اگر مایلید از داستان های فارسی و ترکی، سروده و داستان های صوتی من استفاده کنید وارد کانال زیر شوید.
https://eitaa.com/azimsarvdalir
لیست مطالب:
@azimsarvdalir
در داخل کانال، با زدن انگشت روی هرکدام از کپشن های زیر به آن قسمت هدایت می شوید
🌸🌹🌸🌹🌸🌹🌸🌹🌸🌹
#مقتل_لهوف_ترکی
#غدیر_خم_ماجراسو
#نوحه
#Persian_Gulf
#ترکی_داستانلار
#چگونه_شاعر_شدم
#نخستین_سروده
#تورکو_مثللریمیز
#تورکو_مثللر
#کتابنامه_سرو
#داستان_سرو
#صناعات_شعر
#داستان_علمدار_آناسو
#کربلا_اسیرلری
#شعر_ادبیات
#خاطره
#آدلو_سانلو_آنالاد
#شعر_سپید
#گفتنی_مدرسه
#داستان_زندگی
#خرده_خاطرات #نگارش #گلخندان_نقیللری
#قالب_شعر_ترکی
#گنجینه_زبان_مادری
#هوش_مصنوعی
#قورد_و_عشق
#بالا_بهشت
#سیز_بویورون
#خاطره_هم_کشیکی
#در_مکتب_حضرت_فاطمه_سلام_الله_علیها
#حدیث_کسا
#گلخندان_خاطره_لری
اسرای کربلا (۱)
قوجا کیشینین توبه اِئلَه‌مَه‌گی و شهید اُلماقو
اُننا که اسیرلَری جامع مسجدین یانوننا ساخلاموشدولا، بیر قوجا کیشی گَلدی اَسیرلرین یانونا، دِئدی:
" شکر اُلسون تارویا که سیزئی اُلدوردو، شهرلری سیزئی کیشی‌لَریئیزین فتنه‌سیننَن قورتاردو، امیرالمؤمنین یزیدی سیزئَه مُسللط اِئلَه‌دی."
امام زین‌العابدین علیه‌السّلام بُیوردو:
" ای شیخ! قرآن اُخوموشای؟"
قوجا کیشی دِئدی:
"بله! اُخوموشام."
حضرت بُیوردو:
" بو آیه‌نی اُخوموشای؟ " دِئگینَن من رسالَتیمه گُرَه، اَقربام دوستلوقوننان ساوای، سیزدَن هِئچ زاد، اَل مُزدو ایستَه‌میرَم"
قوجا کیشی دِئدی:
"بله! اُخوموشام."
امام زین‌العابدین علیه‌السّلام بُیوردو:
" بیز اِئلَه اُ اَقربایوخ. دِء گُروم بو آیَه‌نی‌دَه اُخوموشای؟ "پیغمبر اَقرباسونون حققینی وِئرین"
قوجا کیشی دِئدی:
"بله! اُخوموشام."
امام زین‌العابدین علیه‌السّلام بُیوردو:
" بیز اِئلَه اُ اقربایوخ. دِء گُروم بو آیَه‌نی دَه اُخوموشای؟ "بیلین هر نَمَه غنیمت اَلَه گَتیردیئیز اُنون بِئش‌دَن بیری، تارونون، پیغمبرین، پیغمبرین اَقرباسونون، یُخسوللارون و یولدا قالانلارونکی‌دی"
قوجا کیشی دِئدی:
"بله! اُخوموشام."
امام زین‌العابدین علیه‌السّلام بُیوردو:
" بیز اِئلَه اُ اَقربایوخ. دِء گُروم بو آیَه‌نی‌دَه اُخوموشای؟ "تارو ایستیری پیس‌لیگی سیز اهل‌بیت‌دَن ایراق اِئلَه‌یِب، سیزئی تَر تَمیز اِئلییَه"
قوجا کیشی دِئدی:
"بله! اُخوموشام."
امام زین‌العابدین علیه‌السّلام بُیوردو:
" بیز اِئلَه اُ اهلبیت‌ئیگ که تَر تَمیز اُلماق آیه‌سی اُلارا گُرَه گَلیب."
قوجا کیشی بو فرمایش‌لَری امام زین‌العابدین‌نَن اِئشیدَن‌نَن سورا سَسی‌نی کَسدی. دانوشدوقوننان پِشمان اُلدو. بیر دَمنَن سورا دِئدی:
"سَنئی آند وِئریرَم تارویا ، دِء گُروم سیز پیغمبر اَقرباسویویوز؟"
امام زین‌العابدین بُیوردو:
" تارویا آند اُلسون، بیز اِئلَه اُلاروخ، بوننا هِئچ شک یوخ. آند اُلسون جددیم تارونون رسولونون حققینه اِئلَه بوجوردو که دُروب!"
قوجا کیشی آغلادو، عَممامه‌سینی باشوننان گُتوردو چیرپدی یِئرَه، دِئدی:
" بارالها! مَن اُزومو آل محمد دشمَن‌لَریننَن، جِنّ اُلا یا اِنس، ایراخ چِئکیب سَنَه سارو گَلیرَم. "
قوجا یِنگیشدَن قِئیِتدی امام زین‌العابدین علیه‌السّلاما سارو، عرض اِئلَه‌دی:
" منیم توبَم قبول اُلاننو؟"
امام زین‌العابدین علیه‌السّلام بُیوردو:
" بله! اَیَه توبه اِئلَه‌سَی تارو توبه‌یی قبول اِئلَر. اُننا سَن بیزیمنَن‌ئَی."
قوجا دِئدی:
" من توبه اِئلیرَم. پِشمانام!"
قوجا کیشینین خبری یِئتیشدی یزیدَه. اُ ملعون فرمان وِئردی قوجانو شهادته یِئتیردیلَه.
#کربلا_اسیرلری
#عظیم_سرودلیر
کربلا اسیرلری (2)
شام‌لو کیشینین حضرت سکینه نی کنیزلیگه ایسته مه گی
بیر نفر شام کیشی‌لَریننَن باخدو امام حسین علیه‌السّلامون قیزی، سکینَیَه یزیده دِئدی:
" ای مؤمن‌لَرین امیری! بو کنیزی مَنَه باغوشلا!"
فاطمه عممَه‌سینه دِئدی:
"عممَه جان! یتیم‌لیگیم آزدو که کنیزچیلیگ‌دَه اِئلییَم!"
زینب سلام‌الله علیها بیلَه‌سینی اُوُددو، بُیوردو:
" قُرخما! بو ایش باش توتان دَئگیل!"
شام‌لو کیشی دِئدی:
" مَیَه بو قیز کیم‌نی؟"
یزید دِئدی:
" بو، حسین قیزی، فاطمه‌دی. اُ بیریسی‌دَه زینب، علی‌بن ابیطالب قیزی‌دی. عیبی یوخ باغوشلارام. "
شام‌لو کیشی دِئدی:
" ای یزید! تارو سَنه لعنت اِئلَه‌سین! تارو رسولونون عترتینی قَتلَه یِئتیریب، اُشاخلارونو اسیر اِئلیرئَی! بِئلَه بیلدیم بولار روم اسیرلری‌دیلَه!"
یزید دِئدی:
" تارویا آند اُلسون سنی‌دَه اُلارا قوشارام!"
فرمان وِئردی اُنوننا بوینونو وُردولا. اُننان سورا فرمان وِئردی، خطبه اُخویان چیخَه منبرَه، امام حسین علیه‌السّلام و آتاسو علی‌بن ابوطالب علیه‌السّلاما یامان دِئیَه. خطبه اُخویان، یزید فرمانویونان چیخدی منبردَه حضرت امیرالمؤمنین علی علیه‌السّلام و حضرت امام حسین علیه‌السلاما یامان دِئمَگدَه و معاویه و یزید‌دَن تَریف‌لَه‌مَگدَه هر نَه باشوروردو دانوشدو. امام سجّاد علیه‌السّلام اُجا سَس‌ئینَن سَسلَن‌نی:
" وای اُلسون سَنَه ای خطبه اُخویان! یارادان خشنودلوقونو ساتدوی یارانموش خشنودلوقونو آلدوی! سَنئی یِئرئی قیامتدَه دُلودو اُتونان."
سِنان خَفاجی اُغلو، امیرالمؤمنین علیه‌السّلامون وصفیننَه یازوب :
"سیز گون و گونارتانون چاقو چخیب منبرلریمیزدَه اُنا یامان دِئیِریئیز"
" اُنون قیلیجی‌ئینَن منبرلَر سیزئی اَلیئیزَه دوشوب"
یزید اُگون قول وِئردی اُچ حاجت امام زین‌العابدین علیه‌السّلامنان یِئرینه یِئتیرَه. فرمان وِئردی اسیرلَری بیر یِئردَه منزل وِئردیلَه که نه سُوُخدان اَماننایودولا نه ایسسی‌دَن. بِئلَه اُلدو که اُ مدّتی که اُردایودولا اُزلرینین دَریسی قابوخ سالدو تُکولدو. اُ مُدّتی که شامنایودولا ایش‌لَری بیر باش امام حسین علیه‌السَّلامون شهید اُلماقونا آغلاماقودو.
#کربلا_اسیرلَری
#عظیم_سرودلیر
کربلااسیرلَری
شام یُلوننا
ابن زیادون کاغاذو یزیده چاتدو. یزید کاغاذون مضمونونا دؤشؤننؤ، جوابوننا عبید‌الله زیادا یازدو که امام حسین علیه‌السّلام و آیرو شهیدلرین موبارک باشلارونو، آرواد اُشاخلارو و تالانموش زادلارو شاما گُننَرَه. ابن زیاد، ثَعلَبَه عائِذی‌نی ایستَه‌دی، باشلارو و اسیرلری تاپشوردو بیلَه‌سینه که کافرلَر اسیرلَری تَکین منزل به منزل بیر جور بیلَه‌لَرینی شاما آپارا که هامو بیلَه‌لَرینه تاماشا اِئلییَه له.
لُهیعَه اُغلو دِئیِری: تارو اِئویننَه کعبه دِورونه دولانوردوم، گُردوم بیر نفر دِئیِری:
" بارالها منی باغوشلا! بیلیرَم که باغوشلامویاجاقای!"
بیلَه‌سینه دِئدیم:
" تارودان اوتان! بِئلَنچی سُز دِئمَه! اَیَه گوناهلاروی یاغوشلار دَنَه‌لَریننَن، آغاچلار یارپاخلارونناننا چوخ اولسالا، سن تارودان باغوشلاماق ایستییَی، عَزّ و جَلّ تارو اُلارو باغوشلار. تارو چوخ باغوشلویان و رحم اِئلییَن‌نی."
اُ کیشی دِئدی: گَل اُتور تا اُزومون حکایتی‌می سُویلَه‌ییم، دالوجه باشلادو تعریف اِئلَه‌مَه‌گَه:
" بیز، اَللی نفرئیدیگ که حسین علیه‌السّلامون باشونو آپاروردوخ شاما. گِئجه اُلاننا باشو قویوردوخ بیر تابوتون ایچینه یِئغیلیردیگ دِورونَه چاخور ایچیردیگ. گِئجَه‌لَرین بیریسیننَه، آیرو گِئجَه‌لَر کیمین رفیق‌لَریم چاخور ایچدیله مست اُلدولا. من اُ گِئجه ایچمَه‌دیم. گِئجه‌نین قارانقولو دؤشَننَه، گُوی گوروللَه‌دی، ایلدیریم چالدو. گُردوم گوی‌لَرین قاپولارو آچولدو، حضرت آدم، حضرت نوح، حضرت ابراهیم، حضرت اسماعیل، حضرت اسحاق و بیزیم پیغمبریمیز محمد- تارونون درودو اُنا و اولادونا اُلسون- گُویدن اَننیلَه یِئرَه. جبرئیل بیر گروه فرشته‌لَرئینَن اولارون خدمتیننَه‌ئیدیلَه.
جبرئیل گَلدی تابوتون یانونا، اُ موبارک باشو تابوت‌دان چوخاددو، یاپوشدوردو دُشونَه. پیغمبرلَر‌دَه بیربَه‌بیر موبارک باشو زیارت اِئلَه‌دیله. حضرت رسول (ص) اُ باشا باخوب، آغلوردو. پیغمبرلَر بیله‌سینه باشوی ساق اُلسون دِئیِردیلَه. جبرئیل اُ حضرتین خدمتینه عرض اِئلَه‌دی:
" عَزّ و جَلّ تارو منَه فرمان وِئریب سَننَن فرمان آپارام، اممَت‌ئیَه گُرَه هرنَمَه بُیورسای یِئرینه گَتیرَم. اَیَه بُیورسای یِئری تیتیرَه‌دَرَم، آستو اوست ائلَرَم، اوستو آست، نیجَه که لوط قومونون باشونا گَلدی. تارونون رسولو بُیوردو:
" یا جبرئیل! بو ایشی گُرمَه! مَنیم‌نَن اُلار، قیامتدَه، تارو حضوروننا دوراجایوخ."
فرشته‌لَر، یِئریدیلَه بیزه سارو بیزی قیرَه‌لَه. من چاقوردوم:
" ای تارونون پیغمبری! امان وِئر!"
تارونون رسولو بُیوردو:
" گِئت! تارو سَننَن گِئچمَه‌سی!"
تَذبیل کتابوننا، نججار اُغلو، محمد، بغداد مَحَددِثلَرینین شیخی، یازوب:
"امام حسین علیه‌السّلام شهید اُلاننان سورا، باشونو آپاروردولا شاما. باشو آپارانلار، هر اُتراقدا چاخور ایچیب مست اُلوردولا، اُ موبارک باشو اَل‌به‌اَل دُلاننوروردولا. بو چاننا، بیر اَل گُرسَننی، بیر دَمیر قلم‌ئینَن دوفاردا یازدو:
حسین علیه‌السّلامو اُلدورَنلَر، قیامتدَه نَجور باباسونون شفاعتینَه اومودلارو وار!"
ابن زیادون مأمورلارو بو صحنه‌نی گُرَننَه، هاموسو بیراخدولا قاچدولا.
ابن زیادون مأمورلارو امام حسین علیه‌السّلامون موبارک باشونو، اهل و عیالونو و آیرو اسیرلَری شاما سارو آپاردولا. بیر آز دَمشقَه قالاننا، حضرت اُم کلثوم شمره بُیوردو:
"سَنَه بیر حاجتیم وار!"
شمر دِئدی:
"حاجتئی نَمَه‌دی؟"
حضرت ام کلثوم بُیوردو:
" شهره گیرَننَه، بیزی بیر قاپودان آپارون که گِئد گَل و تاماشاچو آز اُلسون! قشونویا تاپشور باشلارو اسیرلَر ایچیننَن چوخادوب بیر آز ایراخدان آپارسونلا! بلکه بیزیم خوارلوقوموز بیر اَندازا آزالسون."
اُ ملعون کینه‌سیننَن، تَرسَه تَرپَننی. فرمان وِردی باشلارو اسیرلَر آراسوننا آپاردولا، اُزلرینی‌دَه لاپ گِئد‌گَللی قاپودان شهره گِئچیردیب، گَتیردیلَه جامع مسجدین قانشاروننا ساخلادولا ، اُ یِئردَه که کافر اسیرلَری ساخلاردولا.
#کربلا_اسیرلری
#عظیم_سرودلیر
خواندنی های سرو
کربلا اسیرلری (2) شام‌لو کیشینین حضرت سکینه نی کنیزلیگه ایسته مه گی بیر نفر شام کیشی‌لَریننَن با
کربلا اسیرلری (3) روم سفیری شهید اُلدو
امام زین‌العابدین علیه‌السّلام بؤیورورو: حضرت امام حسین علیه‌السّلامون موبارک باشونو یزید یانونا گَتیرَندن سورا، اُ ملعون هر گون چاخور مجلیسی قوروردو، اُ موبارک باشو قُیوردو قانشارونا، چاخور ایچیردی، مست اُلوردو، شادلوق اِئلیردی. بیر گون، روم قیصرینین سفیری اُ مجلیس‌دَه‌ئیدی. سُروشدو:
" ای عرب پادشاهو! بو کیمین باشودو؟"
یزید دِئدی:
"سَنئی بوندان نه ایشئی وار؟ "
سفیر دِئدی:
" بونا گُرَه سُروشورام که من اُز پادشاهوموز یانونا قِئیِدَننَه، اُ مَننَن هامو زادو سُروشاجاق. من اَیَه بو باشون اُلوب اُلاجاقونو بیلَه‌سینه دِئسَم اُدا سَنئی شادلوقویا شریک اُلار."
یزید دِئدی:
" بو، علی‌بن ابیطالب اُغلو، حسین باشودو."
سفیر سَروشدو:
" آناسو کیمدی؟"
یزید دِئدی:
" فاطمه، تارو رسولونون قیزی."
سفیر دِئدی:
" اُف اُلسون سَنَه و سَنئی دینییَه! منیم دینیم سَنئی دینئی‌نَن یاخچودو. منیم آتام حضرت داود تبارونناندو. منیم‌نَن داوُد علیه‌السّلام آراسوننا نِچچَه نِچچَه نَسل‌لَر واردو. نصارا دینین‌دَه اُلانلاز بیزه نَقَد حُرمت ساخلوللا. آیاقوموز آستو تُرپاقونو تبرّک گُتوروللَه. سیز پیغمبریئیزین قیزینین اُغلونو اُلدورورویوز که اُنوینان پیغمبرئیز آراسوننا فقط بیر آنا وار! بو نمَه‌نین دینی‌دی که سیزئی وارویوز. دِء گُروم حافِر کنیسه‌سی داستانونو اِئشیدمیشئَی؟"
یزید دِئدی:
" دِئگینَن اِئشیدیم!"
سفیر دِئدی:
" عَممانونان چین آراسوندا بیر دریا وار که اُندان گِئچمَگ بیر ایل چِئکیری. بو بیر ایللیگ یولدا سویون آراسوندا فقط بیر شهر وار که اِئن اُزونو سَکسان آقاجدان سَکسان آقاجادو. یِئر اؤزؤنده، نه اُندان ساوای آیرو آبادانلوق وار نه اُندان بُیوگ ، شهر. بو شهردن کافور و یاقوت آیرو مملکت‌لَرَه یوللاللا. اُنون هامو آغاچلارو عود و عَنبر‌دی. بو شهر کاملاً نصارا اَلینده‌دی. یِئر اؤزؤنؤن پادشاهلارونون هِئچ بیریسینین اُردا سُزو گِئچمَز.
بو شهرده کلیسا چوخدو. هاموسوندان بُیوگ کلیسا، حافر کلیساسودو. بو کلیسانون محرابوندا بیر قیزیل حُققا آسولوب. نصارا ملّتینین عقیده‌سی بودو که اُ حوققا ایچینده بیر اُلاغون دیرناقو واردو که حضرت عیسی علیه‌السّلام اُنو مینیب دُلانوردو. اُ حوققانون اُیان بو یانونو قیزیل‌اینَن و حریر پارچایونان بَزَه‌یِیب‌لَه. هر ایل نصارا میللتیَ یِئغیلیللَه اُرا، اُ حوققانون دِورونَه دُلانوللا، اُنو اُپوللَه، حاجت‌لَرینی تارودان ایستیللَه.
سیز پیغمبریئیزین بالاسونو قتله یِئتیریریئز، بوجور حؤرمَتینی سیننیریریئیز! تارو خیر و برکتینی سیزدَن گُتورسون! دینیئیزی سیزه موبارک اِئلَه‌مَه‌سین."
یزید بو سُزلَری اِئشیدجه‌گین دِئدی، بو نصرانی‌نین گَرَگ عومرونو باشا چاتدوراق، قویمویاق دیری قالا. اَیَه دیری قالسا گِئدَر اُز تُرپاقوندا منی رُسوا اِئلَر.
نصرانی دِئدی:
" ای یزید! ایستیرئَی مَنی اُلدورئَی؟"
یزید دِئدی:
" بلَه!"
نصرانی دِئدی:
" بَس قولاق آس گُردؤگؤم یوخونو سَنَه دِئیِیم! دؤنَن گِئجَه یوخودا گُردوم تارونون رسولو مَنَه بویوردو " ای نصرانی! سَن بهشته گِئدَنئَی!" من محمد – تارونون دروردو اُنا و اولادونا اُلسون- سُزوندن تعجّب اِئلَه‌دیم. ایندی مَن شهادت وِئریریَم "اَشهَدُ اَن لا اله الّی‌الله محمداً رَسول ُالله."
اُ تازه مسلمان دوردو امام حسین علیه‌السّلامون باشونو آلدو قوجاقونا، باشلادو اُپوب، آغلاماقو تا اُ حال‌دا شهادته یِئتیشدی.
توضیح: حُققا = ظرف شیشه‌ای کوچک دردار سکسان = هشتاد
#کربلا_اسیرلَری
#عظیم_سرودلیر
کربلا اسیرلری (4)
اسیرلر آزاد اولدولا
یزید اؤزؤنو دوتدو امام سجاد علیه‌السّلاما سارو، دِئدی:
-اُ اؤچ حاجتیئی ایسته، یِئرینه گَتیریم!
امام سجاد علیه‌السّلام بُیوردو:
- بیری بودو که مولام، آقام و آتام حسینین موبارک باشونو گُرسَه‌دَی زیارت اِئلییَم. ایککیمجی‌سی بودو که بیزدَن تالانان زادلارو بیلَه‌میزه قئیتَرَه‌ئیز.
اؤچؤمجؤسؤ بودو که اَیَه ایستیرئَی مَنی قتلَه یِئتیرئَی، بیر اَمین آدامو آرواد اوشاقوموزونان قوشای اُلارو آپارا چاتدورا جدّیمیز محمد مصطفا (ص) حرمینه.
یزید جواب وِئردی:
بیریمجی: آتایون باشونو داهو گُرَه بیلمئَی.
ایککیمجی: سیزدَن تالانان مالون نِچچَه بارابارو مال وِئرَ‌ه‌رَم بیلَه‌ئیزَه.
اؤچؤمجؤ: سَنئی قانویدان گِئچدیم. سَنی قتلَه یِئتیرمییَه‌جه‌گَم. آرواد اُشاقویوزو اُزویدَن ساوای هِئچ کیم آپاروب مدینییَه یِئتیرمِیَه‌جَگ. "
امام زین‌العابدین علیه‌السّلام بُیوردو:
" منیم سیزئی مالویوزدا گُزوم یوخ. سیزدَن مال ایستَه‌میرئَم. سُز بوننادو که اُ زادلار ایچیندَه، بیر ساپ اَگیرَن ایگ، بیر بویماق، بیر باش دستمالو، بیر کؤینَگ وار که آنام فاطمه زهرا سلام‌الله علیهانون یادگارلارودولا."
یزید فرمان وِئردی تالانموش زادلارو یِئغدیلَه گَتیردیلَه. ایکی مین دیناردا امام سجّاد علیه‌السّلاما وِئردی. امام سجّاد علیه‌السّلام اُ ایککی مین دینارو آلوب یُخسوللار ایچیندَه پایلادو. اُندان سورا یزید اجازه وِئردی اهلبیت علیهم‌السّلام شام‌نان چیخیب مدینیئَه سارو تشریف آپارالا.
حضرت امام حسین علیه‌السّلامون اهل عیالو شام‌نان چیخیب مدینَیَه سارو یولا دؤشدؤلَه. کاروان عراقا چاتاندا، یول گُرسَه‌دَنَه بُیوردولا:
- بیزی کربلا یولویونان آپار!
کاروان کربلایه چاتاندا، عبد‌الله انصاری اُغلو، جابری و بیر نِئچچَه نفر هاشم اولادونو گُردولَه که آل رسولونان (ص) زیارتَه گَلمیشدیله.
بیر یاندان اهلبیت اسیرلَری، بیر یاندان جابر، بیر یاندان بنی هاشم و تارو رسولونون اهلبیتی که مدینَه‌‌دَن گلمیشدیله یِئغیلدیله کربلایه. باش گُزَه وُرماق، تُرپاق باشا سُوُرماق، اُخشایوب آغلاماق باشلاندو! قیامت قُپدو! اُ دِور و وَر بیاباندا اُتورانلارون خانوملارودا گلدیلَه قاروشدولا، نِئچچَه گونَه‌جَن کربلاده بیر اؤرَگ سیزیللادان عزا ساخلادولا که اُ باشوگُر‌سَنمی‌یَن.
اَبی حَباب کَلبی‌دَن نقل اُلونوب که گچکارلار بیلَه‌سینه دِئمیشدیلَه:
- بیر گِئجَه بیاباندا گِئدیریدیگ، امام حسین علیه‌السّلامون قتلگاهو یانوندان گِئچیردیگ. جِننی‌لَری گُردوگ که بو شعری اُخوردولا :
" تارو رسولو کربلا شهیدینین عزاسوندا اِئلَه اُزؤنؤ تُرپاقا چیرپیردی که عزا نشاناسو آللوندان مَهلیمیدی"
" حسین‌علیه‌السّلامون آتا آناسو قُریشین بُیؤگلَریندَن و جَدّی، جَدلَرین یاخچوسویودولا."
#کربلا_اسیرلری
#عظیم_سرودلیر
کربلا اسیرلری (5)
اهلبیت علیهم‌السّلامون مدینیَه قِئیِدمَه‌گی
اسیرلَر کاروانو نِئچچَه گون عزا ساخلویاندان سورا، کربلادان چیخیب گُزلَه دیلَه مدینه‌نی.
حَذلَم اُغلو، بَشیر دِئیِری: مدینیَه یُوخونلاشاندا، امام سجّاد علیه‌السّلام مرکَبین‌دن اَندی، فرمان وِئردی یوک‌لَری اَننیردیلَه، آرواد اوشاق کجاوَه‌لَردَن اَنیب خیمه‌لَری قوردولا. امام سجاد علیه‌السّلام بَشیرَه بُیوردو:
" آتای، آللاه بیلَه‌سینه رحمت اِئلَه‌سین! شاعریدی. سَنئی‌نَه شعر دِئمَگ اَلئیدَن گَلَر؟"
عرض اِئلَه‌دیم:
"بَله، ای تارونون رسولونون اوغلو! مَنده شاعرَم."
حضرت سجّاد علیه‌السّلام بُیوردو:
" گِئد مدینیَه! امام حسین علیه‌السّلامون شهادتینی مدینه‌لی‌لَرَه خبر وِئر!"
بشیر دِئیِری: آتو میندیم، چاپدوردوم مدینیَه سارو. گِئددیم مدینه‌دَه تارو رسولونون مسجدی یانوندا دوردوم ، باشلادوم آغلویا آغلویا بو شعری اُخوماقا:
" ای مدینَه‌لی‌لَر! دورماق یِئری دَئگیل! حسین علیه‌الُسلامو کربلادَه قَتله یِئتیردیلَه منیم گُزلریمین یاشو آخورو"
" نازنین بدنی کربلادَه دؤشؤب و موبارک باشو نیزه باشوندا گَزیری"
< یا اَهلَ یَثرِبَ لا مُقامَ لَکَم بِها * قُتِلَ الحسینُ فَاَدمُعی مِدراراً >
<اَلجِسمُ مِنهُ بِکَربَلاءُ مُضَرَّجٌ * وَالرّأسُ مِنهُ علی القناةِ یُدارُ>
مدینَه‌‌لی‌لَره شهادت خبرینی وِئرَننَن سورا بیلَه‌لرینَه دِئدیم که ایندی امام زین‌العابدین علیه‌السّلام عَمّه‌لری‌اینَن مدینه یُوخونلوقوندا اُتراق اِئلَه‌یِبلَه. من اُلارون قاصیدییَم. گَلمیشم اُلارون اُتراق یِئرینی سیزه گُرسَه‌دَم. گِئدین پِشوازلارونا! مدینه‌لی‌لَر بو خبری اِئشیدجَه‌گین، کیشی‌دَن آروادا، اوغلاندان قیزه، بُیوگدَن کؤچؤگَه قالمادو که تُکؤلمؤیَه‌لَه چُلَه. آروادلار قیزلَر پرده‌لَر دالوندان چیخدیلَه باشلارونو آچوب، تؤکلرینی پریشان اِئلَه‌دیله، اؤزلرینَه باشلارونا وُروب نالا چِئکیردیلَه. من اُگؤن‌کی گؤن تکی باش گُزَه وُروب آغلاشماق دونیادا گُرؤب، اِئشیدمَه‌میشدیم. موسلمانلارا اُگؤن‌کی کیمی یامان گؤن اُز وِئرمَه‌یِب.
بشیر دِئیِری: بیر خانومو گُردؤم آغلویا آغلویا بو شعری اُخوردو :
"خبر وِئرَن، آقا و مولامون شهادت خبرینی وِئردئی
* بو خبر منی اینجیدیب غوصصالو اِئلَه‌دی"
" ای ایککی گُزلَریم، یاش تُکمَگ‌دَه پاخول اُلمایون
* آخان یاشلارو پای وِئرین بیر باش آخدورون"
"اُ کَسَه آغلایون که مصیبتی بُیؤگ عرشه اثر قویدو، عرشی تیتیرَه‌مَگَه سالدو "
" بو مصیبتین صدمَه‌سی دینه، اِئلَه‌دی که اِئلَه بیل دینئین بیر پاراسو قُپوب"
" آغلایون تارو رسولونون اوغلونا، علی مرتضانون گُزونون ایششیقینَه که بیزیم اُلکَه‌میزدَن ایراق دوشوب"
#کربلا_اسیرلری
#عظیم_سرودلیر
کربلا اسیرلَری (6)
امام زین‌العابدین علیه‌السّلامون خطبه‌سی
بشیر دِئیِری: من قِئیِتدیم، آتومو میندیم چاپدوردوم تا یِئتیشَم امام زین‌العابدین‌این خدمتینه. من اُرا چاتانا، اُقَدر آدام تُکؤلمؤشدؤ که هامو یُل یولاق باغلانموشدو. آتدان اَندیم، چوخ چَتینلیگ‌ئینَن اُزؤمؤ یِئتیردیم حضرتین خیمه‌سینه. امام زین‌العابدین علیه‌السّلام تشریف گَتیردی خیمه‌دَن اِئشیگَه. حضرتین اَلیندَه بیر دستمال وارودو که اُنوینان گُزونون یاشونو سیلیردی. حضرتین خدمتکارو که اَلیندَه بیر کُرسی وارودو و حضرتین دالوجا گَلیردی، گَتیردی کرسی‌نی قویدو خیمه‌دَن اِئشیگده، یِئرَه. امام سجّاد علیه‌السّلام اَیلَشدی اُنون اُستوندَه بیر حال‌دا که گُز یاشو بیلَه‌سینه امان وِئرمیردی. آرواد، کیشی، بُیوگ، کؤچؤگ اُ حضرتینَن آغلاشوردولا و اُنا تسلیت دِئیِردیلَه. بِئلَه اُلموشدو که یِئر و گُوی آغلایوب سیزیللیردی.
امام سجّاد علیه‌السّلام مبارک اَلیئینَن اشاره اِئلَه‌دی. جمعیت آراملاشدو. حضرت باشلادو دانوشماقو. بُیوردو:
" حمد و ستایش اُلسون تارویا که هر ایککی عالَمین تاروسودو. رحمان و رحیم‌دی. قیامت گونونون صاحابودو. هامو یارانموشلارو یاراداندو. اُ تارو که اُقَد بیزدَن ایراخدو که اِئلَه بیل گُویلَردَه‌دی، اُقَد بیزه یُوخوندو که بیزیم گیزلین سوزلَه‌ریمیزیدَه اِئشیدیری. اُنو ستایش اِئلیرَم که اؤز وِئرَن ایشلَرَه گُرَه، روزگارون دَئگیب دُلاشماقونا، آرقولو فاجعه‌لَرَه، یاندوران زحمت‌لَرَه، آغور بلالارا بُیؤگ‌دؤ. بَرک، بیربیر اؤستَه، سیندیرَن و یِئخیب یوموران مصیبت‌لَرَه نسبت بُیوگ‌دو.
ای مردم! تارو – که ستایش اُنونکی‌دی- بیزی بُیوگ مصیبت و اسلاما، یِئری دُلمویان خسارتینَن امتحان اِئلَه‌یِب.
بله! اباعبد‌الله الحسین علیه‌السّلام و خاندانو شهادته یِئتیشدیلَه، آرواد اُشاخلارو اسیر اُلدولا، اُ حضرتین موبارک باشو نیزَه‌لَر اُجوندا بو شهرد‌َن اُ شهره گَزدی. بو بیر مصیبت‌دی که تایو یوخدو.
ای مردم! اُ شهید اُلاندان سورا هانسو کیشی خالخویوز شاد اُلا بیلَر؟ هانسو اؤرَگ باشارو غوصصاسوز اُلا؟ هانسو گُز باشارو یاش تُکمویَه؟ بونو بیلین که یِددی گویلَر محکم بنالارویونان، دریالار موج‌لارویونان، عَرش اَرکانوینان، یِئر هامو قیراخ بوجاقو و اُلکَه‌لَری‌ئینَن، آغاچلار شاخالارویونان، بالوخلار و درین دریالار، تارونون یُوخون فرشتَه‌لَری، هامو گُوی اهلی اُنون شهید اُلماخلوقونا آغلادولا.
ای مردم! هانسو اورَگ‌دی که اُنون شهید اُلماخلوقونا تیتیرَه‌مییَه؟ هانسو اُؤرَگدی که اُنا یانمویا؟ هانسو قولاخدو که بو بُیوگ، یِئری دُلمویان حادثه‌نی اِئشیدَه عیب تاپمویا؟
ای مردم! بیز شهرلَردَن چُلَه دوشموشدوگ، قُوُلموشدوق، ایراق اُلموشدوق. بیزیم‌نَن که اسلاما ضربه وُرماموشدوق، پیس ایش گُرمَه‌میشدیگ، جُرم ائلَه‌میشدیگ کافرلَر اُشاخلارو تکی ترپَننی‌لَه. گِئچن‌لَردَه بیر بِئلَنچی آرغولو ماجرا گُرَه‌بیلمَه‌یِب.
آند اُلسون تارویا ! تارونون پیغمبری- تارونون درودو اُنا و اُنون اولادونا اُلسون- اَیَه اُجور که بیزه محبت اِئلَه‌مَه‌گی تاپشوردو، بیزمنَن چِئکیش‌مَه‌گی بیر گروها تاپشورایدو، باشارمازدولا بوندان آرتوخ جنایت اِئلییَه‌لَه. بیز تارودانوخ و اُنا سارو قِئیِدَه‌نیگ بو مصیبت‌دَن که بُیوگ، آراز گَتیرَن، آرغولو، بیر بیر اوستَه، هِئچ زادونان جور گَلمیئَن، اُرَگ ایستَه‌می‌ئَن و آغور مصیبت‌دی. بو مصیبتَه گُرَه که بیزَه یِئتیشیب، تارودان یاخچو عَوَض ایستیریگ. البته که تارو شکست یِئمییَن و انتقام صاحابودو."
امام زین‌العابدین علیه‌السّلام، بو خطبه‌نی بؤیؤراندان سورا، صوحان اُغلو، صَعصَعَه که یِئرَه یاپوشموشدو، امام‌نان عذر ایستَه‌دی که اِئلییَه بیلمَه‌میشدی امام حسین علیه‌السّلامونان گِئدَه. امام زین‌العابدین علیه‌السّلام عُذرونو قبول اِئلَه‌دی، اُندان تشکر اِئلَه‌ییب آتاسونا رحمت‌لیگ گُندَردی.
توکندی
#کربلا_اسیرلری
#عظیم_سرودلیر
اگر مایلید از داستان های فارسی و ترکی، سروده و داستان های صوتی من استفاده کنید وارد کانال زیر شوید.
https://eitaa.com/azimsarvdalir
لیست مطالب:
@azimsarvdalir
در داخل کانال، با زدن انگشت روی هرکدام از کپشن های زیر به آن قسمت هدایت می شوید
🌸🌹🌸🌹🌸🌹🌸🌹🌸🌹
#مقتل_لهوف_ترکی
#غدیر_خم_ماجراسو
#نوحه
#Persian_Gulf
#ترکی_داستانلار
#چگونه_شاعر_شدم
#نخستین_سروده
#تورکو_مثللریمیز
#تورکو_مثللر
#کتابنامه_سرو
#داستان_سرو
#صناعات_شعر
#داستان_علمدار_آناسو
#کربلا_اسیرلری
#شعر_ادبیات
#خاطره
#آدلو_سانلو_آنالاد
#شعر_سپید
#گفتنی_مدرسه
#داستان_زندگی
#خرده_خاطرات