💫🍁 بسم الله الرحمن الرحیم یا رحمن یا رحیم🦋 بی سبب گوز یاشیمیز، رخساره آخماز یا حسین😭 سن بیزه گر باخماسان، الله دا باخماز یا حسین😭 یا حسین عالم پریشاندیر حسین گوزلر دولی قاندیر حسین😭 زهرا قیزی زینب بوگون، محزون و نالاندی حسین😭 نیه؟؟ آخی بو گونده کی گونده یازدهم محرم، زهرا بالالارین اسیر آپاریللار شام سمتینه، بئله😭 عریان بدنلر یرده قالیب،😭 عمر سعد لعنت الله ایستیردی زینبین داغین تازه لیه، دستور وئردی اسرانین یولین سالون قتلگاهه😭 ملعون دئدی قویون زینبین داغی چندین برابر اولسین،😭 کاروان یتیشدی گودال قتلگاهه یا امام زمان، اوزون بو روضیه عنایت اله، 😭 وقتی کاروان یتیشدی به سمت گودال گوردیلر خانم زینب،😭 او خوردا بالالار اوزلرین سالدیلار جنازه لر اوستونه، 😭😭خانم زینب امام حسینین جنازه سین آختاریر، یا الله یا الله یا الله😭 الله پس حسینیمین جنازه سی هاردا قالیب زینبین حقی وار، قارداشین تانیمیا، 😭😭هی بئله پریشان دولانیردی چوللری، نه دییردی زینب😭 گلی گم کرده ام میجویم او را به هر گل میرسم میبویم اورا جوانلاریم گئدیب میدانه گلمز😭🖤 ندندیر بارالها زینب ئولمز یا زینب😭 دییردی الله اولدوز گئدر آی باغینا بلبل دا گول سراغینا😭🖤 بیر کفن سیز قارداشیم ایتیب گلمیشم آختارماقا😭🖤 یاالله بیر موقع زینب گوردی، نیزه شکسته لر آلتیندان، بیر سس گلیر یا زهرا😭😭 گل گم کرده ات خواهر منم من😭 سرور سینه ات خواهر منم من😭 نشانی را که گفتی در بدن خواهر منم من😭 زینب گوردی بیر آشنا سس گلیر،😭 ان شاالله قارداش داغی گورمیسوز عزیزان گوردی قارداشی حسین سسی گلیر😭😭 ادامه👇👇

بسم الله الرحمن الرحیم .. 🥀روضه تنور خولی زبانحال خانم زهرا (س)🥀 محشر اولار بلبله باخسا سارالمش گوله واریدی قان آغلیا فاطمه بو نیسگله نازیله من بسلین باش بلشوبدور کوله باش یارا آلنون یارا یوز یارا حنجر یارا ای مطبخ جفاده یاتان شاه کربلا😭 آچ بیر گوزون عیادتوه گلمیشم بالا خورشید گر کسوف ائدوب اولدوزلارون هانی ...زینب هایاندادی بختی قاره قیزلارون هانی .... بسلدیم ای اوغول گل اوسته سنی ... گوردوم جداده باشوی یول اوسته سنی 😭😭😭 بیلمزدیم خویلی قویار تنوریده کول اوسته سنی .... آلموش آنان اله باشا کوللر اولوب بالا جدین ئوپن بوغازوه کول دولوب بالا پاک ایلرم کولی ولی رنگین سولوب آی بالا ....او سولان رنگوه گلین ئولن ننون قربان آی بالا ... (خانم درد دل الی بالینان ...ددی بالا کیم دیوب ننون زهرا گلنده اونی دیندیرمیسن ...عالم معناده او قان دولان گوزون آچدی شهید والاسی ... دیله گلوب ددی خوش گلموسن یارالی ننه ...چوخدان بقیعده سن دینجلموسن ننه ...بیچاره لر سراغینه گئج گلیبسن ننه ... سنون بو گلمغون لازمه ی هدیه دور منه ،اما ننه اوغلوم ئولوب ،قارداشیم ئولوب ،بیرزادا یوخدور گمانیم ،ننه سن گلن یولارا قربان بو کسیک باشیم 😭😭😭 دئدی ننه جوان ننه ناز ننه غملریمی بیر بیر دییم سای ننه یوز یوزه قوی منله ننه آغلاشاق اوغلوم ئولوب اوغولسوزام آی ننه دئدی حسین ،اللرده ئولن دربه در اطفالوه قربان .... چوللرده گزن طفل پریشانوه قربان گودالیده سو تک توکولن قانیوه قربان .... آقانین قانلی باشین آلوب قوجاقه دئدی گل قوجاقیمه آلیم گرچی دوشوب درده باشون ....دینجله بس کی بیر آز سینه ی مادرده باشون...یورولوبسان بالا چوخ اینجیوب اللرده باشون 😭😭 هامی دسین یا حسین 😭😭😭 🍂التماس دعای فرج🍂 #ترکی #کانال_ترکی_مجمع_الذاکرین

حالات راه شام مرحوم انور کوفه دن شامه روان اولدی قطاراسرا نیزه لراوسته آی اولدوزکیمی رأس شهدا قولی باغلی چکولوب سلسلۀ آل عبا زینبون مین غمی مین غصه سی واردوردیلده اوتوروب غملی رقیلن سینیق محملده مرتضی قیزلارینی زجرآپارورشامه قوناق یول چتین آل پیمبر یورولوب مقصد اوزاق نجه عریان دوه اوسته اوتورایورقون اوشاق داش اورکلر ایله مانعدی اورک داغلیانا تازیانیله نوازش اولونورآغلیانا سوردورور شمرلعین ناقه لری سرعتیله بالالاردشت وبیابانه باخوروحشتیله یول گیدوللرگیجه نی گوندوزی بو حالتیله دام صیادیده بنزوله پرافتاده قوشا بیربیریله اولارون فرصتی یوخدوردانیشا بوریوب یوزلرینی گوزلرینی گردوغبار یل اسن وقتیده گیسولرینه شانه وورار نه غذاوقتی معیّن نه سرین سولاری وار کاروان یولداکه هرمنزل وماوایه چاتار یمک ایچمک یادا دوشمز بالالار فوری یاتار بیرگیجه ایتدیله بیرقورخولی صحراده مکان خیمه قوردی اوزینه زجردنی شمروسنان سللدیلار سفره غذامیل ایدوب اشرارزمان رختخواب اچدی اوبی شرم صفتلراوزینه کیم قویوب بالشه باشین یوخی گلدی گوزینه بیرطرفده یاتیشوب لشگرخونخواروظلام بیرطرفده اسراعده سی اولدی ارام قولارین قویدی باشی التنا اولادامام پرده ی ظلمت شب یوزلرینه چکدی نقاب اصغرون دردی اورکده یوخیاگیتدی رباب بیراوجانیزه نون اوسته سر سلطان هُدا آیدان آرتوق اوچولی روشن ایدوب نورخدا اوباشا واردی نگهبان نچه مأمور جفا نیزه قالمیش ارادا نقطۀ  پرگارکیمی گل زهرانی سالوبلار وسطه خارکیمی گوروم اولسون فلک کج روشون طاقتی طاق اونگهبان نفراتون بیری سویلور بوسیاق یاتدی یولداشلاریمون هاموسی من قالدیم اویاق ناظریدی اُسَرائیله کسوک باشه گوزوم گیجه نون یاریسی بومنظره نی گوردوم اوزوم حرکت وار اُسَرا ایچره یره سایه سالور بیرقزی درک ایلدیم گاهی یاتورگاه اوجالور دیدیم حتما یاراسی واریاتابیلمورچاپالور یاراسی اولماسا یول زحمتینی باشدان آتار گیجه نون نصفی گیچیبدور یوخوسی گلسه یاتار من بوفکریله واریدیم اوغم ودرده دچار اولدی نیمخیز  اسرادن اوزینی چکدی کنار قیلدی اطرافینه دقت اودُر کنز وقار وحشتیله یولادوشدی ایلدی کشف هدف یریدی بارماقی اوستنده کسوک باشه طرف پردۀ ظلمت هجرانی شکاف ایتدی اوقیز پیچ وخم یولارینی عشقیله صاف ایتدی اوقیز نیزه نی کعبه کیمی گلدی طواف ایتدی اوقیز سینه سی اوسته صوراال لرینه ویردی مقام روبروده دایانوب ایتدی کسوک باشه سلام گلدی گفتاره دیدی اول منه دمسازبابا یاره لی باشوه ایله منی همرازبابا نگران اولماسنه ایلمرم نازبابا گیجه نون نصفی هامی خوابیده دورمن اویاقام گلمیشم درگهوه قلبی سینیق بیرقوناقام بوگیجه دوشدی او شبدن باباعشقون باشیما دیمدیم سوزلریمی یاوریمه یولداشیما آچ اوقانلی گوزی باخ گوزدن آخان گوزیاشیما آتا هرقدری قیزا لطف ایده اسراف دگول بوینی چگنینده منی ساخلاما انصاف دگول دیمورم صحبت ایدن وقته منه جان دیه سن سیله سن گوزیاشیمی خاطریمی ایستیه سن کرموندن چوخ اوزاخدور منی دیندیرمیه سن قیزیتیم اولسامگر گویلینی آلمازلا بابا دردمندی قاپودان بوش یولاسالمازلا بابا گرچه غارت زده ام قلبیده چوخدورمحنیم یوزوون تپراقینی سیلمگه وارپیرهنیم سن اوجا  نی ده سن آخربویوم آلچاقدی منیم اَن جِدادن بویتیمه ایله همدم اوزووی دانیشاق بوسه لشاق منده سیلیم یوزگوزووی نه ربابه گوره نه عترت طاهایه گوره نه بیبیم زینبه خاطرنه ده لیلایه گوره یوزووی قوی یوزومه حضرت زهرایه گوره سنی ایتامه پرستاریاراتمیش یارادان سیلینون زحمتینی بلکه آپاردون آرادان اوقیزون سوزلرینه دوزمدی سلطان هدا نیزه دن اَندی بالیلا گوروشه گلدی آتا آری قرآن دیوری زنده دی اولمز شهدا ایسته دی یاخشی پذیرالیقی اولسون قوناقا قانه باتمیش دوداقین قویدی سارالمیش دوداقا دیدی ای مِحنت ایّامه گرفتارقیزیم گیجه نون وقتی قالوبسان نیه بیدارقیزیم سن منه سویگولوسن من سنه دلدارقیزیم

احوالات کوفه_زبانحال حضرت زینب سلام الله علیها سبک ها :: اجرا با واگیر :: ای کربلانون تشنه لب ... مستان همه افتاده و ... اجرا بدون واگیر :: ای درد بی درمانلارا ... حاج حسین غفاری اردبیلی آچ گوزلرون اشراری رسوا ایله قارداش قرآن اوخی قرآنی احیا ایله قارداش واگیر : سر نیزه اوستن باخ منه جانیم اولا قربان سنه یا حجت الله (2) بو قافله سنسیز اولانماز شامه راهی یول ایتمه سین الله یاراتدی نور ماهی سنسن بو یولدا زینبین پشت و پناهی آهسته گیت اما مدارا ایله قارداش نیلوم سنه دلبستیم آهسته یول گیت خستیم یا حجت الله (2) کیم باشووی سر نیزه نون اوسته ووروبدی کیم ساقه سیندن بو گولی عطشان قیروبدی آئینۀ پیشانووی داش سیندیروبدی بیر یولدا قان آلتدان تجلاّ ایله قارداش بو امّته دلسوز سن ئولسونده سن پیروز سن یا حجت الله (2) بارماقیمه انگشتر دیداری تاخ گیت سرنیزه ده اولدوز کیمی شاماته آخ گیت گیتمه گیدورسن نیمه جان قزلاره باخ گیت بی کسلرین دردین مداوا ایله قارداش ای روح طاهر آچ گوزون آللهه خاطر آچ گوزون یا حجت الله (2) سعد اوغلی ویردی خولیه باشون امانت اما اولوبدی بو امانتده خیانت گول چهره وین اوستونده وار کولدن علامت بو سرّی آچ کشفِ معما ایله قارداش واضح بویور سوز هر ندی قارداش بو خاکستر ندی یا حجت الله (2) یوللاردا دوتما فاصله مندن حسین جان گول آیری دوشمز چونکی گلشندن حسین جان زهرانون عطرین قوی آلیم سندن حسین جان گوز یاشیمی یوللاردا دریا ایله قارداش سایون یُوخی هست ایلیر عطرون منی مست ایلیر یا حجت الله (2)

احوالات کوفه_زبانحال حضرت زینب سلام الله علیها سبک ها :: اجرا با واگیر :: ای کربلانون تشنه لب ... مستان همه افتاده و ... اجرا بدون واگیر :: ای درد بی درمانلارا ... حاج حسین غفاری اردبیلی آچ گوزلرون اشراری رسوا ایله قارداش قرآن اوخی قرآنی احیا ایله قارداش واگیر : سر نیزه اوستن باخ منه جانیم اولا قربان سنه یا حجت الله (2) بو قافله سنسیز اولانماز شامه راهی یول ایتمه سین الله یاراتدی نور ماهی سنسن بو یولدا زینبین پشت و پناهی آهسته گیت اما مدارا ایله قارداش نیلوم سنه دلبستیم آهسته یول گیت خستیم یا حجت الله (2) کیم باشووی سر نیزه نون اوسته ووروبدی کیم ساقه سیندن بو گولی عطشان قیروبدی آئینۀ پیشانووی داش سیندیروبدی بیر یولدا قان آلتدان تجلاّ ایله قارداش بو امّته دلسوز سن ئولسونده سن پیروز سن یا حجت الله (2) بارماقیمه انگشتر دیداری تاخ گیت سرنیزه ده اولدوز کیمی شاماته آخ گیت گیتمه گیدورسن نیمه جان قزلاره باخ گیت بی کسلرین دردین مداوا ایله قارداش ای روح طاهر آچ گوزون آللهه خاطر آچ گوزون یا حجت الله (2) سعد اوغلی ویردی خولیه باشون امانت اما اولوبدی بو امانتده خیانت گول چهره وین اوستونده وار کولدن علامت بو سرّی آچ کشفِ معما ایله قارداش واضح بویور سوز هر ندی قارداش بو خاکستر ندی یا حجت الله (2) یوللاردا دوتما فاصله مندن حسین جان گول آیری دوشمز چونکی گلشندن حسین جان زهرانون عطرین قوی آلیم سندن حسین جان گوز یاشیمی یوللاردا دریا ایله قارداش سایون یُوخی هست ایلیر عطرون منی مست ایلیر یا حجت الله (2)

کوفه زبانحال حضرت زینب سلام الله علیها حاج ولی الله کلامی زنجانی ای باشی سرنیزده معراج ایدن کچن گجه خولیه مهمان گیدن سن اوخی قرآن حسین منده دیوم جان حسین 🖤🖤🖤 آی یری مظلوم آنامین سینه سی معرفتین سینه سی گنجینه سی توزلودی قارداش یوزون آئینه سی ویر سیلیم الان حسین حالی پریشان حسین 🖤🖤🖤 اُفّ اولا بو کوفه نون اشرارینه ویردیلار اوت فاطمه گلزارینه گوللر اولوب توش ستم خوارینه ای گل رضوان حسین زیب گلستان حسین 🖤🖤🖤 ای یوزینون جلوه سی نور آیه سی نه فلکی پرچمی پیرایه سی وار باشیم اوسته باشیوون سایه سی سن اوخی قرآن حسین منده دیوم جان حسین 🖤🖤🖤 اللری ای کاش اولا شل دشمنین خواریله دولدوردولا گول دامنین یوسفیمین سویدولا پیراهنین پیکری عریان حسین سینه سی شان شان حسین #کوفه #ای_باشی_سر_نیزه_دن_معراج_

#ای_باشی_سر_نیزه-ده_معراج_ائدن کوفه# منصوری🖤🖤😭😭#

نوحه شور زنجیر زنی بانوایکربلایی_منوچهر_حسن_زاده شاعرمضطر_اردبیلی منیم گل تک سولان اوغلوم علی لایلای بالام لایلای جفادن اوخلانان اوغلوم علی لایلای بالام لایلای عطش سنده نمایاندور عجب حالون پریشاندور بوغازون پیکرون قاندور علی لایلای بالام لایلای ستمله باغریقان اولدون خدنگ سن نشان اولدون آچوب گل تک خزان اولدون علی لایلای بالام لایلای منیم قلبیم باشی یاندی کم‌کار جمله دوغراندی بوغازون بیله اوخلاندی علی لایلای بالام لایلای شهیداولدون لبون عطشان بوغازوندان آخور القان سنی ویردیم قوزی قربان علی لایلای بالام لایلای باتوبدور قانه رخسارون گوزلدور رنگ گلباران اوغول بوش قالدی گهواره علی لایلای بالام لایلای

جانانیم امام زمانیم سنسیز بوعالمین یوخ ذوق وصفاسی غملیدور هواسی قورتار بوفراقی ای زهرا(س) بالاسی سلام فرمانده سنه سلام اولسون بو مهدویلردن سلام فرمانده سنه سلام اولسون آقا بوآذریلردن سلام فرمانده آقا گل سنه فدا هوادارین اوللام علمدارین اوللام گرفتارین اوللام علی بن مهزیارین اوللام دوزدی آزدی سیننیم اما سردارین اوللام سلام فرمانده سنه سلام اولسون بو مهدویلردن سلام فرمانده سنه سلام اولسون آقا بوآذریلردن سلام فرمانده باخما که سیننیم آزدی آدون هر یئرده گله قیام ایلرم باخما که سیننیم آزدی باکری تک گلرم امری تمام ایلرم باخما که سیننیم آزدی صف اوچ یوز اون اوچ عاشقده دوروب سلام ایلرم باخما که سیننیم آزدی آزدی سیننیم ولی بوجانیمی من فدا ایلرم باخما که سیننیم آزدی من شهادتدن اوتور فقط خدا خدا ایلرم باخما که سیننیم آزدی گئجه گوندوز سنه من فقط دعا ایلرم سلام فرمانده سنه سلام اولسون بو مهدویلردن سلام فرمانده سنه سلام اولسون آقا بوآذریلردن سلام فرمانده عهد باغلیرام سنه من مفید اولام عهد باغلیرام باش وئریب شهید اولام عهد باغلیرام چون سلیمانی همچوسربازان گمنام روسفیداولام عهد باغلیرام که اولارام من فدائی نظام ایکاش که چون حاج قاسم من اوز عهدیمده قالام گل بوفراقی باشه وئر آقا قویما قالا دیده لری گریان سیدعلی نائب برحقین یوللارا گوزتیکیب سنه قربان سلام فرمانده سنه سلام اولسون بو مهدویلردن سلام فرمانده سنه سلام اولسون آقا بو آذریلردن سلام فرمانده مناجات_امام_زمان_عج ترکی

‍ ‍ احوالات یتیم غروب اولاندا گیدر قلبیدن قراری یتیمون قرا گیینده هوا قالماز اختیاری   یتیمون شفق  رنگ  طلایی  گییر  لباس  شبانه توکر سرشگی ایکی چشم اشگباری یتیمون هزار هزاریه نسگل اولور سرود عزاسی هزار درده دونر دردی از هزاری یتیمون ائدر یول اوستونی دیواریلر کنارینی ماوا گر اولماسا ایوی آرتیق اولار فشاری یتیمون ساتار گلیب گیدنه در اشگینی آلان اولماز عیاریدن کم اولار در پر عیاری یتیمون گوتورور عکسینی عکاس عالم ملکوت پوزار ملکلریده غملی یادگاری یتیمون یوخوسی گلسه قولون بالش ایلیب گیدر هوشه دوشر نظردن ایکی نرگس خماری یتیمون دارار قرا تللینی لای لای دییر قره یللر یئل اسدیقیجا گیدر طره دن غباری یتیمون اوجا سسی ائشیدر دیسگینر دورار یوخوسوندان ئورکده وحشتی آرتار بلا دچاری یتیمون گینه ده اوغلان اوشاقی اولا نه غصه سی واردور دوزر بلایه اولار غمله سازگاری یتیمون آتاسی ئولسه اوغولدان قیزا موثر اولار چوخ آنا باجینی کباب ایلر آه و زاری یتیمون دوشر نه حاله بو قیز ساربان قویوب گیده چولده اوزه الیندن الین بوش قالا کناری یتیمون گوزون آچوب یوخودان پهن دشته ائتدی یتیمون گوروبدی کوچ ائلیوب مقصده قطاری یتیمون اگر چه آج سوسوزیدی غذاده چیخدی یادیندان مدار غصه ده تنگه دوشوب مداری یتیمون صاقا صولا نچه یول عمه عمه سسلدی قاچدی دیدی هایانداسان ای غم گونونده یاری یتیمون سسینه اولمادی سس ئوز سسین ایشیتدی او چولده ئوزون یوروب آزالیب قدرت فراری یتیمون قدم آتیب بو قیزون نیش خار ایاقینی ئوپدی اورک قانی ایاقیندان اولوبدی جاری یتیمون کسیلدی چاره او یورقون بالا یول اوسته اوتوردی دوشوب خیالینه ئوز شهری ئوز دیاری یتیمون گویول قوشی پر آچوب اکبرین اتاقینه گیتدی گوروبدی اوردا دگول قاره گوز نگاری یتیمون کمال یاأسیله یوز دوندریبدی راه دمشقه دیدی گیدیب بو یولی شامه غمگساری یتیمون هایانداسان علی ایستکلین اولدی چوللر اسیری نه قورخولی یئره گل گور دوشوب گذاری یتیمون آتام بابام کیمی سنده علی یتیمه نواز اول محبته واریدی سندن انتظاری یتیمون بیبی لریمه گلایه ایله منیم عوضیمدن آزالدی تئز نه سببدن گور اعتباری یتیمون اوزوم یوخودان اویاندیم نه چاره بختیم اویانمور اویانسادا دی گوروم بختینون نگاری یتیمون اثر ایدیبدی سوزی پهلو شکسته فاطمیه پوزوبدی حالتینی حال انکساری یتیمون گلوب بو خیردا قیزون باشینی دیز اوستونه آلدی اوپوبدی لبلرینی مادر کباری یتیمون جمالینه توکولن تللرین اویان بویان ایتدی مجسم اولدی نظرده صولان عذاری یتیمون دچار ثانی اولوبسان بویوک ننه ن کیمی سنده اونا چتین یتیشه تیره روزگاری یتیمون گوزوندن اشگیوی سیلم بو چولده همدمین اولام دوزنمرم قالا تنها سینا وقاری یتیمون بالا داریخما شامه گیدنلر گلر سراغیوه الان که چوخدی غافله ده یار هوشیاری یتیمون بو خردا قیز او خانوم عورتین ائشیتدی کلامین دیدی گمان ایدیرم آرتدی افتخاری یتیمون بی بیم کیمی بوخانیم دم بدم اوپور دوداقیمدان ایکی گوزوندن ایدیر اشگین نثاری یتیمون بهشت عطری گلور حوریدی گلوبدی بودشته ملکدی یا کی گلوب اولدی یار و کاری یتیمون اگر بو حور و ملکدور نیه قرا گییونوب عجیب غصه لیدور مونس فکاری یتیمون غریب آتامون آدین ازبر ایلیوبدی دیلینده چوخ آشنادی بونا باب تاجداری یتیمون گوزلدی گوزلری عینا بی بیمه بنذری واردور باخاندا گوزلرینه قالمور اختیاری یتیمون اولما مدینه اهلیدی اولما دوشوب گذاری بوچولده عجب کمک یتیروب آفریدگاری یتیمون تانیمورام ولی بو دیندیریر منی ئوز آدیملا نه غصه سی وار اولا بیله غصه خواری یتیمون اورکلنوب دیدی بیردن خانیم گلورسن هایاندان فدا بو گوزلریوه قلب پر شراری یتیمون سنون بو یاخشیلیقون لازم هدیه دی نیلوم نه واردی قولباقی نه واردی گوشواری یتیمون بیزیم قبیله میز اهلی سخادی ایش بیله دوشدی اولان بو گوز یاشیدور یوخدی آیری واری یتیمون من آغلورام بابامین باشینی ووروبلا جدایه آتاسی ئولسه اولار اوخشاما شعاری یتیمون سنون ئولوبدی کیمون آهون اوستن آه چکیرسن باخور سنه چوخالور درد بیشماری یتیمون نفسون اوتلیدی قدین خمیده ساچلارین آغدی قرا گونون قره ائتمه به حق تاری یتیمون جواب وئردی منه فاطمه دییللر عزیزیم شریک محنتیوم جداً آری آری یتیمون بالام حسینه جگر گوشه سن بویوک ننووم من منه موثر اولار بزم سوگواری یتیمون ✍مرحوم استاد انور اردبیلی 👇👇👇👇

👆👆👆👆سبک شعر استاد داود علیزاده اردبیلی😭😭😭😭

من بابا گلزار عزاده بیر بلبلودوم نالم سسی اینجیدی یوخسا جداده یاکه زحماتیم بی بیمه اولدی زیاده آیینه امیدیمی قویدن یره سالدوز گیتدیز ئوزوز اما منی چولدن چوله سالدوز دیله واردی بیر جذبه یتیمین هر نگاهنده یتیمه قیز هارا گیتسه گزر الله پناهینده یخان یخدی ولیکن ساخلیاندا ساخلادی زنده یامانلخ قالدی آخرساربانه ئولمدیم گلدیم سنه من نازدانیدیم هامی جان تک قوجاخلاردی وجود باغبانیله کیم آیا گل ایاقلاردی سنون ساغلقندیدی هامی گوز اوسته ساخلاردی داخی گوزدن دوشوب بو نازدانه ئولمدیم گلدیم اوحالیمده گوروب زجری اولده قاشمادم قالدم مسلمان فرض ایدیب ئوز شأنیمی گویدن یره سالدم اونامرده سلام ایدیم جوابنده ئوزوم آلدم اسور گوردوم الینده تازیانه ئولمدیم گلدیم منه زجر ایلدی حمله دیدیم رحم ایله ای ظالم منی ئولدورمه چولرده یتور ئوز عممه سالم قولومنان وردی بیر قمچی پوزولدی پوزقون احوالیم قانادم سندی اما آشیانه ئولمدیم گلدیم منه بیر بانگ وردی رعشه دوتدی بندیدن بندیم اوآتلی من پیاده پست وبالادن چخب اندیم یانمدا باغبانیم اولمادی گل تک ورقلندیم سارالوب گل کیمی دوندوم خزانه ئولمدیم گلدیم دوه لر یورقون اولاندا گرک ئولسون بالالار ایاق اوسته یومولوب گوزلری رویانی گزیر نیزه دار سر شاه شهدادندی خبر ئوزی نادان سوزی اما دل دانانی گزیر واردی بیر قیز اوقیزلاردا ولی سنی اوشاق کربلادن گوزوم اوندیدی کی هریانی گزیر نیزه اوسته باشی قویدوم یره یان یانه یاتاخ (هر شهره که وارد اولوردولار باشلاری صنوقلردن چخادردلار وروردولار نیزه لره خارج شهره چخاندا قویوردولار صندوقه دییر اوباشی فرصت اولمادی قویام صندوقه ) نیزه اوسته باشی قویدوم یره یان یانه یاتاخ گوردوم اول خرداجا قیز دوردی قضایانی گزیز منه دقتیلن باخدی هی چکولور گوره گر یاتمشام ئوز دردینه درمانی گزیر (دییر منده ئوزومی وردوم یوخویا گوروم اوبالا نیلیه جاق) پنجه سی اوسته گلوب ایلدی تعظیم اوباشا دیدی چوخداندی گوزوم بو مه تابانی گزیر دیزلرین قویدی یره الرینی صاق وصولا دیدی چوخداندی بودل بو لب ودندانی گزیر (دییر گوردوم یواش یواش یوزون قویدی باباسنین یوزونه) اوپدی عرض ایتدی خدا عمه مده قسمت ایله اودا من تک بو لب ودندانی گزیر #راه_شام

روضه راه شام تازیانه ویریلیب زجر ستمکار الینه شامه جه وردی اوظالم دینه نی دینمیه نی دولادی قمچیسینه اصغره لای لای دینی زجری گورجک ایاقا دوردی سلام ایلمگه (سلامن جوابی واجبدی، سلامن جوابنا باخ) زجر سیلیسی دینده اوانیس محنه (بیر دفعه باخدی اویان بویانا) دیدی الله عموم عباسی یتور فوری منه بیوک ال دیسه دوشر گورنه حالا خرداجا قیز (یوز اولا رقیه نین او بالاجانازلی یوزی ال اولا زجرین آغر الی ،یوزی اوستونده دوشدی تیکانلارین اوستونه، تیز دوردی ایاقا دیدی) منی ئولدورمه ردیف اسرادن چخلام بیر کسیم یوخدی پناهینده اقلا سخلام یرتیکانلخدی ویرورسان بئله ورما یخلام نجه عرب که اونون قلبی سخدیدی داشدان غذاسی مارو ملخ  بادیه نشین زاده ایاق یالین قاچا عادت ایدیبدی چولرده گچیریب عمرونی وحشیلریله بیداده اوقدری هرزه گیاهی یالین الیله قازب زغال سنگه دونوب ال ایاقی صحراده او الریله ورا رقیه نی گور نیلر گلور هوا باشما یاحسین یتیش داده قیز یامان گونده هرایه چاغرار ئوز ننه سین (گوردولر اوبالاجا بالا الین قویدی یوزونه، یوزون دولاندردی بقیعه طرف،) گل ننه یاندی یوزوم قالدی یاخام الرده سن دوشن درده دوچار اولدی بالان چولرده اوخی بو عرضه می ای سیده پاک تبار سنیلن عرصه محنتده منیم فرقیم وار (نیه بالا؟سنینده یوزوه سیلی وروبلار منیمده) ورولانان صورا سن منزلیوه گلدین آنا خیمه لریاندی ایویم یوخدی گدیم من هایانا نجه سه ساله عاشقی من اوخشادیم اوشاقلارا اوشاق مگر باخا بیلر قانا باتان دوداقلارا سلام او راه شامیده قاباراولان ایاقلارا ادبله سالک وفا رقیه دامنین دوتار رفیق زجر دیور قالمادی توان منده آلاندا قمچی سینی زجرکین شعار الینه هواده قمچینی دوتدوم اوقیز اورکلندی (دیر من که قمچینی دوتدوم ایوی داغلان نه ایشین واردی گورورسن یورولوبدی ورولوبدی قارداشی ئولوب دده سی ئولوب نیه ورورسان بوبالاجا بالا بئله بئله اورکلندی گلدی منیم مرکبیمین ترکینه دیزلریمین آلتنا دیدی آی شیخ سن یاخجی آداما اوخشورسان،قوی سنون حقینده بیر دعا ایلیوم، دییر گوردوم بالاجا الرین قاخیزدی دیدی آی عرب الله سنون بالاوی منیم گونومه قویماسون، الله بالاوی دده سیز المسین، دیدیم خانم قافله لنگه دوشوب گل سواراول ترکیمه ، باباوون یارالی باشی دایانوب سنی آختارور) ویردی جواب یاخجی مروتلی شخص سن اما بویرده منطقیوین اشتباهی وار نامحرمیله بیرآتا مینمز حسین قیزی عمم دیوب بو بیر عملین چوخ گناهی وار (دیدیم بالاجا بالا یول اوزوندی سنده ایاق یالن نینیه جکسن) دیدی بوتیکانلق آراسنان ئوزومه یول آچارام سیز سورون آتلارزی منده پیاده قاچارام #راه_شام

روضه راه شام شهدا باشی کسیلدی ورولوب نیزه لره اسرا دوشدی یولا دلده فغان چولرده کوفه دروازه سینه قافله آخشام چاتدی یاتدی قیزلار گجه نی اشک فشان چولرده ای قلم کوفه نی رد اول دیمه صبح اولدی نلر یاز گوروم قالدی رقیه نه زمان چولرده کاروان سرعتیلن باشلادی یول شامه طرف دوش نسوانه دوشوب بار گران چولرده سعی ایدور زینب کبری بالالار اینجیمیه ساربان تند گیدور ویرمور امان چولرده ام کلثوم گوزی قولسوز ابوالفضلی گزیر هی دیور یوخ باجیوی یاده سالان چولرده یتجاخ هرمنزله وقتی که یاتور توز تپراق باخوری بیر بیره قیزلار نگران چولرده هرکس ایستور یاتا فورا اوجالور بانگ رهیل یول اوزاقدی تلسور شمر و سنان چولرده حرمله غملی ربابین گوزونه گورسنمیر گیزلدیب تیرو کمانین اوخ آتان چولرده تند یلر که اسور دیسگینور اصغر آناسی آختارور اوغلونی دلده ضربان چولرده غم مسافرلری عریان دوه لر اوسته گیدور یوخ رقیه تلینه شانه وران چولرده غرق ایدوب لیلینی ئوز دردی خیال عالمینه باخور اکبر باشینا وقت اذان چولرده دیور ای آهو باخشلی بالا آچ بیر گوزوی سنه خاطر قالوب آواره آنون چولرده ایستوری فاطمه بیر نامه یازا صغرایه نیلسون یازسادا یوخ نامه رسان چولرده یوز دوتوب یثربه سسلور باجی جان خوش حالوا گر گلیدون دیری قالمازدون اینان چولرده قاسمین داغی سریه اورگیندن چخمور اوخشور آهسته اونی سینه زنان چولرده کیم ئولور اوستونه فورا قالانور تپراقلار لااقل قبرینه قویمولا نشان چولرده هانسی راویدی الینده اولا آمار دقیق کیم بولور کیمدی ئولن کیمدی قالان چولرده او ایتن قبریلری بیرگونی مهدی تاپاجاخ گوزی یاشلی گزور العاندا همان چولرده بیر شیرین دل بالانی لیک ایتیره بولمدیلر اونا خاطر گورونوب معجز عیان چولرده او گجه یولدا بلا قافله سی لنگ اولدی اوجالوب همهمه سندی خفقان چولرده نیزده دوردی حسین باشی باخدی پشت سره (گوردولر امام حسینین  یارالی باشی حرکت المیر واغردلار امام سجاد آقانی ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب) #راه_شام

حاج حسن نعمتی

روضه راه شام بابا خنجر سنقی اوخ سنقی ایلور اذیت قویمور یریم خار مغیلان گجه یاری عمم ده دیور بوردا سالا یارمه مرحم وار بوردا کیمیم ایلیه درمان گجه یاری تأثیر ایله دی اول بالانین حالی امامه ایتدی حرکت شاه شهیدان گجه یاری سسلندی قیزیم آغلاما گل محول زاره تک سن دیوسن آیری قوناقیمده واریمدی زهرا ده گلوبدور منه مهمان گجه یاری #راه_شام

حاج مهدی علیزاده

نوحه راه شام - از ناقه افتادن حضرت رقیه س الله بوقلب زاری پیکان غم بولوبدی شامین یولی رقیه آواره دی سولوبدی ائللریندن آرالی گزور حسین مارالی قولوندا قمچی ردی ایاقلاری یارالی سه ساله قیز ، گزور یاقیز، آدامسیز یوخ پناهی بو غم کشین ، بلا کشین ، ندور مگر گناهی او خوردا قلبی غمدن دوشوبدی پیچ و تابه الی ئورک باشیندا یوزون قویور ترابه دیور منی خدایا یتور آنام ربابه باتوبدی آی یئتیشدی ستاره نین زوالی قرا گئجه اسیر دیار پر خطردی ائلیندن آشنادن نه وقتدی بی خبردی گهی دوروب ایاقه گهی یئره دوشردی قولی قانادی سئنمیش پرنده نین مثالی امان الله ، آدامسیزلیق، چتیندی هر محندن سه ساله قیز ، قالوب چولده ، دوشوب آیری چمندن قویوبلا چولده آی بابا آنام باجیم ملر منی سالوبلار اوزگه لر کیمی گوزوندن عمه لر منی بو آیدا چخمور از قضا بیر آز ایشیقدا آغلیام ایاقیمون تیکانلارون چکوب جهانی داغلیام آچوب بو کهنه معجری بولوب یارامی باغلیام #راه_شام #شهادت_حضرت_رقیه_سلام_الله_علیها

# راه_شام 🎤 مداح ؛ هادی عبادی اهری ✍ شعراز عباسی معروفان اهری

احوالات کوفه به قلم کربلایی صابر ثمودی سبک خرابه چراغان امشب 🏴🏴🏴 یارالی باشون نوک نی ده منی گئتدی شوره حسین جان دوشوب باشیوین آردیجان من گلدیم بو شهره اورک قان سن سیز دوزنمز باجون زینبِ زار یارالی دوشمه اوزاق مندن ای فاطمه نون مارالی علّت نه اولدی گئچن گون حسینیم حسینیم دوشدون بو بختی قرادن آرالی آرالی ای وای یارالی یارالی یارالی حسینیم 🏴🏴🏴 منی درده سالدی ملالون اُیور قلبیمی غملی حالون مگر یاتمیشیدون کول اوسته باتیب کوللر گول جمالون پرده چکیب  کول اولا حیف او قانلی جماله اوخشاتدی کوللر جمالون او دوتقون هلاله آچ قانلی بیر گوزلرون باخ یارالی بو شهره دوشوموش بلالی باشیم گور نئجه قیل و قاله ای وای یارالی یارالی یارالی حسینیم 🏴🏴🏴 شمادت ائدور حزب شیطان توکور گوز یاشی آل عمران قوتار سن بیزی بو بلادن اوخی سن جدا اوسته قرآن اولدوق نئجه گور بو شهر ایچره بیز غرقِ محنت قویما بو قدری ائده کوفه اهلی حسینیم شمادت اعجاز ایله نوک نیَ ده یارالی حسینیم بولسونله بو کوفه اهلی بیزوخ آل عصمت ای وای یارالی 🏴🏴🏴 سن ائدون تلاوت حسین جان آتور داش سنه اهل عصیان بو غمده نئجه تاب ائدیم من یارالی باشوندان آخور قان شل اولسون اللر سنه کی جداده آتیر داش دگسون او داشلار دئیورم یارالی منه کاش تقدیر بئله یازدی نیلَک یارالی حسینیم دوشدوق کی چُولَدن چولَه بیز ایکی باجی قارداش ای وای یارالی 🏴🏴🏴 گیرندن بو شهر ایچره قارداش دونوب گوز یاشیم اولدی قان یاش دوروب بامیلرده جماعت آتیلار حسینیم بیزه  داش هی داشدی یا کولدی پرتاب ائدور بوجماعت هارادان دگور داش ائدور شدتیلن جراحت بیر بیله داش کی یاغور بامیلردن حسینیم قورخوم بودی قالمیا خیردا قیزلار سلامت ای وای یارالی 🏴🏴🏴🏴 حسین گوز یاشیم اولدی القان جداده باخورسان لب عطشان یانار غملرونده (ثمودی) دییَر سن کیمین شاهه قربان شاها گدایم سنه سنده مولا گوزوم وار گیدیم قَراوی حسین جان من اولدوم عزادار هر قَدری عمروم جهاندا گر اولسا حسین جان عشق عالمی اوللام عشقیمده مولا وفادار ای وای یارالی 🏴🏴🏴 #محرم_۱۴۰۳ #احوالات_کوفه

در فراق حضرت امام زمان عج الله به قلم کربلایی صابر ثمودی سبک همه جا بروم به بهانه  تو 🌿🌿🌿 اورگیم داریخور ای نازلی نگاریم گل هایاندا قالدون ای باغ و بهاریم گوزلریم یولدا..ای گل زهرا گل سنه قربان...سرو دل آرا یا اباصالح یا اباصالح 🌿🌿🌿 غم دوتان کونلومی کیمسه یوخ شاد ائده بو دل ِ زاریمی غمدن آزاد ائده هیجرونده یاندی.بو دل زاریم گل سنه قربان. صبر و قراریم یا اباصالح یا اباصالح  🌿🌿 باخورام یولارا هر  آخشام هر سحر شاید گلدی آقا  سیزدن بیر خوش خبر صبریمی آلدی، گل غم هجران عالمین جانی گل سنه قربان یا  اباصالح یا اباصالح 🌿🌿🌿 جمعه لر اولاندا اورگیم چوخ اَسور وصلووه آقاجان گویلوم چوخ تَلَسور قویما بو حسرت..سینمده قالسین آیریلیق دردی..صبریمی آلسین یا اباصالح یا اباصالح 🌿🌿 التماس دعا #امام_زمان_عج_الله

قلم یازاندا هاچان شام ماجراسیندن گلر نوایه اورک ظلم و ابتلاسیندن نه شام شام ائلدی اهلبیت گوندوزونی بلا غباری یاغیردی باشا فضاسیندن نه شام دشمن ال علی و آل الله واریدی کینه لری دیلده آل یاسیندن عنان قافله نی چکدی ساربان اویئره گوروم خراب اولا بو عالمی بناسیندن خرابه یئر قوری توپراق دا نازنین بالالار نه چکدی آل علی دشمنین جفاسیندن دگردي ديل ياراسي قمچي ياره سي اوسته دولاردي گوش فلك قيزلارين نواسيندن غذا دويونجا وئریلمزدی اهلبیته ولی بيان حال ائلمزدی بیری حياسيندن قاپويا چيخمازدي اول خرابه دن بالالار ائدردي شرم و حیا گيديگي لباسيندن مگر اوشاقلارا بیر کس وئره بیلیردی جواب سوال ائدنده گوزي ياشلي اوز باباسيندن خرابه گرچی پریشانیدی ولی هر گون صفا تاپاردي حرم اهلینین دعاسيندن بابا بابا سسی داغلاردی زینبین قلبین خبر یوخیدی داخی خویش و اقرباسیندن رقیه بیر گئجه آختاردیقین تاپیپ یوخودا بیان حال ائلییب رنج و ابتلاسیندن اسیر عشق و محبت وصال یاره چاتیب یئتشیدی کامه بیر از یار اشناسیندان آییلدی تا یوخدان حیف اولا یاتیب بختی گوروب کی یوخدی خبر یار با وفاسیندن دوشوبدی باشینه سودای وصل یار اول دم بابا سراغینی دوتدی غم آشناسیندن سیزیلدیاندا اونا عرش و فرش سس وئردی گلیب دی نالیه یئر گوی اونون صداسیندن دگیب دی بیر بیره نظم عوالم امکان او غصه لی بالانون وای بابا نداسیندن بابا نه نوعی سسین آلدی دادینه یئتدی گلوب خرابیه دوتسون خبر بالاسیندن صفا تاپیب دی خرابه یارالی مهماندان اگر چه قانی آخوردی دوداق یاراسیندان گورنده طشتیده حق جلوه سین اوخردا بالا ال اتدی باشینه اودلاندی ماجراسیندن دولاندی غصه لی پروانه شمعینین باشینا آچوبدی دفتر هجرانی ابتداسیدن گورنده مهر ولا قانیله کسوفه دوشوب دویوبدی جانه اولوم ایسته دی خداسیندن یانا یانا دئدی خوش گلمیسن یارالی بابا دانیش منیله بیرآز باشیوین بلاسیندن فدا اولوم سنه بو حاله کیم سالیب باشیوی آییردی کیم من مظلومه نی آتاسیندن کسیبدی کیم بابا جان بوینوون دامارلارینی منی یتیم ائلدی کینه و جفاسیندان خرابه یئرده داخی تنگه گلمیشم باباجان واریم دی چوخلی سوزوم شامین اشقیاسیندن کناره گئتمه داخی قالمیوب فراقه دوزوم قوتار رقیوی شامین بو بد هواسیندن شیرین دیلیله خانیم دردینی بیان ائله دی دویونجا کام آپاریب یار مه لقاسیندن آلیب قوجاقه دمادم اوپردی عشقیله بابا سينون دوداقيندا آقاج ياراسيندان سینیق قانادینی پروانه اوتدا یاندیردی ستاره تک سوزولوب دی گونون قفاسیندن خموش اولدی او بلبل گولین قوجاقینده اوچوبدی طایر روحی او خوش نماسیندن باخیب رقییه زینب بولود کیمی دولدی توکوب سرشکی اوزه چشم غمفزاسیندن چاغیردی گل باجی کلثوم گل بالام اولدی ند ندی گلمیری سس باغ غم هماسیندن یغشیدی اهل حرم آزقالیب دی محشر اولا چتین دی آیریلا هر کیسه دلرباسیندن آلیب قوجاقه دیردی آناسی حسرتیله فلک آییردی من زاری دلرباسیندن خرابه گنج وفا و حیانی گزلتدی صفا تاپیپ او مکان گوهرین صفاسیندن رقیینین اولومی آیری انقلاب اولدی یزید کاخینه لرزه سالیب بناسیندن شكسته قافله نين انقلابي وئردي ثمر ضمانت ائلدي ديني حسين عزاسيندن #محمد_هوشمند #مدهوش ارسالی شاعر بزرگوار جناب هوشمند(مدهوش)

اوخشامالار و بیاتی لار حضرت اباالفضل علیه السلام" سلام اولا او گوزه اوخ دگنده پارچالانوب سلام اولا او سوا مشگیدن یره جالانوب سلام اولا او ابوالفضله که دوشنده قولی حسین اونون باشینا وا اخا دیوب دولانوب سلام اولا او جنابون گوزل اولان آدینا گینه دوشوبدی نیستانی خامه نون یادینا دیوله گوزلری چوخ گویچگیدی عباسون او گوزلردن بیری حیف گئتدی بیر اوخون بادینا یازولار چوخ ادبلیدی ابوالفضل فقط خصمه غضبلیدی ابوالفضل قاریشسیدی اگر یوز مین سواره اوزاقدان قدی بلیدی ابوالفضل صلابت یاغدیراردی ات میننده لباس رزمی اندامه گینده دولاردی شوقیدن اول قاره گوزلر خانیم زینب اونا قارداش دینده #شهادت_عباسیه

گفتگوی حضرت عبدالله ابن عباس (ع) با حضرت ام البنین (س) ✔️ سوال و جواب ✔️ زبانحال حضرت عبدالله ابن عباس (ع) آخشام اولدی ننه قربان اولّام سنه سنده یارالی منده یارالی ایندی سس ویر منه باشلیاق شیونه سنده عزالی منده عزالی قاپلاری باغلیاق سینمیز داغلیاق سس چکوب آغلیاق آی چیخدی گویده سوندور چراغی خلوت ایدک بو غملی اتاقی هر دم آلدیم خبر دیدون آخشام گلر آخشام اولدی سحر هی قاش آغاردی شفق قارالدی بابام گلمدی گوزوم سارالدی هر گون آخشام اولور قلبیمه غم دولور گول تک رنگیم سولور گونده آتامی یادیمه ساللام مسجدّن چیخوب قاپودا قاللام قلبیمی غم دلور غم غم اوستن گلور گوزلریم اشک اَلور یول گوزلمکدن دوشدوم ایاقدان هامّی یتیمی تانور اوزاقدان صبحیدن آخشاما باشلارام اوخشاما آز قالور بایراما الله پوزولدی شادلیق اساسیم کهنلدی گیتدی بایرام لباسیم گل دوشک چوللره یوز دوتاق گویلره اوخشیاق ئللره آتام گیدندن گیتمش قوناقلار سینمی داغلار باغلی اطاقلار غم قلبیم سیخاندا کوچیه چیخاندا تای توشوم باخاندا گورّم ویروبلر باهم باش باشا منه باخانلار ایستور آغلاشا هر کیم منه باخار گورّم اشکی آخار هیچ بلمورم نه وار هر دم قولاقیم بیردن سسلنور گورّم دیوللر آتاسیز گلور ✔️ جواب حضرت ام البنین (س) ای قمر طلعتیم دُرّ پُر قیمتیم الله کریمدی اوغلوم داریخما عزتیم شوکتیم قلبیده حسرتیم بوینی چیگنینده صبر ایوین ییخما ای منیم ناز گلیم سولدی سولماز گلیم دردوی یاز گلیم تاپشور عریضون باد صبایه عباس آتوندان ایله گلایه سینمی داغلاما چاره می باغلاما اوخشیوب آغلاما جانیم بو شیرین سوزلره قربان عباسه بنزر گوزلره قربان گُل اکدیم وای درم قلبیم ایتدی ورم وای منه نیلرم سن هر گون گولنده دردیم آزالور بابا دینده رنگیم سارالور قوی سیلیم گوزلرون بیر ئوپوم لبلرون سالمیشام بسترون یات دینجل اوغلوم صبحه یاخیندی سوزدی گوزلرون بیردن آخیندی لبلرون عسلدی قنده خوش مثلدی گوزلرون گوزلدی بو سرو قامت بو ماه منظر باشدان ایاقه عباسه بنزر گوللر اکدیم دردیم قالمادی بیر دردیم دورت اوغول بیجردیم دورت گلدن الان بیر غنچه قالدی دشمن کام آلدی باغبان قوجالدی قویمارام گل سولا قلبیمه قان دولا دشمنیم شاد اولا بی جا دایانما هر ره گذرده مین اوخ وار اوغلوم هر بد نظرده قربانام بویووا حسرتیم طویووا ایلرم چوخ دعا سنون طویوندا جاندان گیچرم کوینک بیچرم شربت ایچرم #سئوال_و_جواب #عبداله_ام‌البنین

زبانحال حضرت ام البنین (س) ام البنینیم   غم     گونی    غمخواریم    ئولوبدی بیر   غصه لی   صحراده      وفاداریم     ئولوبدی دورد    اوغلومی   پرپر    ائلیریب   جور     زمانه بیر گل   دئمیرین  ،  گلشن   و گلزاریم  ئولوبدی دنیاده    بوتون    درد    و   مصیبت    منه  گلدی الله     منیم    عالمده       وفا داریم       ئولوبدی سو مشکینه  اوخ   دَیدی   بالام  اولدی  خجالت قربان    اولوم   اول   حالینه    دلداریم   ئولوبدی هم    ئولدی   منیم   عونیله   فضلیم  همی  جعفر دورد    گوهر       نایاب      گرانباریم     ئولوبدی بیر    آهن    عمودیله    دوشوب    دشت    بلایه اوخلاندی   گوزو     دیده    خونباریم     ئولوبدی من   نذر     ائلمیشدیم    بالامی    جان    حسینه جانانینه    جان    وئردی  ،   فداکاریم    ئولوبدی دورد    اوغلوم   اوزوم ، عاشق  رخسار حسینون قربان   اونون  عطشان   لبینه   یاریم    ئولوبدی باش پارچا لانیب ، گوز  یارالی ، قول قلم  اولدی جانباز       حسین  ،   معدن    ایثاریم    ئولوبدی آغلار    منه    دنیا   ،   من   اوزوم   حال   حسینه گل    مثل    منیم    سید   و  سالاریم     ئولوبدی قوللار دوشوب   آتدان  یره ، یوز اوسته سالوبلار سسلندی حسین(ع) گل باجی سرداریم ئولوبدی عباسیم    ئولنده    بوکولوب      قدّی     حسینین یا  رب     یتیش   امداده   ،   هواداریم   ئولوبدی زینب    دییر   عباس   ئولومی   پوزدی   حسینی اوخشارمش  او  نهر  اوسته سپهداریم  ئولوبدی ای وای منه   او  چولده حسین  قالمیشمیش تک عرض ایلدی   یا رب  پوتون   انصاریم  ئولوبدی آغلار      حامی     عباسه       قیامت    یتیشینجه زهراده     دییر     قولسوز    علمداریم   ئولوبدی ** موسی محمدی اردبیلی

شب هفت عزاداری زینب (ع) یاحسین غملروه اولدی پریشان زینب شب هفتوندی گزور چوللری ویلان زینب ای باشی الده گزن هاردا یاتوبسان یارالی بومصائبلره دوزسون نجه نالان زینب حقلسن کوسمیه مندن بلورم آی یارالی نعشوی دفن ایلیه تاپمادی امکان زینب حسین بخت ایوین خاطره سی واردی یادیمدان چخماز سایه سالدون باشما تا تاپا اسکان زینب من دیدیم بیرگون اولار منده عوض ایلیرم گون ایوینده یاتاسان ایلیه جبران زینب ولی نیلوم باجوا چاره یولین باغلادیلار سینوین یاره سینه ایتمدی درمان زینب یدی گوندی قارا باشدا گزورم چوللرده گجه گوندوز غموه اغلیوری قان زینب اون بیر ماه محرم ولی چخمور یاددان قتلگاهونده سنه اولدی نواخوان زینب نه باشون تنده واریدی دیدیم ایوای یارالی قویمادی شمر...اوپه قانلی بوغازدان زینب ایستدیم اللروی بو اورگیم اوسته قویام گوردوم ایوای کسلوب اولدی پریشان زینب (قهرمانی) نه یازورسان هارا گور گیتدی قلم یازدیقیجا قلمون اغلیوری قان زینب