✔️احوالات اربعین
💥فایل صوتی به دو سبک زیر توسط مداح خویی آقای قاسم شبانی و محمد باقر منصوری
یا حسین دور سنه سو گتیردیم
قبروه عطر خوشبو گتیردیم
قبروین یوخدی زوّاری گوردوم
بیر سوری غملی آهو گتیردیم
___
بوی جنّت گلور مدفنوندن
پخش اولور عطر گول گلشنوندن
کچمرم حشریده دشمنوندن
کچمدی کهنه پیراهنوندن
((یا حسین دور سنه سو گتیردیم))
قبروین تپراقی کیمیادی
کیمیادن ده باشدی دوادی
پیکریم هادا دفن اولسا قارداش
روحیمون مدفنی کربلادی
((یا حسین دور سنه سو گتیردیم))
اللی بش ایلدی همراز عشقم
گوهر ناب و ممتاز عشقم
سن منیم زُبده فرماندهیم سن
پادگانونده سرباز عشقم
((یا حسین دور سنه سو گتیردیم))
سن ئولندن صورا یاندی قلبیم
خیمه لر مثلی اودلاندی قلبیم
ممکن اولسا دعا ایله قارداش
منده بوردا ئولوم قاندی قلبیم
((یا حسین دور سنه سو گتیردیم))
طاقتیم یوخدی داد و اَنینه
نالة دلخراش و حزینه
من نجه سویلیوم ئولدی عباس
شهر یثربده امّ البنیه
((یا حسین دور سنه سو گتیردیم))
عاشقین ایت اجابت نیازین
بی ثمر گورمسین سوز و سازین
ئوپ ربابین یرینده حسینجان
اصغرین پارچالانمش بوغازین
((یا حسین دور سنه سو گتیردیم))
قاسمون حجله گاهی تالاندی
سفرة عقدی آتشده یاندی
دور ئوزون گوگلین آل نو عروسین
بختی قاره بالام باغریقاندی
((یا حسین دور سنه سو گتیردیم))
ای گُل پرپر باغِ زهرا
سویله آچسین گوزین شبه طاها
شامیدن دلشکسته گلوبدور
آغلیور قبروین اوسته لیلا
((یا حسین دور سنه سو گتیردیم))
سسلنور ای گُل پرپر اوغلوم
ختمِ پیغمبره بنذر اوغلوم
باشدا کی یاروه لیلی قربان
بختیمون اولدوزی اکبر اوغلوم
((یا حسین دور سنه سو گتیردیم))
صبریمی الدن آلدی رقیّون
باشیمه قاره سالدی رقیّون
تک یولا سالدی ئوز هم قطارین
شهر غربتده قالدی رقیّون
((یا حسین دور سنه سو گتیردیم))
قبره قویدوم دیدیم جان رقیّه
زلفی قلبی پریشان رقیّه
قمچنون ردّینه قوللاروندا
زینبین جانی قربان رقیّه
((یا حسین دور سنه سو گتیردیم))
خانة صبریمی غصّه یخدی
قلبیمی درد هجرانی سخدی
یارلی لبروندن ئوپنده
سسلدی وای بابا جانی چخدی
((یا حسین دور سنه سو گتیردیم))
✔️حسین غفاری اردبیلی
#یا_حسین_دور_سنه_سوگتیردیم
#درخواستی
#اربعین
فایل صوتی👇👇👇
https://eitaa.com/Hazrate_Abalfazll
4_5789914462479712855.mp3
5.31M
✔️اربعین
کرب و بلا دشتینه غملی کاروان گلور
دور یا حسین زینبون قامتی کمان گلور
قیزلارون ناقه لر اوسته دل کبابیدور
داغ داشی آغلادان بینوا ربابیدور
آغلار سنه زینبون ای نگار مه لقا
قبرون نه خوش نقشیدور قبرووه گوزوم فدا
آخر حسین ئولمه دیم قسمت اولدی کربلا
عمروم نقدری اولا ساخلارام سنه عزا
قبروین تربتی آبرودی زینبه
کربلاده ئوله آرزودی زینبه
گرچه وئروبسن شرف ای شه حرم منه
بو دشت غمباریده چوخ چاتوبدی غم منه
بوردا ابوالفضلیدن چاتدی بیر علَم منه
باخدی منیم حالیمه آغلادی ننه ام منه
ووردیلار باشیمه تازیانه دینمدیم
قلبیمی ائتدیلر شانه شانه دینمدیم
✔️حاج حسین غفاری اردبیلی
#اربعین
#کرب_و_بلا_دشتینه
#غفاری
فایل صوتی👇👇👇
https://eitaa.com/Hazrate_Abalfazll
سینه_زنی_باسبک
زبانحال حضرت رقیه سلام الله علیها
گل دادیمه عمه جان - گل دوداقه جان گلوب
منیم یارالی بابام - لبلرینده قان گلوب
وای منه - وای منه - مهربان قوناقه باخ
من باخا بیلمورم - یاره لی دوداقه باخ
الله. مسافرلری - سالماسین یامان گونه
هانسی مسافر دوشر - بو بابام قالان گونه
هی دئدیم گئتمه بو - یول خطرلیدی بابا
کربلا یولاری - دردسرلیدی بابا
من بو باشین عمه جان - یوز گوزون گرک یووام
حقدن ئولوم ایسترم - مستجاب اولار دعام
دردیمین سهمینی - هئچ کسیله بولمرم
قویما گئتسین بابام - گئتسه راحت ئولمرم
باد صبا دردیمی - یاریمه یتورمدی
گلدی بابام حیف اولا - اصغری گتورمدی
منتظردی گوزوم - قانه دوندی گوزیاشیم
قورتار الله منی - هاردا قالدی قارداشیم
من بیلوردوم سویگولوم - اختارار تاپار منی
گلدی یوخوما گئجه - گل دئدیم اپار منی
عمه زهرا جانی - یار اپاردی صبریمی
اکبریم گلمدی - قاز منیمده قبریمی
✍کلامی زنجانی
متن نوحه👆👆
سبک بانوای مرحوم حاج محمدباقرمنصوری اردبیلی
👇👇👇
نوحه حضرت ابالفضل (ع)
آی ابالفضل آی ابالفضل
سنه گلمز تای ابالفضل
باشوی قوی سینم اوسته
دییرم لایلای ابالفضل
ئورگین دردینی بیللم
گؤزوون قانینی سیللم
سسیمه سس وئر ابالفضل
منی دیندیرمه سن ئوللم
دئمه مندن ده ئوزوندن
وورارام بوسه یوزوندن
قولوی یادیمه ساللام
ئوپرم قانی گؤزوندن
منه غم یوز وئروب عباس
سنه کیم اوخ ووروب عباس
باشیوی سئندیران اعدا
بئلیمی سئندیریب عباس
علمون یئرده قالیبدی
صبریمی الدن آلیبدی
دور گئدک نازلی رقیم
الی قوینوندا قالیبدی
بدنون نیزه دی اوخدی
پارا مشکونده سو یوخدی
دور ایاقه بئله یاتما
منتظر خیمه ده چوخدی
#آی_ابالفضل_آی_ابالفضل
#عباسیه
فایل صوتی👇👇👇
#اشعار_ترکی
گلچین زیباترین اشعار و نوحه های ترکی
https://eitaa.com/joinchat/2348744791Cd1e41b0233
─┅─⊱✾♡✾⊰─┅─
کانال اشعار عاشقان حضرت ابالفضل(ع)
مدیریت کانال:شعبانپور
@Haram75
---⊱✾♡✾⊰---
4_684344468148587797.mp3
2.24M
ای حجت خدا روحی لک الفدائ
مظلوم کربلا روحی لک الفدائ
ای عالمه غمی تاثیر ائدن حسین
قرآنی نیزده تفسیر ائدن حسین
تفسیر آیه تطهیر ائدن حسین
مصداق هل اتی روحی لک الفداء
باجادی حالیوه دنیالر آغلاسا
عطشان دوداقیوه دریالر آغلاسا
عباسه وای دیوب سقالر آغلاسا
ای چشمه بقا روحی لک الفداء
بیر گونده ویدی جان یتمیش دلاورین
بیربیر یخلدیلار آتدان کمک لرین
دوغراندی اکبرون اوخلاندی اصغرون
باخدون یانا یانا روحی لک الفداء
سن ائتدون انقلاب دین جاودان قالا
خونین قیامدن عشق اهلی درس آلا
آزاده لر ویروب بو یولدا دال دالا
دللرده خوش ندا روحی لک الفداء
#ای_حجت_خدا_روحی_لک_الفدائ
#حسینیه
https://eitaa.com/Hazrate_Abalfazll
4_6034949605211244323.mp3
7.19M
#نوحه_امام_حسین_
فلکلر آغلار-ملکلر آغلار
گیوبدی زینب-قرا حسینه
قرا یل اسدی-بو سس نه سسدی
دوتوبدی زهرا-عزا حسینه
تالاندی باغلار-سونوب چراغلار
چمنده بلبل-گلون سراغلار
یانان چادردا-بنات زهرا
سوسوز شهیده-یاوشدان آغلار
نوا دلنده-بلا چولونده
یاتوب قوناقلار-یتیم اوشاقلار
اورکده وحشت-اسیر غربت
ایدور رقیه-نوا حسینه
گلوب فغانه-او ناز دانه
ئوزون یتوردی-حضور یاره
دیدی غریبم-بابا اسیرم
گونوز یوروبدی-منی سواره
سو اولدی آزاد-رباب ایدور داد
نه صود امر وار-نه گاهواره
یانور جگردن-بحال شیون
دیور بو جانیم-فدا حسینه
دوای هجران-بو درده درمان
نه منده واردی-نه سنده بابا
پوزولدی حالیم-داشوب ملالیم
او قور خولی یل-اسنده بابا
هوا قارالدی-بی بیم قوجالدی
باشیوی قاتل-کسنده بابا
ایشتدیم اوندا-دیردی زهرا
دوتوبدی ماتم-خدا حسینه
بو زاره سس ویر-منه نفس ویر
که مرغ روحیم-چخور بدندن
یاتوبسان عریان-چو ماه کنعان
عدو لباسون-سویوبدی تندن
نجه گیدیم من-بو انجمندن
مگر هزاره-دویار چمندن
#فلکلر_آغلار_ملکلر_آغلار
#درخواستی
#شور
https://eitaa.com/Hazrate_Abalfazll
4_5924651920177234813.mp3
2.67M
نوحه اصغریم ای شیرین زبانیم
اصغریم ای شیرین زبانیم
ای منیم روحیله روانیم
یات بالام ایله استراحت
خسته سن بار گول ستانیم
اغلاما آغلاما قوربان او آخان گوزلریوه
سینه مه حسرتلی باخان گوزلریوه
بالام لای لای گولوم لای لای
بالام لای لای گولوم لای لای
اوت توتوب یانیرام بالام لای
دردیوی قانیرام بالام لای
ایستیرم سسلیم ابوالفضل
شرمیدن قالیرام بالام لای
لالای ای دردی آلاسین درده سالان
لالی لای ای حسرتی اورکلرده قالان
بالام لالی لای گولوم لای لای
آچمادین دیل ، غمیم چوخ اولدی
قلبیمه ، نیسگیلین اوخ اولدی
هر یئری سودان اوتری گزدیم
حیف اوللا حاصیلیم یوخ اولدی
عف ایله اللریوی ، گر باغلامیسام
منده سن تک سحرجان آغلامیشام
آغلاما قوربان او آخان گوزلریوه
سینه مه حسرتلی باخان گوزلریوه
بالام لای لای گولوم لای لای
علی بوش بشیگ یاندیرار آنانی
خیمه نی هی دوروب دولانی
دییرم آه و حسرتیله
آختارون قره گوز بالامی
اورگیم ایستیری سسین، آغلا بالام
اللرین باغلی دییر آغلا بالام
اورگیم ایستیر سسین آغلا بالام
لالی لای ای حسرتی اورکلرده قالان
بالام لای لای گولوم لای لای
بالام لای لای گولوم لای لای
#اصغریم_ای_شیرین_زبانیم
#اصغریه
#درخواستی
https://eitaa.com/Hazrate_Abalfazll
نوحه حضرت علی اصغر(ع)
چوللرده آهولر ملر ای صود امر آهو سنه
دریا قوتارمازدی بیر آز وئرسیدی دشمن سو سنه
بیر سو که وحشی لر ایچه اطفاله یوخ لازم دگل
🍃🌹
هر جرعه سی بیر طفل اوچون کافیدی چوخ لازم دگل
سو وئرمورم بیر کلمه دی اوچ شعبه اوخ لازم دگل
سو ایستدون اوخ یوخ دئدی ای صود امر آهو سنه
بلبل جهاندا رسمیدور گلبرگینی خوار ایستمز
🍃🌹
عالم اگر گلزار اولا گلشنده بیر خار ایستمز
بیر صود امر ئولدورمگه بیر مرد خونخوار ایستمز
غیظ تمامیله آتوب اوخ قوّه لی بازو سنه
ای سو سراقینده گزن سو آختارشمورسان نیه
آغزوندا چوخ سوز وار سنون بولمم دانشمورسان نیه
🍃🌹
دنیا سویوندان کوسموسن منله دانشمورسان نیه
منده یولوب بذل ایلرم تل تل آغارمیش مو سنه
افسوس اوغول دیل آچمادون تا رحمه گلسون حرمله
یومدون دوداقون دینمدون سالدون ربابی مشکله
🍃🌹
قان ورطه سینده ال ایاق چالدون امید ساحله
جسمون اولوب فُلک[1] نجات اوز اللرون پارو سنه
عمّه ئن اجازه وئرسه گر قالّام بو چولده گیتمرم
🍃🌹
روز و شب آختارّام سنی تاپسام اگرترک ائتمرم
زلفومله یارَن باغلارام چوخ سیخمارام اینجیتمرم
گوز کاسه سینده بسلرم خون دلی دارو سنه
من «منزوی» خلقون سوزون چوخا ایشده حجّت بولمرم
🍃🌹
بیر سن دئسن نوکر منه شاهلیقدا قیمت بولمرم
بو نطقی سن وئردون منه منکه فصاحت بولمرم
چوللرده آهو لر ملر ای صود امر آهو سنه
#چوللرده_آهولر_ملر
#منزوی
#اصغریه
#علی_اصغر
#درخواستی
فایل صوتی👇👇👇
https://eitaa.com/Hazrate_Abalfazll