نادر پناهی: احوالات حضرت رباب درمجلس یزید شامه تاوارداولوبدی عترت ختمی مآب اول یزیدنابکاردایرایدوب بزم شراب یاره لی باشی قویوب طشت طلاایچره یزید عترت یاسینی ایلوربزمیده چوخ دلکباب خیزرانیله ورورزهرائوپن قانلی لبی نورعین مصطفاو سیداهل شباب زینبین صبری جالاندی باخدی بیرصاق وصولا چوخ شجاعتلن یزیددونی ایلوبدورخطاب وورماظالم سن گورورسن دیل دوداقی یاره دور کربلادن دگمیوب بولبلره بیرقطره آب وورماظالم بویلانوراطفالی هی طشته باخور قورخوشوللارسن ورانداچوخ دوتولاراظطراب سن مسلمانسان اگربورسم انسانی دگول آختارورسان گربهشتی والله حسیندور هشت باب جبرئیل لایلای دیوب گهواره ده قارداشیما ترپدیب گهواره سین بیربیردیوبدورذکرخواب گرچه غارتده گیدوبدورمعجروگوشواره میز تاوارام من قویمارام یاددان چخاحفظ حجاب یرگویی تنگ ایلدون سن بیزلره فکرایلوسن باشینی کسدون حسینون دای قوتاردی انقلاب بوحسیندورذات حقین آیت وآیینه سی دقت ایتسون "آفتاب آمددلیل آفتاب " بیرسه ساله دختریم وارنسلوی یردن کسر شامیده پرچم وورارایلرسنی خانه خراب رگلریمده وارعلی قانی بونی سن یاخچی بیل خسته جان یاهولره ایندی منم نایب مناب عترت آل رسوله ظلم بی حدایلدوز روزمحشراللهه آیاواروندورنه جواب خیزرانی قوی یره لرزه دوتوب عرش خدا سن ورانداخیزران بوردادیورجان جان رباب امپراطورزمان گوردی اولوررسوای عام راه چاره آختاروب تابیرده آلسون انتقام بیرزنازاده دوروبدی ظلم و طغیان ایلدی عترت آل رسولی چوخ هراسان ایلدی طشت ایچیندن اول باشی آتدی میان مجلسه قیزگلین عورت اوشاقین قلبینی قان ایلدی یاره لی باشه طرف کیم جرات ایلورتاگیده گوردی فرصتدی رباب مجلسده طوفان ایلدی یاره لی باشه طرف قاچدی خانم تعجیلیلن باغریناباسدی اونی قلبینده جان جان ایلدی جان آقامظلوم آقاجانیم سنه قربان آقا آیرلیق دردی منی چوخ دیده گریان ایلدی من ربابم غم کوزی بوقلب زاری داغلادی هرنه ظلم اولدی منه اوچ شعبه پیکان ایلدی خیزران دگدی سنه اولدوم دیریلدیم من آقا گوربیله ظلم و ستم هانسی مسلمان ایلدی اصغری ایلوب بهانه من سنه دیل داغلورام قوی دیسونلراصغری جانانه قربان ایلدی هیچ کیمه من ویرمرم بویاره لی باشی بوگون قوی بیلینسون که رباب عشقینده طغیان ایلدی عشقیمون آوازه سین بورداگرک من بیلدیرم داغ هجرانون آقابوقلبیمی قان ایلدی سن اوزون نورازلسن عالمه نور سالموسان جسم پاکون کربلانی چون گلستان ایلدی اجروی ویرسون خداای نایب ختم نبی حشریده الله سنی معیارومیزان ایلدی بیرداغیدون دالدانمیشدیم سنه ای مهربان سایووی کسدی عدوظلمین نمایان ایلدی همنشینیدون بیزه پشت وپناهیدون بیزه سن کیمی آیابیری فکریتیمان ایلدی لبلرون خشکیده دورآب حیاته نازایدور خشک اولیدی کاش فرات سلطانی عطشان ایلدی چوخ تلاش ایتدی عدوتایاره لی باشی آلا آیری بیرظلم ایتدیلرقالدی رباب آیری حالا چوخ آچیق من یازمورام تامطلبیم گلسون اله قوی نهان قالسون بوسوزباعث اولارقلبی دله دوشدی بیرآیری حالااورداعروس فاطمه تاخرابه آچمادی روبندینی قالسون هله گوشه ویرانسرااولدی فضای دل غمین تارقیه جان ویروب دوشدی رباب دیلدن دیله بیرسه ساله دختری دورایلیوب هاممی یانور آچمیوب روبندینی آزقالدی دای اوردااوله زینب علیادیدی ای بختی قاره ای رباب خواهشیم واردوربودفعه سندن ای بنذرگوله آچگیلان روبندووی قوی بیرباخاق مه صورته هیچ زمان کاش گولمیه خولی،سنان وحرمله تاآچیب روبندینی زینب گوروب قانلی یوزی شوروافغان ایتمگه زینب دیدی هاممی گله یوزگوزی قانلی گوروبلراول رباب دل غمی آغلیوبلارقیزگلین اوردادوشوبدی ولوله باش آچوبلارهاموسی زینب بویوردی صبرایدون بیرسوزوم واردی اورکده آزقالورقلبی بوله #محرم1402 #مجلس_یزید

‍ مجلس یزید شام تقائی اردبیلی گلمیشم فغانه، یانه یانه عمّه گوزلریم ساتاشدی، خیز‌رانه عمّه عمّه بیر علاج ائیله بو یزیده سن سویله وورماسین بابامی (2) قلبیم اودلانیبدیر، آتش فراقه کیم ویرار بو نوعی، خیز‌ران دوداقه گوزلریم فدا اول، قان آخان دوداقه یانمیشام فراقیندان قان آخیر دوداغیندان ویرماسین بابامی (2) ظلمیلن تالاندی، خانمانیم عمّه قانینه بویاندی، باغبانیم عمّه یاندی ظلم الیله، آشیانیم عمّه طشت زرده قان داشدی فاطیمه باشین آشدی ویرماسین بابامی (2) وئر اجازه عمّه، بو غریب و زاره یالواریم یزید شوم بد شعاره بو شیرین زبانه، ائلسه نظاره ظلمیله بئله دورماز شاهه خیز‌ران ویرماز ویرماسین بابامی (2) سینیم آزدیر عمّه، غرق نیسگیلم من کشتی بلایه، امن ساحلم من رحم ائد‌ر دانیشسام، چون شیرین دیلم من گورسه زلفیمی افشان رحم ائد‌ر او بی‌ایمان ویرماسین بابامی (2) #محرم1402 #شام_بلا #مجلس_یزید ✨اَللّهُمَّ عَجِّل لِوَلیِّکَ الفَرَج✨

مجلس یزید هوایه خیزران قالخوب اننده حسینون لبلری ضربتلننده دوداقندن او طشته قان گلنده سخلدی زینبون روحی بدنده سکوتین سندیروب زهرای ثانی خطاب ایتدی یزید فتنه کاره نشان گل برگین ایتمه نیش خاره او لبلر حمد ایدوبدور کردگاره پیمبر قلبین ایتدون پاره پاره گتوردون شیونه آل عبانی حبیب ذوالجلالی ورما ظالم شه خونین جمالی ورما ظالم شهید بی مثالی ورما ظالم دوزنمور اهل عیالی ورما ظالم حیا ائت قوی کناره خیزرانی عزیز ماسوانی ورما ظالم گل اهل کسانی ورما ظالم غریب کربلانی ورما ظالم قتیل نینوانی ورما ظالم یارا اوستن روا گورمه یارانی حسین دلبند ختم الانبیادور حسین ریحانۀ خیرالنسادور حسین آرام جان مرتضی دور او لبلر ذکر حقه آشنادور قزل طشته توکلدی لخته قانی تکبُّر ایلدون چخدون اوزوندن یاغور نخوت قیافوندن یوزوندن او باشون آهی تئز دوتسون گوزوندن یانان قلبیم یانور ناحق سوزوندن اوتان دیندیرمه بو آتش زبانی او قدری ظلم ایدوب دوردون عناده دانشدیردون منی بزم جفاده حسینیم پاکدور سن مست باده پلیده بیعت ایتمز پاکزاده غلطدور ایلمه بو ادعانی پناهیدی حسین هر بی پناهه همیشه سجده ایلردی الهه شهامتله یخلدی قتلگاهه سیزون دامانوز آلوده گناهه مُنَزَّه دور علینون خاندانی عدالتدن دگل ای مرد خمّار پیمبر عترتی بی یار و غمخوار طناب ظلموه اولسون گرفتار دایانسون بیر بیله مجلسده ناچار تماشا ایلسون هر مرد جانی او گوندن خوف ایله ذات الهی قیلار حشره عدالت دادگاهی ائدر زهرا شکایت دلده آهی سوزون روح الامین ایلر گواهی تاپارسان اوندا نار بی امانی روایتدور بو سوز اهل خبردن یازوب عذر ایستورم من شیعه لردن او مجلسده اولان سایسیز نفردن بیری ناگه ایاقه دوردی یردن دمشقی نام اولوب نام و نشانی ادوب قول باغلی قزلاره نظاره گوزی دوشدی اونون بیر اشگباره یوزون دوتدی یزید فتنه کاره عروس قاسمه ائتدی اشاره دئدی بیر کلمه مشکلدور بیانی یزید شومدن ائتدی تقاضا اوزاقدان ایلورم اول قز که ایما قولون آچ بو غلامه ایله اعطا سنون که اقتدارون واردی حالا منه وئر جاریه اول مبتلانی اولوبدور نو عروسه کشف مطلب وفالی عمه سین ائتدی مخاطب اورک جامین ائدوب غمله لبالب نه ایستور مرد شامی عمه زینب یزیده گوسترور بو بینوانی بی بی من دختر شاه حجیزم علی اکبره آخر عزیزم اسیرم چوخدا ایندی اشگریزم کنیز اولسام سنه تنها کنیزم نیه بیگانه ایلور بو گمانی سوزوم یوخ هر فشاره عمه دوزدوم آخوب اشگیم عذاره عمه دوزدوم آلیندی گوشوارم عمه دوزدوم قولاقیم اولدی یاره عمه دوزدوم بو درده قلبیمون یوخدور توانی اوجالدی دلدن آهیم عمه دوزدوم فنایه گئتدی جاهیم عمه دوزدوم شهید اولدی پناهیم عمه دوزدوم کول اولدی حجله گاهیم عمه دوزدوم عروسون چوللر اولدی آشیانی قنادی باغلی بلبل تک وطندن کناره دوشموشم پوزقون چمندن ولی آیریلمارام ئولسمده سندن گوزون قربانیم ال چکمه مندن گرامی ساخلا بو گیسو فشانی سنه اورگتدی فنّی شعری انور جناب یحیوی دانا سخنور اودور رابط کلامون اولدی بهتر بُلن شاگرد اولور استاده مظهر ائله تجلیل او پیر نکته دانی ✍منکلام:مرحوم امین الشعرا استاد حاج قدیر جلیل زادگان متخلص به انور اردبیلی #محرم1402 #مجلس_یزید #چوب_خیزران

شهادت امام صادق (ع) #گریز به #مجلس_یزید . . #سبک_ساخلا_ناقه_می_کاروانیدن.... ✍مرحوم شوری تبریزی . . قبریدن ایا فاطمه دوروب وای اوغول دیوب ایت گیلن نوا آغلا جعفر بن محمّدین حالینه خانم سن یانا یانا جان ویروب دیور هارداسان آنا . . کون و مایکون اود دوتار یانار شرح ایدم اگر درد و محنتین صبر ایدوب بلا و مصیبته واضح ایتدی دینین حقیقتین زنده ایتدی جدّی پیمبرین زحمتیله اُلموش شریعتین حقّی گون کیمی ایتدی آشکار اهل عالمینه او مقتدا . . جور و ظلم آل امیّه دن آز زمان اگرچه خلاص اولوب ظلم آل عبّاسیدن ولی قلب اطهری قانیلن دولوب دردینی ایدنمزدی آشکار، گولمیوب یوزی گل کیمی سولوب چوخ ایدردی توهین او سروره دمبدم او منصور بیحیا . . نقل ایدر ربیع بو حکایتی بیر گجه او منصور بدسیر سویلدی ربیع بول بو قدر سن قلبیمی منیم چوخ دوتوب کدر جدّ و جهد ایدوب جعفری بو آن حاضر ایلسن سن اوزون اگر اُلدوروم او زهرا بالاسینی قلبیمه منیم تا اولا شِفا . . واردی نچّه اوغلوم دیر ربیع وار بیرینون امّا شقاوتی بو شقاوتیندن علاوه وار بیله ایشلره چوخ جسارتی امر ایدوب خلیفه دیدیم اوغول حاضر ایت او شاه ولایتی امرینی قیل اجرا خلیفه نین اولما راضی امرینده نقص اولا . . گلدی اول شقی بامیدن دوشوب خاندان آل رسالته اهل بیت عصمت بویوک کیچیک بولمورم قالوبلا نه حالته گوردی اول امامی قیامیده خالقیله مشغول عبادته ظاهر ایلیوب اوز شقاوتین قویمیوب نمازین ایده ادا . . اول شقی امامی او حالیلن دوتدی،مقصده اولدی رهسپار پا پیاده مظلوم امامی گور آت دوشونده امّا اوزی سوار بولمرم ندن گویلر ای خدا گلمدی یره اولدی بیر قرار دشمنین الینده بو نوع زار دستگیر اولوب پور مرتضی . گوردی اول لعین ازل ابد چوخ دوشوب او مولا اذیّته بولمورم نه نوعی او سرورین حالینی گوروب گلدی رافته ترکینه سوار ایتدی اول شهی اُفّ اولا بو بی شرم امّته آل حیدری تک به تک ایدوب جور و ظلم و توهینه مبتلا . . قوزیوب باشین سویلدی بِئلون باغلیوب کیمه دالدالانموسان یوخسا چوخ گوروبسن مریدیوی نامه لر یازوبلار اینانموسان ایلیوب اشاره محاسنین دوتدی سویلدی هیچ اوتانموسان آز منه اذیّت ایله داخی ایشلروندن ال چک ایله حیا . . چوخلی نامه توکدی یره دیدی یازمیسان هامی مسلمینه سن حجّت خدا سویلدی که ای میرمومنین خسرو زمن نامه لردن اصلا خبر یوخوم یازمادیم بیرین بیر بِلاده من ایتمدیم جوانلیقدا آرزو ایمدی من هارا سلطنت هارا . ساخلیوبدی شمشیر الینده چون قصد ایدوب امامی ایده شهید چکدی تیغی اوچ دفعه،قِیتروب ساخلیوب غلافینده اول پلید گوردی قولّارین چرمیوب گلور ختم انبیا سویلور ای پلید ال گوتور بالامدان،گوتورمسن ایلرم بدندن باشون جدا . . یر ویروب یانیندا دیدی بویور یابن عمّ السّاعه کیف حال بو عم اوغلوا لطفون آز اولور گلماقا بیزه تاپموسان مجال ایلیوب معطّر،دیدی ظنین اولما ایلمه اوزگه بیر خیال احترام و حرمت ایدوبدی چوخ چوخلی عزّتیله سالوب یولا . . شام شومیده ای رسول حق بیرجه سن گلیدون او بزمه کاش اهل بیتیوی ساخلیوب یزید مجلسینده،کفرین ایدوبدی فاش بیر طرفده شطرنجیلن شراب طشت ایچینده وار بیر یارالی باش ساخلیوب ایاق اوسته خسته تن اول امام تبداری،بیحیا . . زهریلن او منصور بیحیا عاقبت امامی ایدوب شهید «شوریا» بو مولایه عشقیلن نوحه یازدون اولدون عجب سعید اوز زیارتین ایسته ویر قسم اوز آناسینا اول گیلن امید قسمتیم اگر اولماسا بو ایل قسمتیم اولا بلکه کربلا . #شهادت_امام_صادق_علیه_السلام

#امام_باقر_علیه_السلام #مجلس_یزید ◾️ ما را دست بر گردن، وارد مجلس يزيد کردند... در روایتی امام باقر علیه‌السلام فرمود: اُتِیَ بنا يزيدَ بنَ معاويةَ بعد ما قُتلَ الحسينَ بنَ عليٍّ و نحنُ اِثنا عشرَ غُلاما و كان أكبَرُنا يومئِذٍ عليُّ بنُ الحسينِ، فأُدخِلْنا عليهِ، و كان كلُّ واحدٍ مِنّا مَغلولةً يدُهُ إلى عُنُقِهِ ▪️ما دوازده پسر و نوجوان بودیم که ما را پيش يزيد بردند که بزرگترین ما پدرم علی بن الحسين علیهماالسلام بود. ما را وارد مجلس يزيد کردند در حالی که دستان مان را بر گردن مان بسته بودند. 📚وسيلة الدّارين، ص۳۸۶

🍂مجلس یزید لعنت الله علیه زبانحال حضرت رقیه(سلام الله علیها) به حضرت زینب (سلام الله علیها)🍂 .. .. .. ✍مرحوم کریمی مراغه ای .. .. .. عمه جان آخور بابامون تازه قان دوداقلاریندان دور یزیده دئ گوتورسون خیزران دوداقلاریندان .. .. .. .. قویما ظلمله بو کافر رعشه کایناته سالسون اهل بیت مصطفادن ناله گوگلره اوجالسون یوخدی پیر نفر بابامون باشینی الیندن السون نیلیوب آغاج وورولّار شامیان دوداقلاریندان .. .. .. .. گور وئرر او قانلی باشی بیر قوجاقیمه آلام من شوقیله او قانه باتمیش عارضه نظر سالام من راضیم بو شام ایچینده ذلتیله آج قالام من وورماسون فنر بو ظالم قان آخان دوداقلاریندان .. .. .. .. مست اولوب بو شوم و کافر قلبنی دوتوب قساوت گور نئجه بیز آغلیاندا شاد اولور ائدیر شماتت کیم گوروبدی بیر یارالی باشدا بیر بئله جراحت فیض آلور بو قانلی باشین قدسیان دوداقلاریندان .. .. .. .. یوز دوتوب یزیده زینب دلده آه شعله باری سسلدی بو قدری ائتمه اشگیمی عذاره جاری شرم ایله بالا یانندا سن آتانی وورما باری ال گوتور بو شهریارین دُر فشان دوداقلاریندان .. .. .. .. بو یارالی باشی وورما تاجدار عالمین دور بیر بئله شماتت ائتمه بو امام مشرقین دور بو پیمبرین عزیزی روح مرتضی حسین دور فاطمه آنام ئوپردی هر زمان دوداقلاریندان .. .. .. .. گورموسن او نازنین باش گون کیمی دوشوب کسوفه بیر گئجه بو باشی مهمان ساخلاموشدی اهل کوفه صبحه تک یاتوب كول اوسته آی کیمی یتوب خسوفه خولی ایلین جفادن وار نشان دوداقلاریندان .. .. .. .. وورما خیزران حیا قیل سن باباسی مصطفادن یدّی ضربتیله باشین شمر دون كسوب قفادن بیر ایچیم سو بو غریبه وئرمدی عدو جفادن العطش دئدوخجا یاندی چخدی جان دوداقلاریندان .. .. .. .. احترام ایله گورورسن شاه انس جان گلوبدی بزمیوه عزیز زهرا باشی ارمغان گلوبدی خسته دی اذیّت ائتمه تازه میهمان گلوبدی میزبان آغاج که وورماز میهمان دوداقلاریندان .. .. .. .. ای «کریمی» بو حسیندور نازی نور ائدن خلیله روز و شب اولوب مصاحب مهد ایچینده جبرئیله نوحی موج ابتلادن قورتاروبدی اوز الیله خضره لطف ائدوب حیات جاودان دوداقلاریندان .. #محرم_۱۴۰۳ #مجلس_یزید #حضرت_رقیه_سلام_الله_علیها

یارالی باش که طشت زرده دی قانی آخور علت ایجــاد عالمـدور او باش ای بــی شـعـــور خــــــیزران ویـــرمــا او لبلر آیـه ی قــرآن اوخـور اللرون سینسین حیــا ایله کـه قیــزلاری بـاخور   اول کسیک باش که ویرورسان ماه عالم تابیدی شرم ایــله ظالــم ایکی دونیــانین او اربــابیـدی   سن بیله فــــکر ایلـــدون قول باغلیام بی یاورم پـــــــادشاه عـــالمه ایتسون جســـارت دینمرم حیله ده سن مرهب اولسون بیل بونی من حیدرم سن عمــر شاگردی،من شاگرد شـاه  خــیبرم   زینبم مـــن فـــــاطمی احســاس وار منده یزید آگـــه اول کـــه غــیــرت عـبـــاس وار مـنده یزید   اوز ایشیمده منده عـباسیــم کـــیمی با همتم منــده حیــــدر قانــی واردور صــاحب شخصیتم غــیــرت اوقـــــــیانوسیــم مـن مــعنی حیثـیتم اول الله سالمــاســام تخـــدن سنی بی غیرتم   آفــــتـــاب عـصـمتــم دریـــــانی بی تــاب ایلــرم ظلمیـده گـر کوه برف اولـسون سنی آب ایلــرم   گـر سنــون وار تـــاج و تـخـتــون مـنده ده آبـــرو اربده کش سن٬منیـم واردور دلـیمده ذکـــر هـو ایــلرم رســوا ایـــکی دنیــا سنی ای زشت خو گیت دولان اوز نطفووین اصلین سوروش بیر کو به کو   ظاهــــراً جدون ابوسفیانــدی اول پست و دنـی باطنــاً ای بی شـرف هامی بالام سسلر سنی   عصمتون یوخدور سنون٬رهبرده عصمت شرطیـدی بیر پارا شاخص،جمــاعتـده،هــویـت شـرطـیـدی طایفــوز چوخ بی شرافتــدی٬شـرافت شرطیدی پیکــرون  ناپاکیدی انســانــدا فطـــرت شرطیـدی   بو سـوزی ویـررم یــازالـلار قبـریده بـاش داشیوه هنده نین ای نانجیب اوغلی کول اولسون باشیوه   بــرج خلقتــده مـه تـابـنـده دی ئــــولـمـز حسین بـحر عــــزتــده دّر ارزنـــده دی  ئــــولـمـز حسین خوار اولوبسان سن٬ولی پاینده دی ئولمزحسین آنــد اولا حی قــدیـره زنـــده دی ئــولمز حسین   پـایـــــدار اولمــــاز فنـا دنیــــاده بـد انـدیـشــه لر واقــــفـم امــا بونــا ئـــولــمـز حــقیقت پیــشه لر   ای«فـتــا»شـکـر ایــله هـر دم خـالـــق داداریــوه ایسته زهـــرادن اوزی قـــدرت ویــره اشعـاریـــوه نسـل آینـــــده تـفــــاخـــر ایــــلـیـرر آثــــاریـــــوه صــــادق اول٬ الله اوزی رونــق ویــرر گفتــاریـــوه   تا جوشـــور طبـعون بولاق مثلی ولایتدن دانیش کسسه لرده باشیــوی قوخمـا حقیقتدن دانیش ✍فرهادی مراغه ای #محرم_۱۴۰۳ #مجلس_یزید  #حضرت_زینب_سلام_الله_علیها #کانال_باب_الحوائج http://eitaa.com/torkiy

شجاعت حضرت زینب کبری (س)در مجلس‌ یزید ملعون خیزران دگدی حسینون‌ قوریان لبلرینه اعتنا ایلمدی نغمه‌ ی یا رَبلرینه لعنت اولسون اُموی زاده‌لرین دبلرینه زینبون‌ کاسهٔ‌ صبری‌ جالانوب، ‌اسدی اودم دئدی ظالم او دوداقلاره ویروب بوسه ننم دوردی فورا" ایاقا نائبهٔ فخرِ ‌زنان شیرِتک غُرّش ائدوب خواهر عبّاس جوان چوخ شجاعتله خانم سوزلرینی قیلدی بیان بویوروب بسدی اهانتله دولاندیرما زبان کَس سسون ای طلقازادهٔ آشفته روان ای یزید آچ گوزوی منده بو تاب و تبه باخ خیزرانیله قانا غرق ایلیوبسن لبه باخ غصّه‌دن گوز یاشی القانه دؤنن موکبه باخ اوجالان نغمهٔ تکبیر و دَمِ یا ربَه باخ آسمان عَلَویده بو گوزل کوکبه باخ نَسَبیم هاشمیدور بو نَسَبِ اَطیَبه باخ آل هاشیمده اولان غیرته باخ منصبه باخ بیز شهادت طلبوک سن بو درخشان دَبَه باخ آتام حیدردی آنام فاطمه اُمّ و اَبَه باخ زینبی شیر بِجَردن عَلَوی مکتبه باخ او خدائیکه شرف عرش مُعَلّایه وئروب تپراقی دشت و کویره، سویی دریایه وئروب هر کسه اوز چیخاری قَدْری خمیر مایه وئروب بیز بنی هاشمه ده غیرتی سرمایه وئروب یِدّی قارداش گوجونی زینب کبرایه وئروب ** ✍رحیم فیضی اردبیلی #مجلس_یزید #چوب_خیزران #حضرت_زینب_سلام_الله_علیها