز دوتوب تله طرف سسلدی ای شاه بصیر منتظر دور سنه میدانیده بو عبد حقیر دیمورم گل منی قویما ایلیه لشکر اسیر ننووی ایستسه گویلون ئوزووی فوری یتیر باشیم اوسته اوتوروب گوز یاشی رخساره الور ساچلاریندان باجیمون ساچلارینون عطری گلور اوغلونون نوکرینه اولدی خانم تعزیه دار ایستیوردی سیله گوز یاشینی اول لاله عذار غفلتا اولدی حسین جان قره روبندی کنار نجه تعریف ایلمیشدون یوزینون لکه سی وار قد رعناسینی واضحدی کی غم غصه اگوب کول منیم باشیمه اولسون یوزینه سیلی دگوب سایه لطفی علمدارووی بشاش ایلدی گوردی احوالیمی مستوجب پاداش ایلدی ئورگیمدن کیچنی بیلدی خانم فاش ایلدی نوکریدیم سنه گلدی منی قارداش ایلدی هر نه امر ایلسه دستوری مقدمدی منه پرچمیم دوزدی یاتوب ساچلاری پرچمدی منه قارداشین الدی سسین خیمه ده سلطان انام زینبی محضرینه ایستدی ازاده امام گیدورم من دیدی ای خواهر مرضیه مرام اللی ائیل منتظریدیم ایله بیل گلدی انام بیلدیم عباسی اگر گورسه نیستانه گلر سنی ده یوخلاماقا شام غریبانه گلر مرکبی حاضر ایله عزم ایلیوم میدانه قوی گوروم هاردا باتوب ماه شرافت قانه اولمیا قارداشیمون عمری چاتوب پایانه بلکه روحی پر اچوب علقمه دن رضوانه حقووی قارداشووا سنده ادا ایله باجی گیت اوتور خیمه ده عباسی دعا ایله باجی زینبی تاپشروب اللهه غرض شاه ولا تشنه قیزلارینا بیر باخدی صورا دوشدی یولا پر اچوب مرکبین اوسته خلف شیر خدا ایاقی التدا قویوب عرصه نی شاه شهدا گوردی قولسوز یخلوبدی یره سرداری یاتوب باش قویوب تپراقا غیرتلی علمداری یاتوب دئدی ای ام بنینون گل بی خاری اویان منه گولدورمه بو میدانیده اشراری اویان دیمورم ال نظره لشکر کفاری اویان بلیمون سینماقینون خاطرینه باری اویان نیه بو حاله قالوبسان سنه اصغر قربان یارالی باشووه قارداش علی اکبر قربان سنی درس علوی جنگه زبر دست ایلیوب غیرت اللهی علی روحووه پیوست ایلیوب حیف اولا دشمنووی دست زمان پست ایلیوب کیم ئوپوب لبلریوی عطری منی مست ایلیوب قوریان لبلرووه جام لبالب قربان کسیلن قوللاریوا غمزده زینب قربان ایستورم گوز یاشیما باشووین اوسته بویانیم سن یانان اتش حسرتده گرک منده یانیم گل گئدک خیمه ده سن یات ایاق اوسته دایانیم باشووی تپراقا قویما باشووا من دولانیم تیتریور اصغریمون لبلری مثلی بدنیم منتظردور سنه قیزلار ایویمی یخما منیم ☑️متن نوحه باسبک👆👆👆👆 👇👇👇👇