eitaa logo
خواندنی های سرو
141 دنبال‌کننده
159 عکس
64 ویدیو
19 فایل
مشاهده در ایتا
دانلود
اگر مایلید از داستان های فارسی و ترکی، سروده و داستان های صوتی من استفاده کنید وارد کانال زیر شوید. https://eitaa.com/azimsarvdalir لیست مطالب: @azimsarvdalir در داخل کانال، با زدن انگشت روی هرکدام از کپشن های زیر به آن قسمت هدایت می شوید 🌸🌹🌸🌹🌸🌹🌸🌹🌸🌹 (داستان زندگی مرحوم پدرم ) (بخشی از داستان زندگی خودم) ( داستان زندگی شهید احمد کوچکی ) ( داستان زندگی حاج علی اصغر عسگری )
داستان: علمدار آناسو (1) آناسو اُتوروب قیزینین باشونو تاروردو، اُدا آناسونا یوخوسونو دِئیِردی: - آناجان! یوخودا گُردوم بیر باغون ایچیندَه‌یَم که بهشت‌تکین‌دی، بیر یاندان زلال سویونان دُلو آخار چایلار، بیر یاندان یاشول یارپاخلو گؤللؤ میوَه‌لی آغاجلار، بیر یاندا گوزَل سَسلی اوخویان بولبوللا. من اُتورموشدوم اُ باغدا تاماشا اِئلیردیم، باخوردوم گویَه، گوی دُلویودو ایششیخ‌لی ایششیخ‌لی اُلدوزلارونان، آیونان. بیر هاچاننا گُردوم آی گویدَن آرالاندو گَلدی دوشدو منیم اَتَگیمه، اَتَگیمدَه اِئله ایششیخ‌لَندی که ایششیقی دؤنیانو دوتدو. من بیر آز قُرخدوم، قِئیِتدیم باخدوم اَتَگیمین ایچینه، گُردوم اوچ دَنَه‌دَه چوخ ایششیخ‌لی اُلدوز اَتَگیمدَه وار. بوچاننا گُردوم بیر سَس گلدی. مَن هَرنَه باخدوم هیچ‌کیمی گُرمَه‌دیم. سَسلَه‌نَن سَسلَندنی: "یا فاطمه سَنه موشدولوخ اُلسون خانوملوقویا، اؤزؤی نورلو اُلماقا، بیر ایششیخ‌لی آیا، اوچ ایششیخ‌لی اولدوزا که آتالارو تارو رسولوندان سورا یِئر اوزونون کیشی‌لرینین آقاسودو! بیلگینَن‌کی بو موشدولوخلار خبردَه گَلیب!" آناجان بو یوخومون تعبیری نَمَه‌دی؟ ثَمامَه، فاطمه‌نین آناسو، قیزینی چِئکدی قوجاقونا، بو اؤزؤندَن اُپدؤ، اُ اؤزؤندَن اُپدؤ، دِئدی: -گوزَل قیزیم! سَنئی یوخوی دؤزدؤ، چوخ چِئکمَز که سَن بیر آقایونان توی اِئلَرئَی که هامو اُنون اَمر و فرمانوندا اولار. تارو سیزه‌ دُرد اوغلان وِئرَر که بیریسی ایششیخ‌لی آی تکی اؤچؤده ایششیخ‌لی اولدوزلار‌تکی اُلاللا. فاطمه اُزونو بیر آز اَزدیردی، سُروشدو: - آنا جان! بیر یول مَنه تَریفلَه‌دئی که من اُلاندان قاباخ آتام‌نا بیر یوخو گؤرمؤشدؤ، اُلار اُ یوخونو بیرده تریفلی‌یَی؟ ثَمامَه دِئدی: - یاخچو! بالاجان! نِئیَه اولماز! بَس تایار قولاق آسگینَن: ادامه دارد ... قسمت بعدی: بو داستانون اؤجؤ
هدایت شده از خواندنی های سرو
داستان: علمدار آناسو (۲) بیر گون آتای، حَزام، کلاب قبیله‌سی کیشی‌لری‌اینَن گِئدمیشدی سَفَره. گِئجه بیر منزیلده یوخودا گُرَر که اُتوروب بیر چمچمال چیمَن‌ده، اُیاندان بویاندان اِوجونا پارپار‌چِئکَن مروارید تُکؤلؤرؤ. مرواریدلَر اِئلَه گُزَلدیلَه که اولارون گُزَللیگ‌ئیندَن آتایون آغزو آچوق قالوب. بوندایودو که گُرَر بیر نفر بیر اوجا یِئردَن گلیری اُنا سارو. کیشی آتایا چاتاندا سلام وِئرَر.آتای سلامونون جوابونو وِئرَر. کیشی باخار آتایون اِوجونا، بیر مروارید گُرسَه‌دَر، دِئیَر: - بو گوهری نِچچِیَه وِئریرئَی؟ آتای دِئیَر: - من که بونون قیمتینی بیلمیرم، سَن دِء گُروم نِچچییَه آلورای؟ کیشی‌دَه دِئیَر: مَندَه بیلمیرَم بونون قیمتینی، آما بو بیر هدیه‌دی که پادشاهلارون بیریسی یوللایوب. کیشی دِئیَر: - من بیر زادو ضمانت اِئلیرَم که ارزشی دِرهم و دینارونان سایاگَلمَز. آتای دِئیَر: اُ نَمَه‌دی؟ کیشی دِئیَر: ضمانت اِئلیرَم که اُنون هَممَشه‌لیگجَه بُیؤگلؤگؤ و آقالوقو اُلار. اُندا بُیؤگلؤگ و خیر اُلار. آتای دِئیَر: سن بونو ضامن اُلورای؟ کیشی دِئیَر: بلی اُلورام. آتای دِئیَر: -بس بِئلَه‌دَه سَن بو ایشدَه اُرتاچو اُل. کیشی دِئیَر: -اُنو مَنَه وِئریبله مَن‌ده سَنه وِئریرَم. آتای یوخودان اُیانار، یوخوسونو رفیقلَرینه دِئیَر. اُلاردان ایستَر که یوخوسونو تعبیراِئلِیَه‌لَه. اولارون بیریسی دِئیَر: -تارو سَنَه بیر قیز وِئرَر که بیر بُیوگ شخص اینَن توی اِئلَر و سَنه باشو اوجالوخ و بُیؤگلؤگ گَتیرَر. آتای سَفردَن قِئیِدَندَه سَن منیم قارنوم دایودوی. چوخ چِئکمه‌دی که دونیویا گَلدئی. آتای سنی گُرَنده دِئدی یوخوم گَلدی یِئرینه، چوخ شاد اولدو, آدویو قویدو فاطمه. آنایویان قیز ایسسی ایسسی دانوشوردولا که بوچاننا فاطمه‌نین آتاسو، حَزام گَلدی ایچَه‌ری. حزامین دُرد گونودو که قوناقو وارودو. او زاماندا عرب‌لَردَه رسمی‌دی قوناخ گَلَندَه، اوچ گؤنه‌جَه سُروشمازدولا قوناخدان که نَمِئیَه گلیب. اوچ گون قوقللوق اِئلییَندَن سورا، دُردؤمجؤ گون قوناخدان سُروشاردولا: -قوناخ هایندان گَلیب هایانا گِئدَنئّی؟ ادامه دارد قسمت بعدی: بو داستانون اوجو
خواندنی های سرو
داستان: علمدار آناسو (۲) بیر گون آتای، حَزام، کلاب قبیله‌سی کیشی‌لری‌اینَن گِئدمیشدی سَفَره. گِئجه
داستان: علمدار آناسو (3) علی علیه‌السّلامون قارداشو، عقیل دُرد گؤنؤدؤ که حَزامَه قوناقودو. حَزام بیلَه‌سینَه داوار اُلدؤرمؤشدؤ، خدمت اِئلَه‌میشدی. ثَمامَه اَریندَن سُروشدو: -الآن دُرد گوندو عقیل قوناقوموزدو. بیلَه‌سیندَن سُروشماموشای نَمِیَه گَلیب؟ حزام باشونو آششاقو یوخارو تَرپَددی، دِئدی: - نِئیَه! سُروشموشام. ثَمامَه بیر آزدا کنجکاو اُلدو باشونو گَتیردی قاباقا، سُروشدو: -خوب، خوب، نَمَه جوابو وِئردی؟ حزام دِئدی: - گلیب اِئلچی‌لیگه. گَلیب فاطمه‌نی قارداشو علی‌یَه ایستیری. ثَمَامه اؤرَه‌گینده چوخ سُوُندو ، سُروشدو: - بس بیزی هاردان گَلیب تاپوبلا؟ حزام دِئدی: - بوسُزو من عقیل‌دَن سُروشدوم. عقیل گؤلدؤ. دِئدی: "عربلَر ایچینده من نَسَب بیلَه‌نَم. منیم هرگؤن ایشیم بودو که گِئدیب اوتوررام مدینه‌دَه تارو رسولونون مسجیدینده، هم ناماز قیللَم، همی‌دَه عربلَر یِغیلَللَه منیم دِورؤمَه، نَسَب‌لَرینی مَندن سُروشاللا. نِچچه گؤن بوندان قاباخ، قارداشوم علی (ع) تشریف گَتیردی منیم یانوما، بویوردو: - قارداش! سَن که نَسَب بیلَن‌اَی بیر یاخچو نَسَب‌لی خانوم تاپ منیم اؤچؤن که گِئدیم آلوم. ایستیرَم بیر خانوم آلام که اُندان اولان اوغلانلار اؤرَگ‌لی، وفالو، قاللاج، اَدَبلی، تارو پیغمبرینی تانویان، اهلبیتی چوخ ایستی‌یَن اوغلانلار اولالا. دالوسو وار .... بونون دالوسو: بو داستانون اوجو
خواندنی های سرو
داستان: علمدار آناسو (3) علی علیه‌السّلامون قارداشو، عقیل دُرد گؤنؤدؤ که حَزامَه قوناقودو. حَزام بی
داستان: علمدار آناسو (4) مندَه باخدوم عربلَر ایچیندَه بیر بِئلَنچی قبیله، سیز بنی کلاب قبیله‌سی‌اییِز. سیز همی بیزیم اُز ریشه‌میزدَن‌اییِز همی سیزئی کیشیلَرئیِز شجاعت‌د‌‌َه، قاللاجلوخدا، ادب و ادبیات دا، سُز دانوشماقدا، قوناخ یولا سالماقدا، تارو پیغمبرینی تانوماقدا، اهلبیتی چوخ ایستَه‌مَگدَه هامودان باشدولا. من سیزئی قیزئییِز فاطمه‌نین بویوگ نَنَه‌لَرینی اون‌بیر پوشتاجه تانورام. هاموسو، بیری بیریندَن اَدَبلی، شخصیتلی، بیلَن، سوادلو خانوموموشلا. بودو که قارداشوم علی منی گوندَه‌ریب فاطمه‌نین ایلچی‌لیگینه." ثمامه سُروشدو: - سیز نَمَه جوابو ویردیئیِز؟ حزام دِئدی: - من دِئدیم "بیزه بویوگ افتخاردو که قیزیمیز مؤمن‌لَر امیری علی خدمتیندَه اولا، آما بیری بودو که بیزیم قیزیمیز عشایر ایچیندَه چُلدَه بُیویوب، شاید شَهَر اُتوردوروندان باش چوخادمویا، بیری‌ده بودو که گَرَگ من قیزیمدَن، خانومومدان سُروشام گُرَم اولار نَمَه دِئیِللَه". ایندی دِئیین گُروم سیز نَمَه دِئیِرییِز؟ ثمامه بیر گؤلؤمسؤندؤ، قیزینین یوخوسونو بیلَه‌سینه تریفله‌دی. دالوجا دِئدی: - من قیزیمی اهلبیت محببتی‌ئینَن بُیؤدمؤشَم. فاطمه بیر کامیل قیزدی. گِئد عقیلَه دِئگینَن بیزَه‌دَه بویوگ افتخاردو که قیزیمیز بو دودمانون گَلینی اولا. حَزام فاطمه‌دَن وکالت آلدو, قِئیِددی عقیل یانونا، عقیل، قارداشو علی طرفیندَن وکیل اُلدو، حزام فاطمه طرفیندَن، مهر السسُنَّه کَبین‌ئینَن عقدی اُخودولا. تَززَه گلینی ایستیردیله آپارالا حضرت علی علیه‌السّلامون اِئوینه، اُم‌البَنین دِئدی اگر فاطمه زهرانون (س) بویوک قیزی، زینب (س) اجازه وِئرسَه من گِئدَه‌رَم بو اِئوَه، اَیَه اجازه وِئرمَه‌سَه گِئدمَم، زینب گَلدی اُ خانومون پِئشوازونا، اُم‌البَنین گِئچدی علی علیه‌السّلامون اِئوینه. اِئوَه گیرَندَه گُردو ایککی آقازاده‌لَر نُخوشدولا، یاتوبلا، گِئددی اولارون باشلارو اؤسته، اُتوردو یانلاروندا، باشلادو حاللارونو سُروشوب بیلَه‌لَرینه یِتیشمَه‌گی. بوندایودو که او ایککی آقازاده گُردولَه که آنالارونون محبت قوسو بو فاطمه‌دَن گَلیری. دالوسو وار.... بونون دالوسو: بو داستانون اوجو
خواندنی های سرو
داستان: علمدار آناسو (4) مندَه باخدوم عربلَر ایچیندَه بیر بِئلَنچی قبیله، سیز بنی کلاب قبیله‌سی‌ایی
داستان: علمدار آناسو (5) فاطمه‌نین، بیر یاندان آیونان اولدوزلار یوخوسو یادونا دؤشؤردؤ، بیر یاندان‌دا ایستَه‌میردی اُنو فاطمه چاقوراندا، فاطمه زهرا (س) اوشاخلارونون، آنالارو یادلارونا دؤشؤب غوصصا یِئیَه‌لَه، آقا امیرالمؤمنین‌دَن ایسته‌دی که آدونو اُم‌البَنین چاغورالا. علی علیه‌السّلام‌دا قبول اِئلَه‌دی. اوندان سورا بیلَه‌سینی اُم‌البَنین چاغوروردولا. فاطمه‌نین اوّل‌کی اوغلو، ابالفضل علیه‌السّلام نِچچه وختیدی دؤنیؤیا گلمیشدی. بیر گون آناسو اُم‌البَنین گلدی گُردو حضرت علی علیه‌السّلام بالا اوغلانو آلوب قوجاقونا، قوللارونو چِئکیب یوخارو بیر یاندان اُپؤرؤ، بیر یاندان آغلورو. سُروشدو: -آقاجان! بس نِئیَه همی اُپؤرَی همی آغلورای؟ آقا بُیوردو: سَن بیلمیرئَی که! بو قوللار بیر گؤن قارداشو حسین یولوندا کَسیلَه‌جَگ! اُندان سورا باشلادو کربلا داستانونو، خانومونا دِئمَه‌گی. دالوجا او مقامی که عباس تارو یانوندا تاپاجاق بیلَه‌سینَه دِئدی، بیوردو که تارو بهشت‌دَه ایککی قول یِئرینَه ایککی قَنَت بیلَه‌سینَه عنایت اِئلَر. اُم‌البَنین، بیر یاندان ائِشیددی که اوغلو حسین علیه‌السّلاما کُمَک اِئلَه‌ییب، قُشونونون علمدارو اولاجاق خوشحال اولدو، بیر یاندان اِئشیتدی بالاسونون قوللارو کَسیلَه‌جَگ غوصصا جانونو آلدو، باشلادو آغلاماقو. اُم‌البَنین‌ئین، عباس‌دان ساوای اؤچ اوغلودا اولدو، عبدالله، جعفر و عثمان. هاموسو کربلادا شهید اولدولا و اُم‌البَنین اُلدو دؤرد شهیدین آناسو. اُندا که امام حسین علیه‌السّلاما مدینه‌ده آراسا تنگ اولدو ایسته‌دی مدینه‌دن چیخیب مککیَه یا آیرو یانا تشریف آپارا، امّ البنین اوغلانلارونو قوشدو او حضرتین یانونا، تاپشوردو بیله‌لرینه بالام حسینه گُز اولون! اؤرَگ اُلون! اُنون فرمانوندان چیخمَه‌یِین!"" دالوسو وار... بونون دالوسو: بو داستانون اوجو
خواندنی های سرو
داستان: علمدار آناسو (5) فاطمه‌نین، بیر یاندان آیونان اولدوزلار یوخوسو یادونا دؤشؤردؤ، بیر یاندان‌د
داستان: علمدار آناسو (6) اُندا که بشیر گلدی که کربلا خبرینی و کربلا اسیرلرینین قِئیِدمَگ خبرینی مدینه‌لی‌لَره وِئرَه، اُم‌البَنین بشیردَن سُروشدو: - بشیر امام حسین علیه‌السّلامدان نَمَه خبرئی وار؟ بشیر دِئدی: - تارو سَنَه صبر وِئرسین! عباسُوی شهید اُلدو. اماُم‌البَنین بُیوردو: - حسین علیه‌السّلام‌دان مَنَه خبر وِئر! بشیر دِئدی: -او بیریسی اوغلانلارویدا شهید اولدولا. اُم‌البَنین بُیوردو: - مَنَه ابی‌عبدالله‌دان خبر وِئر! همی اوغلانلاروم، همی هَرنَه که گؤی آستوندا وار فدا اُلسون ابی‌عبدالله حسینه! بشیر دِئدی: - حسین علیه‌السّلامودا شهید اِئله‌دیلَه. اُم‌البَنین بو خبری ایشیدَندَه باشلادو آغلایوب صیدقاماقو ، بویوردو: - ای بشیر! اورَه‌گیمین بندینی قیردئی! اسیرلَر گلیب یِئتیشَندَه، حضرت زینب سلام الله علیها، ابالفضل علیه‌السّلامون قانلو قالخانونو که آناسونا یادگار گَتیرمیشدی، بیلَه‌سینَه وِئرَنده، اُم‌البَنین قالخانو گُرَنده هوشدان گِئددی، یِئخیلدی یِئرَه. هوشا گَلَندَن سورا باشلادو عباسونو اُخشاماقا: ای رشید اوغلوم عباسی گُرَن گُردوی نیجه علی کیمین اوغلوم دوشمن‌لَر اؤستَه حملَه آپاردو! علی بالالارو هاموسو شیر بیشه‌دیلَه، شجاعتده تک‌دیلَه اِئشیدمیشَم بالامون باشونا عمود وُروبلا آما اوندان قاباخ قوللارونو قلم اِئلَه یٍبلَه اَیَه قُلو اولایدو کیم اونا اَل تاپاردو! عباس جان، عزیزیم اَیَه قیلیج اَلئیدَه اولسایدو کیم سَنَه قانشار گَلَه‌بیلَردی! مَنی اُمّ‌البنین چاغورمایون بو آد مَنی شیر کیمین اوغلانلاروم یادونا سالورو امُّ البنین یانو، اوغلانلار آناسو منیم داهو اوغلوم یوخ که اوغلانلار آناسو چاغورالا منیم دُرد اوغلوم وارودو شکار دوتان قوش کیمین هر دُردو کربلاده شهید اولدولا دالوسو وار ... بونون دالوسو: بو داستانون اوجو
خواندنی های سرو
داستان: علمدار آناسو (6) اُندا که بشیر گلدی که کربلا خبرینی و کربلا اسیرلرینین قِئیِدمَگ خبرینی مدی
داستان: علمدار آناسو (7) امّ البنین، کربلا ماجراسوندان سورا، هرگون نوه‌سی عبیدالله، ابالفضل اوغلونون اَلینی دوتاردو تشریف آپاراردو بقیعه، بقیع‌دَه اِئله نوحه اُخویوب آغلاردو که مدینه‌نی زیلبَمَه سالاردو. مدینه‌لی‌لَر یِغیلَردیله اُنون دِورونَه، اُنوینان نوحه اُخویوب آغلاردولا، اُ یِئرَه‌جَن که مروان حَکَم، اُ زاماندا، مدینه‌نین داش اورَگ حاکمی‌ده قاروشاردو اولارونان آغلاردو. ام البنین، امام حسین علیه السلامو، امام اُلدوغونا گُرَه چوخ چوخ ایستَردی، اُیودو که بشیردَن‌دَه اوّل امام حسین علیه السلامو سُروشدو. ام‌البنین‌ئین وفاسو، امیر المؤمنین علی السّلامادا بوندان مهلیم اولدو که حضرت علی علیه السّلام شهید اُلاندان سورا، دؤل قالدو، اَرَه گِئدمَه‌دی. نوفل اوغلو مُغَیرَه که عرب‌لر ایچیندَه تانونموش بیر آدامودو، حضرت علی علیه السلامون آیرو خانومو، اَمامَه‌نی ایستَه‌دی. امامَه گلدی اُم‌ّالبنین‌ئینَن شورلاشدو، اُم‌ّالبنین بُیوردو: -سزاوار دَئگیل، علی‌دَن سورا بیر آیرو کیشینین آروادو اولاق، بیر آیرو اِئوَه گِئدَگ. اُم‌ّالبنین‌این بو بیرکلمه سوزونه گُرَه، علی علیه السّلامون آیرو خانوملارو، لیلی تَمیمیَّه و عَمیس قیزی اَسمادا آیرو اَرَه گِئدمَه‌دیله. ام البنین حدیث نقل ائلییَن خانومودو، و اوغلو ابالفضل‌کیمی باب‌الحوائج‌دی. قوتاردو منبع لر: https://hawzah.net/fa/Magazine/View/3282/4771/ http://alhassanain.org/persian/?com=content&id=2011 https://qurantv.ir/content/28175
اگر مایلید از داستان های فارسی و ترکی، سروده و داستان های صوتی من استفاده کنید وارد کانال زیر شوید. https://eitaa.com/azimsarvdalir لیست مطالب: @azimsarvdalir در داخل کانال، با زدن انگشت روی هرکدام از کپشن های زیر به آن قسمت هدایت می شوید 🌸🌹🌸🌹🌸🌹🌸🌹🌸🌹