بیری واروموش بیری یوخوموش (۳) قُراوا یِئتیم(۳) قُراوا یِئتیم‌ یولدا گُردو بیر نفر قبیراستانلوخدادو. بونون بیر یِککَه‌دَه قولاقو وار. دِئدی: - صلوات سَنئی قولاقویا! سَن بوردا نیلیرئَی؟ کیشی دِئدی: - صلوات قُراوا یِئتیمَه که گِئددی قیرخ کرّه مادیانونان گوهر شب‌چراغو گَتیردی. من نَمَه اِئلَه‌میشَم! من فقط قولاق آسورام‌، اُلولَر هرنه دانوشسالا من اِئشیدیرَم. ‌ اوغلان دِئدی: - من اِئلَه قُراوا یِئتیمَم. کیشی دِئدی: - منی‌دَه اُزویَه یولداش اِئلیرئَی؟ قُراوا یِئتیم دِئدی: - هَیَه! اُلار یولداش اُلدولا. بیر آز گِئدَندَن سورا گُردؤلَه بیر دگیرمان وار که دگیرمانچو گَلَن اونو آتورو آغزونا، گَنَه‌دَه دِئیِری، آجوندان اُلدوم. قُراوا یِئتیم دِئدی: - صلوات سَنئی قارنویا! اِئلَه یِئیِرئَی‌و توخ اولمورای! نه خبرئینی! دگیرمانچو دِئدی: - صلوات قُراوا یِئتیمَه که گِئددی قیرخ کرّه مادیانونان گوهر شب‌چراغو گَتیردی. من اِئلَه یِئییرَم توخ اُلمورام‌. منَه نَمَه صلواتو؟ صلوات قُراوا یِئتیمَه‌دی. اوغلان دِئدی : - من اِئلَه قُراوا یِئتیم. کیشی دِئدی: - منی‌دَه یولداش اِئلیرئَی اُزؤیَه؟ قُراوا یِئتیم دِئدی: - هَیَه! اُنودا اُزؤیؤنَن گُتؤردو. دؤشدؤلا یولا گِئددیلَه. یولدا گُردولَه بیر نفر وار که بیر سوپاندو وار. گُتؤرؤرؤ یوز‌باتمان داشو قُیورو سوپاندا آتورو گِئدیری. بو داغو هاممارلورو گِئچیری اُ داغو هاممارلورو. قُراوا یِئتیم دِئدی: - صلاوات سَنئی سوپاندویا! کیشی دِئدی: - صلوات قُراوا یِئتیمَه که گِئددی قیرخ کرّه مادیانونان گوهر شب‌چراغو گَتیردی. من دونیانو هاممارلورام آما هِئچ زاد یوخومنو. قُراوا یِئتیم دِئدی: - من اِئلَه قُراوا یِئتیمَم. کیشی دِئدی: - منی‌دَه یولداش اِئلیرئَی اُزؤیَه؟ قُراوا یِئتیم دِئدی: - هَیَه! اُنودا گُتؤردؤ دؤشدؤله یولا. گِئدیردیله یولدا گُردولَه که بیر نفر بیر گادومونو گُتؤرؤرؤ قُیورو قُما، اُبیری گادومونو گُتؤرؤرؤ قُیورو ساوایا، اُبیریسی‌نی ایلاما، اُبیریسینی کردستانا. بیر نِچچه گادومنا هامو ایرانو دُلانورو . قُراوا یِئتیم دِئدی: - صلاوات سَنئی گادومویا! کیشی دِئدی: - صلوات قُراوا یِئتیمَه که گِئددی قیرخ‌کرّه مادیانونان گوهر شب‌چراغو گَتیردی. من بیر بِئلَه قاچورام نمه‌واروم؟ قُراوا یِئتیم دِئدی: - من اِئلَه قُراوا یِئتیمَم. کیشی دِئدی: - منی‌دَه یولداش اِئلیرئَی اُزؤیَه؟ قُراوا یِئتیم دِئدی: - هَیَه! گَل گِئدَگ. اُلدولا دُرد نفر، دؤشدؤلَه یولا. چاتدولا شاهون قاپوسونا. سُروشدولا: - بوردا نَه خبردی؟ دِئدیلَه: - بیز ایککی ایلدی گَلمیش‌ایگ بو شاهون قیزینین خواستگارلوقونا. جرأتیمیز یوخدو دِئیَگ. دِئیِبلَه اگر دِئسَه‌ییز بوینویوزو وُرروق. داهو دِیَه بیلمیریگ. قُرخودان قِئیدِدَه‌دَه بیلمیریگ. بیلمیریگ نمه اِئلییَگ. قُراوا یِئتیم دِئدی: - قُیون بیز دِئیَگ! بیز دِئیَه‌جَه‌ییگ. مامورلارا دِئدیلَه: - بیز گَلمیشیگ قیزین خواستگارلوقونا. مأمورلار دِئدیلَه: - بیخود دانوشمایون. دِئدیلَه: - گَلمیش‌ئیگ. هر نه اُلاجاق اُلسون. مأمورلار شاها دِئدیلَه: - بولار گَلیب بوجور دِئیِللَه. بولارون بُینونو وُراخ؟ شاه دِئدی: - گَلسین‌لَه ایچَه‌ری گؤرَگ‌دا. من قیزیمی وِئرمَه‌گَه شرایط واروم. دالو وار... #بیری_واروموش_بیری_یوخوموش #عظیم_سرودلیر

بیری واروموش بیری یوخوموش(۴) قُراوا یِئتیم(۴) گَلدیله ایچَه‌ری. قولاقچو قولاق آسدو گُرَه اولار جلسه‌لرینده نَمَه دِئیِللَه. اِئشیددی که جلسه‌دَه شاه دِئیِری: قیرخ‌دَنه قازان دؤگؤ آسون. اگر بولارو یِئدیلَه من قیزیمی وِئررَم. یِئمَه‌دیله وِئرمَم. دَگیرمانچو دِئدی بو ایش مینم‌نَن. منیم شانسوم گَئتیریب. بو دؤردؤ قیرخ قازانو بؤتِو یِئدی‌ ، هاموسونو بِئکارلادو. گَنَه جلسه اِئلَه‌دیله. قولاقچو قولاق آسدو گُردو دِئیِللَه که فلان داغدا فلان کشورده بیر دَنَه گؤل وار. اگر گِئدسَه‌لَه اُ گؤلؤ گَتیرسَه‌لَه، من قیزیمی وِئررَم. گادومچو دِئدی اُ منیم ایشیم‌دی. دؤردؤ اُلار جلسه‌دَن چیخانا گِئددی اُ گؤلؤ گَتیردی. تا اُلار گَلدیَله بو شرایطی دِئیَه‌لَه بولار گؤلو وِئردیلَه بیلَه‌لَرینه. دِئدیلَه قیزی وِئرمیریگ. بونو دِئیَننَه، سوپاندچو اَل اِئلَه‌دی سوپاندا بیر بُیوگ قَیَه قویدو سوپاندا، تِولادو‌تِولادو ووراندا قصرین بیر یانو گَلدی آششاقو. دِئدیلَه: آمان دخیل، وِئریریگ. سوپاندویو داهو تؤلاما! قیزی، اعزاز و احترامونان وِئردیله قُراوا یِئتیمه. بولار قیزی گُتؤردؤلَه گَتیردیلَه. یولدا یولداشلارو قُراوا یِئتیمَ‌نَن سُروشدولا: - قیزی هارا آپاراجاقای؟ قُراوا یِئتیم دِئدی: - شاهادا! یولداشلارو دِئدیلَه: - اگر شاها آپاراجاقای، داها بیز سَنَه یولداش دَئگیلیگ. شاه نه‌کارا‌دو! اگر اُزویه آپارورای بیزدَه یانویجا گَللیگ. اگر اُزویه آپارمورای، بیز قِئیِدَرئیگ گِئدَه‌ریگ. قُراوا یِئتیم دِئدی: - خوب، آپاررام اُزومه. شاها خبر وِئردیله که قُراوا یِئتیم قیزی آلوب گَئتیریری. شاه دِئدی: - شهری بَزَه‌یین، اتاقلارو بَزَه‌یین! شهری بزَه‌دیله، گوهر شب‌چراغو گِئچیرددیله قصره، شهر چراغان اُلدو. آما گُردوَله که قیزی قُراوا یِئتیم آپاردو اُز اُوُنه، بولارا سارو گَلمَه‌دی. شاه دستور وِئردی که قُراوا یِئتیمَی گَتیرَه‌لَه چِئکَه‌لَه دارا. قُشون چِئکدیلَه که قُراوا یِئتیمی دوتالا گَتیرَه‌لَه، سوپاندچو سوپاندو چِئکدی ووراندا شاهون قُشونونون یاروسو گِئددی. بیرده ایسته‌دی سوپاندو تولویا، دِئدیلَه آمان دخیل! وُرما! بیز سَنی شاه اِئلیریگ. اُ شاهو ایستَه‌میریگ. هاموسو تسلیم اُلدولا، اُ شاهو بِئیین‌دَن آپاردولا، شاهون قصرینی، قیرخ کرّه مادیانو، گوهر شب‌چراغودا وِئردیله قُراوا یِئتیمَه. قُراوا یِئتیم اُلدو شاه. یولداشلارودا هربیریسی اُلدولا درباروننا بیر‌کارا. یِئدیله، ایچدیله، خوش گِئچیرددیله. نقیل‌ده چیخدی باشا. ساغلوق سلامتلیگ قالسون اُخویانلارا، اِئشیدَنلَره پایان #بیری_واروموش_بیری_یوخوموش #عظیم_سرودلیر

قُراوا یِئتیم نقیلی نقیل‌ دِئیَن: کربلایی کاظم عبداللهی (محمدی) از روستای گلخندان

دوشنبه‌های رضوی چاناق آبخوری حرم مطهر امام رضا علیه السلام در زمان‌های گذشته سقاهای حرم با مشک چرمی از قنات آب آورده و این کاسه را پر می‌کردند و زوًار تشنه با کاسه‌های برنجی حاشیه‌ی بالا سنگاب، از داخل آن آب برداشته و می‌نوشیدند. به رئیس سقاها، سقاباشی می‌گفتند که یک اصطلاح ترکی‌است این سنگاب از سنگ یک تکه تراشیده شده است

آنا دیلی گنجی کلمات و اصطلاحاتی که با "اؤرَگ = قلب" ساخته می‌شوند (1) 🌸🌸🌸🌸🌸🌸🌸🌸🌸 🪴اؤرگ= قلب؛ دل؛ میل و رغبت مثال: 1- اورَگ دُشؤن سُل یانوندادو. 2- دشمَنین اورَه‌گیندَه رحم و مروت تاپولماز. 3- اؤرَه‌گیم چِئکمیری بو غذانو یِئیَم. 🪴اؤرَه‌گ آچولماق شاداب شدن مثال: از بس اُلوم خبری یِتیشیری آدامون اؤرَه‌گی آچولمورو گؤلؤب دانوشا. 🪴اؤرَگ آغارماق کینه‌ی کسی را از دل بیرون کردن مثال: بعضی آداملار بیرجور تَرپَه‌نیللَه که آدامون گؤینو ایستَه‌میری اورَه‌گی بیلَه‌‌لَه‌ریندَن آغارا. 🪴اؤرَگ آغوزا گلمَگ شدیداً ناراحت شدن؛ تحت فشار عصبی شدید قرار گرفتن مثال: اوشاق! بَسدی بیربیری‌ئینَن اؤزلَش‌دیئیز. اُؤرَگیمیز گَلدی آغزوموزا. 🪴اؤرَگ اَزمَگ دل‌ را زدن مثال: غذا یاغلویودو. اؤره‌گیمیزی اَزدی. 🪴اؤرَگ اَزیلمَگ دل زده شدن؛ دل ضعف رفتن مثال: 1- یاغلو زاد یِئمیشَم، اؤرَه‌گیم اَزیلیری. 2- بیر یِئمه‌لی گتیرین یِئییم. اؤرَه‌گیم اَزیلیری. 🪴اؤرَگ اَسمَگ میل شدید پیدا کردن؛ دل خواستن مثال: 1- تَززه لاواش قُخوسونو ایشیدَن‌نَه اؤرَه‌گیمیز اسدی. 2- خانوم چوخداندو دَدَه‌ نَنَه‌سی‌نی گُرمؤیؤب، اؤرَه‌گی بیلَه‌لریندَن سارو اَسیری. 🪴اؤرَگ اُد دوتماق غمگین شدن شدید مثال: کیشی‌نین جوان اوغلو شهید اولوب. اُدؤ که اؤرَه‌گی اُد دوتوب یانورو. 🪴اؤرَگ ایسته‌مَگ مورد علاقه بودن؛ دل خواستن مثال: 1- اوغلان غذا یِئمیری، دِئیِری اورَه‌گی ایستَه‌میری. 2- اصلا اؤرَه‌گیم ایستَه‌میری قالام بو شهرده. 🪴اؤرَگ باشو سردل مثال: اوشاقون اؤرَگ باشوسو وار. اُدو که اِئرتَه‌دَن آرام دوتمورو. 🪴 اؤرگ بندی قیریلمگ ترسیدن شدید ناگهانی؛ گرسنگی زیاد مثال: ۱- یِئر تیتیره‌دی، قورخودان آز قالموشدو اؤره‌گیمین بندی قیریله. ۲- گتیرین شام یِئیَگ‌ اؤره‌گیمیزین بندی قیریلیری. 🪴اؤرَگ بندینی قیریب آپارماق دل‌ضعفه ایجاد کردن مثال: چوخ چایو ایچمَگ اؤرَه‌گین بندینی قیرَر آپارار. 🪴اؤرَگ بوشالماق از مخالفت شدید دست برداشتن؛ از فشار روانی خلاصی یافتن مثال: 1- اِئو صاحابون اؤرَه‌گی بوشالوب. شاید قویا بیر ایل‌ده بو اِئوده اُتوراق. 2- زندانداکی کیشی آرواد اوشاقلاروندان داروخوردو. بیر آز آغلادو اؤرَه‌گی بوشالدو. 🪴اؤرَگ بولاشماق (بولانماق) دل‌آشوب شدن (به هم خوردن) مثال: 1- خانومون بوگؤن اِئرتَه‌دَن اؤرَه‌گی بولاشورو. بیلمیرم نَمَه‌دَن نَگیراندو. 2- گِئجَه‌دَن قالموش غذا یِئمیشَم اُدو که بیر آز اؤرَه‌گیم بولاشورو. 🪴اؤرَگ بولاندورماق دل را آشوب کردن (به هم زدن) مثال: چیبین اُلؤسؤ اؤرَه‌گیمی بولاندورورو. 🪴اورَگ پیرپیر اوچماق زیاد هوس کردن مثال: چوخداندو اوشاقلاروموزو گُرمَه‌میشَم. اورَه‌گیم بیلَه‌لَریندَن سارو پیرپیر اوچورو. 🪴اؤرَگ پیس اؤلماق از هوش رفتن؛ غش کردن مثال: بیرنفر خیاباندا اؤرَه‌گی پیس اولموشدو. دالو وار... #گنجینه_زبان_مادری #عظیم_سرودلیر

آنا دیلی گنجی کلمات و عباراتی که با "اؤرَگ = قلب" ساخته می‌شوند (۲) 🌸🌸🌸🌸🌸🌸🌸 ‌ 🪴اؤرَگ جوشماق بغض گرفتن مثال: اوشاقون نِئیَه اؤرَگی بیر‌بِئله جوشوبدو، آغلورو؟ 🪴اؤرَگ چاتلاماق بسیارترسیدن مثال: بولود اِئلَه شاققوللادو که آز قالدو اؤرَه‌گیم چاتلویا. 🪴اؤرَگ چِئکمَگ میل داشتن؛ دل کشیدن مثال: نُخوشام. اؤره‌گیم چِئکمیری هیچ زاد یِئیَم. 🪴اؤرَگ چیرگیدمَگ مشمئز کردن مثال: چیبین دؤشدؤ چایو ایچینه، اؤرَه‌گیمیزی چیرگیددی. 🪴اؤرَگ چیرگینمَگ مشمئز شدن مثال: باخدوم معتاد اوغلانون پُخلو پؤسؤرلو اؤز گُزونَه اؤرَگیم چیرگیننی. 🪴اؤرَگ دار اولماق دلتنگ شدن مثال: اؤرَگیم، بو گؤن چوخ داردو، اُزوم‌دَه بیلمیرَم نِیَه. 🪴اؤرَگ داروخماق دلتنگ کسی یا چیزی شدن مثال: اؤرَگیم اوشاخلارومنان سارو چوخ داروخورو. بیلمیرَم نئیلییَم. 🪴اؤرَگ دُگؤنمَگ دغدغه داشتن؛ نگران شدن مثال: اؤشاق مدرسه‌دَن گِئج گلمیشدی. نَنَه‌سینین اؤره‌َگی دُگؤنؤردؤ. 🪴اؤرَگدَن گَلمَگ دل‌رحمی را کنار گذاشتن مثال: 1- نیجَه اؤرَگئی‌دَن گَلدی اوشاقو وُردوی؟ 2- اِئو صاحاب چوخ یاخچو آدامنو، اصلاَ اؤرَگئیندَن گَلمَز مستأجرینی حَیَط‌دَن چوخادا. 🪴اؤرَگ دوتولماق دلتنگی کردن مثال: بیلمیرم نِئیَه بیر بیلَه اورَه‌گیم دوتولورو. 🪴اورَگ دولماق دل پُر شدن؛ به حالت گریه افتادن مثال: بیلمیرَم نِئیَه اورَ‌گ‌ئی دولوب! ایستیرئَی آغلویای. 🪴اؤرَگ سیخیلماق گرفتن دل مثال: بوگؤن اِرتَه‌دَن اؤرَگیم سیخیلیری. بیلمیرم نِئیَه. 🪴اؤرَگ قارجالاشماق دل به هم خوردن از کشیده شدن چیزی تیز روی صفحه‌ی آهنی مثال: اوشاق! پیچاقو چِئکمَه سینی ایچینَه، اؤرَگیم قارجالاشورو. 🪴اؤرَگ قِوزانماق استفراغ کردن؛‌ هوس رفتن به ‌جایی را کردن مثال: 1- اؤرَگ باشوی وار. اؤرَگئی قوزانسا بار اوللای. 2- اوره‌گیم قِوزانوب گِئدَم اُز اِئویمیزه. داهو قالمویام بوردا. 🪴اؤرَگ کُپو چیخمَگ با انجام کاری به رضایت خاطر رسیدن مثال: اؤغلان اِئلَه قشنگ ایشینی گُردو که اؤرَ‌گیمین کُپو چیخدی. 🪴اورَگ گِئدمَگ بی‌حال شدن مثال: اوشاق آجوندان اورَ‌گی گِئدیب. 🪴اورَگ گیزلَنمَگ بیهوش شدن مثال: نُخوش آروادون اورَگی گیزلَنمیش‌دی دالو وار.... #گنجینه_زبان_مادری #عظیم_سرودلیر

آنا دیلی گنجی کلمات و عباراتی که با "اؤرَگ = قلب" ساخته می‌شوند (۳) 🌸🌸🌸🌸🌸🌸🌸🌸🌸 🪴اؤرَگلَنمَگ از درون جوشیدن گریه مثال: 1- اوشاق ایچَه‌‌ریدَن اؤرَگلَه‌نیردی آغلویا، آما اُزونو ساخلادوردو. 2- خانومون اوغلو گِئدمیشدی خارجه، اُزودَه اُتورموشدی هی اؤرَگلَه‌نیردی و آغلوردو. 🪴اورَگ‌لی شجاع مثال: اورَگ‌لی آدام ایستیری که گیرَه‌ قویودان هوش‌دان گِئدمیش کیشی‌نی چوخادا. 🪴اؤرَگ وُرماق دل زدن مثال: یاغلو زاد اورَگیمی وُرار. 🪴اورَگ یارماق (چاتلادماق) ترساندن مثال: سَنئی پیس خَبرئی آز قالموشدو منیم اورَگیمی یارا. 🪴اورَگ یارولماق (چاتلاماق) به شدت ترسیدن مثال: ایلدیریم چالاندا، آز قالموشدو اورَگیم یارولا (چاتلویا). 🪴اؤرَگ یانان مهربان مثال: قُنشوموزون بیر اورَگ یانان آروادو وار. 🪴اؤرَگ یِئرین‌دَن اؤیناماخ شدیداً ترسیدن مثال: بی‌غافول‌دان بَعع اِئلَه‌دئی. اؤشاقون اؤرَ‌گی آز قالدو یِئرین‌نَن اؤینویا. 🪴اؤرَگ یِئرین‌دَن چیخمَگ شدیداً وحشت کردن مثال: ایلدیریم وُراندا ایستیردی اؤشاخلارون اؤرَ‌گی یِئرین‌دَن چیخه. 🪴اؤرَگین یاغو اَریمَگ دچار ترس یا نگرانی شدید شدن مثال: قیز بو نِچچَه‌ ایلی گِئدیب آیرو شهردَه درس اُخویوب قِئیِدَنَه، دَدَه‌ نَنَه‌سینین اؤرَگلَرینین یاغو اَریدی. آردو چیخدی #گنجینه_زبان_مادری #عظیم_سرودلیر

#گلخندان_نقیللری سَمَنبَر قازانو قئینَد(۱) (یازان: عظیم سرودلیر) بیر کیشی وارودو کوسه‌لی‌ده، آروادونون آدو سَمَنبَریدی. کیشی بیر گؤن گِئدیردی سوبَی هامماراسوندا جؤت سؤره. شاققول کندی یانوندان گِئچنده، گُردو ایککی دَنَه قورد، بیری اَرکَگ بیری دیشی، چیری چیلپاق گیریبله باش گُولده چیمیلله. قوردلار کیشی‌نی گُرنده، دؤشدؤله پَرَن پَرَنه، بیری بویاندان قاچدو، بیری اُیاندان. کیشی قاققوللاددو گؤلدؤ، دِئدی: - داها قاچایوز، قاچمویایوز، بیله‌ایزی گُردوم. گٍئده‌جه‌گَم کندده دِئیَم، بدلام اِئلییَم بیله‌ایزی. اَرکگ قورد دِئدی: - گِئدیب دِئمه. دِئسئَی بیزیم آبروموز گِئدَر. اَیَه گِئدیب دِئمه‌سی، من هر نِچچه گؤننَن بیر، بیردَنه داواردان، جیراننان، شکار اِئلَه‌رَم گتیررَم حیط‌ایزین دوفاروننان آتارام ایچه‌ری، بیر یاواشجه‌دَه اولارام، سن بیللَی گَلیب آپاروب باشونو کسیب، دریسینی سویوب اَتینی یِیَرایز. کیشی دِئدی: - یاخچو. گِئدیب دِئمَم. اُ گؤندن سورا باشلاندو. قورد هر نِچچه گؤندن بیر داواردان، جیراندان زاددان دوتوردو، گتیریردی، کیشینین دوفاروندان آتوردو ایچه‌ری، بیر بالاجا اولوردو گِئدیردی. کیشی‌ده دوروب باشونو کسیردی، دریسینی سُیوردو، اَتینی، جیگیرینی، بِوره‌گینی گتیریردی، سَمَنبرینَن پیشیریردیله، یِئیِردیله. گؤنلرین بیر گؤنونده، سَمَنبَر گِئچدی اَرینین یاخاسونا: - دی گُروم بو نچچه گؤندن بیر شکار گتیرمَگ ماجراسو نمه‌دی؟ دالو وار..... #گلخندان_نقیللری #بیری_واروموش_بیری_یوخوموش #عظیم_سرودلیر

گلخندان_نقیللری سمنبر قازانو قئینَد (۲) کیشی بُیون گلمه‌دی. آما سَمَنبَر اَل چِئکمه‌دی. اُقد دِئدی‌دِئدی که کیشی ذیللَه‌هه گلدی، قوردلارون چیلپاخلانوب چیممگ‌لرینی آروادونا دِئدی. اُیاندان دِئمه‌کی اَرکگ قورد گلیب شیکارو آتاندان سورا گِئدیب یاتوب کیشینین پاجاسو یانوندا قولاق آسورو. اِئله‌کی کیشی اولارون سِرلرینی دِئجگ قورد باشونو پاجادان ساللادو ایچه‌ری دِئدی: - قادام گُزویه کیشی! اَیَه گَللَی چُلَه دِئیَه‌رم بیلَه‌یه! کیشی باشلادو تیتیره‌مه‌گی، چیغیردی سَمَنبرین باشونا: - قورتولدوی! ایننی بوننان بِئله نه اَتدن خبر اولاجاق، نه من چُله چیخه‌بیله‌جَگَم! سنده قال آج و سوسوز! گؤنلر گلدی گِئچدی، بیر گؤن ، بِش گؤن، اُن گؤن، سَمَنبر گُردو داها اِئوده هِئچ زاد تاپولمورو یِئیَه‌له، آجوندان اُلوللَه. گؤج گلدی کیشی‌یه: - دور چبخ چُله! بوجورلوقونان که باشا گِئدمز! قوردلارون داها یادلاروندان چیخیب گِئدیب، قُرخماگینَن! خلاصه که گوجونَن کیشینی چوخاددو چُلَه. کیشی دوردو، قورخا قورخا، جوتو باغلادو، تُخوم جُوالونا بوغدا تُکدو، آتدو چیگنینه، سیغیرلری قاتدو قاباقونا، دؤشدؤ یولا گِئددی سوبی هامماراسونا سارو باشلادو جؤت سؤرمه‌گی. کیشی جؤتؤنَن بیر ایککی باش گِئدیب گلمیشدی که گُردؤ بیر تؤلکؤ گلیری. تؤلکؤ گلدی کیشی‌یه آللاه قُوات وِئرسین دِئدی و کیشی‌دن سُروشدو: - کنداییِزده نه خبر؟ کیشی دِئدی: - سَنَه یاخچو خبر یوخوم. تؤلکؤنؤن بیر آز اَل آیاقو چاشدو، سُروشدو: - مَیَه نمه اُلوب؟ کیشی بیر آز اؤز گُزؤنؤ چِئکیشدیردی، دِئدی: شاه آداملارو گلیب کوسه‌لی‌لَردن کؤمگ ایسته‌ییبله که گَله‌لَه چولده هرنه تؤلکؤ وار دوتالا آپارالا دریلرینی سویالا شاها پَلتِو دؤزَلده‌لَه. تؤلکؤنؤن اؤزؤندن رنگی قاچدو، بدنینَه تیتیردمه دؤشدؤ، دِئدی: - بس من نیلییِم؟ سن‌آللاه منه بیر یول یولاخ گُرسَد. کیشی بیر آز نازلاندو، دِئدی: - چون سنئینَن قدیم یولداشوق، من سَنَه بیر فیکیر چِئکَه‌رَم. گِئدگینن بیر نِچچه دَنَه سؤپؤرگه پوتاسو یون گَتیر تا دِئییم نمه‌اِئله. دالو وار .... #بیری_واروموش_بیری_یوخوموش #گلخندان_نقیللری

#گلخندان_نقیللری سمنبر قازانو قییند (۳) تؤلکؤ گِئددی بیر نچچه‌دَنَه سؤپؤرگه پوتاسو یوندو گَتیردی. کیشی دِئدی - خوب! قویروقویو اوزاد منه سارو. تؤلکؤ قویروقونو اوزاددو کیشیه سارو. کیشی جیبیندن بیر آز پَرک چوخاددو، پوتالارو باغلادو تؤلکؤنؤن قویروقونا. تؤلکؤیه دِئدی: - ایننی گِئد اُ تورپاخلوقدا آتول اُیاندان بویانا، بویاندان اُیانا، توزتورپاق قوزانسو، داهو مأمورلار گلنده سَنئی گُرمه‌سینله. تؤلکؤده ایناندو، گِئددی باشلادو توزتوزاناق ایله‌مه‌گی. بوننایودو که قوردون باش قولاقو گُرسَننی. گلدی بیر آز قالموشدو چاتا کیشی‌یه، بیر اوزون اولادو دِئدی: - یاخچو گَلدئی گیریمه! گِئدیب منیم‌نَن آروادوم سیررینی آروادویا تعریفلیرئَی! بِئله قولاق تُوو وِئریم بیله‌یه که داهو بو ایشلردن گُرمویَی! کیشی قاققوللاددو گؤلدؤ، دِئدی: - سن اوّل اُز جانویا بیر فیکیر چِئک، اوننان سورا گل منیم سُراغوما. قورد دِئدی: - مَیَه اُز جانوما نَمَه اُلوب که بیله‌سینه فیکیر چِئکَم؟ کیشی دیدی: - اُ توزتوزاناقا بیر باخ! هِئچ بیلیرئی اُ نمه‌دی؟ قورد دِئدی: - اُدا بیر جین توزاناقودو که گؤنده بو چولده وار. کیشی دِئدی: - یوخ، اُجور دَئگیل. اُ آتلولار توز توزانوقودو که قِوزانوب. کوسه‌لی‌لَر گِئدیب شاها شکایت اِئلی‌یِبله که بیزیم چُلوموزده ایککی‌دَنه قورد عمله گَلیب‌لَه. گؤنده‌گؤنده گَلیب داوارلاروموزو اُغورلایوب آپاروللا. شاه‌دا مأمور گؤننَریب که گَلَه‌لَه سیزی دوتالا آپارالا، حیسسابویوزا چاتالا. قورد دؤشدؤ تیتیرَدمی‌یَه باشلادو کیشی‌یَه یالوار‌یاخار اِئلَه‌مَه‌گی. کیشی دِئدی: - چوخ یاخچو. دؤزدؤ که سَن گَلمیش‌ئَی منی پارالویای ولی اَیه قول وِئرئَی که بوندان بِئلَه دؤز عَمَللی تَرپَنئَی منده سَنئی جانویو قورتاررام. قورد قُوُل وِئردی. کیشی دِئدی: - خوب هَلَه‌کی قُوُل وِئردئی، گِئد گیر اُ منیم تُخوم جُوالوما، باشویودا چِئک ایچَه‌ری، گیزلَد. آتلولار بورا چاتاندا، مننَن سُروشاللا. من دِئیَه‌رَم اُ قوردلار بو چولدَن گِئدیبلَه. اَیَه سُروشدولا جُوالداکی نَمه‌دی، دِئیَه‌رَم تُخومنو. قورد بِئچارادا ایناندو، گِئددی گیردی جُوالا، باشونودا چِئکدی ایچَه‌ری. کیشی گَلدی تُربانون آغزونو موحکم باغلادو. جوتو آچدو، گَلدی تؤلکؤ یانونا دِئدی: - داها بَسدی. من دولت مأمورلارونو باشدان آچدوم گِئددیله. اَیَه قول وِئرئَی کوسه‌لو تُوُق خروزلارونا دَئگیب دولاشمویای، بوننان بِئلَه‌دَه مأمورلار گَلَننَه قویمام گَلَه‌لَه سَن اولان یِئرَه. تؤلکؤ قُوُل وِئردی. کیشی‌دَه پَرک‌لَری قیردی سؤپؤرگَه پوتالارونو تؤلکؤنؤن قویروقوننان آچدو، تؤلکؤنؤ بیراخدو گِئددی. قِئیِددی گَلدی قوردو جوال ایچینده آتدو سیقیرلَرین بیریسینین اؤستؤنه دؤشدؤ یولا ، کنده سارو. کیشی گَلدی حَیَطه گیرنده سَسلندی: - سَمَنبر قازانو قئینَد! سَمنبر قازانو آسدو اُجاقا، گِئددی چایدان سو گَئتیردی قازانون ایچینی دُلدوردو اجاقون آستونو یاننوردو. قازانون سویو قئیناقا دوشنده، آروادونان کیشی اَل اَله وِئردیله، قوردو جوالونان گُتؤردوله باسدولا قازان ایچینه، باشلادولا تاپلاماقو. بیر یاندان داغ سو، بیر یاندان دؤگَه‌جگ دؤگمَه‌گی قوردو دَریدن چوخاددو. قورد لاپ دَریدن چیخندن سورا کیشی جووالون آغزونو آچدولا، قورد چیخدی ایننی قاچمای هاچان قاچارای؟ حَیَط قاپوسوندان چیخنده قِئیِددی باخدو کیشی‌یَه، دِئدی: - قادام گُزویه. دالو وار.... #بیری_واروموش_بیری_یوخوموش #گلخندان_نقیللری #عظیم_سرودلیر

#گلخندان_نقیللری سمنبر قازانو قئینَد(۴) کیشی گَنَه قالدو اِئوده چُلَه چیخاجاقو اُلمادو. گَنَه بیر گؤن سَمَنبر بیله‌سینه گوج گَلدی: - دور چیخ چُلَه! کیشی ناچار قالدو دوردو سیقیرلری چوخاتدو. جوتو قُشدو، دؤشدؤ یولا که گِئدَه سوبَی هامماراسوندا یِئر سؤرَه. گِئد‌ها‌گِئد، شاققول‌کندی جنگلینه چاتار چاتماز، گُردو بیر سورو قورد گَلیری. دَریدَن چیخمیش قورد گِئدیب همدان اولکهَ‌سینده هر نَمه قورد وارودو ییغیب گَتیرمیشدی. کیشی باخدو گُردو آراسا داردو، قاچدو یاپوشدو چینارلارون بیریسیندن، دیرماشدو گِئددی یوخارو. قوردلار گَلدیله ییغیشدیله چینارون دِورونه. هی فیکیر‌هافیکیر، دریدَن چیخن قورد دِئدی: - من یاتارام آغاج دیبینده یِئرَه، سیزده آتولون چیخین منیم دالومنا بیربیر اؤستؤنه تا گِئدین چاتون کیشی‌یَه، بیله‌سینی دوتون گَتیرین آششاقو پارالایون یِئیین. اُزو یاتدو، قوردلاردا بیری آتولدو اُنون اؤستؤنه، اُبیری‌سی اُنون اؤستؤنه گِئددیله یوخارو. بیر دَنَه‌دَه قورد قالموشدو چاتالا کیشی‌یَه که کیشی آغاج باشوندان چیغیردی: - سَمَنبر قازانو قئینَد! آستا یاتان قورد که بیلیردی بو سُز نَمَه‌دی آستان پارتدو قاچدو. اُبیریسی قوردلار تیلیپ تیلیپ تُکولدولَه بیربیر اؤستؤنه، گُردؤلَه اُلارو چاقوروب گَتیرَن قورد قاچورو، اُلاردا دؤشدؤلَه قاچاقا، ایننی قاچمای هاچان قاچارای! قوردلار قاچاندان سورا، کیشی اَندی گَلدی گِئددی جوتو دالوجه. داستانوموز بوردا قورتولدو، سیزئی ساغلوقویوز هَممَه‌شه‌لیگ اولسون قالون ساغلوقونان #بیری_واروموش_بیری_یوخوموش #گلخندان_نقیللری #عظیم_سرودلیر

سیز بویورون 🌸🌸🌸🌸🌸🌸🌸🌸🌸 بو کلمه‌نین فارسوسو نمه‌دی؟ چیلاس = ...... (شما بفرمایید: معادل فارسی کلمه ترکی «چیلاس» چیست؟) #سیز_بویورون #عظیم_سرودلیر

سیز بویورون 🪴🪴🪴🪴🪴🪴🪴🪴🪴 بو کلمه‌نین فارسوسو نمه‌دی؟ زیرگیله‌مگ = ...... (شما بفرمایید: معادل فارسی کلمه ترکی «زیرگیله‌مگ» چیست؟) #سیز_بویورون #عظیم_سرودلیر

حضرت زهرا سلام‌الله علیهانون وصیّت‌لری حضرت زهراء مظلومه سلام‌الله علیها، اُ خانوملارون بُیؤگؤ، عُمرؤنؤن آخیر دَملرینده، اؤزؤنو دولاندوردو اَری امیرالمؤمنین علی‌ علیه‌السّلاما سارو، بویوردو: سَن اُزؤی شاهادای که عُمرؤم‌ده من‌دن یالان و خیانت گُرمَه‌میش‌ئَی. هِئچ ایش‌لَر‌ده سَنئی اؤزؤیه دورماموشام، هَممَشه دالاشموشانم سَنئی دالوینا دورام. ایندی سَندن ایستیرم: مندن سورا ایسته‌دئی ازدواج اِئلی‌یَی، باجوم قیزی اَمامه‌نی آلای. اُ منیم اوشاقلاروما آنا کیمین اؤرَگ یاندوراندو. بیر تابوت دؤزَلدئَی و جنازه‌می قویای اُنون ایچینه، تا تشییع اِئلییَنده بدنیم گیزلَنمیش اولا و بوی بوخونومو نامحرم‌لَر گُرمؤیَه‌لَه. گِئجه قارانقولوقوندا، خالخ یوخلویاندان سورا جنازه‌می آپارون، تا منه ظؤلم اِئلییَن‌لَر و حققیمی یَلَه‌نَنلَر منیم جنازه‌مین دالوجه گَلمی‌یَه‌لَه. اُلار منیم و تارو رسولونون دؤشمنی‌دیلَه. اجازه وِئرمَه‌یین بیزه ظؤلم‌ اِئلییَن‌لَر و اُلارون دالوندا دورانلار منیم جنازه‌مَه ناماز قیله‌لَه. ای عمو‌اوغلو! منیم جانوم بدنیم‌دَن چیخندن سورا، ایسته‌دئی مَنَه غُسل وِئرئَی، بدنیمی چیلپاق اِئلَه‌مه، من اُزومو یُوموشام. یویاندان سورا آتام تارو رسولونون (ص) حُنوطونون قالان باقوسویونان منی حُنوط اِئلَه. اُزؤی و نِچچه نفر وفالو یولداشلارونان جنازه‌مَه ناماز قیل. اُندان سورا، منیم قبریمی بیر گیزلین یِئردَه قازون تا نامحرم‌لَر و حققیمی یَلَه‌نَنلَر و ظالیم‌لَر گُزؤندَن گیزلین قالسون. اُلارون هِئچ بیریسی گَرَگمَز دَئگیل که منی دفن اِئلَه‌مه‌گَه گَلَه‌لَه. قبریم گَرَگ اولاردان گیزلین قالا. #در_مکتب_حضرت_فاطمه_سلام_الله_علیها #عظیم_سرودلیر

حضرت فاطمه زهرا سلام‌الله علیها‌نون آخرومجو یوخوسو حضرت امام صادق علیه‌السّلام، فاطمه زهرا سلام‌الله علیهادان نقل اِئلیری: نِچچه گؤن آتام، تارسولو، (تارونون درودو اُنا اُلسون) دؤنیادان گِئدَندن سورا، آتامو یوخودا گُردؤم. عرض اِئلَه‌دیم: - آتاجان! سَن گِئددئی، سَنئی گِئدمه‌گی‌اینَن بیزیم ارتباطوموز وحی عالمی ایننَن اؤزؤلدؤ. هَلَه سُزوم باشا چاتماموشدو که بیردَن گُردؤم که نِچچَه فرشته گَلدیله منیم یانوما و منی اُزلَری‌اینَن آپاردولا گُیَه. گُیلَرَه یِئتیشَنده، چوخ عالی قصرلَر و ساختمانلار و چمچمال باغلار گُردؤم. قصرلرین بیریسینه یِئتیشَنده، گُردؤم نِچچه حوری اُردان چیخدیله بیرحال‌دا که گؤلؤردؤلَه و بیربیرینه موشدولوخ وِئریردیله. من بو صحنه‌لری گُرَنده چوخ علاقه تاپدوم که اُلارون یانوندا قالام، داها قِئییدمی‌یَم. بوندا بیردَن یوخودان اُیاندوم. اُندان سورا حضرت امام صادق علیه‌السّلام امیرالمؤمنین علی علیه‌السّلام قِولوجه تعریف اِئلیردی که بویوروردو: - بیردَن گُردؤم که فاطمه زهرا سلام‌الله علیها پریشان و حیران حال‌دا یوخودان اویاندو، منی چاغوردو. من گِئددیم یِوخونا، خبر آلدوم: نمه اُلوب؟ اُ مظلومه خانوم یوخوسونو منه تعریفلَه‌دی. تعریفلی‌یَندن سورا، مندن قول آلدو که اُنون تشییع و تدفینینه هِئچ کیم گَلمی‌یَه مگر اوچ نفر خانوملاردان: امّ سلمه، امّ ایمن و فضّه کیشی‌لردن یِددی نفر: حسن, حسين ، عبّاس اوغلو عبداللّه، سلمان فارسى، عمّار ياسر، مقداد و ابوذر غفارى حضرت علی علیه‌السّلام فرمایشی‌نین دالونو دوتدو، بویوردو: - تارونون وعده‌سی چاتان گِئجه، اُندا که اُ مظلومه خانوم ایستیردی روحو بدنین‌دَن آیرولا، بِئلَه بیلدیم که بیر تَززَه گَلَنلرَه سلام وِئریری و بویورورو: و علیکم‌السّلام. اُندان سورا منه بویوردو: یا علی! بو جبرئیل امین‌دی که گَلیب و بهشتین نعمت‌لرینین موشدولوقونو منه وِئریری. بیرآز اُندان گِئچَندن سورا، گَنَه بویوردو: و علیکم‌السّلام. سلام وِئرَندن سورا منه بویوردو: عمو اوغلو! بو میکائیل‌دی که جبرئیلین دالوجه گَلدی منیم یانوما. اؤچومجو دفعه‌دَه، تارو رسولونون قیزی، گُزلرینی آچدو، بویوردو: بو عزرائیل‌دی که گلدی منیم یانوما،‌ آتام بونو، قاباخدان، منه تانوددورموشدو. اُندان سورا عزرائیله‌ بویوردو: سلام اولسون سَنه ای روح‌لارو آلان! تَلَس، جانومو آل، آما گُزلَه منه عذاب وِئرمی‌یَی، جانومو سختلیگ‌اینَن آلمویای! اُندان سورا تارویا عرض اِئلَه‌دی: بارخدایا! من سَنئی رحمت و برکتی‌یَه سارو گَلیرم. اُتویا و آرقودان عذابلارویا سارو که گناهکارلارا وعده وِئرمیش‌ئی گَلمیرم. اُندان سورا، اُ ستم‌چِئکمیش خانوم، قبله‌یَه سارو اوزانوب، گُزلرینی یوموب، بقا عالمینه قَنَت آچدو. #در_مکتب_حضرت_فاطمه_سلام_الله_علیها #عظیم_سرودلیر

کسا حدیثی اُز تؤرکؤ دیلیمیزده

در مکتب حضرت فاطمه زهرا سلام الله علیها راه توحـيد حضرت زهرا عليهاالسلام بر سر مزار حمزه عليه السلام در پاسخ شخصى مى فرمايد اَما وَاللّه ِ لَوْ تَرَكُوا الْحَقَّ عَلى اَهْلِهِ وَاتَّبَعُوا عِتْرَةَ نَبِيِّهِ لَمَااخْتَلَفَ فِى اللّهِ تَعالى اثْنانِ حضرت فاطمه‌ی زهرا سلام‌الله علیها، حضرت حمزه مزارو اؤسته بیر نفرین جوابوندا بویوردو: آند اولسون تارویا اگر حققی صاحابونا وِئرسَی‌دیله، پیامبر عترتی دالوجه گِئدسَی‌دیله، هِئچ ایککی نفرده، تارویا گُرَه، بیربیری‌اینَن اختلافا دوشمزدیله. به خدا سوگند اگر حق را به اهلش واگذار مى نمودند و از عترت پيامبر پيروى مى كردند، حتى دو نفر درباره خدا اختلاف نمى نمودند (واسلام همه عالم را فرا مى گرفت.) كفاية الاثر: 199 ---------------------------- حجـله عبـادت حضرت على عليه السلام در شب ازدواج، همسرش را نگران ديد و علت آن را پرسيد.حضرت زهرا عليهاالسلام فرمود: تَفَكَّرتُ فى حالى وَاَمْرى عِنْدَ ذِهابِ عُمْرى وَنُزُولى فى قَبْرى، فَشَبَّهتُ دُخُولى فى فِراشى بِمَنْزِلى كَدُخُولى اِلى لَحَدى وَقَبْرى، فَأنْشِدُكَ اللّه َ اِنْ قُمْتَ اِلَى الصَّلاةِ فَنَعْبُدَ اللّه َ تَعالى هذِهِ اللَّيْلَةَ اُزؤمه گُرَه فیکر اِئلَه‌دیم، عؤمرؤمؤن قورتارلماقو و قبر اِئوی یادوما دؤشدؤ. آتام اِئویندن اُز اِئویمه گَلمَگ، قبر اِئویمه گِئدمه‌گی یادوما سالدو. سَن‌آللاه! گَلگینَن شِئریکلیم زندگانلوقوموزو باشلاماق‌دا نامازا دوراق و بو گِئجه‌نی تارو عبادتینه قورشاناق! در پيرامون حال و وضع خود انديشيدم و پايان عمر و منزلگاه قبر را به ياد آوردم و انتقال ـ از خانه پدر ـ به منزل خودم، مرا به ياد ورود به قبرم انداخت! تو را به خدا بيا تا در آغاز زندگى مشترك به نماز برخيزيم و امشب را به عبادت خدا بپردازيم. احقاق الحق 6 و 23: 481 و 489. #در_مکتب_حضرت_فاطمه_سلام_الله_علیها #عظیم_سرودلیر

کسا حدیثی، اُز تورکو دیلیمیزده (1) (به مناسبت ایام فاطمیه) عبد‌الله انصاری اوغلو جابردن،‌ صحیح سندده تارو رسولونون قیزی فاطمه‌ زهرا سلام‌الله‌علیهادان نقل اولونوب که دِئییردی اِئشیددیم فاطمه‌ سلام‌الله علیها بویوردو: بیرگون آتام تشریف گَتیردی بیزه، بویوردو: - سلام اُلسون سَنَه قیزیم! عرض اِئله‌دیم: - علیک‌السّلام. آتام بویوردو: - بیر آز بدنیم سوستالوب، ضعف اِئلیرم. عرض اِئله‌دیم: - آتاجان! تارویا پناه آپارورام سَنئی بدنی‌یین سوستالماقوندان. آتام بویوردو: - فاطمه‌جان! یَمن‌دَن گَلَن عبانی گَتیر، چِئک منیم اؤستؤمه. من عبانی گَتیردیم چِئکدیم آتامون اؤستؤنه، چِئکیلدیم ایراخدان باخدوم آتامون اؤزؤنه. اؤزؤ اُن‌دُرد گِئجه‌لیگ، کامل آی‌تکی ایششیخلانوردو. بیرآز گِئچَندَن سورا، اوغلوم حسن (ع) گَلدی ایچَه‌ری. دِئدی: - سلام اولسون سَنه آناجان! جواب وِئردیم: - سلام اولسون سَنه ای‌گُزؤمؤن ایششیقی! ای‌اؤرَه‌گیمین میوه‌سی! حسن (ع) عرض اِئلَه‌دی: - آناجان! بیلئَیدَن خوش قُخو گَلیری. اِئلَه‌بیل که بابام، تارو رسولونون قُخوسودو. دِئدیم: - دؤز دِئییرئَی بالاجان. بابای عبا آستوندادو. حسن (ع) گَلدی عبا یانونا. عرض اِئلَه‌دی: - سلام اولسون سَنه‌ باباجان! اجازه وِئریرئَی من‌ده سَنئی‌نَن گیرَم عبا آستونا؟ آتام بویوردو: - علیک‌السّلام بالاجان! ای منیم حوضیمین صاحبی! اجازه وِئردیم. حسن‌ده باباسویونان گیردی عبا آستونا. بیر ساعت گِئچمه‌میشدی که اوغلوم حسین (ع) گِئچدی ایچَه‌ری. عرض اِئلَه‌دی: - سلام اولسون سَنه آناجان! جواب وِئردیم: - علیک‌السّلام اوغلوم، ای‌گُزؤمؤن ایششیقی، ای‌اؤره‌گیمین میوه‌سی! حسین (ع) عرض اِئلَه‌دی: - آناجان! بیلئَیدَن خوش قُخو گَلیری. اِئلَه‌بیل بابام تارو رسولونون قُخوسودو. من دِئدیم: - دؤزدؤ. بابایونان قارداشوی عبا آستوننادولا. حسین (ع) گَلدی عبا یانونا. عرض اِئلَه‌دی: - سلام اولسون سَنَه باباجان! سلام اولسون سَنَه که تارو طرفین‌دَن انتخاب اُلموشای! اجازه وِئریرئییِز من‌دَه سیزئی‌نَن گیرَم عبا آستونا؟ آتام بویوردو: - علیک‌السّلام، بالاجان! ای اممتیمین شفیعی! اجازه وِئردیم. حسین‌ده اولارونان گیردی عبا آستونا. بوندایودو که ابوالحسن، علی‌بن ابی‌طالب(ع) گِئچدی ایچَه‌ری، بویوردو: - سلام اُلسون سَنَه ای‌تارو رسولونون قیزی! جواب وِئردیم: - علیک‌السّلام ای‌ابالحسن! ای‌امیرالمؤمنین! علی بویوردو: - بیلئَی‌دَن خوش قُخو گَلیری. اِئلَه‌بیل‌کی قارداشوم، عمی‌اوغلوم، تارو رسولونون قُخوسودو. دِئدیم: - بله. بوجوردو. آتام سَنئی ایککی اوغلویونان عبا آستوننادولا. علی(ع)‌ تشریف گَتیردی عبا یانونا. عرض اِئلَه‌دی: - سلام اُلسون سَنه ای‌تارونون رسولو! اجازه بویورورویوز من‌ده سیزئینَن گیرَم عبا آستونا! آتام بویوردو: - علیک‌السّلام ای قارداشوم! ای منیم وصی‌ییم! ای منیم خلیفَم! ای منیم پرچم گُتورَه‌نیم! بیلَه‌یَه اجازه وِئردیم. علی‌ده گِئچدی عبا آستونا. اُندان سورا من گَلدیم عبا یانونا. عرض اِئلَه‌دیم: - سلام اُلسون سَنه ای‌آتاجان، ای‌تارونون رسولو! اجازه بویورورویوز من‌دَه سیزئی‌نَن گیرَم عبا آستونا! آتام بویوردو: - علیک‌السّلام ای‌قیزیم! ای‌بدنیمین پاره‌سی! اجازه وِئردیم. من‌دَه گِئچدیم عبانون آستونا. هاموموز عبا آستونا ییغیلب تکمیل اولاندان سورا، تارونون روسولو، آتام، سُل اَلی‌اینَن عبانون ایککی یانونو قوزادو، ساق اَلینی‌ قوزادو یوخارو عرض اِئلَه‌دی: " بارالها! بولار منیم اهل‌بیتیم،‌ اُزومونکی‌لَر و یان‌یِورَم‌دی‌لَر؛ بولارون اَت‌لری منیم اَتیم‌نَن و قانلارو منیم قانوم‌دان‌دو؛ بولارو اینجیدَن، منی اینجیدیب؛ بولارو غوصصالو اِئلییَن، منی غوصصالو اِئلیری؛ بولارونان جنگ اِئلییَن، منیم‌نَن جنگ اِئلی‌ییب؛ بولارونان باروشان، منیم‌نَن باروشوب؛ بولارون دشمنی منیم دشمنیم‌دی‌؛ بولارون دوستلارو، منیم دوستوم‌دولا‌؛ بولار مندَن‌دیلهَ، من‌ده بولاردانام؛ پس درود و برکت‌لری‌یی‌، رحمتی‌یی، باغوشلاماقویو، خشنولوقویو منه و بولارا عنایت اِئلَه؛ بولارو هر بولاشوخدان ایراق و بیلَه‌لرینی پاک‌و پاکیزه اِئلَه." #حدیث_کسا #عظیم_سرودلیر

کسا حدیثی، اُز تورکو دیلیمیزده (2) (به مناسبت ایام فاطمیه ) عزوجلّ تارودان خطاب اُلوندو: "ای فرشته‌لریم! ای‌گؤیلَریم‌دَه یِئرلَری اولانلار! من بنا اُلونموش گؤیؤ، سَریلمیش یِئری، ایششیخلانان آیو، ایششیخ وِئرَن گؤنؤ، دولانان فلکی، آخار دریانو، اؤزَن کشتی‌نی بو بِئش نفر محببتینه گُرَه یارادموشام. بو بِئش نفر که عبا آستوننادولا." جبرئیل امین عرض اِئلَه‌دی: - ای منیم پروردگاریم! بو عبا آستونناکی‌لَر کیم‌دیله؟ عز‌ّوجلّ تارو بویوردو: - بولار پیامبر اهل‌بیتی و رسالت کانودولا. بولار، فاطمه، فاطمه‌نین آتاسو، فاطمه‌نین اَری و فاطمه‌نین ایککی اوغلانلارودولا. جبرئیل عرض اِئلَه‌دی: - پروردگارا! اجازه وِئریری‌ییز من‌ده اَنَم یِئر اؤزوندَه، بولارون آلتومجوسو اولام؟ تارو بویوردو: - بله. اجازه وِئردیم. جبرئیل گلدی یِئر اؤزونده، عبا یانونا، عرض اِئلَه‌دی: - سلام اولسون سَنَه ای‌تارونون رسولو! علی‌‌اعلا (تارو) سَنَه سلام و مخصوص تحیّتینی گؤندَریری، و بویورورو: "آند اُلسون جلال و عزّتیمه من بنا اُلونموش گؤیؤ، سَریلمیش یِئری، ایششیخلانان آیو، ایششیخ وِئرَن گؤنؤ، دولانان فلکی، آخار دریانو، اؤزَن کشتی‌نی یارادماموشام مگر سیزه گُرَه و سیزئی محببت‌ایزه گُرَه." تارو منه اجازه وِئردی که گَلَم سیزه قُشونام. ای تارونون رسولو! آیا سیزده اجازه وِئریر‌ییِز؟ تارونون رسولو بویوردو: - سلام اولسون سَنه ای تارونون وحیی‌نین امینی! بله. من‌دَه سَنه اجازه وِئردیم. جبرئیل‌ده گَلدی عبا آستوندا بیزیم یانوموزا. آتاما عرض اِئلَه‌دی: - تارو سیزه وحی اِئلَه‌ییب، بویورورو: تارو بوجور ایستَه‌ییب که هرنه بولاشوقو سیز اهلبیت‌دَن یووا و بیله‌ایزی پاک و پاکیزه اِئلییَه. علی(ع) آتاما عرض‌اِئله‌دی: - ای تارونون رسولو! بویورون گُرَگ، تارو یانوندا، بیزیم بو عبا آستونا ییغیلمَه‌گین فضیلتی نَمه‌دی؟ پیامبر‌(ص) بویوردو: - آند اُلسون اُ تارویا که منی حق پیغمبرلیگه مبعوث اِئلَه‌دی و خلقی نجات وِئرمه‌گه انتخاب اِئلَه‌دی، بیزیم بوردا ییغیلمه‌گیمیزین خبری هر یِئر اؤزؤننه اُتورانلارون ییغیناقوندا دِئییلسه که او ییغیناقون ایچینده بیزیم شیعه‌لریمیز و چوخ ایستی‌یَنلَریمیزدن اولسالا، اولار داغولاناجَه، تارونون رحمتی بیلَه‌لرینه یاغار؛ اولارو فرشته‌لَر دوره‌لَه‌ییب، تارودان بیله‌لرینه باغوشلانماق ایستَللَه. علی(ع) بو فضیلت‌لری اِئشیدَنده، بویوردو: - آند اولسون تارویا که بیز رستگار اُلدوق و آند اولسون کعبه پروردگارونا که شیعه‌لیریمیز‌ده رستگار اُلدولا. یِئنگیشدن پیامبر بویوردو: - یا علی(ع) آند اُلسون اُ تارویا که منی حق پیغمبرلیگه مبعوث اِئلَه‌دی و خلقی نجات وِئرمه‌گه انتخاب اِئلَه‌دی، بیزیم بوردا ییغیلمه‌گیمیزین خبری هر یِئر اؤزؤنده اُتورانلارون ییغیناقوندا دِئییلسه که او ییغیناقون ایچینده بیزیم شیعه‌لریمیز و چوخ ایستی‌یَنلَریمیزدن اولسالا، اگر غوصصالارو اولسا، تارو غوصصالارون اَریدَر؛ غم‌لی اولانلارون غم‌لرینی آپارار؛ حاجتی اولانلارون حاجتینی وِئرَر. علی‌(ع) بویوردو: - بِئلَه‌دَه، آند اولسون تارویا! بیز، دونیا و آخرت‌دَه بخته‌ور و عاقبت بخیر اولدوق. آند اولسون کعبه پروردگارونا که شیعه‌لریمیزده بخته‌ور و عاقبت بخیر اولدولا. پایان #حدیث_کسا #عظیم_سرودلیر

آدام‌زاد نقیلی (۱) نقیل دِئیَن: جناب آقای مهدی آغال (از روستای گلخندان ) بیری واروموش، بیری یُخوموش. بیر گؤن بیر نفر آتونان بیر کنددَن گِئچیردی، گُردو بیر بُیوگ اُدون تایاسو دؤزَلدیبله. تایانون باشوندادا بیر دَنَه تلیس (سبد) قُیوبلا. ایستیلله اُ تلیسین ایچیننه‌کینی یاننورالا. بیر نفردن سُرشدو: - بوردا نه‌خبردی؟ اُ آدام دِئدی: - بو تلیس ایچیننه بیر دَنه ایلان وار. بو ایلان نِچچه وختی خالخون داوار مالونو سانجورو. بیزده ایننی‌یَه‌جه بونو تاپا بیلمیردیگ. بوگؤن بیله‌سینی گیره سالموشوق. بیر دَنه‌دَه اینه‌گی بو گؤن چالوب. بیز ایستیریگ بونو اُتلویاق. آتلو دِئدی: - بابا، تارونون حیوانونو بوشلایون چیخسین گِئدسین. بیله‌سینه اذیت اِئلَه‌مه‌یین. ایلانون خاصیتی سانجماخدودا. اِئلَه بیر بو دَئگیل که، عقرب‌دَه سانجار. بودا بولارون عادتی‌دی. دِئدیلَه: - اَللی بِئلَه‌دَه دِئیَی بیز بونو اُتلویاجایوق. ایننی هرنمه سَن دِئسئَی قولاقوموزا گیرَن دَئگیل. دِئدی: - بابا، اذیت اِئلَه‌مه‌یین، بیراخون چیخسین گِئدسین. دِئدیله: - سَن چیخ گِئد ایشئی اُلماسون. دالو وار... #گلخندان_نقیللری #عظیم_سرودلیر

#گلخندان_نقیللری آدام‌زاد نقیلی (۲) آتلو ایککی اؤچ دفعه دولاندو تایانون دِورونه، اَلینی آتدو سبدی گُتؤردؤ قویدو آتونون زینی اؤستؤنه میداننان چاپدوردو قاچدو. های دوتون! های قویمایون گِئدَه! دوتون بیلَه‌سینی! آتلو چیخدی گِئددی. بیر آغاج آرالاناندان سورا، سبدین قاپاقونو گُتؤردو، ایلانا دِئدی: - ایلان جان! خوش گَلدئی! آللاه بیلئَی‌جه. آما داها خالخون داوار مالونو سانجمویای ها! ایلان اِئلَه‌که سبد ایچیندن چیخَنده، دولاشدو آتون بوینونا، کیشی‌یَه دِئدی: - ایندی دِء گُروم آتویو چالوم یا اُزویو؟ آتلو دِئدی: - ای بابا! من سَنی اوتدان قورتارموشام! اُلومدَن قورتارموشام! الآن گَرگیدی سَنئی دُرد بِئش کیلو یاغویو دوتالا اُردا! نیجه یانو اُزویو سانجوم یا آتویو؟ ایلان دِئدی: - سَن اُزوی دِئمیش‌ئَی که ایلانون عادتی سانجماخدو. آدام‌زادادا یاخچولوق گَلمَه‌ییب. ایندی دِء گُروم اُزویو سانجوم یا آتویو؟ آتلو دِئدی: - بوجور که اُلماز، قوی بَس بیر ایککی نفردن سُروشاق گُرَگ اُلار نمه‌ دِئیِلله. گِئددیلَه یولدا چاتدولا بولاغا. گُردولَه بولاغ داش گُزوندن جُشوب گَلیری بیر زلال سو وار دورنا گُزو تَکی. بولاغا دِئدیلَه بیر بوجور سُز گَپ وار. آتلو دِئدی: - من بو ایلانو اُلوم‌دَن قورتارموشام، ایننی دِئیِری اُزویو سانجوم یا آتویو. ایلان‌دا دِئیِری آدام‌زادا یاخچولوق گَلمه‌ییب. بولاغ دِئدی: - واللاه آدام‌زادا یاخچولوخ گلیب یا گلمی‌ییب، من بیلمیرم. ولی خوب، آدام‌زاد گَلیری، منیم سویوم‌دان ایچیری، اَل اؤزؤنؤ یوورو، آخوردادا گِئدَن‌دَه، بورنونو آرودورو یا طهارات دوتورو منی بولورو گِئدیری. من بونو گُرموشَم آدام‌زاددان. ایلان کیشی‌یَه دِئدی: - گُردوی! سندَن‌دَه یاخچو تعریفلَه‌میری. گُردوی دِئدیم آدام‌زادا یاخچولوق گَلمی‌ییب، گَرَگ بیرئیزی سانجام! آتلو دِئدی: - شاید بو بولاخ دؤز دانوشمورو، سویو زادو خَرَه‌لَه‌نیب، اُز حالوننا دَئگیل. گَل گِئدَگ بیر آیرو زادونان صلاحلاشاق! ایلان دِئدی: - گِچ گِئدَگ! دالو وار... #گلخندان_نقیللری #عظیم_سرودلیر

#گلخندان_نقیللری آدام‌راد نقیلی (۳) نقیل دِئیَن: مهدی آغال گلخندان کندیندن گِئددیله گِئددیله، گُردولَه یول قیراقوننا بیر دَنَه بُیوگ آغاج وار، قشنگ کؤلگَه سالوب. چاتدولا آغاجا. آدام زاد دِئدی: - آغاج جان سَن بیزه قاضی‌لیگ اِئلَه! من بو ایلانو اُلومنَن قورتارموشام، ایننی بو دِئیِری آدام‌زادا یاخچولوق گَلمی‌ییب،‌ ایستیری منی سانجا. سَن دِئگینَن بیز نَمه‌ اِئلییَگ. آغاج دِئدی: - واللا، آدام‌زادا یاخچولوق گَلیب یا گَلمی‌ییب، اُنو مَن بیلمیرم. آدام‌زاد گَلَر منیم کؤلگَم آستوننا اُتورار، بارومنان استفاده اِئلَر، یاتار یورقونلوقو چیخار، دوروب گِئدنده،‌ شاخامودا سیندیرَر اُزونه اَل آغاجو اِئلَر و چیخر گِئدَر. ایلان دِئدی: - هَه! گُرورئَی؟ سَنی دِئیِری‌‌ها! اِئلَه آز قالموشدو که ایلان آتلونو سانجا،‌ گُردولَه اُیاننان بیر دَنه تؤلکؤ چیخدی. آتلو دِئدی: - تؤلکؤ جان! قادای آلوم، گَه‌بورا! گَه‌بورا! تؤلکؤ دِئدی: - نَه خبردی؟ نَمه اِئلیریئیز؟ آتلو دِئدی: - واللا من بونو اُلومنَن قورتاردوم، بونو ایستیردیله بو سبد‌‌ده پیشیرَه‌لَه. من بونو گَتیریب بیراخاندا، بو دولاشوب آتومون بوینونا، دِئیِری اُزویو سانجوم یا آتویو؟ اُزوده مَنه دِئیِری آدام‌زادا یاخچولوق گَلمی‌ییب. سَن قاضی‌لیگ اِئلَه! تؤلکؤ دِئدی: - آدام‌زادا یاخچولوق گَلیب یا گَلمی‌ییب، بونو من بیلمیرَم. ولی بو ایلان یالان دِئیِری. ایلان دِئدی: - نیجه من یالان دِئیِرَم؟ تؤلکؤ دِئدی: - سَن بو اوزونلوقدا نَجور بو سبد ایچینده یِئر اُلدوی؟ ایلان دِئدی: - یِئر اُلدومنا. تؤلکؤ دِئدی: - گِئچ گیر گُروم سبد‌دَه نجور یِئر اُلدوی! ایلان اِئلَه گِئچدی سبدده غلبیر وُردو ییغیلدی، ییغیلدی، اِئلَه که قویروقودا گِئچدی سبدایچینه، تؤلکؤ آتلویا دِئدی: - نِئیَه دورموشای؟ باس سبدین قاپاقونو آغزونا. گِئد بیردَنَه‌دَه بُیوگ داش گَتیر وُر سبد‌اینَن ایلان اَزیلسین قاروشسون بیربیرینه. آتلو سبدین قاپاقونو قُیدو، گِئددی بیر بُیوگ قَیَه گَتیردی، وُردو سبد‌اینَن ایلان اَزیلدی قاروشدو بیربیرینه. تؤلکؤ دِئدی: - قویایدوی پیشیرَیدیله بیلَه‌سینی. مَیَه بِئکارودی که اُزویه ایش دؤزَلدمیش‌ئَی! آتلو دِئدی: - بودا بیر اشتباهودو که من اِئلَه‌دیم. آتلویونان تؤلکؤ گُروشددولَه، اُپوشدولَه، بیری گِئددی گؤن باتانا سارو، بیر گِئددی گؤن چالانا سارو. آدام‌زاد بیر آز آرالانموشدو، قانشارونا بیر شکارچو چیخدی. شکارچو آتلودان سُروشدو: - بویاندا بیر تؤلکؤ گؤرمَه‌دئی؟ آدام‌زاد دِئدی: - نِئیَه اُدو گِئدیری. شکارچو گِئددی قاراقولا، تفنگ سَسلَه‌نَندَه، تؤلکؤ آتولدو اُیاندان بویانا، بویاندان اُیانا، گؤللَه دَیمَه‌دی بیلَه‌سینه. باخدو کیشی‌یَه، دِئدی: - اِئلَه بودو که ایلان دِئیِردی آدام‌زادا یاخچولوق گَلمی‌ییب آما من اینانموردوم. نقیلیمیز بوردا تؤکندی، ان‌شاءالله هاموموز یاخچو اولاق، داها دِئمَه‌سینله که آدام‌زادا یاخچولوق گَلمی‌ییب. بودو که حکیم تیلیم‌خان بویوروب: دُلدور ایچیم ساقی می مستانه گِئدَر می ایچَن‌لَر می‌خانا قالور گِئچَر بو دونیانون یاخچو یامانو قالسا بیر یاخچولوق انسانا قالور هامویوزون ساغلوقویوزا #گلخندان_نقیللری #عظیم_سرودلیر

آدام‌زاد نقیلی نقیل دِئیَن: آقا مهدی آغال (روستای گلخندان)

نوزدهم آذرماه سالروز درگذشت «ابومحمد مصلح بن عبدالله» مشهور به "سعدی شیرازی" شاعر و نویسنده پارسی گوی "روانش شاد باد"  @arayehha

سعدی، دیوان اشعار، غزلیات، غزل ۲ ای نفس خرم باد صبا از بر یار آمده‌ای مرحبا قافله شب چه شنیدی ز صبح مرغ سلیمان چه خبر از سبا بر سر خشمست هنوز آن حریف یا سخنی می‌رود اندر رضا از در صلح آمده‌ای یا خلاف با قدم خوف روم یا رجا بار دگر گر به سر کوی دوست بگذری ای پیک نسیم صبا گو رمقی بیش نماند از ضعیف چند کند صورت بی‌جان بقا آن همه دلداری و پیمان و عهد نیک نکردی که نکردی وفا لیکن اگر دور وصالی بود صلح فراموش کند ماجرا تا به گریبان نرسد دست مرگ دست ز دامن نکنیمت رها دوست نباشد به حقیقت که او دوست فراموش کند در بلا خستگی اندر طلبت راحتست درد کشیدن به امید دوا سر نتوانم که برآرم چو چنگ ور چو دفم پوست بدرد قفا هر سحر از عشق دمی می‌زنم روز دگر می‌شنوم برملا قصه دردم همه عالم گرفت در که نگیرد نفس آشنا گر برسد ناله سعدی به کوه کوه بنالد به زبان صدا تولید شده توسط نرم افزار سعدی

غزل شماره 2 این هم شعر‌خوانی از غزلیات شیخ مصلح‌بن‌ عبدالله سعدی شیرازی بدین مناسبت

گلخندان خاطره لری (1) 🪴🪴🪴🪴🪴🪴🪴🪴 ایگیدین سِودؤگؤ بو بِئشی زنده یاد مشهدی حسن دهقان آقای کربلایی عظیم محمدی تُیوندا دِئییب: گُندَرَن: کربلایی عظیم محمدی 🪴🪴🪴🪴🪴🪴🪴🪴🪴 ای آقالار سیزه تعریف ایلَه‌ییم ایگیدین سِودؤگؤ خوش زبان گَرَگ هر اِئودَه اُلماسون سَن کیمین گُزَل بو اِئو ویران اُلوب تالانماق گَرَگ ایگیدی تانوللا نان و نمک‌دَن نه این‌که تانوللا هرجا دِئمَگ‌دَن قوناخ خُشنود اُلار یاخچو یِئمَگ‌دَن اِئو صاحاب قوناقا مهربان گَرَگ ایگیدی تانوللا سوفرادان نان‌دان نه این‌که تانوللا قیرمیزی دُننان چوخدا شهرت دَئگیل دُققوزدان اُننان مرد ایگیدین سوفراسوننا نان گَرَگ پِئشه‌نین زهری چوخ گلیب مار اولماز قُنشویا بد باخان اُزو وار اُلماز آتتاسو خان اولان اُزو خان اُلماز خانوم ایستَر اُندان اولا خان گَرگ اُزوی یِئخیلمیش‌ئَی اُزوی آغلاما اُزگَه‌لَر سُزونه کینه باغلاما تیلیم دِئیَر گِئچَن گؤنؤی چاغلاما داها بوندان آرتوخ نه یامان گَرَگ #گلخندان_خاطره_لری #عظیم_سرودلیر

ایگیدین سِودؤگؤ - با عرض پوزش، صدای زنده یاد مشهدی حسن دهقان روی نوارهای قدیمی ضبط شده بود و بهتر ازاین نمی‌شد ویرایش کرد

گلخندان خاطره‌لری (2) ثریّا، گلخندان قیزینین خاطره‌سی قیزلَر! گِئدَگ امامزادویا (خاطره تعریفلی‌یَن: بانو ثریّا ابراهیمی) 🪴🪴🪴🪴🪴🪴🪴🪴🪴🪴 سلام عرض اِئلیرم خدمتیزه اُ ایللَرده قار چوخ گَلَردی. بیز یول گُزلَردیگ گُرَگ قارلار هاچان تؤکَه‌نَه‌جگ. هی دِئیَردیگ: - نَه‌نَه! قار هاچان تؤکَه‌نَه‌جگ بیز چیخَگ اِئشیگه؟ ننه‌میز دِئیَردی: - بیرام‌نا. دِئیَردیگ ناواخت بیرام اُلاجاق؟ هی خدا خدا اِئلَردیگ بیرام اُلا. بیر گؤن اُلاردو که بیرام اُلاردو. گِئدَردیگ دولاناردوق. دِئیَردیگ: هاچان سیزده‌گؤنؤ اُلاجاخدو که گِئدَک امامزادویا؟ نَنَه‌میز گؤننه سایاردو. بیر گؤن اُلاردو که دِئیَردی ایننی سیزده‌دی دؤرؤن گِئدین امامزادویا! امامزادویا گِئدمَه‌گین اُزونون مراسم وارویودو. هر کیم گَرَگیدی بیردَنَه قیرمیزی نومورتا گُتؤرَه آپارا امامزادویا. نومورتانو سودا پیشیرَردیله، قرمیزی رنگ توکَردیله قیرمیزی اِئلَردیله. من هممَشه نَنَه‌مَه دِئیَردیم که من ایککی دَنَه نومورتا آپاراجاقام. نَنَم دِئیَردی: آپار. سَن ایستیرئَی ایککی دَنه آپارای، آپار! بیزدَه اوشاخلارو چاغوراردوق، ییئغیلَردیگ، بوقچالارو باغلاردوق، گِئدَردیگ امامزادویا. یالقوز آغاج دره‌سینه چاتاننا، اُردان اُقد سو گِئدَردی!‌ دِئیردیم: اوشاقلار ایننی بورا چاتدویوز گَرَگ دستاماز آلایوز! دستاماز آلاردولا. بیریسینین جورابو ایسلاناردو، بیریسی‌نین آیاخ‌قابوسو ایسلاناردو، هاموسوندا بَتَر، شیبرولاروموز ایسلاناردو. دستاماز آلاردوق، اوشاخلارو سودان گِئچیردَردیگ گِئدَردیگ. دره‌دَن گِئچندن سورا دِئیَردیگ: صبر اُلون. گَرَگ دؤزؤلَه‌ییز قَطَره. دؤزولَردیگ قَطَرَه. امامزادانون شعری وارودو که نَنَم رحمتلیگ مَنَه اُرگَدمیشدی. دِئیَردیگ: امامزادانون شعرنی اُخویون! اُخوردولا: امامزادا اَرخ‌لَرئی یاشول یارپاخلاروی امام! جانوما ساغلوخ وِئر یاننورروم چیراغلاروی دِئیَردیگ و گِئدَردیگ چاتاردوق امامزادویا. امامزادانون چیراغونو یاننوراردوق. یِئرینی سؤپؤرَردیگ. ناماز قیلَردیگ. داش یاپوشدوراردوق. چیخردیگ ایوانا. اوغلان اوشاخلارونا دِئیَردیم: گِئدین اُدون گَتیرین چایو پیشیرَگ! اُزوموزدَه کیتیری‌لَری، استکان‌لارو گُتؤرَردیگ گِئدَردیگ امازادادان اُیانا بیر بولاغ وارودو آدو داشلو بولاغودو، گِئدَردیگ داشلو بولاغا. گِئدَردیگ داشلو بولاغ‌دا سو ایچیردیگ، قابلاروموز یویاردوگ، کیتیریلری دُلدوراردوق، گَلَردیگ. چایو پیشیرردیگ، ناهاروموزو یِئیَردیگ، چایونو ایچردیگ. امامزادانون قانشاروننا بیر گَدیگ وارودو که اُردا هَممَشه بیرامنان بیر آی گِئدَه‌نَه‌جگ قار اُلاردو. گِئدَردیگ قابلارو دُلدوراردوق قارونان، گَلَردیگ. امامزادانون قاپوسونو کلیدلَردیگ، دِئیَردیگ: ایننی گَرَگ دالون دالون گِئدَگ، امامزادویا دالوموزو دولاننورمویاق. دالون دالون تا دولایویاجگ گَلَردیگ. دِئیَردیگ اَیَه اُجور گِئدمَه‌سَگ گوناه اولار خدا بیلَه‌میزی آپارار جهننمه. اُردان دؤشَردیگ یولا گَلَردیگ. گَلَردیگ قارلارو وِئرَردیگ نَنَه‌میزه. نَنم رحمتلیگ گِئدَردی شیره گَتیرَردی ایچَه‌ری اِئودَن. تؤکَردی قار-شیره قِئییرَردی بیلَه‌میزَه. وِئرَردی یِئیَردیگ. اُ ایلدَه ساغلوقونان باش اُلاردو. مین بِئلَه بیرام گُرَه‌ییز. -یاشاسون همشهری‌لَریمیز #گلخندان_خاطره_لری #عظیم_سرودلیر

#گلخندان_نقیللری دُققوز پارا بازلاماج یِئیَن قیز (۱) ( نقیل دِئیَن: بانو فاطمه محمدی سیّار همسر زنده‌یاد محمد‌آقا رضایی‌زمان - از روستای چپقلو) بیری واروموش بیری یُخوموش. آللاه‌دان ساوای هِئچ‌کیم یُخوموش. بیر قیز وارودو، گؤننَه دُققوز و بیر ‌پارا بازلاماج یِئیَردی. بیر گؤننَری یِئیَن‌یِردَه قوناخلارو گَلمیشدی، بو‌قیز دُققوز بازلاماج یِئمیشدی آما اِئلییَه بیلمه‌میشدی پارا بازلاماجودا یِئیَه. دُققوزونو یِئمیشدی پاراسو قالموشدو. قیز هی گِئددی یازویا، قِئیِددی ایچَه‌ری دِئدی: - نَنَه! دُققوز پارامو! نَنَه دِئدی: - هَلَه گِئد، اُننان! قیز گِئددی گَنَه قِئیِددی دُققوز پارانو ایسته‌دی. نَنَه‌ دِئدی: - گِئد، آننان! قیز گِئددی، گَنَه گَلدی دِئدی: - نَنَه! دُققوز پارامو! قوناخ سُروشدو: - بو قیز نمَه ایستیری؟ آرواد چوخ بیلمیش آروادودو. دِئدی: - بو قیز گؤننَه دُققوز و بیر پارا گوننَگ پامبوق اَگیرَر. بو گؤننَه‌ری دُققوزونو اَگیریب بیر پاراسو قالوب. ایننی اُ پارا گؤننَگی ایستیری. قوناخ گِئددی فیکره که بوقیز اَیَه گؤننَه دوققوز و بیر پارا گؤننگ اَگیرَه بونون آلانونون اِئو اِئشیگی قیزل‌دَننی‌دا. اویاننان بویاننان اِئلچی زاد گؤننَردیله، قیز صاحاب دِئدی: - اولماز. وِئرَه بیلمَگ. دالو وار .... #گلخندان_نقیللری #عظیم_سرودلیر